Gaston de Foix, duc de Nemours, mort à Ravenne
1516] DE JEAN BARRILLON. 183
troyt justice, les plus fortz l'emportoyent, estiez chacun jour taillez pour avoir argent ; les Suisses gouvernoyent Maximilian et en faisoient à leur plaisir; tout ce qu'ilz demandoyent estoit faict fust tort ou droict ; emportoyent les gros dons et pensions, et les finances de ce duché estoient disparsées à estrangiers. D'aultre part, le Pape tenoyt Plaisance et Parme, qui sont deux des plus belles villes de ce duché ; l'Empereur tenoit Véronne et tout le Véronnois et le roy d'Espaigne Bresse et tout le Bressan ; Maximilian n'estoit le maistre, car estoit gouverné par les Suisses, et davantaige lesditz Suisses avoient délibéré, s'ilz eussent longuement régné en cest Estât, de chasser Maximilian hors et faire de ce duché de Milan un canton. Or, pouvez considérer sy estiez mieulx gouvernez du temps dudict feu Roy Lois XIP ou du temps dudict Maximilian et soubz lequel prospériez le plus en repos et tranquillité et justice estoit mieulx administrée. Je croy qu'il n'y a celluy d'entre vous ayant bon sens et entendement qui ne juge qu'estiez trop mieulx et en plus pacificque estât au temps dudict feu Roy que au temps dudict Maximilian.
« Quant au temps auquel estes, soubz le très Chrestien Roy, vostre vray et naturel seigneur, considérez les grans crimes et horribles délictz que avez commis contre luy et la grande bénignité et clémence dont a usé envers vous. Premièrement, quant eut passé les montz avec son armée pour vous délivrer de la captivité et misère en laquelle estiez et que fut venu à Bupharolle, envoyastes devers luy des plus grans personnages de ceste ville pour luy dire et signiffier que vouliez estre ses bons et fidelles subjectz et que
tous les services que luy pourriez faire et à son armée, tant en administration de vivres, que promistes lors envoyer au camp dudict seigneur, que aultrement, le feriez de très bon cœur^ ToutefFois le lendemain, en confiance de voz bonnes promesses, monsieur le mareschal de Trévolse, qui voulut venir en ceste ville de Milan, quant fut arrivé à deux mille près ceste ville, sortirent hors d'icelle pour aller destruire ledict mareschal et sa bande plus de vingt mil hommes en armes, à vostre adveu, sceu et consentement. Pareillement, aucuns François, qui estoient venuz en cestedicte ville, les aucuns mallades pour estre pensez, les aultres pour avoir leurs nécessitez, furent par vous, la plus part, cruellement occis, et d'aultres, par le moien de leurs amys s'évadèrent, qui est bien pour monstrer vostre grande inconstance, infidélité et inhumanité. Oultre, ensuyvant vostre promesse, n'envoyastes ne feistes administrer aucuns vivres à l'armée dudict seigneur, à cause de quoy et pour la fiance qu'on eust à vostredicte promesse se cuida sourdre quelque sédition ou tumulte en l'armée d'icelluy seigneur, n'eust été la bonne provision qui y fust donnée. Du depuis, en persévérant en vostre mauvais vouloir, combien que feussiez advertiz du traicté que les Suisses avoient faict à Galleras avec le Roy, néantmoings avez receu les Suisses en ceste ville, en grand nombre, armez et prestz à donner la bataille, leur avez faict tout le port, faveur et ayde qu'il vous a esté possible et avez esté consentans qu'ilz soient venuz assaillir ledict seigneur en son camp, pour le
