M. de Scepeany de la Vieuville, gouverneur de Melz

Le 7^ il y eut une compagnie de Huguenots entre Sens et Troyes détaiste.

La veille delà Pentecoste d6'du moys, fut faicte une alarme dedans Paris : on dict que c'est le roy de Navarre et MM. du Conseil qui la feirent faire, lesaultres disent que c'estoit une compagnie de Piéraontoys qui estoit arrivée.

Environ ce temps M. Dam ville, fils de M. le connestable fut eslu admirai de France au lieu du nepveu du connestable, nommé Gaspard de Coligny *.

Le jour de la Pentecoste le cardinal de Lhorraine prescha- le matin et après dîner à Notre-Dame de Paris, où il y avoit grande affluence de grands seigneurs et de peuple ; lors estoient bouchées plusieurs portes de ladiste église.

Le lundy ceulx de la ville de Paris commencèrent à faire leurs monstres par quartier. Le jour de la feste Dieu, il y eut encore esmotion en la rue Saint-Denys à l'enseigne du Lion : il y eut un huguenot tué et le meurtrier mené prisonnier.

Ledist jour l'artillerye fut menée sur le boulevard près des Chartreux.

Il fut publié un édict que tous les huguenots sortiroient de Paris : M. le lieutenant criminel Luillier en prist la charge, excepté des conseiller et président, disant qu'il y avoit des présidents qui pouvoient mieulx cognoistre la vie tant des conseillers que des présidents que luy.

Le prince de Condé fist faire des testons des reliques