Lacchiarella, prov. de Milan

5. Les chefs de l'armée vénitienne écrivaient le 5 septembre que 300 lances de l'armée du pape avaient passé le Pô. (Sanuto, t. XXI, col. 39.)

lit JOURNAL [1515

Espagnolz. Toutefifois, peu après, ledict seigneur fut acertené que ledict Vice-Roy de Naples, avec sa bande, s'estoit retiré, sentant les François estre si prez de luy. Par quoy la délibération ne sortit effeict. Le lendemain, deux heures après minuict, arriva ledict seigneur de Sainct-Séverin, premier maistre d'hostel du Roy, qui venoyt de Galleras, lequel apporta audict seigneur un traicté de paix faict et conclud par les ambassadeurs des Suysses, duquel la teneur ensuyt.

Traité de Galleras'^.

Nous, Odet, comte de Foix, seigneur de Laulrec, mareschal de France et lieutenant général pour le Roy très chrestien nostre sire en ses païs et duché de Guyenne, et nous, René, bastard de Savoye, comte de Villard, de Tende et de Sume-Rive-du-Bois, baron de Précigny, seigneur d'Aspremont, grand séneschal, gouverneur et lieutenant général pour ledict seigneur en ses païs et comté de Provence et son chambellan ordinaire, ambassadeurs, orateurs et procureurs exprès du Roy très chrestien François, premier de ce nom, duc de Millan, comte d'Ast et seigneur de Gennes ; savoir faisons, comme ainsy soit que ledict seigneur nous ait ordonnez, commis et depputtez pour traicter, faire et accorder et conclure la paix, amitié, union, confédération et alliance entre luy et les seigneurs des Ligues, et de ce faire nous ait donné plain pouvoir, auclorité et toute puissance,... lequel, au lieu et jour cy désigné, sommes comparuz, pour icelle

1. Le meilleur texte de ce traité est celui du ms. 16945, fol. 110 du f. fr. de la Bibl. nat. Voir aussi fonds Clairambault, vol. 316, fol. 4049. Les préliminaires et l'approbation du traité par les ambassadeurs du roi ne sont donnés que dans le texte conservé aux Arch. nat., K. 170, n° 38.

1515] DE JEAN BARRILLON. lift

traicter, faire, accorder et conclure et mectre en bonne fin, laquelle, par le bon moyen, traicté et soigneuse dilligence de très hault et très puissant prince Charles, duc de Savoye, avons discutée avec lesdictz ambassadeurs desdictz seigneurs des Ligues, ayant aussy de leur part plain pouvoir, auctorité et puissance de ce faire de leurs seigneurs supérieurs, et par-dessus conclue, faicte et accordée selon la forme et teneur des articles cy-dessous insérez et à nous baillez par lesdictz sieurs ambassadeurs des Ligues en iceulx nommez desquelz formellement et de mot à mot la teneur s'ensuit :

Nous, des villes et pais des Ligues, honnorables capitaines, lieutenans, conseil, ensemble les messagiers, ayans plain pouvoir de noz seigneurs supérieurs, à présent assemblez h Galleras, en la duché de Milan, nommément de Zurich, Cunrat Engelhart et Rudolf Roy, tous deux capitaines, Cornellius, advoyer de Berne, monsieur Jehan de Erlach, Anthony Spiluyan et Rudolf Semiser, de Luceme, Melchior du Lys, Anthony Billy, Caspart Blatinan, Henry Cigly de Undrevalde, Henry Adalras, Aman Marquart Zelgert, Jehan de Einteil, capitaine de Zug, Caspart Yten Amen, Thomas Stodrect, capitaine, Jehan Meiemberg, advoyer de Basle, Hennyan Offemburg, capitaine, Hans Gallation, lieutenant de Fribourg, Jehan J^e Seure, capitaine, Pierre Roechy, capitaine, Heinrich Schvetoln, capitaine de Solleure, Melans, advoyer, Thurs, Hugy, tous deux capitaines, Jehan Stocln, banneret de Chaffeusen, Jehan-Jacob Murbach, capitaine, Jehan Seun de Appencel, Hans Tobler et Haury Buman; faisons assavoir comme ainsy soit que par aucuns ans par cy-devant ait esté question et débat entre le Roy de France très chrestien et la communaulté des Ligues louchant la duché de Millan, pour lesquelz questions et débatz chascune partye ayt esté aggravée de gros despens, guerre et effusion de sang que chascune des parties désiroit continuer, et pour ce que

