Bufalora, prov. de Pavie

!5!5] DB JEAN BARRILLON. 93

tilshommes de sa maison et archiers de sa garde, et veiDt audict Tracas, pensant y trouver lesdictz capitaines, lesquelz eust faict pendre et estrangler. Mais paravant, advertis de la venue dudict seigneur, s'estoient absentez et icelluy seigneur trouva quelques gens de pied en la campaigne qui estoient de la bande desdictz capitaines, lesquelz, quand aperceurent le Roy, une partye s'enfuyt, des aultres on en occit quelquea-ungs ; de quoy les habitans du païs furent fort joyeulx et ce conferma leurs cœurs en Tamour dudict seigneur pour ce qu'il avoit préservé les villes de Noarre et de Tracas d'estre pillées.

Durant ce temps, les ambassadeurs des Suisses, qui avoient esté à Yerseil, signiffièrent à monsieur de Savoye que leurs supérieurs n'avoient trouvé bon le traicté qu*ilz avoient faict à Yerseil et qu*ilz vouloient capituler de nouveau et que, sy le Roy voulloit envoyer ses ambassadeurs à Galleras^, iceulx ambassadeurs des Suisses s'y trouveroient avec pouvoir suffisant pour conclure une bonne paix ; ce que ledit duc de Savoye dist audict seigneur, qui l'accorda et envoya audict lieu de Galleras le mareschal de Lautrec et le bastard de Savoye, ses ambassadeurs ; et y alla ledict duc de Savoye pour estre tousjours médiateur de paix entre le Roy et les Suisses. Du depuis, lesdictz maresdial de Lautrec et bastard de Savoye escripvirent audict seigneur la demande que faisoient les Suisses et la responce à icelle faicte par lesdictz mareschal de Lautrec et bastard de Savoye, ambassadeurs du Roy, de laquelle la teneur ensuyt.