Interpolations et variantes, § GXIX

et bailla la charge à sire Denis Hesselin, son maistre d'ostel et esleu de Paris, qui en fist bien son devoir, à i'onneur et loenge du roy ; et demourerent en ladicte ville par l'espace de huit jours entiers, où ilz furent bien fort festiez et menez jouer au bois de Vincennes et autres lieux ; et entre autres furent bien fort festiez aux Tournelles, en l'ostel du roy, et, pour ce faire, leur fut envoyé pour les honnestement entretenir plusieurs dames, damoiselles et bourgoises ; et puis s'en retourna ledit seigneur de Hauart pardevers le roy, qui estoit à la Victoire près Senlis^.

Et, oudit moys de septembre, le roy, qui estoit audit lieu de la Victoire, s'en ala vers le pays de Soissonnois et à Nostre-Dame de Lience-, et en ce voyage print et reduisy en ses mains la ville de Saint-Quentin, que monseigneur le connestable avoit prinse et usurpée sur lui, et bouté hors ceulx à qui le roy en avoit baillé la charge, ainsi que dit est devant^. Et, auparavant, ledit connestable s'en estoit aie et avoit habandonné ses villes et places pour aler avec et en l'obéissance du duc de Bourgongne. Et, qui pis estoit, avoit cscript et mandé au roy Edouart d'Angleterre, après le traictié par lui fait avecques le roy, et qu'il estoit retourné à Calais pour passer mer et retourner en Angleterre, qu'il estoit ung lasche, deshonnoré et povre roy d'avoir fait ledit traictié avec le roy, soubz umbre des promesses que le roy lui avoit faictes, dont

\. 3-H septembre 1475 (Itin. cité).

2. Notre-Darae-de-Liesse, auj. dép. de l'Aisne, arr. de Laon.

3. C'est le 14 septembre, au soir, que Louis XI, averti que le connétable allait introduire le duc de Bourgogne dans Saint- Quentin, y fit entrer en toute hâte des troupes.

il ne lui tiendroit rien, et que en fin s'en trouveroit deceu. Lesquelles lettres ainsi audit Edouart escriptes, il envoya dudit lieu de Calais au roy, qui bien apparceut que ledit connestable n'estoit point féal comme estre devoit*. Et puis fut donné congié par le roy ausdiz de Hauart et grant escuier d'eulx en retourner oudit royaume d'Angleterre, et leur fut donné de beaulx dons, tant en or que en vaisselle d'or et d'argent. Et si fist le roy publier à Paris qu'on leur laissast prendre des vins ou pays de France tant que bon leur sembleroit, pour mener en Angleterre, en le paiant.

Oudit moys d'octobre, le roy, qui estoit aie à Verdun ^ et autres places environ la duchié de Lorraine, retourna à Senlis et à la Victoire. Et y vindrent l'ambaxade de Bretaigne, qui firent la paix entre le roy et ledit duc de Bourgongne^, qui renonça à toutes aliances et scellez qu'il avoit fait et baillez contre le roy. Et pareillement ledit monseigneur de Bourgongne print et accepta tresves marchandes avecques le roy, pareillement que la tresve des Anglois^.

Et le lundi, xvi® jour dudit moys d'octobre, oudit an mil IIIP LXXV, fut publiée solennellement au son