Gallarate, prov. de Milan

Nouvelle demande des ambassadeurs des Ligues, pour refaire un nouveau traicté, envoyée au Roy, et responce à ladicte nouvelle demande.

S'ensuit la demande faicte par les ambassadeurs de messieurs des Ligues, au lieu de Galleras, ensemble la responce à icelle faicte par messieurs les ambassadeurs du Roy en la présence de monseigneur le duc de Savoye, oncle dudict seigneur, et premièrement quant à leur premier article, contenant en essence six poinctz, dont le premier s'ensuyt^.

C'est que lesdictz seigneurs des Ligues offrent au Roy six mil hommes de leurs gens pour la garde, tuition et deffence du royaume de France et duché de Milan, lesquelz ne aultres ledict seigneur ne pourra lever en leurs païs sans l'exprès congé et consentement de la communaulté des Ligues.

Le second point est que lesdictz seigneurs des Ligues n'entendent estre obligez à leurdict office desdictz six mil hommes là où ilz seroient grevez de guerre.

Le tiers est que là où ilz seroient grevez de guerre le Roy leur aydera à ses despens de six cens lances, deux cens chevaulx-légiers avec honneste artillerye.

Le quart est que le Roy leur baillera où ilz seront, comme dict est, grevez de guerre vingt-cinq mil florins d'or de par chascun quartier d'an qu'on leur fera la guerre.

Le cinquiesme , qu'ilz demandent au Roy deux mil livres tournois de pension pour chascun an et pour chascun de leurs cantons, soit des anciens ou nouvellement devenuz cantons.

1. Le texte de cette « demande » a été collationné sur les rass. : Bibl. nat., fonds Clairambault, vol. 317, fol. 4612; fonds Brienne, vol. 156, fol. 135.

1515] DE JEAN BARRILLON. 96»

Le sixiesme et dernier, qu'ilz entendent que leur confédération présente avec le Roy durera sa vye durant tant seuUement, avec réservation expresse de leur costé du Sainct-Siège apostolique et Sainct-Empire romain et avec ce de tous ceulx ausquelz ilz ont appoinctement et alliance.

Leur a esté respondu par lesdictz ambassadeurs du Roy et audict premier poinct de leurs articles que lesdictz seigneurs des Ligues, moyennant ceste alliance, amytié et confédération entre ledict seigneur et eulx, seront tenuz de bailler et fournir audict seigneur lesdictz six mil hommes de leurs gens ou tel aultre nombre plus grand ou moindre, à son bon plaisir et volunté, et tout ainsi qu'il en avoit affaire et pour le temps qu'il luy plaira les retenir, non tant seullement pour la garde et tuition de sondict royaume de France et duché de Milan, par eulx seullement exprimez en leurs articles, mais aussy pour la comté d'Ast, seigneurie de Gennes et tous ses aultres païs et seigneuries qu'il tient et qui luy appartiennent, tant deçà que delà les montz; lesquelz six mil hommes, plus ou moins au plaisir du Roy, comme dict est, ledict seigneur souldoyera et fera paier par chascun mois à raison de six livres tournois pour homme dès le temps et jour qu'ilz marcheront de leurs maisons pour le service dudict seigneur.

Quant au second et tiers poinctz, de ne fournir et bailler de leurs gens là et ou cas qu'ilz seront grevez de guerre, leur a esté respondu que le Roy en est et sera content; et, quant ausdictz six cens hommes d'armes, deux cens chevaulx-légiers et honneste artillerye, qu'ilz demandent quant on leur fera la guerre en leur païs, leur a esté respondu que le Roy baillera en ce cas six cens hommes d'armes, mil archiers avec leurs coustilliers et honneste artillerye, le tout à ses propres coustz et des-

pens, ce que ne sera tenu de faire ledict seigneur là et quant il sera pareillement grevé de guerre, affîn que l'obligation entre ledict seigneur et eulx, quant à ce second poinct, soyt pareille et réciproque.

Quant au quatriesme poinct, desdictz vingt-cinq mil florins d'or qu'ilz demandent par chascun quartier d'an où ilz seront grevez de guerre, lesdictz ambassadeurs ont respondu que desdictz vingt-cinq mil florins d'or n'en ont rien entendu et leur a semblé que lesdictz seigneurs des Ligues se doibvent très bien contenter du Roy d'avoir de luy à ses propres coustz et despens lesdictz cinq cens hommes d'armes, mille archiers, cinq cens couslilliers et honneste artillerye, de quoy se doibvent et peuvent contenter très honnestement, sans leur estre plus avant tenu ne obligé de bailler ou fournir aultre somme d'argent, oultre les grans sommes cy après escriptes, desquelles bien et honnestement se peuvent et doibvent contenter dudict seigneur.

