Registre des Matinées, X!° 4797, fol

3. Tout ce paragraphe a été reproduit par D. Félibien, Histoire de la Ville de Paris, t. IV, pièces justificatives, p. 595.

avecques pluseurs des bourgois, manans et habitans d’icelle Ville en grant nombre, en la presence desquelx furent apportées par Robillart, chevaucheur du Roy, lettres de par le duc de Bourgongne, responsives à celles que, ou mois de janvier derrain passé, les gens d’eglise, prevost des marchans, eschevins et bourgois de ceste dicte Ville escripvirent et envoierent audit duc de Bourgongne, avecques autres lettres de mons' de Noyon, messire Jehan de Pressy et Guillaume Sanguin; de toutes lesqueles fut publiquement faicte ouverture et lecture, et après icelle faicte fut ordonné par l’oppinion des assistens que desdictes lettres dudit duc de Bourgogne coppies ou doubles seront faiz et baïllez tant en la Chambre desdiz Comptes, ou Chastellet, comme ailleurs aux colleges de ceste Ville, pour icelles veoir et adviser pendant la venue de mons' le Chancellier, que on esperoit brief, afin d'y deliberer et conclurre plus seurement, quant pour ce faire on seroit mandé et assemblé.

Jeudi, xxiij° jour de fevrier, avant les plaidoiries furent au Conseil mess'"* m° Robert Piedefer, president, m° Jaques Branlart, m° Jehan Vivien!....., presens lesquelx, ledit maistre Jaques Branlart dist qu’il luy sembloit qu'il estoit expedient et très necessaire de deliberer et adviser qu’il estoit expedient de faire sur les lettres, samedi derrain passé apportées de par le duc de Bourgongne, responsives à celles que ceulx de ceste Ville luy avoient escriptes, sur quoy mesdis seigneurs ont eu advis et deliberacion, et finablement ordonnerent que de par la Court sera mandé le prevost des marchans, auquel par mesdis seigneurs Branlart et Voton sera demandé et sceu quel advis et deliberacion luy, les eschevins et les bourgois de ladicte Ville ont eu ensemble sur le contenu desdictes lettres, afin que,