IQI JOURNAL [i515

seroit chose à craindre que, jour en jour par telles guerres, le sang chrestien griefvement pourroit estre répandu trop, pour à ce obvier et empescher, veu la grande amour et amytié que a esté entre la couronne de France et les Ligues par beaucoup d'ans et de temps et qu'ilz ont monstre l'ung à l'aultre beaucoup d'honneur et de bien, ces choses considérées, le illustre et très noble prince et seigneur Charles, duc de Savoye, nostre gracieulx seigneur et allyé, a tant humilié sa seigneurye et faict si grande dilligence que la régale Majesté et lesdictes Ligues ont consenti à sa requeste que ledict seigneur duc de Savoye ayt parlé comme médiateur d'appaiser ceste présente guerre et à ceste cause a esté assignée par les deux partyes journée à Galleras, où pour et ou nom dudict Roy de France se sont comparuz monsieur le mareschal de Lautrec et monsieur le bastard de Savoye avec plain pouvoir dudict Roy de France, leur maistre, et nous aultres dessus nommez, capitaines, lieutenans et conseilliers, avec plain pouvoir de nos seigneurs et supérieurs des Ligues, auquel lieu nous aultres deux parties, avec l'ayde et assistance dudict seigneur duc de Savoye comme loyal médiateur, avec long labeur avons conclud les articles qui s'ensuivent à l'intention de appoinctement et paix et entre nous une bonne unyon, laquelle les deux partyes ont accepté et promis observer et tenir, et nommément a esté accordé que le Roy baillera h Maximilian Sforce la duché de Nemours, valant vingt mille livres tournois de revenu par an, cinquante hommes d'armes, et le mariera haultement à quelque dame du sang royal. Et, premièrement, avant d'avoir du Roy Testât et provision que dessus, rendra et livrera ledict Maximilian entre les mains de nous aultres des Ligues toutes et chascunes les lectres et sceaulx qu'il a ou pourroit avoir d'eulx.

Secondement, le Roy est contant de bailler à nous aultres des Ligues, estaus de présent au camp contre sa

royalle Majesté, pour les despenz que avons faictz, trois cens mil escuz, c'est assavoir, cens cinquante mil escuz comptant et le demourant de la somme, montant cens cinquante mil escuz, à Noël prochainement venant.

Tiercement, le Roy est contant et accorde, pour luy rendre entre ses mains les places et chasteaulx de Lugan, Lucarne, Dandosse et Eschanthal, ensemble ce que les Ligues grises tiennent appartenant à la duché de Milan avec toutes les aultres terres et places qu'ilz tiennent de ladicle duché de Milan, de bailler et paier en noz mains trois cens mil escuz ; c'est assavoir cens mil escuz le premier jour de juillet prochainement venant, et l'année ensuivant, ledict jour mesmes, cent mil escuz et la troisiesme année, encores audictjour, cent mil escuz pour la parpaye desdictz trois cens mil escuz.

Quartement, le Roy est contant de nous donner et livrer en noz mains quatre cens mil escuz payables comme s'ensuit : c'est assavoir, cent mil escuz h Noël prochainement venant, puis aprez à chascune année ensuivant, à semblable jour de Noël, cens mil escuz jusques à la fin de parpaye .

Quintement, affin que nous aultres des Ligues soyons asseurez de toutes les sommes que dessus sans plus grand délay, le Roy de France se obligera envers nous soubz son propre sceau et baillera pour plaige le duc de Lorraine, lequel semblablement soubz son propre sceau s'obligera pour icelle. |Et, quant lesdictes obligations scellées seront mises et livrées entre noz mains, alors et non plus tost, nous serons tenuz de vuyder desdictes places et les rendre es mains du Roy.

