Lisez II

Et ilec prescha au peuple maistre Jehan de l'Olive, docteur en théologie 1 , qui declaira que ladicte assemblée et congregacion se faisoit pour la santé et bonne prospérité du roy, et aussi de la royne et du fruit qui estoit autour d'elle 2 , et pour la paix et bonne union estre mise entre le roy et les princes et pour les biens de terre.

Oudit temps, le roy, estant en Bourbonnois, s'en tira à Saint-Poursain, ouquel lieu madame la duchesse de Bourbonnois et d'Auvergne, sa seur, s'en ala pour parler à lui, comme desplaisant du discord qu'elle veoit estre entre le roy son frère et monseigneur de Bourbon, son mary, et pour y cuider trouver aucun bon moien, ce qui ne se peut faire lors. Et cependant ledit monseigneur le duc wida hors dudit lieu de Molins et s'en ala à Riom 3 .