Quant au cinquiesme poinct, des deux mil livres tournois qu'ilz demandent de pension par chascun an pour chascun de leurs cantons, lesdictz ambassadeurs les ont accordé et accordent.

Quant au sixiesme et dernier poinct, faisant mention de la confédération du vivant du Roy tant seullement et de la réservation de leur part du Sainct-Siège apostolique et Sainct-Empire romain et aultres avec lesquelz ilz ont appoinctement et alliance, leur a esté respondu par lesdictz ambassadeurs du Roy qu'ilz veullent et entendent que ladicte alliance et confédération dure la vye du Roy et cinquante ans après son décès, actendu l'amour et ancienne amytié que ledict seigneur et ses prédécesseurs ont toujours eu à eulx, laquelle ilz ne raectront en oubly non plus que le Roy ne faict de son costé, parce qu'il leur accorde tout ce qu'ilz luy ont demandé, tant à Verseil

1515] DE JEAN BARRILLON. 97

que en ceste ville. Quant à ladicte réservation du Sainct- Sièg^e apostolique et Empire romain, lesdictz ambassadeurs l'ont pour aggréable en les prenant et acceptant pareillement de la part du Roy, et aussy monsieur le duc de Savoye, son oncle, le duc de Lorraine, son cousin, et aultres qu'il plaira audit seigneur nommer et desclarer pour ses alliez. Et, quant aux aultres avec lesquelz lesdictz seigneurs des Ligues disent avoir appoinctement et alliance, lesdictz ambassadeurs n'entendent ny consentent en aucune manière les excepter, réserver ny comprendre sans plus expresse déclaration d'iceulx que sera faicte présentement.

Et quant au second de leurs articles faisant mention des chapitres qu'ilz avoient avec le feu Roy Lois, que Dieu absolve, touchant la duché de Milan, péages et sauf-conduictz contenuz en iceulx chapitres et pareillement de la question, où dissension si aucune advenoyt entre les partys, comment ilz doibvent estre traictez, demeurent en leur valleur, selon la teneur desdictz chapitres. Lesdictz ambassadeurs du Roy, en monstrant et faisant apparoir deuement desdictz chapitres, accordent et sont contens qu'ilz demourent en leur valleur sellon la teneur desdictz chapitres et en la forme et manière qu'ilz estoient gardez et observez du temps du feu Roy.

Quant à leur tiers article, par lequel ilz requièrent déclaration de l'appoinctement de Maximilian Sforce, lesdictz ambassadeurs ont déclaré que le Roy luy donnera la duché de Nemours, laquelle il luy fera valoir vingt mil livres tournois de revenu, douze mil livres tournois de pension, cinquante hommes d'armes, et le mariera à une dame de son sang.

Quant h leur quatriesme article, que le Roy leur face rendre entre leurs mains les lettres et obligations que ledict Maximilian a d'eulx, lesdictz ambassadeurs ont respondu que faisant ledict seigneur de sa part le bon traie-

tement que dessus pour amour et contemplation desdictz seigneurs des Ligues et non aultrement, ledict Maximilian aura bonne cause et matière de les remercier à tousjours et par conséquent leur rendre et meclre entre leurs mains toutes et chacunes lesdictes lettres et obligations qu'il a ou pourrojt avoir d'eulx, et quant ainsi ne le vouldroyt faire et seroit refusant le Roy ne luy baillera ne tiendra aucune des choses susdictes que premièrement il ne leur ayt rendu leursdictes lettres et obligations ou quittance libératoire et suffisante d'icelles, et par ce moien ne peuvent faillir lesdictz seigneurs des Ligues de les avoir et recouvrer dudict Maximilian.

Quant aux cinq cens mil escuz que lesdictz seigneurs des Ligues demandent par leur cinquiesme article pour les despenz de leurs gens du camp, tant en Piedmont que du nouveau secours qu'ilz disent avoir eu de leur pais et que ladicte somme leur soit paiée contant pour apaiser leurs gens, leur a esté respondu par lesdictz ambassadeurs que combien que ce soyt chose estrange de souldoyer ceulx qui sont venuz contre ledict seigneur, touteflfois, tousjours pour leur montrer de plus en plus l'amour et l'affection singulière que le Roy a à eulx, leur sera baillée et payée la somme de cinq cens mil livres tournois, payables pour les trois payes et souldes de leurs gens, c'est assavoir la première paye contant, la seconde dedans six mois prochainement venant et la tierce au bout d'aultres six mois après ensuyvans, à compter du jour et datte de ce présent traicté.

