Ceux de Zurich, d'Uri, de Schwitz

su JOURNAL [1515

assemblez, le cardinal de Syon arriva, qui leur dist ces parolles que j'ay cy couchées par escript selon ma fantaisie :

« Messieurs, que voulez vous faire en perdant tant de temps en inutilles altercations? Vous avez esté et estes plus que jamais réputez les plus vaillans gens de toute la chrestienté, et maintenant vous voulez abastardir et, par oisiveté et soubz umbre de quelques petites promesses incertaines, perdre une sy grande, louable et fructueuse victoire qui vous actend. Vous voyez le Roy de France qui n'est qu'à huict mille d'icy, jà tout esbahy de ce qu'il a esté sy long temps à sy grans despens et travaux sur les champs sans riens faire ; tous les princes, seigneurs et gens d'armes de son armée sont ennuyez, et la plus part d'iceulx, qui n'ont accoustumé la guerre et coucher aux champs, ne demandent que le repos; son armée est séparée, car il y en a une partye à Galleras et des plus usitez à la guerre, et une aultre partye est à Pavye, quelques aultres sont à Laude et au pont de Bupharola. Il se fie en ce petit traicté que voz ambassadeurs, sans pouvoir spécial, ont faict avec les siens. Que voulez vous dire? Sy vous délibérez de l'aller assaillir en son camp, qui n'est aulcunement fortiffyé et qui est fort désavantageux pour les gens de cheval, esquelz gist toute la force de son armée, pour les fossez qui sont plains d'eau où est son camp, sans nulle faulte vous emporterez la victoire. Considérez quelle gloire et réputation se vous sera, car toute la chrestienté branslera soubz vous, sans l'inestimable proffict que y aurez : vous pouvez assez entendre que toute la seigneurie du royaume de France est avec le

151 5J DE JEAN BARRILLON. 115

Roy; les François, qui de leur nature sont orgueilleux et glorieux et triumphans, ont apporté avec eulx tous leurs plus précieulx biens. Sy vous leur livrez la bataille, vous les mectrez en désarroy incontinant, comme feistes dernièrement à Novarre, et eulx mesmes se desconfirent. D'autre part, le vice-roy de Naples, avec huict cens hommes d'armes, est assez près du camp des François, qui n'actend que nouvelles. S'il scait que soyez sur les champs, il viendra frapper sur le bagaige des François, lesquelz, de craincte de perdre leurs biens, vouldront secourir ledict bagaige et, par ce moyen, facillement se mectront en désordre. Hz ne pensent pas avoir la bataille; vous les prendrez au despourveu. Il me semble que ne devez récalcitrer contre vostre bonne fortune, qui vous incite et stimule^. »

Les Suisses, ainsy exhortez par le cardinal de Syon, dellibérèrent aller assaillir le Roy et sortirent de Milan en ordre. Ledict cardinal de Syon estoit avec eulx, marchant derrière, accompaigné de deux cens hommes à cheval, estant monté sur ung genêt d'Espaigne, habillé en cardinal, et faisoit porter la croix devant luy comme légat d'Ytalie. Et monsieur le connestable, qui conduisoit l'avant garde et estoit logé à Sainct- Julien, fut adverti de la venue d'iceulx Suisses, premièrement par quelques pionniers qui faisoient des esplanades aux fossez sur le chemyn de Milan pour passer les gens de cheval et l'artillerye, qui disoient

1. Cf. le discours prêté au cardinal de Sion par Guichardin, Histoire (^Italie (trad. Favre, Paris, 1838), t. Il, p. 413-415. — Celui mis dans sa bouche par Gaillard est plus fantaisiste encore. [Histoire de François P% t. I, p. 250-253.)

i^ JOURNAL [1515

avoir veu grande poussière vers la ville de Milan, car lors faisoit grand chault ; secondement par le guect ; tiercement ,par le sire de la Trimoïlle, qui venoit de courir devant Milan. Incontinant feit sonner alarme et envoya le s*^ de Rochebaron devers le Roy^ pour luy signiffier les nouvelles de la venue des Suisses. Ledict seigneur estoit lors au conseil ^ et y estoit le s"^ messire Barthélémy d'Alviane, capitaine général des Vénitiens. Et quant fut adverty d'icelles nouvelles, s'arma, feyt sonner alarme et envoya devers monsieur d'Alençon qui conduisoit l' arrière-garde, affin de le faire tenir prest.

