Interpolations et variantes, § GXIX

et bailla la charge à sire Denis Hesselin, son maistre d'ostel et esleu de Paris, qui en fist bien son devoir, à l'onneur et loenge du roy ; et demourerent en ladicte ville par l'espace de huit jours entiers, où ilz furent bien fort festiez et menez jouer au bois de Yincennes et autres lieux ; et entre autres furent bien fort festiez aux Tournelles, en l'ostel du roy, et, pour ce faire, leur fut envoyé pour les honnestement entretenir plusieurs dames, damoiselles et bourgoises ; et puis s'en retourna ledit seigneur de Hauart pardevers le roy, qui estoit à la Victoire près Senlis 1 .

Et, oudit moys de septembre, le roy, qui estoit audit lieu de la Victoire, s'en ala vers le pays de Soissonnois et à Nostre-Dame de Lience 2 , et en ce voyage print et reduisy en ses mains la ville de Saint-Quentin, que monseigneur le connestable avoit prinse et usurpée sur lui, et bouté hors ceulx à qui le roy en avoit baillé la charge, ainsi que dit est devant 3 . Et, auparavant, ledit connestable s'en estoit aie et avoit habandonné ses villes et places pour aler avec et en l'obéissance du duc de Bourgongne. Et, qui pis estoit, avoit escript et mandé au roy Edouart d'Angleterre, après le traictié par lui fait avecques le roy, et qu'il estoit retourné à Calais pour passer mer et retourner en Angleterre, qu'il estoit ung lasche, deshonnoré et povre roy d'avoir fait ledit traictié avec le roy, soubz umbre des promesses que le roy lui avoit faictes, dont