REPRINSE
Gros nez, gros nez, gros nez, gros nez, Gros nez, rougiras-tu jamais ?
Au matinet, quant m'esveilly, J'ouys mes oreilles corner.
Mon nez estoit enluminez, Les yeulx encores plus brouillez, Alors je me prins à chanter :
Gros nez, rougiras-tu jamais?
Gros nez, etc.
De la cuisse d'un gras chappon Nous ferons nostre desjeuner, Et trois plains pots de vin beurons, Tant que nous en pourrons pousser, Et puis nous prendrons à chanter:
Gros nez, rougiras-tu jamais ?
Gros nez, etc.
Et quand s'est venu au souper, Faisant tousjours de mieulx en mieulx, Nous en beusmes chascun six pots, Pour avoir le cœur plus joyeulx.
Et de commencer à chanter:
Gros nez, rougiras-tu jamais?
Gros nez, etc.
Nous manderons tous ces gros nez Pour faire la collation, Qui ne peuvent plus cheminer Qu'à potences et aux bastons, Rondin, Brondin, Guillot du Pons :
Gros nez, rougiras-tu jamais?
Gros nez, etc.
ANCIENNES CHANSONS POPULAIRES a5
Celluy qui fist ceste chanson Ce fut un joly pionnier, Qui beuvoit volontiers du bon Tant qu'il avoit un seul denier, Et si chantoit tant volontiers:
Gros nez, rougiras-tu jamais ?
Gros nez, gros nez, gros nez, gros nez, Gros nez, rougiras-tu jamais?
X ter — 1586
De bien aymer je te jure Que nully ne m'y passe, Quant m y souvient de ta grâce, De te veoir le temps m'y dure.
Si fortune m'est contraire Et sur moy fort envieuse, Elle m'est si fort fâcheuse Qu'à mon gré je n'en puis faire.
J'ayme mieulx estre bergière, Gardant brebis en patience, Que ribaulde mariée, En dangier de conscience.
Rossignolet, gorge dorée,
Je te prie, fays moy ung messaige,
Et t'en va dire à ma mye
Que son amour fort m agrée.
Dedans céte plaisant desbauche, A toy, frère, de ce vin bon Moy boy de mon main gauche, Si tu donné à moi du jambom, Toy verras moy fredonner en cadence :
Colimtampon, Vive bonne France et Louys de Bourbon ! Colimtampon.
Grand mercy, frère camarade, Moy va t'en faire la raison De céte canonade ; Et n'y a Suisse ni Grison Qui de bon cœur ne fredonne en cadence :
Colimtampon, etc.
Quand au combat on me resveille, Moy prend toujours pour gabion Le tour d'une bouteille, Et veux avoir le morrion Si de bon cœur ne fredonne en cadence :
Colimtampon, Vive bonne France et Louys de Bourbon ! Colimtampon.
(Gantez, Entretien des Musiciens.)
Air n° 6
Dedans la bruyère, En me promenant, Trouvai ma bergère Les aigneaux gardant :
Aimez-moy, ma bergère, Je vous aime tant.
Dessus la feugère
La vay chatouillant
Lors, toute en colère, Elle va disant :
Aimez-moy, etc.
Lors, toute en colère, Elle va disant :
Tirez-vous en arrière, Que cerchez-vous tant?
Aimez-moy, etc.
Tirez-vous en arrière, Que cerchez-vous tant?
— Vostre amour, bergère, Je vay pourchassant :
Aimez-moy, etc.
Vostre amour, bergère, Je vay pourchassant, Oyez la prière De vostre servant :
Aimez-moy, etc.
Oyez la prière De vostre servant, Qui nul bien n'espère Qu'en vous seulement :
Aimez-moy, ma bergère, Je vous aime tant.
Délia la rivière sont
Les troys gentes damoiselles,
Délia la rivière sont,
Font ung sault, et puis s'en vont.
Je perdy ersoir icy, Je perdy ersoir icy Le bonnet de mon amy, Le bonnet de mon amy.
Et vous l'avez.
— Et vous mentez. — Et qui Ta donc ?
