CHANSON BACHIQUE SUR UN AIR NOUVEAU
En revenant de la taverne,
J'ay pensé casser mon pot, Car je n'avois point de lanterne,
De flambeau ny de falot :
Ha ! si mon vin fut cheu par terre, Ma femme m'eust bien frotté, Paty, pata, gros éventé, La la la, gros hébété, O, qu'elle m'eust bien fait la guerre ! Mais, Dieu mercy, Mon pot et mon verre Sont tousjours à mon costé.
Si le puissant Dieu des bouteilles N'eust accompagné mes appas,
Ma pauvre bouche et mes oreilles Eussent fait un bon repas :
Ha ! si mon vin, etc.
Ma femme boit comme une esponge,
Et moy, comme un trou d'esté, Qui fait que jamais elle ne songe A notre nécessité :
Ha ! si mon vin, etc.
ANCIENNES CHANSONS POPULAIRES n3
Nous teindrons bien en écarlatte,
Depuis que nous sommes nez, Mais jamais sa couleur n'éclate
Que sur nos bachiques nez :
Ha! si mon vin fut cheu par terre, Ma femme m'eust bien frotté, Paty, pata, gros éventé, La la la, gros hébété, O, qu'elle m'eust bien fait la guerre ! Mais, Dieu mercy, Mon pot et mon verre Sont tousjours à mon costé.
Z — 1600 et a bis — 1602
En revenant de Lorraine,
Des soûlez de bo, Rencontrav trois capitaines,
Des soûlez de bo, Bo bo bo bo,
Des soûlez de bo.
Rencontray trois capitaines, Des soûlez de bo, Ils m'ont appelé villaine,
Des soûlez, etc.
Ils m'ont appelé villaine, Des soûlez de bo, Je suis leur fièvre cartaine,
Des soûlez, etc.
n4 ANCIENNES CHANSONS POPULAIRES
Je suis leur fièvre cartaine, Des soûlez de bo, Je m'appelle Magdeleine,
Des soûlez, etc.
Je m'appelle Magdeleine,
Des soûlez de bo, Mon père estoit capitaine,
Des soûlez, etc. .
Mon père estoit capitaine, Des soûlez de bo, .
Il vous fera de la peine;
Des soûlez de bo, Bo bo bo bo, Des soûlez de bo.
Cette chanson existait au xvie siècle, on la trouve mise en musique par Orlando de Lassus, mort en 1594.
Autre chanson fort joyeuse et récréative à toutes gens sur Bon, bon.
En revenant de Rouen la jolie, Non, fis fi fis, je vous jure ma foy,
Bon bon bon, vous voyez ; Je rencontray une tant belle fille, Bon bon bon, sur l'herbette jolie.
ANCIENNES CHANSONS POPULAIRES n5
Je rencontray une tant belle fille, Non, fis fi fis, je vous jure ma foy,
Bon bon bon, vous voyez; Luy demandis s'elle seroit ma mie, Bon bon bon, sur l'herbette jolie.
Luy demandis s'elle seroit mamie, Non, fis fi fis, je vous jure ma foy,
Bon bon bon,, vous voyez ; Elle me respond qu'elle estoit trop petite, Bon bon bon, sur l'herbette jolie.
Elle me respond qu'elle estoit trop petite, Non, fis fi fis, je Vous jure ma foy,
Bon bon bon/ vous voyez; Petite ou non si serez vous mamie, Bon bon bon, sur- l'herbette jolie.
Petite ou non si serez vous mamie, Non, fis fi fis, je vous jure ma foy,
Bon bon bon, vous voyez ; Et je la prins, sur mon cheval l'ay mise, Bon bon bon, sur l'herbette jolie.
Et je la prins, sur mon cheval l'ay mise, Non, fis fi fis, je vous jure ma foy,
Bon bon bon, vous voyez; Je la menay droict dedans ma chambrette, • Bon bon bon, sur l'herbette jolie.
Je la menay droict dedans ma chambrette, Non, fis fi fis, je vous jure ma foy,
Bon bon bon, vous voyez; Je l'embrassay, la mis sur ma couchette, Bon bon bon, sur l'herbette jolie.
n6 ANCIENNES CHANSONS POPULAIRES
Je l'embrassay, la mis sur ma couchette, Non, fis fi fis, je vous jure ma foy,
Bon bon bon, vous voyez; Plus de six fois je luy fis la chose tte, Bon bon bon, sur l'herbette jolie.
Plus de six fois je luy fis la chosette, Non, fis fi fis, je vous jure ma foy, Bon bon bon, vous voyez;
— Encore un coup, mon amy, je t'en prie, Bon bon bon, sur l'herbette jolie.