Cependant envoya devers monsieur le connestable l'escuyer Dampierre pour scavoir s'il avoit eu d'aultres nouvelles, car on pensoit que ce ne fust riens ; lequel retourna et dist au Roy que pour certain il auroit la bataille et que l'avant-garde estoit jà en ordre et qu'il y avoit veu de bons visages. Incontinant ledict seigneur, armé de toutes pièces excepté le heaulme, monta à cheval et alla veoir l'avant-garde qui estoit en bon ordre.

Les Suisses approchoient fort et marchoient par une grande fierté. La plus part estoient sans bonnetz et sans souliers et sans armeures, et amenoient huict ou neuf pièces de grosse artillerye. Lesdictz Suisses

1. Fleuranges, dans ses Mémoires, prétend que c'est lui qui avertit le roi de l'arrivée des Suisses.

2. Fleuranges dit qu'il trouva le roi dans sa chambre, « où il essayoit un harnois d'Alleraaigne pour combattre à pied, lequel luy avoit faict apporter son grand escuyer Galéas [de Saint-Séverin], et estoit ledict harnois merveilleusement bien faict et fort aisé, tellement que on ne l'eust sceu blesser d'une esguille ou espingle. » [Mémoires de Fleuranges, p. 51.)

1515] DE JEAN BARRILLON. 117

avoient délibéré, devant que partir de Mylan, ne prandre aucun prisonnier, excepté le Roy, mais tuer tout, et marchoient fièrement comme ceulx qui s'actendoyent gaigner la bataille^.

Le cardinal de Syon estoit derrière dont bien luy print.

Quant le Roy fut arrivé à son avant-garde et eust veu que tous ses gens estoient en ordre, pour leur donner courage dist ces parolles que j'ay cy couchées par escript selon ma fantaisie :

« Messieurs, je crois que estes assez certains que puis ung an en çà, par vraye succession, comme le plus prochain de la couronne, j'ay succédé au royaume de France, aussy que à moy et à ma femme, fille du feu Roy dernier déceddé, que Dieu absolve, appartient, par droict d'héritage, la duché de Milan ; laquelle de présent, contre tout droict et raison, Maximilian Sforce, mon adversaire, détient et usurpe. Pour recouvrer ladicte duché et aussy pour empescher et rompre à mon pouvoir une ligue que on appelle Saincte, laquelle ligue le Pape, l'Empereur, le Roy catholique, les Suisses et ledict Maximilian Sforce ont faicte contre moy pour me destruyre et ruyner s'ilz peuvent, combien qu'ilz n'aient aucune juste querelle à rencontre de moy, je suis venu par deçà avec vous à grand labeur et despense, délibéré actendre et subir toutes fortunes et vivre et mourir avec vous. Et com-

1. « Vous asseure qu'il n'est pas possible venir en plus grande fureur ne plus hardiment. » (Lettre de François I" à sa mère, du 14 septembre 1515, dans Michaud et Poujoulat, t. V, p. 595.) D'après François P"", les Suisses étaient environ 28,000.

iié JOURNAL [1515

bien que aye par plusieurs fois sommé ledict Maximilian et lesdictz Suisses qui occupoient icelle duché de me la rendre et que aye demandé et voulu accepter paix avec tous les princes chrestiens, lesquelz n'ont aucune querelle contre moy, touteffois, quelque peyne que aye sceu mectre et pour ambassadeurs que aye envoyez devers eulx, n'ay peu obtenir ce poinct. Par quoy, puisque par amour ne l'ay peu avoir, ay délibéré l'avoir par force s'il m'est possible. Vous voyez, Messieurs, que nonobstant le traicté de paix que les Suisses ont faict avec moy, en me voulant surprandre, me viennent assaillir; vous congnoissez mon bon droict; je vous prye que chascun ayt bon courage de me servir a ce besoing. Quant avons eu passé les mons et sommes venuz à la campaigne, vous désiriez combattre les Suisses et ne demandiez que les trouver en la plaine. Maintenant que les y avez trouvez, je vous prie que faciez vostre devoir et que l'effect soyt concordant aux parolles. Je suis vostre Roy et vostre prince, je suis jeune, vous m'avez tous promis fidélité et juré d'estre bons et loyaulx; je ne vous habandonneray poinct et suis délibéré vivre et mourir avec vous. Nous sommes venuz par deçà à grand travail ; voici la fin de nostre voiage, car tout sera gaigné ou perdu. Les Suisses disent et nous impropèrent que sommes lasches et couardz et que ne tenons poinct d'ordre et nous reprochent la journée de Novarre. Sy nous avons le cœur sy failly et sommes sy remis que vaillamment et vertueusement ne nous deffendions, avec la perte et dommaige irréparable que aurons, serons perpétuellement deshonorez et diffamez, et toutes aultres nations nous courront sus. Avec le bon