— Nous ne savons. —
Délia la rivière sont
Les troysgentes damoiselles,
Délia la rivière sont,
Font ung sault et puis s'en vont.
Bibliothèque nationale, man. n° 12744.
De Paris a Larochelle, Gentil marichal (bis) Ferra-tu mon cheval?
Il y a troys damoyselles, Gentil marichal (bis) Ferra-tu mon cheval?
Dont la plus jeune est mamyette.
Gentil marichal (bis) Ferra-tu mon cheval?
Je la prins et je l'embrasse.
Gentil marichal (bis) Ferra-tu mon cheval?
Je la gectay sur l'herbette, Gentil marichal (bis) Ferra-tu mon cheval?
Je luy levay sa chemisette, Gentil marichal (bis) Ferra-tu mon cheval?
9o ANCIENNES CHANSONS POPULAIRES
Luy mis la main sur la cuyssette, Gentil marichal (bis) Ferra-tu mon cheval?
Je lui feis troys foys ou quatre, Gentil marichal (bis) Ferra-tu mon cheval?
Je la relevay grossette, Gentil marichal (bis) Ferra-tu mon cheval ?
Depuis trois jours d'icy J'ay fait maistresse,
De quoy mon pauvre cœur Vit en tristesse.
Ses amis sont fascheux,
Pleins de rudesse, Sont cause que je meurs
En grand' détresse.
Un dimanche au matin Ils m'ont fait prendre
Par son propre cousin....
M'a fallu rendre.
M'ont prins et m'ont mené Dans une chambre,
Et m'ont enquesonné De mon attente.
Je leur dis le subjet
De mon amie, C'est que la veux aymer
Toute ma vie.
Ils me dirent, amy,
Quittez la fille, Car elle a d'autres amis
En ceste ville.
Qui sont ces envieux
Qui ont envie ?
Ils ont envie sur moy
Et sur m'amie.
Je Tayme et l'aymeray
Tant que je vive, Son serviteur seray
Toute ma vie.
Si la pouvois tenir
En ce bocage, Luy dirois sans mentir
Le grand naufrage.
Si la pouvois tenir
En ma chambrette, Un baiser je prendrois
Sur sa bouchette.
Sa bouche de coral,
Son sein d'albastre Sont cause de mon mal,
De mon désastre.
Ceux qui sont outrageux
A mon désire, Sont cause que je meurs
En grand martyre.
Rendre je m'en iray
Dans ce bocage, Où hermite seray
Dans l'hermitage .
Qui a fait la chanson
Gave et jolye ?
Ce nit un bon garçon
D'imprimerie.
Dictes que c'est du mal, mamye, Dictes que c'est du mal des dentz.
A Paris a une fille
Qui est cointe et jolye,
Elle a tant faict la follie
Qu'elle est grosse d'enfant :
Dictes que c'est du mal, mamye, Dictes que c'est du mal des dentz.
Elle crye et se desconforte, Et si vouldroit estre morte; Son amy la re conforte, Luy disant bien tendrement :
Dictes que c'est, etc.
Et quand vous serez acouchée, Dans une chambre bien parée, Vous serez très bien traictée Dans ung lict bien jolyment :
Dictes que c'est, etc.
Et quand vous serez relevée, Au moustier serez menée, D'une chappe affublée, Pour peur du parler des gens :
Dictes que c'est, etc.
Alors que serez retournée, Faictes bien la résolue, Vous ferez ung sault en rue, Pucelle comme devant :
Dictes que c'est, etc.
Et quand vous serez mariée, De quelque mignon espousée, Vous aurez coiffe dorée, C'est Testât mignonnement.
Dictes que c'est, etc.
Quand serez avec luy couchée, Faictes bien la réservée, Disant : je suis affolée, En plorant bien tendrement.
Dictes que c'est, etc.
S'il dict que n'estes pas pucelle, Prenez à luy la querelle,
Disant : Je ne suis pas telle ?
Vous en mentez faulcement.
Dictes que c'est du mal, mamye, Dictes que c'est du mal de dentz
Cette chanson se trouve aussi dans le Recueil de toutes les sortes de chansons, etc., 1555, avec de légères variantes.