Encore un coup, mon amy, je t'en prie, Non, fis fi fis, je vous jure ma foy, Bon bon bon, vous voyez;
— Pardonnez-moy, l'alaine m'est faillie, Bon bon bon, sur l'herbette jolie.
Pardonnez-moy, l'alaine m'est faillie, Non, fis fi fis, je vous jure ma foy,
Bon bon bon, vous voyez; Une autre fois vous serez mieux servie, Bon bon bon, sur l'herbette jolie.
a bis — 1602
En revenant d'un bourg, près de Marmande, Je rencontray Janneton l'alemande :
Mon cœur, m'amour, ma mignonne, ma belle, Je ne t'ou, je ne t'ou, je ne t'oublieray jamais.
Je rencontray Janneton l'alemande, Où allez-vous, belle, je luy demande :
Mon cœur, etc.
Où allez-vous, belle, je luy demande, Elle m'y dit : je m'en vay à Marmande :
Mon cœur, etc.
Elle m'y dit : je m'en vay à Marmande, Je la priay d'un joly tour de dance :
Mon coeur, etc.
Je la priay d'un joly tour de dance, Elle m'y respond n'entendre la cadence :
Mon cœur, etc.
Elle m'y respond n'entendre la cadence.
Lors, je la pris par sa jolie main blanche :
Mon cœur, etc.
Lors, je la pris par ses jolies mains blanches, Je lui monstray le remuement des hanches.
Mon cœur, etc.
Je luy monstray le remuement des hanches, Par deux ou trois fois, tant qu'elle fut recrande x,
Mon cœur, etc.
Par deux ou trois fois, tant qu'elle fut recrande, C'est assez faict, retournons à Marmande :
Janneton, mon cœur, ma mignonne, ma belle, Je ne t'ou, je ne t'ou, je ne t'oublieray jamais.
x. Recrandir, en patois picard, se fatiguer.
n8 ANCIENNES CHANSONS POPULAIRES
Entre nous tous pèlerins,
Chefz enclins, Tenant de Dieu la partie, Nous trouverrons sarazins
Et barbarins, Et gens d'estrange partie.
Nous irons en Arrabie,
Par Cretie, La saincte larme verrons, Nous trouverons
Crisostome
Et saint Cosme, Puis nous en retournerons :
Où est allée Guillemette ?
A la terre Prestre Jan,
A longtems qui est une estrange terre, Nous trouverons Valeran
Et Abraham, Qui estoyent musses sous terre, Nous trouverons Auloferne, Qui faisoit un grand dicerne Pour nous destruire cretiens,
On y mange le tonnerre au vinaigre, Pour guérir du mal des dens :
Où est allée Guillemette?
Nous irons à Panpelune Voir la lune,
Plus blanche que n'est cendal, Nous, trouverons fer qui fume,
Amertume, Qui fait au cœur si grand mal, Nous trouverons le cheval
Durendal, Où Rolant estoit monté, On y mange le corail
Et le cristal, Au lieu de pois en esté :
Où est allée Guillemette ?
Chanson mise en musique par Certon.
AUTRE CHANSON NOUVELLE
Entre vous filles qui aimez, N'aimez point que de mesure, Et vous gardez des petits piedz, Car ils font rompre la ceinture, Les petits piedz sont de nature; Hz m'ont fait le ventre lever, Ils m'ont fait rompre la ceinture Quant je m'y cuidois un peu serrer.
Que maulditz soient les petits piedz, Qu'ils ne sont faitz en mariage ; Se n'eust esté les petitz pieds, J'eusse encor' mon pucellage.
lao ANCIENNES CHANSONS POPULAIRES
Adieu, m'en vois au verd bocage Ouïr le rossignol chanter, De là m'en vois en Italie, Je ne scay quand je reviendray.
Adieu, mes sœurs, adieu, mes frères;
Priez pour moy, je vous en prie,
Car je croy que m'é vois mourir,
En regrettant la rusterie
Que j ay faict avec mon amie :
Mauldit soient les envieulz
Qui sur moy ont envie.
Si n'eust esté les envieulx, Je feusse encore avec m'amie, En démenant solas et vie, Demenans joye et plaisir, En regrettant la rusterie Que j ay faict avec mon amie.
m bis 1633
Entre vous gens de dia-hault Dia hure-hault.
Gens de village, Qui revenez du hault la hé, Dia hure-hault marché.
Ne montez plus sur dia hault Dia hure-hault, Dessus vostre asne, Car le mien m'y a hault la hé, Dia hure-hault trompé.
Il a fait un soubre-saut Dia hure-hault, Une ruade Sur le pavé m'a hault la hé, Dia hure-hault jette.
J'ay tiré mon grand couteau Dia hure-hault.
Ma grande espée Et le col luy ay hault la hé Dia hure-hault couppé.
