CHANOINE DE NOTRE-DAME DE PARIS

30 juin 4438.

L'an mil CCCC XXX VIIT, le lundi xxx° et derrenier jour du moys de juing et aultres jours ensuivans, à la requeste de venerables et discretes persones, maistres Phelippe Bouron, chanoine de Laon, et chantre et chanoine de Saint-Honoré à Paris, Phelippe Bajart, curé de l’eglise parrochial de Nully-sur-Marne, prebstres, et Pierre Moret, clerc, tous executeurs du testament de feu maistre Clement de Fauquembergue, nagueres, comme il vivoit, doyen d'Amiens, chanoine de Paris et conseiller du Roy nostre Sire en sa Court de Parlement à Paris, et en la presence de venerables et discretes personnes, maistres Guillaume Colin, chanoïine de Paris et conseiller d’icellui seigneur en sadicte Court de Parlement, de par messeigneurs de ladiele Court, et maistre Pierre d'Orgemont, aussi chanoine de Paris, de par messeigneurs de chapitre de Paris, commis et deputez à estre presens à veoir faire inventoire des biens appartenans à l'execution dudit deffunct par Pierre Belle, huissier de ladicte Court, ad ce commis de par ladicte Court, comme appert par sa commission dont la teneur s'ensuit : « À messeigneurs de Parlement supplient humblement les executeurs du testament ou ordonnance de derreniere voulenté de feu maistre Clement de Fauquembergue, en son vivant chanoine de Paris et conseiller du Roy nostre sire, comme ledit deffunct par son testament ait soubmis à la court dudit Parlement l’execution de son dit testament, et soit besoing de proceder à faire l'inventoire des biens dudit deffunct, qu'il vous plaise commettre à faire ledit inven-