Il y était le 24 février

afin de mectre à délivrance Prospère Colonne, il le fit advenir devers luy et après que icelluy Prospère eut promis au Roy de ne se armer plus contre luy, ayder audict seigneur à recouvrer le royaume de Naples et quelques aultres promesses qu'il fit, lesquelles il bailla par escript signées de sa main et scellées de son sceau, ledict seigneur le délivra à pur et à plain et fit paier XYiii"" N" escuz d'or sol pour sa rançon et ce pour complaire au Pape.

De Vienne, ledict seigneur vint à Lyon*, où la Royne fit son entrée. Et icelluy seigneur envoya renfort de gens d'armes à monsieur le Connestable pour deffendre la duché de Milan contre l'Empereur qui jà s'estoit mis au camp pour la venir invader.

Oultre, envoya devers les huict cantons des Ligues des Suisses, qui avoient traicté avec ledict seigneur à Genefve^ affin qu'ilz octroyassent et permissent que icelluy seigneur levast dix ou douze mil de leurs gens pour envoyer en la duché de Milan.

En la ville de Lyon le Roy fit dire et célébrer ung service honnorablement pour le feu Roy d'Espaigne Domp Ferrand, ainsy qu'il est accoustumé faire entre Roy s quand ilz trespassent.

Pareillement, ledict seigneur manda maistre Rogier Barme, son advocat au Parlement de Paris, lequel il envoya à Romme pour faire esmologuer par le concile de Latran les concordatz que icelluy seigneur avoit faictz avec le Pape quand il fut à BouUongne et pour obtenir toutes les bulles et permissions qui