Chanson nouvelle d'une jeune dame qui fist labourer sa vigne, sur le chant : Compaignon galoys.
Dieu met en malle sepmaine
Qui m'a desbauché.
Tout au long de la sepmaine
Je n'ay rien gaigné.
Volontiers travailleroye Si à labourer trouvoye,
Compagnon galois, O compagnon galois.
Or m'y dy : mon compagnon,
Quel mestier es-tu ?
— Par ma foy, ma jeune dame,
Je suis vigneron. — Mon mary a une vigne Qui ne peult ploier l'eschine,
Compagnon galois, O compagnon galois*
Le compagnon fut habille, Dedans la vigne il entra ; Il trouva la terre dure, Mais bien fort la laboura.
La dame grand joie en a, Luy a dit en bref langage :
Voici très bon labourage.
Compagnon galois, O compagnon galois.
Au nom Dieu, ce dit la dame, Je vous prie, recommencez.
— Par ma foy, ma jeune dame,
Je suis trop lassé. — Puisque tu es trop lassé, Reprens un peu ton allaine, Tu n'y perdras pas ta peine.
Compagnon galois, O compagnon galois.
Le compagnon fut habille, Dedans la vigne il entra.
Il trouva la terre molle,
Tant qu'il en sua.
La dame grand joye en a, Lui a dit en bref langage :
Compagnon, prends bon courage.
Compagnon galois, O compagnon galois.
Avant que de commencer,
Nous desjeunefons, Et de ce bon vin de Beaulne
Très bien j'en beufons,
Et puis recommencerons.
Si ma vigne est bien fourbie, Gallant tu n'y perdras mie.
Compagnon galois, O compagnon galois.
a bis — 1602
Dieu te gard, ma belle Catin, Et ton petit gent corsage ; Chantois-tu pas à ce matin Tout le long de ce rivage :
Vive le gentil godelureau, Le plus minguant du vilage !
Mon Tenot, mon doucelet, J'y estois au verd boccage, Où j'acoustrois ce touffelet, Et chantois de grand courage :
Vive le, etc.
Mais, je te prie, dy moy, mon cœur,
Lequel emporta le gaige
Des trois, et qui eut l'honneur
De la chanson le présage :
Vive le, etc.
Mon Tenot, Philis chanta bien, Pensant avoir l'avantage ; Mais Tibrine passa le sien, Qui en emporta le gage :
Vive le, etc*
Car jamais le rossignolet, Qui est enclos dedans sa cage, Ne raisonna son chant si net Que fit la bergère sage :
Vive le, etc.
Mais, dy moy, ma belle Catin, Ce qu'il y avoit pour gage.
— Je te le diray, mon poupin.
Et d'un allègre courage :
Vive le, etc.
Il estoit dit par les pasteurs Des plus gallands du vilage, Qui mieux chanteroit pour faveur' De ces bergerettes sages :
Vive le, etc.
Elle aurait en don pour prix L'oiseau chantant son ramage, Avec la plus belle brebis De tout notre pâturage :
Vive le, etc.
Mais toy, mon Tenot, mon berger, Que desires-tu pour gage?
Je te donne ce doux baiser, Prens-le donc de bon courage :
Vive le, etc.
Sieds-toy derrière ce gazon, Entourné de vert feuillage, Et là faisons la liaison, Adoucissant d'amour la rage :
Vive le gentil godelureau, Le plus minguant du vilage !
e>8 ANCIENNES CHANSONS POPULAIRES
Z __ 1600 et a bis — 1602
Dieu vous gard, belle bergère, Vous et vos moutons aussi, Vostre beauté singulière Ma fait venir jusquicy, Pour vous faire humble prière.
Lon la la, belle bergère, Lon la la, fariron rira, La belle bergère là.
— Monsieur, si vostre prière N'offence point mon honneur, Ce que peut une bergère, Je le feray de bon cœur, Sans que vous m'en priez guère.
Lon la la, etc.
Scavoir est belle bergère Si vous me voulez aimer, J'ay dedans ma gibecière Cent escus pour vous donner, Faictes-moy donc bonne chère.
Lon la la, etc.
— Monsieur, tirez- vous arrière.
