Voir plus haut, p

vostre fille l'Université de Paris a bien eu cause de s'esjouyr.

« Très excellent..., etc., vostre très humble et première fille l'Université de Paris, nostre mère, vous supplie qu'il vous plaise la tenir tousjours en vostre bonne grâce et confermer les privillèges que voz très nobles ancestres ont donné à icelle et ses suppostz pour sa décoration. Et nous, qui sommes suppostz et enffans de ladicte Université, avons délibéré, moyennant la grâce de Nostre-Seigneur et soubz l'ombre de vostre très prudente Majesté, vivre en bonne concorde les ungs avecques les aultres et mectre peyne, ensuivant les vertueux actes de noz anciens, faire florir icelle nostre mère, laquelle vous présente et offre toutes les prières, oraisons et aultres fructueuses œuvres qui se font chascung jour en icelle, pour intercéder nostre Sauveur et rédempteur Jésus-Christ pour l'entretenement et augmentation de ce très noble royaume en bonne paix et unyon, pour la continuation de vostre bonne prospérité et de la Royne vostre espouse, de Madame, de Messeigneurs les princes du sang et de vostre bon conseil. — Et quant à moy, vostre très humble et très obéissant subject, je supplie Vostre très haulte Majesté qu'il luy plaise me pardonner sy j'ay prins la hardiesse de l'ennuyer d'ung sy maigre et inculte langage, combien que l'ay faict par commandement et pour faire fin.

« Très excellent. . . , etc. . ., je prye le benoist Créateur et Rédempteur du monde qu'il vous doint longue et grande paix et triumphe et prospérité en ce très noble royaume de France et après vous couronne en paradis . »

Amen.

1515] DE JEAN BARRILLON. 51

Ladicte oraison finie, monsieur le Ghancellier dist ce qui s'ensuit, que j'ay cy couché selon ma fantasye :

« Messieurs, le Roy, nostre souverain seigneur, a entendu ce que, de par l'Université de Paris, sa première aisnée fille, lui a esté proposé, et est très joyeulx de ce que vous, qui estes les suppostz et enffans d'icelle, avez bon voulloir et envye de vivre en amour et concorde les ungs avecques les aultres, ce que ledict seigneur désire de tout son cœur et est le plus grand service que luy sçauriez faire. Par concorde les petites choses croissent et par discorde les grandes s'anéantissent. Tant que la chose publicque de Rome a esté en paix et concorde et que les citoiens d'icelle, hors mis toute cupidité et proffict particulier, ont vescu en amour et unyon les ungs avecques les aultres, elle a triumphé et prospéré, en sorte qu'elle a submis soubz sa domination le reste du monde. Mais quant, par la damnée sédition qui fut entre Marins et Sylla, les cytoiens romains ont esté partiaulx et que l'infâme table de proscription faicte par ledict Sylla a eu lieu, ilz ont esté tant persécutez de guerres civilles et intestinnes qu'ilz ont esté faictz pauvres et subgectz. Et vostre estât et vaccation est de vivre en repoz et, quant ainsi le ferez et continuerez, pouvez estre asseurez que n'eustes jamais Roy ne prince qui tant vous aymast ne vous donnast tant de privilèges et grâces que fera le Roy.

« Ledict seigneur vous exhorte que, ensuivant les bonnes et louables coustumes de voz anciens, qui ont esté vertueux et sçavans, vous continuez l'estude en toute ferveur et faciez florir ceste Université, qui, de tout temps, a esté en grand bruict et renom sur toutes

aultres universitez de la chrestienté, pour la décoration et exaltation de laquelle les très chrestiens Roys de France ont donné plusieurs beaulx privilèges et franchises, affin que les suppostz de cette Université eussent plus occasion d'estre fervens à l'estude et que ne feussent aulcunement troublez ne discontinuez par les gens séculiers né aultres. Geste Université a produict plusieurs vertueux et sçavans personnages qui, par leur éminente science, non seullement l'ont décorée, mais ont esté clères lumières à toute la chrestienté.