Quant j'ay veu mon asne mor\ Dia hure-hault, La pauvre beste, J'estois tout décon hault la hé Dia hure-hault forte.
A Jean Calvin je l'ay voué, Dia hure-hault, Et à de Beze Et à duPlessis hault la hé, Dia hure-hault Morné.
Entre vous gens (Hay, dia, hau, hurehau) De village, Qui du marché (Hay, dia, hau, hurehau) Venez.
Gardez-vous bien (Hay, dia, hau, hurehau)
De trop boire, ' Car j'en ay esté (Hay, dia, hau, hurehau) Trompé.
Voulu monter (Hay, dia, hau, hurehau)
Sur mon asné ; J'ai tombé (Hay, dia, hau, hurehau)
De l'autre costé.
i ter — 1627 •
Entre vous gentils galands Qui avez belle amie, N'allez point sans vos bâtons, Lan Ion fa, lan farlarira, Car on vous épie.
N'allez point sans vos bâtons,
Car on vous épie.
Le galand n'y manqua pas, Lan Ion fa, lan farlarira,
Portit son espée.
Le galand n'y manqua pas,
Portit son espée, L'arquebuse sous son bras, Lanlon, etc.
La mèche allumée.
ANCIENNES CHANSONS POPULAIRES is3
L'arquebuse sous son bras,
La mèche allumée ; Quand il fut dessus le pont, Lanlon, etc.
Demanda qui vive.
Quand il fut dessus le pont, Demanda qui vive :
Vive Paris, vive Rouen :
Lanlon, etc.
Sont deux bonnes villes.
Vive Paris, vive Rouen, Sont deux bonnes villes,
Vive ces gentils galands :
Lanlon, etc.
Qui auront belle amie.
Vive ces gentils galands Qui auront belle amie, Je ne le dis pas pour moy, Lanlon, etc.
La mienne est jolie.
Je ne le dis pas pour moy,
La mienne est jolie, Je le dis pour Nicolas, Lanlon, etc.
Qui est de cette ville.
Je le dis pour Nicolas, Qui est de cette ville, La sienne est malade au lit, Lanlon, etc.
De mélancolie.
i*4 ANCIENNES CHANSONS POPULAIRES
La sienne est malade au lit
De mélancolie, Je croy bien qu'elle en mourra, Lanlon, etc.
S'on ne la marie.
Je croy bien qu'elle en mourra
S'on ne la marie; Son père a juré Saint-Lambert, Lanlon, etc.
Et Sainte-Marine.
Son père a juré Saint-Lambert
Et Sainte-Marine
Et qu'il la marira, Lan Ion fa, lan farlarira, Avant six sepmaines.
En un lieu où Ton ne voit goutte, Je n'yray jamais sans lumière, On en a bien souvent la goutte.
Puisque du pertuis je me doubte,
Chandelle ne me sera chère
En un lieu où l'on ne voit goutte.
Si du mal n'avoye grain ne goutte, Et ma grand douleur fust arrière, Je ne sçay femme tant gorrière Qui m'y ieit aller somme toute En un lieu où l'on ne voit goutte.
ANCIENNES CHANSONS POPULAIRES ia5
a bis — 1602
AIR DE COURT
Escoutez, je vous prie, D'un compagnon gallois Qui veut faire s'amie La femme d'un bourgeois, Qui pense jouyr d'elle Pour lui faire la cour :
Mais ell' luy baille belle, Lui jouant un fin tour.
Le gallant sans faintise Luy dit par mots exprez :
Je te supplie, avise A cet heureux succez, Deux ans sont, sans frivolle, Que je vous fais la cour, Et si jamais parolle N'ay sçeu avoir de vous. .
La dam' assez dressée Luy a dit : amy doux, Venez à la vesprée, Faites du loup-garoux.
— Je n'y faudray à estre, Ce soir par devers vous, Et si viendray paroistre Comme un vrai loup-garoux.
is6 ANCIENNES CHANSONS POPULAIRES
Elle, bien advisée, Le dist à son mary.
— Seroit belle risée Si le pouvions tenir.
Laissez le venir, dam, Jusques auprès de vous , Faites lors un vacarme, Criez au loup-garoux. —
Le gallant n'y faut mye Le soir, pour faire court, Accoustré en la guise, Faisant du loup-garoux.
Disant : ma mieux aymée, Suis-je à vostre goust?
Ell'fit de l'effrayée, Criant au loup-garoux.
Son mary si devalle, A son poin un baston, Les voisins il appelle Trestous à l'environ.
A grands coups de houssine, Las, ils renvoyent trestous, Faisant faire la mine Au pauvre loup-garoux.
— Las, mercy je vous crie, Ayez de moi pitié !