1515] DE JEAN BARRILLON. H9

droict nous avons le pouvoir, car sommes trop plus que eulx. Hz sont gens de pied, la plus part sans armes, et n'ont poinct de grosse artillerye, et nous sommes gros nombre de gens de cheval et avons autant de gens de pied que eulx et davantaige grosse quantité d'artillerye. Si nous avons la victoire, comme j'espère que, aydant Dieu et nostre bon droict, aurons, ce nous sera une gloire perpétuelle d'avoir subjugé et vaincu ceux qui se disoient correcteurs et dominateurs des princes et qui tenoient toute la chrestienté en subjection, et sy aurons paix avec toutes aultres nations. Je vous prye derechef que chacun se délibère d'estre aujourd'huy bon combattant. Montrons que l'honneur et la puissance de France n'est poinct sy abolie qu'il n'y ait encores de vaillans gens et *preux combattans. Ne dégénérons poinct des mœurs de noz ancestres et prédécesseurs, qui ont faict de sy vertueux actes, tant contre les infidelles que contre les aultres nations de chrestienté. Or, messieurs, ayons tous bon courage, et au nom de Dieu et de monsieur Sainct-Denis, nostre bon patron combattons aujourd'huy virillement, et de ma part suis délibéré ainsy le faire, vous assurant que ceulx qui se monstreront ainsy que doibvent estre, avec l'honneur qu'ilz acquerront, congnoistront avoir faict service à ung prince qui ne sera ingrat, mais qui recongnoistra de bonne sorte le service que on luy aura faict et à tout le royaume de France. »

Ce dict, le Roy mist son heaulme et sa lance en l'arrest et commencea à marcher contre ses ennemys.

Les Suysses avoient délibéré venir premièrement ruer sus l'artillerye du Roy et y avoit ung gros Suisse,

du canton de Berne, qui avoytjuré de clouer deux ou trois pièces de l'artillerye dudict seigneur, laquelle estoit gardée par les lansquenetz qui tenoyent bon ordre. Ledict gros Suisse, accompaigné de sept ou huict hommes, vint ruer sur deux ou trois pièces d'artillerie et les cloua. Touteffois une bande de lansquenetz vint frapper sur luy, en sorte qu'il fut tué et tous les Suisses qui estoient avec luy*.

Lors l'artillerie commencea à tirer. Les Suisses, leurs picques croisées, vigoureusement assaillèrent les lansquenetz et aultres gens de pied françois, lesquelz très vaillamment les reçeurent et commencea la bataille forte et aspre^. Le Roy avec les princes, seigneurs et gentilzhommes de sa maison, qui estoient sur les esles, vindrent donner dedans iceulx Suisses et en ruèrent plusieurs par terre ^. D'aultre part, le comte Petre Navarre et les Gascons arbalestriers estoient d'ung aultre costé, qui commencèrent à tirer fort contre les Suisses et en tuèrent plusieurs.

Il estoit environ quatre heures après midy quand la bataille commencea, et faisoyt grand soleil et fort

1. Du Bellay place cet incident le lendemain, lorsqu'au point du jour la bataille recommença. [Mémoires, p. 125.)

2. Cette première attaque des Suisses faillit décider de leur victoire et il fallut, on va le voir, le sang-froid et l'intrépidité de François V pour redonner confiance à ses troupes.

3. « Me sembla bon les charger et le furent de sorte et vous promets, Madame, que si bien accompaignez et quelque gentilz galans qu'ilz soient, deux cens hommes d'armes que nous estions en defîsmes bien quattre mille Suisses et les repoussâmes assez rudement en leur faisant jecter leurs picques et crier : France ! » (Lettre de François I" à sa mère, du 14 septembre, dans Michaud, t. V, p. 595.)

chault, tellement qu'il y avoit grande poussière parmy le camp qui nuysoit aux gens d'armes, et i'arrièregarde arriva en ordre de bataille qui augmenta ladicte poussière. Davantaige, parmy le camp, il y avoit des fossés pleins d'eau qui nuysoient fort aux gens de cheval. Oultre, il y avoit des Suisses qui cryoient : France ! et les gens d'armes par la poussière ne pouvoient bien discerner les Suisses d'avecques les lansquenetz.