Sextement, en ceste conclusion, paix et appoinctement seront comprins les chappitres accordez par le feu Roy touchant la duché de Milan, péages et sauf-conduictz ; et semblablement quant il sera question ou discord entre les

|i06 JOURNAL [1515

parties comme l'on les doibt expédier, afïîn que puis après puissent demourer fermes et stables.

Septiesmement, nous aultres des Lignes réservons expressément la ville de Bellinssonne avec toutes et chascunes ses appartenances.

Le huictiesme et pour le dernier, nous réservons le comté Baronne, le seigneur Galéas Viscontin et tous aultres, lesquelz en ce cas sont tenuz comme voisins et ont tenu nostre party, affin que eulx par le Roy, ses lieutenans.ou régens en la duché de Milan ne soient molestez, hays, pugniz ou grevez en corps ne en biens. Et, si aulcuns, tant de la maison de France que desdictes Ligues, sont ou feussent trouvez prisonniers d'une part ou d'aultre, ilz seront délivrez. Et avec cela, pour toutes choses qui sont survenues entre lesdictes parties durant la présente guerre, doibvent estre appoinctées, vuydées et abolyes.

Et, affin que le Roy et les seigneurs des Ligues puissent doresnavant mieulx vivre en paix et en amour et que l'ancienne amytié puisse estre gardée et augmentée, nous deux parties, en ceste journée de nostre unyon, l'avons convenue, décrettée et conclute par ce qui s'ensuit :

Premièrement, sy le Roy à présent régnant eust ou aura guerre en son royaume de France, duché de Milan, comté d'Ast, seigneurie de Gennes et en ses aultres seigneuries, terres ou païs, qu'il tient de présent tant deçà que delà les montz, nous aultres des Ligues devons laisser aller tant de compaignons de noz gens qui luy seront nécessaires à ses despens, pourveu que lesdictz seigneurs des Ligues alors n'aient que faire de leurs compaignons pour leur propre guerre, pourveu aussy que ledict seigneur ne aultre pour luy ne puisse lever lesdictz compaignons sans le sceu et consentement de la communaulté des Ligues.

Semblablement, où lesdictz seigneurs des Ligues seront grevez de guerre, le Roy sera tenu de leur envoyer cinq

cens lances et mil archiers et honneste artillerye, le tout à ses propres coustz et despens. Et, s'il advenoit que ledict seigneur pour ledict temps fust grevé de guerre en ses propres terres, en ce cas il ne sera tenu d'envoyer aulcun secours, s'il ne le faisoit de son bon gré.

Oultre, doibt le Roy, durant ladicte unyon en vigueur, bailler à chascun canton des Ligues deux mil livres tournois de pension par an, et doibt durer ladicte unyon en vigueur durant la vye du Roy et dix ans après son trespas.

Et en ceste présente unyon nous aultres des Ligues, de nostre costé , réservons expressément le Sainct- Siège appostolique, le Sainct-Empire romain, l'archiduc Charles, comte de Flandres, nostre gracieulx seigneur, et maison de Savoye, le marquis de Montferrat, le duc de Wirtemberg et la maison de Médicis, et tous ceulx qui sont de nostre confédération, excepté le Roy d'Aragon.

Aussy réserve de son costé le Roy le Sainct-Siège de Rome, le Sainct-Empire romain, le Roy d'Escosse, le Roy d'Angleterre, l'archiduc comte de Flandres, le Roy de Navarre, le duc de Savoie, le duc de Lorraine, le duc de Gueldres, le marquis de Montferrat et tous aultres qui sont de sa confédération et unyon.

