Voir plus haut, p. 99 et

1516] DE JEAN BARRILLON. 185

surprendre contre leur foy et promesse et destruyre luy et toute son armée, s'il leur eust esté possible. Et quant s'en sont fouys, après la bataille, les avez encore receuz et faict toutes gracieusetez et supportz. Par quoy, non sans cause, pouvez estre' appeliez rebelles, désobéissans et dignes de toute pugnition ; et combien que plusieurs cappitaines de Tarmée dudict seigneur, mesmes les lansquenetz, qui sont grand nombre, eussent expressément requis que ceste ville de Milan fust pillée, touteffois le Roy, usant de sa grande bénignité, n'a voulu accorder ladicte requeste et pour contanter lesdiclz lansquenetz leur a donné une double paye qui s'est monté à grand argent. Par ce que j'ay dict, vous pouvez assez entendre Testât auquel avez esté le temps passé, celluy où vous estes de présent et la grand bonté du Roy vostre prince et seigneur, lequel désire vostre bien et honneur ainsy que par expérience maistresse des choses avez peu congnoistre. Sy vous persévérez d'estre bons eC loyaulx subjectz, comme promectez, pouvez estre asseurez que n'eustes jamais prince qui vous aymast ne feust plus pour vous que fera ledict seigneur et pour ce doresnavant vivez comme vraiz et loyaux subjectz doibvent faire. Le Roy vous exhorte que abolissiez toutes factions de guelfes et gibelins et que viviez en paix et amour les ungs avec les aultres. Il vous laisse pour gouverneur monsieur le duc de Bourbon, connestable de France, son proche parent, lequel est sage prince. Vous luy obéirez. Oultre, afBn que congnoissiez l'entière amour que ledict seigneur vous porte, il pardonne aux personnages qui estoient réservez à sa volunté, davantaige

rain seigneur, a entendu les remonstrances qui luy ont esté de par vous proposées et m'a commandé vous faire responce en la forme qui ensuyt.

c Premièrement, fault que vous considériez trois diversitez de temps, c'est assavoir, le temps auquel avez été soubz la domination du feu Roy Lois Xil*, dernier décceddé, que Dieu absolve, le bon traictement que vous a faict et l'ingratitude dont avez usé envers luy; le temps auquel avez esté soubz la domination de Maximilian Sforce, détenteur de ce duché de Milan, et comme avez esté traictez; et le temps auquel estes de présent, soubz la domination du Roy et la grâce qu'il vous a faicle.

c Quant au temps auquel avez esté soubz la domination du feu Roy Lois XIP, je croy que n'avez eu cause de vous plaindre, car a dominé sur vous environ douze ans\ durant lesquelz vous a bien traicté et administré justice à ung chacun et faict tous actes d'un bon seigneur et prince, combien que, au commancement luy fustes rebelles et rompistes vostre foy, en commectant félonnye contre vostre seigneur, quand rappellastes Ludovic Sforce contre vostre promesse et serment, pour laquelle chose et après la seconde conqueste faicte par ledict seigneur de ce duché de Milan' et prinse dudict Ludovic Sforce, iceiluy feu seigneur ne voulut user de rigueur de justice contre vous, mais par le feu cardinal d'Âmboise^,