Et si à tous j'avise :
Ceux qui voudront aimer, N'y prendre pas envie, Voyant comm' suis secous, Enfin, c'est la folie Du pauvre loup-garoux. —
Voyez la version : 77 faut que je vous die.
Escoutez, je vous prie, La chanson de Robin, Qui aime bien à boire Tousjours de ce bon vin.
En son chemin rencontre Une fille de pris, Qui a dict à sa mère :
Ma mère, je veux Robin.
Robin s'en va à Tours, Achepter du velours Et aussi du satin :
Ma mère, je veux Robin.
Robin va à Orléans, Achepter du vin blanc, C'est pour boire au matin :
Ma mère, je veux Robin.
Robin va en Provence.
Achepter des oranges, C'est pour mettre en son vin Ma mère, je veux Robin.
Robin a des chasteaux « Faicts par monts et par vaux, Qui sont dorés d'or fin :
Ma mère, je veux Robin.
ia8 ANCIENNES CHANSONS POPULAIRES.
Robin s'en va à Meaux, Achepter des pourceaux, Pour faire du boudin :
Ma mère, je veux Robin.
Robin s'en va à vespres, Chantant comme les prestres, Et ne sçait nul latin :
Ma mère, je veux Robin.
Robin a une poulie Qui ne pond ny ne couve, Et si a des poussins :
Ma mère, je veux Robin.
Robin est bon soldard, Il aime bien le lard Et aussi les poussins :
Ma mère, je veux Robin.
— Robin te trompera. — Ma mère, non fera, Car il a bon engin :
Ma mère, je veux Robin.
Il n'est pas si badin Qu'il ne plante des choux Au milieu du jardin :
Ma mère, je veux Robin.
Robin est en prison, Il demande raison, Mais elle est au moulin :
Ma mère, je veux Robin.
Robin est bien malade, Luy faut une salade Et quatre pots de vin :
Ma mère, je veux Robin.
Robin est trespassé, Il le faut enterrer Dedans un muyd de vin :
Ma mère, voilà Robin.
La facture de cette chanson a dû être connue de l'auteur de Cadet Rousselle.
CHANSON NOUVELLE DES SCIEURS d'aIS
Escoutez, je vous supplie, Les complaintes et les pleurs Des confrères de la scie, Qui racontent leurs douleurs, Disant qu'entre tous les hommes Ils sont les plus fortunez.
Ça, ça, ça, que j'en sois, De la troupe des scieurs (Tais.
Moy, quand je fais ma besongne, Je travaille autant que deux, Et si ma femme me grongne, M'appellant double galeux, Mais je luy réponds : Suzanne, Pardonnez-moy, s'il vous plaist.
Ça, ça, ça, etc.
i3o ANCIENNES CHANSONS POPULAIRES
Un jour, mangeant avec elle De bon potage au cresson, Me renversa mon escuelle Dessus le pauvre menton, Dont j'en eus la barbe verte Plus de quatorze jours après.
Ça, ça, ça, etc.
Moy, pauvre batteur en grange, Que je suis en grand tourment, Ma femme se dit un ange, Mais je la trouve un Sathan; Partout où elle se trouve, Dit que j'ay un meschant fiais.
Ça, ça, ça, etc.
Et moi, j'ai une grongnuë, Qui ne fait que rechigner, Et m'envoye à la charrue, Bien souvent sans desjeuner, Mais elle est assez soigneuse De bien traiter ses vallets.
Ça, ça, ça, etc.
Moy, je lave les escuelles, Et puis je cours au moulin, Je frote les escabelles Et si vay quérir du vin Pour Anne, ma propre femme, Qui me tient pour son laquais.
Ça, ça, ça, etc.
ANCIENNES CHANSONS POPULAIRES i3i
Moy, je vav à la taverne, Quelques fois gouster du bon, Mais ma femme me gouverne D'une cruelle façon, Moy Martin baisse la teste Et n'ose approcher de près.
Ça, ça, ça, etc.
Alors, vous orriez Perrette Maudire les biberons, Dans le ventre me souhaite La taverne et les poinçons, Les pintes et les chopines, Les bouteilles et godets.
Ça, ça, ça, etc.
Moy qui faits de la bouillie Pour appaiser les enfans, Et s'il tombe de la suye Un petit morceau dedans, Lors Jacqueline me donne Du bassin dessus le nez.
Ça, ça, ça, etc.
Et moy faut-il que j'endure Que Marthe m'appelle sot, Et me donne sur le mufle Avec la cuiller à pot, Pour avoir fondu l'escuelle Où elle mangeoit des pois vers.
Ça, ça, ça, etc.
i3a ANCIENNES CHANSONS POPULAIRES
Ma femme trop me dédaigne Moi qui suis des beaux peignez, A mon retour de Bretaigne, Elle m'appela gros nez, Parce que Tavois laissée Six ou sept mois de relais.