Et, touchant les trois cens mil escus que lesdictz seigneurs des Ligues demandent par leur sixiesme article, pour rendre au Roy et mectre entre ses mains les chasteaulx de Lugan, Lucarne, Thouen, et la vallée de Thetal avecques toutes leurs appartenances et deppendances, voulans lesdictz seigneurs des Ligues tenir encores en leurs mains lesdictes places jusques à ce que ladicte somme

1515] DE JEAN BARRILLON. 99

de trois cens mil escus leur soit entièrement payée, lesdictz ambassadeurs du Roy, tant pour leur monstrer de plus en plus l'amour et l'affection qu'il a à eulx que aussi pour le recouvrement entier et préalable, paisible et parfaicte jouissance desdictes places, seigneuryes, chasteaulx, terres et forteresses cy-dessus déclairées, avec leurs appartenances et deppendances, et toutes aultres terres et seigneuryes de la duché de Milan que lesdictz seigneurs des Ligues en général ou particulier et aussy ceulx de la Ligue grise, leurs alliez, tiennent et jouissent de présent, les leur ont accordé et accordent en faisant et accomplissant ce que dessus est dict.

Du camp de Tracas, le Roy passa la rivière du Thesin au pont de basteaulx qu'il avoit fait faire et veint à BupharolleS et laissa quelque nombre de lansquenetz pour garder icelluy pont. Audict Bupharolle vindrent devers ledict seigneur aucuns des députez de par la ville de Milan luy dire que les habitans de ladicte ville voulloient demourer ses bons et loyaulx subjectz et que, s'il plaisoit audict seigneur envoyer quelqu'un de par luy en ladicte ville, qu'il seroit très bien recueilly et tous les François qui y vouldroient venir, aussy que lesdictz habitans administreroyent audict seigneur des vivres pour son camp, et plusieurs d'aultres belles parolles qu'ilz dirent à icelluy seigneur, lequel leur feit très bonne réception'^. Et, après

1. Le roi arriva à Bufalora le 31 août. (Marino Sanuto, Dinrii, t. XXI, col. 41.)

2. « A di uhimo (de agosto), zonzessemo a Bufalora, 17 milia de Milan, e li vene 4 oratori da Milan con 100 cavali a dar la terra al Re; et cosî eri fo facta la deditione et simel ha fatto Pavia. » (Lettre des ambassadeurs vénitiens auprès du roi, du 2 sept. 1515, dans Sanuto, t. XXI, col. 41.)

ce, le mareschal de Tresvolce demanda congé au Roy pour aller à Milan, disant avoir esté adverty par aucuns ses amys que son allée à Milan seroyt proffictable. Le Roy, ne se confiant aux bonnes parolles desdictz députez, n'alla le droict chemyn de Milan et veint à ung village nommé Turbit^ où il feit asseoir son camp et y séjourna trois jours. Durant ledict séjour, le mareschal de Tresvolce, qui estoit party pour aller à Milan avec sa bande, arriva à un village nommé Sainct-Christofle^, distant de la ville de Milan environ deux milles.

Estant auquel lieu, la commune de Milan, advertye du retour de ceulx qui avoyent esté à Bupherolle par la suggestion des Gibelins, commancea à se esmouvoir et se assemblèrent environ vingt mil hommes, qui sortirent hors de Milan pour venir assaillir le mareschal de Tresvolse, lequel, peu avant, avoyt mis ses gens en ordre et rallye quelque nombre d'avanturiers qui n'estoient à la soulde du Roy et s'estoient espartis par le pais. Et, après que lesdictz de Milan furent arrivez et eurent assailly le mareschal de Trévolse, ilz furent si bien recueilliz qu'il y en eut plusieurs mors et blessez et furent contrai nctz eulx retirer dedans Milan ^. Et icelluy mareschal de Tresvolse retourna au camp devers le Roy, rallyant aucuns François qui estoient allez en la ville de Mylan, les aucuns malades pour se faire penser, les aultres pour leur plaisir, lesquelz, durant ledict tumulte, furent les ungs tuez, les