Et, pour vray et ferme tesmoignaige de ceste unyon, conclusion et décret, les preux, nobles, haultz et saiges seigneurs Cunrat Eingelhart, capitaine de Zurich, et Anthoine Spiluyan, capitaine de Berne, ont apposé publicquement en ces présentes lettres leurs sceaulx, pour ou nom d'eulx et tous nous aultres dessus nommez. Donné audict lieu de Galleras, le jour de Nostre-Dame de septembre, l'an M V'XV.

Laquelle paix, alliance et confédération comme dessus faicte, nous susdictz ambassadeurs avons, ou nom du Roy très chrestien, nostre maistre, accordée, conclute, promise et jurée, promettons et jurons par ces présentes que ledict seigneur ratifiera, gardera, entretiendra et observera de

son costé et de poinct en poinct sans les enfraindre en aulcune manière et selon sa forme et teneur.

En tesmoing de ce, nous avons faict mectre et apposer en ces présentes nos scelz et signé de noz propres mains.

Donné h Galleras, le huictiesme jour de septembre MVXV.

Et, pour fournir comptant la somme de cent-cinquante mil escus mentionnée audict traicté, le Roy feit des empruns sur les princes, barons et seigneurs qui estoyent avec luy, et en moings de dix heures trouva icelle somme comptant en son camp, qui est bien pour démonstrer la grande amour que les François ont à leur prince.

Après que lesdictz cent cinquante mille escus furent trouvez, les envoya avec bonne et seure conduicte audict lieu de Galleras ; et si fut envoyée l'obligation du duc de Lorraine, qui estoit pleige et fidéjusseur pour Tentretenement dudict traicté de Galleras.

De la Gherelle, le Roy vint à Couillebic(?), où feyt asseoir son camp, et tournoyoit ledict seigneur le pais autour de Milan, actendant la ratification du traicté de Galleras, affin que peust prendre la possession de la duché de Milan. Mais les choses advindrent aultrement que ne pensoit, car la plus part des cantons d'iceulx Suysses usoient de simulation et faintise, et le cardinal de Syon, Galléas Visconte^ Jhéromme Moron ^

1. Galéas Visconti, duc de Bari, Milanais, avait servi Louis XII et avait même été fait chevalier de l'ordre du roi; ce qui ne l'avait pas empêché d'abandonner ensuite le service de la France pour se joindre à Maximilien Sforce.

2. Jérôme Moron, né en 1450 dans le Milanais, avait été au service de Ludovic le More et avait fait preuve de réels talents

1515] DE JEAN BARRILLON. 409

et aultres gibelins les persuadoyent d'envoier leurs gens pour combattre le Roy.

De Couillebic, le Roy vint à Marignan*, et, avant qu'il y arrivast, sur les champs fut adverty qu'il y avoit des advanturiers François qui s'estoient mis hors de leur ordre et voulloient piller ung village; de quoy ledict seigneur fut marry et incontinant, avecques sa compaignye, print chemyn au lieu où estoyent iceulx advanturiers, lesquelz, quant virent ledict seigneur, s'enfuyrent, et ledict seigneur courut après. En courant, il tumha de son cheval. Lors, l'un de ses advanturiers, voyant son prince à terre, vint à luy et ayda à le remonster et après s'enfuyt avecques les aultres. Quoy voyant, icelluy seigneur ne feyt plus suivre lesdictz advanturiers et du depuis feyt enquérir qui estoit l'advanturier qui avoyt aydé à le remonster, car il luy vouUut faire des biens. Mais nul n'apparut qui dist l'avoir faict.

Le Roy fut à Marignan deux jours, actendant nouvelles de Galleras, et ce pendant envoya Lois d'Ars, avec sa compaignye, à Pavye pour garder la ville et le chasteau, qui s'estoient renduz et réduictz. Mais la plus grande partye des habitants de la ville s'en estoient fuys. Aussi le Roy envoya le bastard de la Clayette avec sa compaignye à Laudi^, qui s'estoit réduict.

Pareillement le Roy fut adverty que le s' messire Barthélémy d'Alvyane, avec l'armée des Vénitiens,

de diplomate pendant les précédentes guerres d'Italie. Il mourut en 1529.