janvier 1466, n. st

jusques au premier jour de mars ensuivant, et renvoya aussi son artillerie à Paris, et puis print son chemin pour aler au bas pays de Normendie et vers le Mont Saint-Michel 1 »

En ce temps, Ânthoine de Ghabannes, conte de Dampmartin, dont dessus est faicte mention, se tint avecques le roy et y ot gouvernement et charge de gens d'armes de cent lances, dont a voit la conduicte messire Charles de Meleun, grant maistre d'ostel du roy, et si lui osta l'office de grant maistre et la bailla à monseigneur de Graon 2 , jasoit ce que moult de gens estoient assez d'opinion que ledit de Melun eust bien servy le roy et fait de moult grans services, mesmement à la grant diligence qu'il print en la garde de la ville de Paris, en l'absence du roy, et lui estant en Bourbonnois, où tant et si bien se gouverna et maintint que plusieurs estoient d'opinion que, se n'eust esté sa grant diligence et bonne conduite, que ladicte ville eust eu beaucop à souffrir ou grant dommage du roy et du royaume 3 .

1. Le roi poussa-t-il jusqu'au Mont -Saint -Michel? D'après Maupoint, il se rendit directement de Pont-de-FArche à Pont- Audemer, où il trouva les ducs de Bretagne et de Bourbon qui l'attendaient pour ordonner des offices de Normandie. De Pont- Audemer il s'en fut à Rouen.