Ça, ça, ça, etc.
Et moy pour plaire à Michelle, Je vay quérir de l'oignon, Du sel et de la chandelle, De la bière et du charbon.
Ou autrement on m'épouste, En suivant mes qualitez.
Ça, ça, ça, etc.
Moy je vay à la fontaine Et porte la paste au four, Et s'il plais t à Magdelaine, Je seray le long du jour A lui descrotter sa robbe, Et nettoyer ses souliers.
Ça, ça, ça, etc.
Et moy, tous les jours sans faute,
Je bahe la maison.
Et si je tire les chausses
Tous les soirs à Alyson,
Mais, j'ay eu sur les oreilles
Pour les avoir deschirez.
Ça, ça, ça, etc.
ANCIENNES CHANSONS POPULAIRES i33
Vous qui n'estes de la scie, Ne vous mocquez pas de nous, Que de nostre compagnie Vous ne soyez quelque jour, Car si vous changez de femme, Vous y serez attrapez.
Ça, ça, ça, que j'en sois, De la troupe des scieurs d'ais.
Chanson nouvelle du combat faict à la Cour l, sur le chant : Si je Vay dict.
Escoutez la chanson Composée dans Paris, C'est de deux gentilzhommes Qui estoient ennemis.
Si je l'ay dict, Si je le dict jamais, Si jamais j'en parlis.
Pour l'amour d'une dame Sur quoy on a mal dict, On demandé combat Au noble Roy Henry.
Si je l'ay dict, etc.
x . Le duel célèbre de Jarnac et de la Châtaigneraie eut lieu sous Henri II, en 1547. Voy. Amusements philologiques de Peignot, aroe éd., p. 39a.
i3/, ANCIENNES CHANSONS POPULAIRES
Le Roy si leur accorde, Pas ne les escondit.
S'il y a homme en France Qui dict que je l'ay dict.
Si je l'ay dict, etc.
Je veulx perdre la vie Si ne le fais mourir.
Pour en faire l'espreuve, Je m'en vois droict à luy.
Si je l'ay dict, etc.
Du premier coup qu'il frappe Chastaineroie blesse, A la seconde fois Les jaretz lui coupit.
Si je l'ay dict, etc.
Gernach si s'en retourne Devers le Roy Henry :
— Sire, que a ois- je faire De mon grand ennemy ? — Si je l'ay dict, etc.
Le Roy si luy respond :
Fay en à ton plaisir.
Gernach si s'en retourne A son grand ennemy.
Si je l'ay dict, etc.
Rends-toy, Chastaneroie, Car il te fault mourir.
Luy rendit son espée, Son pistollet aussi.
Si je l'ay dict, etc.
Diçjitized by CjOOÇlC
ANCIENNES CHANSONS POPULAIRES i!*5
Gernach si les présente Au noble Roy Henry ; Le Roy si n'en faict compte, Vandosine les a prins.
Si je l'ay dict, etc.
Le Roy si n'en faict compte, Vandosine les a prins, En lui disant : Gernach, Retourne en ton pais.
Si je l'ay dict, etc.
Et mais que je te mande, Tu me viendras servir.
Gernach si prent la poste, S'en va à son pais.
Si je l'ay dict, Si je le dict jamais, Si jamais j'en parlis.
Chanson nouvelle sur le chant de : Rctirc\-vous d'icy, Say fait nouvelle amye.
Écoutez la manière, C'est d'une chambrière Qui complainte faisoit, Terrible et merveilleuse, De ses amours n'avoit Jouissance amoureuse.
i36 ANCIENNES CHANSONS POPULAIRES
Vénus, dame joyeuse, Je suis bien malheureuse, C'est de vivre tousjours Servante et langoureuse, Si de bref n'ay secours :
Il fauldra que j'en meure.
J'ay quinze ans, c'est bon aage, Et ay mon pucellage ; S'il venoit un quidem, En disant bon langage, Bien tost serois content Ensemble mener rage.
On m'acolle, on me baise.
On m'y souffle en l'oreille ; Je diray mon secret, Va tout à l'aventure, Et puis un coup feray, Tenant bonne mesure.
J'ay blanche collerette, La couleur vermeillette, Ferme des rains du tout, Pour me getter sus l'herbe, Quant je gasteray tout, C'est du mal qui m'oppresse.
Au bas or ne ressemble ; Je ne crains point la touche, Au cornet d'un degré Ne feray la farouche, S'il peult venir à gré, J'en feray bonne bouche.
ANCIENNES CHANSONS POPULAIRES i3-
Un garson de vilage Prendray en mariage, Ou un varlet d'hostel, Si près n'y prendra garde.
Or va, de par Dieu va, Tu as mon pucellage.
