Le Journal dun bourgeois de Paris fait de cette première

Environ ce temps, les gens des Estatz et Conseil du royaulme d'Escosse envoyèrent devers le Roy l'évesque de Rosse ^, affin de prier ledict seigneur qu'il confermast certain traicté d'alliance et confédération faict entre le feu Roy Lois XIP, dernier deceddé, et le feu Roy d'Escosse, père de leur Roy ; lequel traicté maistre Jehan de Plains, que le Roy avoit envoyé son ambassadeur audict pais d'Escosse quant et monsieur d'Albanye, régent d'icelluy pais, tenoyt approuvé.

Pareillement requéroit ledict évesque de Rosse que la comté de Comynge, laquelle il disoit appartenir au Roy d'Escosse par donation que en avoit faict le feu Roy Charles VIP au Roy d'Escosse, lors vivant, et à ses successeurs Rois, pour les gros services que ledict Roy d'Escosse fit lors à la couronne de France, fut rendue et restituée au Roy d'Escosse. Oultre, demandoyt que, sy la Royne, qui estoit lors ensaincte, accouchoit d'une fille, qu'elle fust accordée et promise en mariage audict Roy d'Escosse, qui estoit de l'aage de quatre ou cinq ans seullement, et plusieurs aultres choses qu'il demandoit.

Il luy fut respondu, quant à la ratiffication du traicté d'alliance, que ledict M® Jehan de Plains n'avoit pouvoir spécial pour approuver ledict traicté et que le Roy, avant que le ratiffier, vouUoit voir ledict traicté, ensemble tous les traictez que les Rois de France et d'Escosse ont euz ensemble, et, iceulx veuz et bien entenduz, ledict seigneur seroit content faire une bonne et indissoluble alliance avec ledict Roy

tentative d'entente entre Charles d'Autriche et François I*' un récit beaucoup plus complet, p. 33-34.