Allez ailleurs vous pourveoir , Vous ni vostre gibecière
Ne me scaurûit décevoir,
— Je ne suis pas si légère.
Lon la la, belle bergère, Lon la la, fariron rira, , La belle bergère là*
Dieu vous gard', ma mignonne, Celle que veux aymer ; Permettez, je vous prie,
Ma mie, ma mie, Que vous puisse baiser.
Puis que tu es si belle, Et moy si plein d'amours.
Ne me sois point rebelle, Cruelle, cruelle, Et me donne secours.
Tu fais de Tincogneue A ton fidelle amant, Mais cependant ta vue
Me tue, me tue, Comme le feu ardant .
Une dame doit estre Fidelle à son amant, Et luy faire aparoistre Luy estre, luy estre Fidelle en bien aimant.
Voudrois-tu bien, mauvaise, Me tenir en langueur, Sans estaindre la braise,
La braise, la braise Qui me brusle le cœur ?
Non, non, laissez-moy faire :
Je ne veux pas mourir, Mais je ne veux pour salaire Vous faire, vous faire Ce qui vous peult guérir.
ioo ANCIENNES CHANSONS POPULAIRES
Je ne veux autre chose Que baiser ces deux yeux, Mais le sein où repose La chose, la chose Que mon cœur ayme mieux.
Puisque l'amour volage M'a si bien arresté, Son pénible servage, Servage sans gage, Détient ma liberté.
Je mourray en peu d'heure :
Hélas ! vous avez tort, Mais je vous veux bien dire,
Et dire sans rire, Auparavant ma mort,
Que dedans ce bocage Où je me veux régir Dedans un hermitage, Volage, sans gage, Amour y veut mourir.
Quand sonnera la cloche La nuict, pour Dieu prier, Belle, qu'il te souvienne Et vienne, et vienne De ton fidelle aymer.
Qui fit la chansonnette ?
C'est un bon compagnon, Qui aymoit bien la fille ; La fille, la fille, Ne sçavoit pas son nom .
Du noir, et en revoulez-vous, Du noir, du sureluribon,
De ce bon noir?
Madame, voulez-vous Du noir, du sureluribon,
De ce bon noir.
Qui allez en commission, Toute dame, jeune fillette, J'ay de la pouldre à violette, Qui est bonne en perfection.
Du noir, etc.
Or que vostre blancheur soit telle Qu'elle est de soymesme assez belle, Mon noir beaucoup mieux la fait voir.
Du noir, et en revoulez-vous, Du noir, du sureluribon, De ce bon noir.
Eh ! que feront povres gendarmes En la Comté, en garnison?
Il leur fauldra rendre les armes, Ou Bayart mangera Grison * ;
x. Noms de chevaux.
ios ANCIENNES CHANSONS POPULAIRES
Quitter leur fault leur garnison, Car ilz n'ont pas ung petit blanc :
Le Roy des Rommains les abuse, C'est la façon des Allemens.
Il y a une duc en Autriche, Roy des Rommains se fait nommer, Mais il n'en est de rien plus riche : Hz ne le veullent advouer ; Gens d'armes a fait amasser, Mais il n'a pas foison d'argent :
La fiebvre puisse-il espouser, Qui le serrera longuement.
Il se fioit en Ludovic x,
Qui a fait mourir son nepveu ;
Il a trahy le Roy de France,
Mais il n'a pas eu du meilleur;
A la journée du Forneuf 2
Il luy mourut beaucoup de gens,
Et ceux qui ne m'en vouldront croire
Demandent aux Vénissiens.
Celluy qui feist la chansonnette, C'estoit ung povre déchassé ; Il a vendu sa maisonnette Pour servir la croix sainct André 3, Mais il n'y a guères gaigné :
Du font du cueur il s'en repent, Il veult servir le Roy de France, Qui luy en donra largement.
I, Sforza, —. 2. Fomouç — }. Bourgogne,
ANCIENNES CHANSONS POPULAIRES io5
En baisant m'amye, J'ay cueilly la fleur.
M'amye est tant belle Si bonne façon :
En baisant m'amye, J'ay cueilly la fleur.