Si je suis fille esprouvée, La chemise abaissée, Point ne pert qu'on y ait Abatu la rousée ; Si la ceinture croist, Je suis fille gastée.
Ceste chanson fut faicte D'une jeune fillette Qui desirait scavoir Le secret d'amourettes, Une fois seullement, En passant sa jeunesse.
Et d'où venez-vous, madame Lucette?- — Je reviens des chams jouer sur lerbette, Les rains my font si grand mau, Et nique nique nau.
Frappez tout beau, Car je suis tendrette ; Si vous me blessez je vous feray mettre En la prison du château, Et nique nique nau. —
i38 ANCIENNES CHANSONS POPULAIRES
Et je les ay les frisques amouretes,
Enne houoy, Ung matinet en no jardin entray, Dessoubz ung pin la belle je trouvay, Et je les ay les frisques amourettes,
Enne houoy.
Et moulinet vire, tourne,
Vire, tourne-toy.
Nostre chambrière a mal à ung doy, Et nostre valet souvent la revoyt.
Et moulinet vire, tourne,
Vire, tourne-toy.
a bis — 1 602
CHANSON A BOIRE La compagnie doit chanter ensemblement.
Et où avez-vous tant esté, Ce beau pinceau, ce joly petit pinceau, Et où avez-vous tant esté, Ce beau pinceau à peindre nez?
ANCIENNES CHANSONS POPULAIRES i3o.
Et à la cave et au celier, Ce beau pinceau, ce joly petit pinceau, Et à la cave et au celier, Ce beau pinceau à peindre nez.
Qu'en avez- vous r'aporté?
Ce beau pinceau, ce joly petit pinceau, Qu'en avez-vous r'aporté, Des rubis au-dessus du nez.
A qui l'avez-vous r'aporté.
Ce beau pinceau, ce joly petit pinceau, A qui l'avez-vous r'aporté ?
A vous qui avez si beau nez.
(Ce couplet précédent achevé, 'celuy qui va boire monstrera le verre à celuy qu'il veut inviter; cependant qu'il boira, la compagnie chantera ensemblement :)
Voilà qui s'en va. à la valée, Ce beau pinceau à peindre nez.
(Celuy auquel on a beu doit respondre ce couplet ensuivant:
De vous ne le refuseray, Ce beau pinceau, ce joly petit pinceau, De vous ne le refuseray, Ce beau pinceau à peindre nez.
Et quand le diable vit venir tant de sergens, Il demanda tout estonné : qui sont ces gens? — Hélas, ilzsont à vous, monsieur le diable, Hélas, ils sont à vous, les voulez-vous?
i4o ANCIENNES CHANSONS POPULAIRES
Et quand le diable vit venir les cousturiers, Il demanda : à qui sont tant de banneliers?
— Hélas, ilz sont à vous, monsieur le diable, Hélas, ilz sont à vous, les voulez-vous?
Et quand le diable vit les muniers retournez, Il demanda : pour qui sont ces enfarinés?
— Hélas, ils sont* à vous, monsieur le diable, Hélas, ils sont à vous, les voulez-vous?
Et saute don, dit la fillette, Garçon de vilage, il est temps, Gettez-moy tost sur la couchette Et faittes mes esprits contents :
D'avoir l'alarme je prétends, En sçavez-vous pas bien l'usage ? Saute don, garçon de vilage.
Faictes le moy, faictes le moy, Je vous prie assavoir (bis) Si vous m'aymez si fort que je prétendz. Et me venez dedens ma chambre voir, Où maintenant seulette vous attendz,
Bon gré mau gré les mal disans Qui vont nos propos escoutans, Et nous nuysent à leur pouvoir; Nous prendrons notre passetemps, Tout ainsi comme je l'entendz, Mais que faictes vostre debvoir.
Femmes, battez vos marys Qui sont pleins de jalousie, Mais ne battez pas le mien, Par amour, je vous en prie :
Et au chant derelo.
Mais ne battez pas le mien, Par amour, je vous en prie, Car mon doulx amy m'y fait Ce qu'un aultre ne fait mie :
Et, etc.
Il se lève entour minuict Pour bercer l'enfant qui crie.
Il se lève au poinct du jour Pour m'y chauffer ma chemise.
Et me la porte en disant :
Levez-vous, ma doulce amie.
Héias! comment m'y leverove?
J'ay la chaulde maladie.
i4a ANCIENNES CHANSONS POPULAIRES
Et que vouldriez-vous menger?
Dictes-le- moy, ma doulce amie.
Voulez-vous d'un bon chapon Ou d'une allouette rostie?
Ou se voulez d'un bon canart Qui soit fait à la dodine?
Et je ne le sçaurois menger Si je n'avois compaignie.
Quel compaignie voulez-vous?
Dites-le-moy, ma doulce amie.