La bataille dura longuement^ et jusques à la nuict, tellement qu'on ne scavoit qui avoit du meilleur, et, quand on ne veit plus, tout cessa. Ce nonobstant, les Suisses ne partirent poinct du camp, ayans intention le lendemain recommancer la bataille. Aussy le Roy et toute l'armée demourèrent la nuict au champ de bataille^.

1. Barrillon est en somme assez sobre de détails sur la bataille. C'est dans la lettre de François P"" à sa mère, déjà plusieurs fois citée, que, malgré des exagérations, sont le mieux présentés les arrangements pris et les incidents survenus dans les deux journées de cette bataille. — Voir aussi les lettres des ambassadeurs vénitiens (Sanuto, t. XXI, col. 80-84 et 100-104) et surtout le récit de Mignet, Histoire de la rivalité de François P^ et de Charles- Quint, t. I, p. 86-98.

2. « Et dura le combat jusques à la nuit, qui fut si obscure, mesmes à cause de la grande poulcière que faisoient les deux armées, que nul ne connoissoit l'aultre et mesmes que les Suisses portoient pour leur signal la croix blanche, aussi bien que les Françoys, ne portans pour différence sinon une clef de drap blanc chacun en l'espaule ou en l'estomac; et, pour mieux surprendre nostre armée, n'avoient porté aucuns tabourins, mais seulement des cornets pour se rallier, et fut la chose en tel désordre pour l'obscurité de la nuit qu'en plusieurs lieux se trouvèrent les François et les Suisses couchez auprez les ungs des autres, des nostres dedans leur camp et

Monsieur le chancellier, quand fut adverty que le Roy demouroyt toute la nuict au champ, se retira au logis dudict seigneur et escripvit trois lettres missives au nom dudict seigneur : l'une au mareschal de Lautrec et bastard de Savoye, qui estoient à Galleras ambassadeurs pour le Roy, les advertissant de la bataille et qu'ilz missent ordre à leur affaire, affin qu'ilz ne feussent surprins; l'aultre à Berthélemy d'Alvienne, capitaine général des Vénitiens^, affin qu'il se hastast de venir le plust tost qu'il pourroit pour donner secours, sy besoing on en avoit ; la tierce fut à Loys d'Ars, qui estoit à Pavye, affin qu'il gardast bien ladicte ville, qui eust esté une retraicte, sy la nécessité l'eust requis, et furent lesdictes lectres portées, qui servirent bien.

Le lendemain, jour de l'exaltation Saincte-Croix, xiiii® jour de septembre, incontinant que le jour apparut, les Suisses se mirent en ordre de bataille pour recommancer. Au contraire, le Roy et toute son armée se mirent en deffence et la bataille recommencea plus forte que le jour précédent. Et l'artillerye tiroyt incessamment, qui dommageoit les Suisses. Le Roy faisoit bien son debvoir et n'y espargnoit sa personne, tellement qu'il eut trois coups de pique et, s'il n'eust esté bien armé, eust esté bien en danger.

Plusieurs gentilzhommes ayans pauvre courage,

des leurs dedans le nostre, et coucha le Roy toute la nuict armé de toutes ses pièces, hormis son habillement de teste, sur l'affust d'un canon. » (Du Bellay, Mémoires, loc. cit., p. 125.) 1. Qui était à Lodi. Barthélémy d'Alviane raconte comment il fut averti dans sa lettre à la seigneurie du 14 septembre. (Marino Sanuto, t. XXI, col. 100.)

1515] DE JEAN BARRILLON. 123

quant virent que les Suisses au matin recommanceoient la bataille, de paour et craincte fuirent vers Marignan, les aucuns faignans estre blessez, les aultres non. D'aultre part y eut plusieurs vivandiers qui couroient vers Marignan, crians que tout estoit perdu, et faisoient grand tumulte. Par quoy cuyda avoir du désordre au bagage.

Environ huict heures du matin, le s' Barthélémy d'Alviane arriva au camp avec sa compaignye de Vénitiens * et donna grant courage à ceulx du bagage, qui estoyent fort estonnez de ce qu'ilz voyoient aucuns se retirer vers Marignan.

Alors les Suisses estoient en désordre, car l'artillerye, qui incessamment tiroit, les grevoit fort, et y en eut environ quinze cens qui se mirent hors leur ordre et vindrent errans parmy les champs jusques près ung petit bois, auquel lieu furent deffaictz par les adventuriers françois avec l'ayde de messire Barthélémy d'Alviane^.

