Cf. Moliaet, U

de sadicte venue furent mis hors et délivrés tous prisonniers de ladicte ville de Paris, et y fut fait nouveaulx maistres des mestiers^

Et, le vendredi vii®^ jour dudit mois de juing, environ l'eure d'entre huit et neuf heures du soir, se leva grant tonnoirre oudit lieu de Paris. Etàung des esclatz dudit tonnoirre qui fut à ladicte heure, vint icelluy tonnoirre enflamber et mettre le feu au clochier de madame Saincte-Geneviefve au Mont de Paris, lequel brulla toute la charpenterie dudit clochier, qui estoit demourée par l'espasse de neuf cens ans, fondit toutes les cloches dudit clochier et le plomb dont il estoit couvert, où il y a voit par estimacion cent mil livres de plomb et plus, et y eut ung grant dommaige, qui estoit pitié à veoir.

Ou mois de juillet, oudit an mil IIIP quatre vingts et trois, fut fait et solempnisé la feste des nopces de mondit seigneur le daulphin et damoiselle Marguerite de Flandres en la ville d'Amboise. Et y avoit et estoient presens pluseurs nobles et notables personnages de ce royaulme envoyés des cités et bonnes villes dudit royaulme et par l'ordonnance du roy^.

1. Les mots maistres des sont fournis par le ms. interpolé. Cf. Molinet, II, 379.