Blanche comme neige, Droite comme un jonc:
En baisant, etc.
La bouche vermeille, La fosse au menton :
En baisant, etc.
La cuisse bien faicte, Le tetin bien rond :
En baisant, etc.
Les gens de la ville Ont dit qu'ils l'auront:
En baisant, etc.
Mais je vous asseure Qu'ils en mentiront :
En baisant m'amye, J'ay cueilly la fleur.
ic>4 ANCIENNES CHANSONS POPULAIRES
a bis — 1602
En ce joly moys de may, Que ce doux temps renouvelle, Et ce joly temps d'esté, Je prins congé de ma belle; Quand je partis d'avec elle, Elle m'y disoit toujours :
Mandez-moy de vos nouvelles, Adieu mes belles amours.
— Mamie, puisque je m'en vay, Las! je vous lairray seullette. —
— Mais quand vous penserez à moy, Que ferez-vous, ma sœur doucette ? - Je chanteray dans ma tourelle,
Mon cœur y prendra secours.
Mandez-moy, etc.
J'ai maintes fois passé la mer Pour vous aller trouver, mamie, Je me suis mis en grand danger, En peine de perdre la vie, Vous le sçavez bien, ma Délie, Si j'aime d'autre que vous.
Mandez-moy, etc.
— J'ay esté battue maintes fois, Mon ami quand à vous parloie, Ma mère disoit que je venois D'avec vous en plaisir et joie, Or, suis-je fille sans cervelle, Mon doux amy, c'est par vous —
Mandez-moy, etc.
ANCIENNES CHANSONS POPULAIRES io5
Ma mignonne, mon souci, Ma toute et ma grasselette, Ton parler m'a d'aise ravi, Considérant l'amour parfaicte Que tu as envers moy, ma belle, Augmentée tous les jours.
Mandez-moy, etc.
Si en vostre absence, amy,
Avez de moy souvenance,
Mon cœur seroit réjouy,
Et vivrois en espérance
Qu'un jour serois en ta cordelle *,
Et conjointe avecques vous.
Mandez-moy de vos nouvelles,
Adieu mes belles amours.
— Mamie, puisque je m'en vay,
Las ! je vous lairray seullette. —
En entrant en ung jardin Jay trouvé Guillot Martin Avec Helaine, quidemandoit
Au matin
Son picotin,
Non pas d'avoine.
Adonc Guillot luy a dit :
Vous aurez bien ce crédit Quand je seray en alaine, Mais n'en prenez que ung petit, Car par trop grand appétit Vient souvent la pance plaine.
i. Liée à lui, à sa discrétion.
•- i:re
'» JC w>\ ,
. ni
.. ;sc '.llll-.
:iv-Oir *
i.'.^e nulle,
;.. .>i,t nit> la a j"..i sur ipov • K- iarJiii, ♦. U
si ;'a\.::> de Mânes linceulx t: ... -,u p>-u de couverture, |v.=ir rcttre dessous mon dos, (\v h terre est trop dure ; t c .-nv oit '.outre nature, M t.îiii dj hien niadvenoit :
Le jardin, etc.
io6 ANCIENNES CHANSONS POPULAIRES
B bis — 1530
Enfans, enfans de Lyon, Vous n'estes pas à vostre aise, Vous avez beaucoup de maulx, Il est temps de vous retraire Et prendre la mort en gré
Le jardin qui est sur Saône, Jamais plus ne t'y verray.
Regardis par derrière moy, Je veis trahison bien faicte, C'est de trois sergens de roy, Qui menoient joyeuse feste ; Us ont mis la main sur moy :
Le jardin, etc.
Ils m'ont prins et m'ont mené Dedans la maison commune, Et si m'ont bien enferré, Sans avoir faict chose nulle, Sans avoir faict chose nulle, Ils ont mis la main sur moy :
Le jardin, etc.
Si j'avais de blancs linceulx Et ung peu de couverture, Pour mettre dessous mon dos, Car la terre est trop dure ; Ce seroit contre nature, Si tant de bien m'advenoit :
Le jardin, etc.
Page 106.
Imprimé par Renaudet.