1. Il n'avait avec lui que sa cavalerie, étant arrivé en toute hâte.

2. Barrillon semble diminuer un peu de parti pris le mérite des Vénitiens, qui, dans leurs récits, se font en revanche la part trop belle. Barthélémy d'Alviane prétend qu'à peine arrivé sur le champ de bataille « avec ses gentilshommes, » il mit en déroute 6,000 Suisses et « furono de modo rebatuti, che dove la vitoria era prima incerta, anzi in grande pericolo, allora fu per noi. » (Lettre d'Alviane à la seigneurie, du 14 septembre 1515, dansMarino Sanuto, t. XXI, col. 101.) Le capitaine d'Alviane et le provéditeur Contarini se décernent du reste l'un à l'autre, dans leurs lettres à la seigneurie, les éloges les plus hyperboliques. Il faut reconnaître d'ailleurs que Contarini ne marchande pas non plus la louange au roi de France. Il écrit après la bataille : « Restami solum dir a Vostra Excel-

A la fin, les Suisses furent mis en désarroy, car on les chargeoit vertueusement ; mais ce ne fut sans perte de noz gens, car on ne charpente sans esclatz.

Lesdictz Suisses, sans plus tenir ordre, se meirent à la fuicte, la plus part de eulx blessez de coups de traictz, et quelque nombre de eulx se retira dedans le village de Sainct-Julian, au logis de monsieur le connestable, qui estoit grand, et se cachèrent aux greniers. Mais les lansquenetz et advanturiers, qui les suivoyent meirent le feu dedans le logis, par quoy une partie saillit par les fenestres, se cuidans saulver, mais estoient receuz à poincte de picques et de vardins, les aultres furent misérablement bruslez^.

Quelque temps avant la fin de la bataille, le cardinal de Syon, qui estoit derrière, adverty que les Suisses avoient du pire, à grand course de cheval s'enfuyt et ne s'arresta aulcunement à Milan, ne alla en son païs de Suisse, mais print chemyn droict aux AUemaignes par devers l'empereur Maximilian.

Lesdictz Suisses ainsy deffaictz et rompuz, le reste se retira vers Milan et il y en avoit grande partie de navrez de coups de traictz. A ladicte retraicte y en eut plusieurs tuez dedans les fossez sur le chemyn de Milan, et ceulx qui eschappèrent vindrent dedans Milan, et les blessez, qui estoient environ deux mil, se

lentia che la Maiestà dil Re oggi ha dimostrato tal valor di la persona soa, che mille Cesari haria superato et ha fato tal faticha da eri in qua, che è cosa maravejosa a credere che la età di Sua Maiestà lo patischa. » (Lettre de Contarini, du 14 septembre, dans Marino Sanuto, t. XXI, col. 104.)

1. Fleuranges raconte que c'est lui qui fit « bouster le feu » à la maison et « y demeura bien 800 hommes. » [Mémoires, p. 53.) — Cf. le récit de du Bellay, Mémoires, p. 126.

1515] DE JEAN BARRILLON. 425

mirent aux hospitaulx de la ville et les aultres prindrent chemyn pour eulx retirer en leur pais, excepté seize cens qui se mirent dedans le chasteau de Milan avec Maximilian Sforce, Jhéronime Moron et quelques aultres. Et Galléas Viconte s'en alla aux Alleniaignes après le cardinal de Syon. Et estoit environ onze heures du matin quant la bataille fynit et le Roy se retira en son logis, auquel incontinant qu'il fut arrivé se mist à genoulx et adora la vraye Croix, remercyant Dieu de la belle victoire qu'il luy avoit pieu luy donner. Après disner, ledict seigneur commanda que on feist de grandes fosses pour mectre les corps mors, ce qui fut faict, et ceulx qui les mirent dedans lesdictz fossez rapportèrent y avoir mis seize mil cinq cens corps. On estimoit qu'il y avoit de treize à quatorze mil Suisses ^

En ladicte bataille moururent le duc de Chastellerauld, frère de monsieur le connestable, le comte de Sancerre, le prince de Talmont, le s" de Bussy, le s"^ d'Imbercourt, le s"^ de Roye, le s"" de Mouy^, le puisné, le s^ d'Azincourt et quelques aultres gentilzhommes dont ce fut dommaige^. Le Roy escripvit lectres à madame la régente narratives de la bataille*,