Voulez-vous Messire Jehan ?
Ou si voulez à Graverie?
Je ne veulx Messire Jehan, Et si ne veulx à Graverie ;
Mais je veulx ce petit clerc Qui sçait bien lire et escripre ;
Entre vous, gentilz gallans Qui cheminez par la ville,
Se rencontrez mon mary, Pour Dieu ne le battez mie, Et au chant querelo.
Fuyons tous d'amour le jeu Comme le feu.
Aime qui voudra les femmes, Serve qui voudra les dames, Quant à moy je n'en ay cure,
Nj les procure :
Jamais on n'y gaigne rien,
Je le voy bien.
Fuyons tous, etc.
Si vous aymez une femme, Tout le monde vous diffame, Et souvent elle est trop fière
Toute première, Pour s'en servir en tout tems
De passetems.
Fuyons tous, etc.
Une femme davantage A le cœur léger et volage, Auquel n'y a de constance
Ny d'asseurance Ne plus ne moins qu'a le vent
Le plus souvent.
Fuyons, etc.
Si par l'amour l'avez aquise, Et qu'autre Paye requise, Qui luy soit plus aggreable
Ou délectable, Soudain serez mescongneu
Et mal venu.
Fuyons, etc.
Tant qu'elle vous verra fortune Ne vous sera importune :
Mais si fortune s estrange,
Elle se change ; Hors du nombre serez mis
De ses amys.
Fuyons, etc.
Brief, pour cinq sols de liesse, Cinq cens escus de tristesse L'on voit estre en amourettes,
Aus plus parfaittes.
Pour estre constant et fort
L'on prend la mort.
Fuyons tous d'amour le jeu Comme le feu.
Cette chanson se trouve parmi les madrigaux à quatre voix d'Orlando de Lassus.
Gente fleur de noblesse, Où mon cœur se ressort, Par vostre gentilesse, Donnez-moy reconfort.
Vostre amour si me blesse Nuyct et jour si très fort, Vous m'y tenez rudesse, Las, vous avez grand tort.
Vous estes belle et gente Pour gens de bien servir, Et avez la science De les entretenir.
D'une chose vous prie, S'il vous vient à plaisir :
Cest que soyez m'amye, Et seray vostre amy.
— O chevalier, beau sire, Pour Dieu, déportez-vous.
En toute compaignie, Vous me priez d'amours, Vous aymez sans partie, Sachez en vérité :
Se aultrement disoye Vous seriez abusé. —
Vous cuidoys tenir, belle, Pour dame par amours, Sans vous estre rebelle, Mais vous servir toujours.
Vous fussiez ma maîtresse, Et fusse vostre servant :
Mais j'aperçoy, la belle, Que m'allez refusant.
Je m'en voys en la guerre, En estrange pays, Loing de mes amourettes, Près de mes ennemys, Abandonner ma vie, Pour vivre ou pour mourir, Pour l'amour de vous, belle, Dont je ne puis jouyr.
i*6 ANCIENNES CHANSONS POPULAIRES
— O chevalier, beau sire, Ne vous courroucez pas ; Quand viendrez de la guerre, Repassez par deçà ; Manderay à mon père Et à ma mère aussi, Et ce qu'ilz en diront Je le tiendray à dit. —
Je m'en voys à boucaige, Là sus au boys ramé, Où feray pénitence, Car il m'est enchargé.
Plus n'aymeray ces filles, Elles nront abusé, Maisserviray Marie, C'est la mieulx à mon gré.
Gentil duc de Lorainne, Prince de grant renom, Tu as la renommée Jusques delà les mons, Et toy et tes gens d'armes, Et tous tes compaignons.
Du premier coup qu'il frappe,
Abatit les donjons;
Tirez, tirez, bombardes,
Serpentines, canons :
« Nous somes gentilzhomes,
Prenez-nous à rançon. »
ANCIENNES CHANSONS POPULAIRES i4;
— Vous' mentez par la gorge, Vous n'estes que larrons, Et violeurs de femmes, Et brûleurs de maisons ; Vous en aurez la corde Pardessoubz le menton,
Et sy orrez matines Au chant des oysillons, Et si orrez la messe Que les corbins diront.
Gentilz gallans de France Qui en la çuerre allez, Je vous prie qu'il vous plaise Mon amy saluer.
— Comment le saluroye Quant point ne le congnois ? - Il est bon à çongnoistre :
Il est dfe blanc armé,
Il porte la croix blanche, Les espérons dorez, Et au bout de sa lance Ung fer d'argent doré.
— Né plorés plus, la belle, Car il est trespassé :
Il est mort en Bretaigne, Les Bretons l'ont tué»
i/48 ANCIENNES CHANSONS POPULAIRES
Jay veu faire sa fosse L'orée d'ung vert pré, Et veu chanter sa messe A quatre cordeliers. —
Ckansçn des cinq voyelles, sur le mariage de la belle Marguerite et de Girard son amoureux loyal, sur le chant de la Poitevine.
