Femme de Charles II, comte de devers, mort en

Durant ce temps, le Roy avoyt grant désir de reconquester la duché de Millau « que Maximilian Sforce, avec l'ayde des Suysses, occupoyt, et, pour à ce parvenir, avoyt envoyé plusieurs ambassadeurs tant vers le pape Léon X*, l'empereur Maximilian, Ferdinand, roy d'Ëspaigne, que les Suisses, pour cuyder avoir amytié avec eulx, affin que ne luy donnassent empeschement à la conqueste dudict duché, ce qu'il ne peut obtenir pour ce que le Pape occuppoyt sur la duché de Milan Parme et Plaisance, deux belles villes, Fempereur occuppoyt la ville de Vérone et tout le païs de Véronnois, le Roy d'Espagne occupoit la ville de Bresse^ et tout le pays de Bressan, les Suisses occuppoyent les villes de Lugan, Lucarne, Bellinsonne et le païs de Yautelline; d'aultre part, le cardinal de Syon^, conducteur et gouverneur des Suisses, avoyt grosse pension dudict Maximilian Sforce avec la seigneurye de Yigefve^, une des belles seigneuries de la duché de Milan et se disoit légat d'Ytalie ; par quoy iceulx Pape, Empereur, Roy d'Espaigne, Suisses et cardinal de Syon, craignans que, si le Roy recouvroyt la duché de Milan, il ne voulsist aussy recouvrer les villes et païs qu'ilz détenoient, pour riens ne voulurent avoir amytié et alliance avec ledict seigneur, ains conclurent entre eux d'empescher de tout leur pouvoir que ledict seigneur ne recouvrist ladicte duché de Milan et feirent ensemble une ligue, qu'ilz appellèrent la Saincte-Ligue, laquelle estoit deffensive et offensive contre icelluy