« Pour continuer icelle ferveur d'estude et ensuyvre les meurs de voz anciens, sera besoing, premièrement, que viviez en bonne amour les ungs avec les aultres, sans avoir procez ne querelles s'il est possible. Par ce moyen, donnerez bonne exemple à voz escoUiers et les animerez à l'estude et à faire bon fruict, qui est la principalle cause pour laquelle on les envoyé devers vous. — Daventaige, sera besoing que ne preniez soucy et ne vous entremectiez aulcunement des affaires publicques, ains seullement de voz affaires privez et qui concernent vostre estude. Par ce moien ne vous discontinuerez de vostre estude ne donnerez cause à voz escoUiers d'estre brigueux et discolles, et les estrangers qui demeurent en vostre Université, lesquelz souventesfois s'estudient à porter dommaige, en ce que leur est possible, à ce royaume, n'auront occasion de faire, dire ou conseillier quelque mauvaise chose aux François et autres regnicoUes estudians en ceste Université, qui, pour leur jeunesse, légièreté et incapacité d'entendement, ne considèrent et dicernent le bien du mal et ne demandent que nou-

velletez. On en peult congnoistre les expériences du temps du Roy Charles sixiesme et, dernièrement, au commancement du règne du feu Roy Lots douziesme pour les ordonnances^. Aussy vous sera besoing tenir et faire tenir bon ordre et discipline scolastique à voz escolliers et prendre garde que les maistres et suppostz et officiers de l'Université ne commectent aulcunes frauldes et abbuz en leurs privilèges et exemptions, qui sont grandes, et leur ont esté données affin que deuement et justement en usassent. Toutesfois, on a trouvé que, par succession de temps, aulcuns d'iceulx suppostz, par leur grande avarice et ambition, en ont voulu abuser, et de droict commun ung privilège se perd sy on en abuse. Par quoy aurez l'œil et regard que nulles frauldes et abbuz ne se commectent et que on en use bien et deuement. Vous mectrez voz privilèges par devers le conseil du Roy et on vous y pourvoyera en sorte que vous aurez cause d'estre contens, car ledict seigneur désire plus vous les augmenter que diminuer, et le plus grand plaisir et joye que sçauroit avoir sera de veoir sa première et aisnée fille, l'Université de Paris, florir et prospérer, que tous ses vraiz ministres et suppostz vivent en bonne union et concorde et que chascung, selon son estât, vaccation et auctorité, s'estudye et s'esvertue de faire et continuer tousjours de mieulx en mieulx. En ce faisant, congnoistrez que le Roy

1. Sur les ordonnances du 31 août 1498 et du 12 mai 1499 restreignant les privilèges de l'Université, voir Du Boulay, Historia Universitatis parisiensis, t. V, p. 830-834, et Crévier, Histoire de V Université de Paris, t. V, p. 1-15.

VOUS sera bon prince et vous aymera et chérira en tout ce qui lui sera possible^. »

En ce temps, les gouverneurs et gens du conseil du pais d'Escosse envoyèrent devers le Roy pour le supplier que son plaisir feust laisser aller en Escosse le duc d'Albanye, prochain parent de leur Roy, qui n'avoit que cinq ou six ans, affin qu'il feust régent du pais d'Escosse durant la mynorité de leur Roy ^. Ce que ledict seigneur accorda. Et envoya devers lesdictz gouverneur et gens du conseil d'Escosse pour son ambassadeur M^ Jehan de Plains, conseillier en son grand conseil^, lequel partit de Paris quant et le duc d'Albanie pour aller en Escosse. Toutesfois, avant que ledict duc d'Albanye partist, il vendit au Roy la Grand Nef d'Escosse, qui estoit lors en France, avec tous ses appareilz, pour le pris de xl™ livres.

Durant ce temps, la Royne Marie, vefve du feu Roy

1. Le roi confirma les privilèges de l'Université en avril 1515. (Voir cette confirmation, Arch. nat., X^a^Sôll, fol. 140-143. — Cf. Du Boulay, op. cit., t. VI, p. 70-72, et Crévier, op. cit., t. V, p. 87-89.)

2. Jacques V, fils de Jacques IV, tué en 1513 à la bataille de Flodenfield. John, duc d'Albany, fils d'Alexandre, duc d'Albany, frère du roi Jacques III, venait d'être nommé régent du royaume et tuteur du jeune Jacques V, parce que la reine douairière Marguerite d'Angleterre, veuve de Jacques IV, ayant épousé en secondes noces Archibald, sixième comte d'Angus, avait ainsi perdu ses droits à la régence et à la tutelle de son fils.

