Interpolations et variantes, § XXXI

proposa à aucuns quarteniers et dixeniers pour ce aussi mandez, disant qu'il les mercioit tous en gênerai et particulier de la grant feaulté et loyauté qu'il avoit trouvée en eulx, et que, pour eulx, il estoit du tout disposé de faire tout ce que possible lui seroit, et que, pour ce que durant la guerre et division qui avoit esté devant ladicte ville, il avoit donnez et conférez à icelle aucuns privilèges, et que aucuns pourroient avoir ymaginacion qu'il auroit ce fait pour la nécessité où il s'estoit trouvé d'avoir d'eulx secours, et que, après ladicte paix ou accord, les leur pourroit oster, il leur declaira pour ceste cause dès lors pour maintenant, et dès maintenant pour lors à tousjours, il les leur avoit donnez et laissez, sans jamais avoir espérance de les rappeller ne venir contre, et que, se mieulx vouloient avoir de lui, qu'ilz le demandassent, et il le leur octroieroif. Et leur dist encores qu'il laissoit en ladicte ville le seigneur de Beyne comme prevost de Paris, auquel il vouloit qu'ilz obéissent comme à lui, et leur dist qu'il l'avoit moult bien servy à la journée de Montlehery, et pour autres causes qu'il declaira ausdiz prevost des marchans et eschevins de Paris, en les priant de tousjours estre bons et loyaulx envers lui et à la couronne de France, sans ce que aucune parcialité soit trouvée en ladicte ville. —

1. A la date du 9 noveml)re 1465, Louis XI confirma aux Parisiens l'exemption de ban et d'arrière-ban, à la condition de se tenir en état de participer à la défense de leur ville [Ordonnances, XVI, 434 et suiv.). Quelques jours plus tôt, il leur confirmait une franchise dont ils avaient joui de temps immémorial, mais qui, vu les circonstances, avait été peu respectée dans les derniers temps, celle de l'exemption du logement des gens d'armes (Ibid., XVI, 425).

Et ilec ce jour fut fiancée la fille naturelle du roy* à mons. le bastard de Bourbon; et, après souper, y furent faictes plusieurs joyeusetez, dances et autres plaisances, et là mondit seigneur le bastard y dança et y fist grande et bonne chère 2.

Et, le jeudi ensuivant, viP jour de novembre, oudit an IIIPLXV, ledit messire Robert d'Estouteville fut amené ou Ghastellet de Paris par messire Charles de Meleun et maistre Jehan Dauvet, premier président du parlement de Thoulouze. Auquel président le roy mandoit qu'il avoit receu le serement dudit d'Estouteville à prevost de Paris ou lieu de Jaques de Villers, seigneur de l'Isle Adam, auquel il avoit donné ladicte prevosté à son joyeulx advenement, et qu'il le mist et instituast en possession et saisine dudit office de prevost de Paris. Et, après que les lectres de don dudit office furent leues au grant parc de Ghastellet, icellui d'Estouteville fut mis et institué en possession dudit office, sans préjudice de la cause d'appel dudit de Villers.

Et, tantost après ces choses ainsi faictes, le roy manda venir à lui les presidens de sa court de Parlement, ausquelz il dist telles ou semblables paroles : « Il est vray que, après que je vins à mon joyeux