Interpolations et variantes, § CXI

avecques les nobles et francs archers de Normandie. Et, à ceste cause, se départi l'armée et s'en ala chascun en son logeis. Et puis, quant le roy fut en Normandie, trouva qu'il n'estoit nulles nouvelles desdiz Anglois, et ala à Harfleu, Dieppe, Gaudebec et autres places. Et cependant ne se fist riens à l'aventage du roy, mais au contraire, au moien de ladicte alée en Normandie, firent lesdiz Bourguignons de grans pertes aux subgetz es pays du roy. Et puis s'en vint le roy à Nostre Dame d'Escouys, en ung hostel près d'ilec, nommé Gaillart 1 , lors appartenant à Goulon, lieutenant de monseigneur l'admirai, où il se tint par aucun temps, durant lequel ot nouvelles de mondit seigneur le connestable de la venue et descendue que faisoient lesdiz Anglois à Calais, et aussi que mondit seigneur de Bourgongne s'estoit levé de devant Nux 2 , dont il disoit qu'il avoit la possession et faict son appoinctement avecques l'empereur, lequel empereur, avec-^ ques ledit de Bourgongne, s'en venoient faire guerre au roy. Desquelles choses n'estoit riens et fu trouvé tout le contraire estre vray.

1. C'est à la fin du mois de mai 4475 que Louis XI prit le chemin du pays de Gaux. Il visita successivement l'embouchure et la vallée de la Seine et séjourna à Ételan (auj. Saint-Mauriced'Ételan, Seine-Inférieure, cant. de Lillebonne), chez Guillaume Le Picard (6 juin); à Rouen, du 10 au 16 juin ; à Écouis, à Gaillarbois (auj. Gaillarbois-Cressen ville, Eure, cant. de Fleury-sur- Andelle), du 20 au 25 du même mois. M. de Beaurepaire a observé que le château de Gaillarbois appartenait à cette époque à Jean Le Sec, lieutenant général de Guillaume de Casenove, dit Goulon, et que ce dernier n'en devint propriétaire que plus tard, en suite de son mariage avec Guillemette Le Sec (Notes sur six voyages de Louis XI à Rouen, citées, p. 314).