Le comté de Montfort-l'Amaury

fljÔ JOURNAL DE JEAN DE ROTE [1*05

Et, le venredi ensuivant [11 octobre], vint en l'o&tel de ladicte ville maistre Jehan le Boulenger, président en Parlement, dire ilec de par le roy qu'on feist assavoir aux quarteniers et dixeniers de ladicte ville et de main en main au populaire d'icelle qu'on ne s'esbahist point se on veoit la puissance des Bourguignons venir ce jour devant Paris, et que ce seroit pour ilec faire leurs monstres; et nonobstant ce n'y vindrent point ce jour, mais les firent depuis le pont de Gharenton jusques au bois de Yinciennes, et se monstrerent grant puissance t . Et là le roy se trouva pour veoir icelles monstres bien simplement, comme de lui quatriesme seulement, c'est assavoir le roy, le duc de Galabre, le seigneur de Gharrolois et monseigneur de Saint -Pol. Et, quant lesdictes monstres furent faictes, le roy s'en retourna à Paris par eaue. Et, avant son partement et en sa présence, ledit seigneur de Gharrolois dist à tous sesdictes gens de guerre ces motz : c Me s seigneurs, vous tous et moy sommes au roy mon souverain seigneur, qui cy est présent, pour le servir toutes les foiz que mestier en aura 2 . »

Et, le samedi ensuivant, xn° jour dudit mpys d'octobre IIIPLXV, vint nouvelle que la ville d'Evreux avoit esté baillée et livrée aux Bretons par ung nommé messire Jehan le Beuf, chevalier, qui les bouta en ladicte ville le mercredi précèdent, jour de Saint- Denis, ainsi que les bourgois et habitans de ladicte