3. L' o Instruction à maistre Jehan de Plains, docteur es droietz, conseillier du Roy, ambassadeur par devers le Roy, régent et seigneur du conseil d'Escosse » (s. d.j, est dans Teulet, Papiers d' Etat relatifs à t histoire de V Ecosse, Paris, 1862, 5 vol. in-S», t. I, p. 1-3.

1515J DE JEAN BARRILLON. Sft

Lois XIP, espousa assez secrettement Charles, duc de Sufifort, ambassadeur du Roy d'Angleterre*, et peu de temps après il y eut quelque composition faicte des meubles dû feu Roy Lois XIP-.

Le dernier jour de mars, l'an M V XIIII, à Paris, fut faict et conclud ung traicté d'alliance et confédération entre le Roy et les ambassadeurs de Charles, prince des Espagnes, duquel traicté, qui fut appelle le traicté de Paris, la teneur ensuite

1. Le mariage eut lieu le 31 mars 1515 [Journal de Louise de Savoie^ Michaud, l""® série, t. V, p. 89). Malgré le récit de Fleuranges, qui représente François P' comme fort irrité de ce mariage, on peut croire qu'il ne s'accomplit pas à son insu et qu'il ne lui déplut pas. — Une dépêche de Louis Maroton à Marguerite d'Autriche, du 9 février 1515 (citée par Le Glay, t. II, p. 73), nous apprend que l'empereur Maximilien et aussi le duc de Lorraine avaient eu des vues sur la veuve de Louis XII. Voir aussi à ce sujet la lettre de Suffolk, West et Wingfield à Henry VIII du 10 février 1515 [Letters and papers, t. II, part. I, p. 50).

2. Nous avons dit plus haut comment se termina 4'affaire des bijoux de la reine Marie.

3. Ce traité fut conclu le 24 mars après de longues discussions dont le détail est contenu dans les dépêches des ambassadeurs impériaux à leur maître (Lanz, 1. 1, p. 5-41) et de Mercurin de Gattinara à Marguerite d'Autriche (Le Glay, t. II, p. 40-B2). Il arrête le mariage de Charles d'Autriche et de Renée de France et stipule en outre une ligue offensive et défensive entre les contractants. Les clauses du mariage portent que la princesse Renée sera remise à Charles dans les deux mois après l'accomplissement de sa douzième année; que sa dot sera de 600,000 écus d'or au soleil; que le duché de Berry lui sera donné pour 400,000 écus, en y réservant au roi la souveraineté, l'hommage lige, les églises cathédrales et royales et tous les cas royaux. Dans le cas où le mariage ne s'accomplirait pas, soit par la volonté du roi, soit par celle de M""^ Renée, le

Le dimanche, premier jour d'avril M VXIIII, avant Pasques, le Roy alla ouyr vespres en la grande églize Nostre-Dame de Paris, et après vespres jura de tenir ledict traité sans enfraindre, en la présence des ambassadeurs dudict prince des Espaignes.

Le jeudy ensuivant, cinquiesme jour d'avril avant Pasques, en la ville de Londres en Angleterre, fut conclud et approuvé par messire Jehan de Selve et Pierre de la Guysche, ambassadeurs du Roy, le traicté faict par feu le Roy Lois XIP, dernier déceddé, avec le Roy d'Angleterre, et le dimanche viii^ jour d'avril, l'an M VXV, jour de Pasques, les nouvelles en vindrent au Roy à Paris ^

Le xvi^ jour d'avril MVXV, la Royne Marie, qui, peu de temps auparavant, avoyt espouzé le duc de Suffort, partit de Paris pour aller en Angleterre. Le Roy la convoya jusques hors la ville et luy bailla pour l'accompaigner jusques à Galays le duc d'Alençon et la comtesse de Nevers^.

Le Roy, du consentement de ladicte Royne Marie, donna à Monsieur le grand maistre, s"^ de Boissy, povoir et faculté de nommer aux offices royaulx qui vacqueroient au pais de Xainctonge et Lodunois et aultres pays qui avoient esté baillez à ladicte Royne Marie pour son douaire.

prince Charles recevra, à titre de dédit, le comté de Ponthieu, les villes de Péronne, Montdidier, Roye, Saint-Quentin, Corbie, Amiens, Abbeville, etc. — Le traité fut définitivement ratifié par les ambassadeurs impériaux le 30 mars. Le texte se trouve dans Du Mont, Corps universel diplomatique, t. IV, part. I, p. 199 et suiv.