Girard est un bon compagnon, Homme de bonne renommée ; Il est arrivé de Chalon Desus sa grand jument pelée, Tout exprès pour faire l'amour A la fille de la grand' A aaaaaaane, Qui demeure en notre faux-bour, Dans une petite caba a a a a a ane.
Un soir bien tard avant midy
Il en vint faire la demande ;
Sans parier on luy répondit
Qu'elle n'étoit pas assez grande.
Mais le galand voyant venir
Sa maîtrese bien atiflfé é é é é é é ée,
On ne le put jamais tenir
Jusqu'à tant qu'il l'eut bien baisé é é é é c c ée.
Les parens étans assemblez Pour conclure une telle affaire, Demandent, sans être troublez, A Girard ce qu'il sçavoit faire :
ANCIENNES CHANSONS POPULAIRES i49
Lequel répondit sagement
Qu il sçavoit bien gagner sa vi i i i i i i ie,
Et qu'il avoit asseurément
Des moutons dans sa bergeri i i i i i i ie.
Il fut question de sçavoir
Ce qu'on donneroit à la fille,
Et ce qu'elle pouvoit avoir,
Tant en habits, qu'autre ustanciie?
Lors sa mère luy a promis
Six grands draps de chacun une au au au au au
Avec un beau cotillon gris, | aune,
Du meilleur drap de Carcasso oooo one.
Les deux partys étans contens
De ce mariage parfaire,
Sous les Charniers Sains Innocens,
Falut trouver un secrétaire,
Pour écrire ce qu'on donnoit
A notre grosse mammelu u u u u u ue,
Qui en marchant fit un gros pet,
Tout au beau milieu de la ru u u u u u ue.
Girard qui croioit tout de bon
Que ce fut un coup de tonnerre,
En eut telle appréhension
Qu'il se laissa tomber par terre.
Les petits enfans de Paris,
Voyans que ce n'étoit que bou ou ou ou ou oue,
Tout partout dessus ses habits,
Un chacun luy faisoit la mou ou ou ou ou oue.
Encor plus fort qu'auparavant Nos amans reprennent courage, Et dès le dimanche ensuivant L'on commença le mariage :
cm ANCIENNES CHANSONS POPULAIRES
Car le premier banc fut jette
Tout droit dessus leur pauvre tê ê ê ê ê ê ête,
Dont Girard étant attristé
Voulait quasi faire la bê ê ê ê ê ê ête.
Quand tous les bancs furent jettes,
Les placets et les escabelles,
Les mariés de tous cotez
Firent tout aller par écuelle,
Et les parens voyans cela,
Pour honorer les épousa a a a a a illes,
Ils dancèrent tant ce jour-là,
Qu'ils firent tomber les mura a a a a a ailles.
Quand il fut environ minuit,
Nos jeunes gens étoient en guerre,
Car ils rompirent le châlit,
Et se trouvèrent contre terre.
L'épousée montrait bruneau,
Le nez tourné devers la ru u u u u uelle,
Et Girard étoit tout en eau,
D'avoir tant chamaillé contre el e e e e e elle.
Au bout de quelque temps après,
Marguerite devint enflée :
Il faîut faire les aprêts
Nécessaires d'une accouchée ;
Girard fut bien tôt conseillé
D'acheter des couches et lan an an an an anges ;
Pour avoir si bien travaillé,
Il reçut dix mille louan an an an an anges.
ANCIENNES CHANSONS POPULAIRES i.r>i
Gros Jan menoit hors de Paris en croupe Un jour d'esté sa maîtresse jouer, Où rencontra des soldats une troupe, Dont fut contraint sa femme l'advouer.
Lors l'un d'entre eux le voulant esprouver : Par bieu, dit-il, maintenant le verrons; Faites-luy donc, ou tous nous luy ferons. Que fit gros Jan? Et droit dessus.
Mais elle disoit bas :
Faisant semblant, ne mets que sur le bord. Par bieu, dit-il, vous aurés votre cas; Si me faignois, ils me turoient tout mort,
Et droit dessus, et droit dessus.
Quand il eust fait, elle entre en appétit, Prent son gros Jan, le chatouille et l'embrasse, Disant : mon fils, pousse encore un petit, Car pour si peu ma chaleur ne se passe. Mais le vilain, qui d'un seul coup se lasse, Ne faisoit plus que gémir et suer.
— Si te faut-il, dit-elle, esvertuer, Car l^s gens darmes sont encores là. — Sambieu, dit-il, s'ils me devoyent tuer, Si n'aurés vous maintenant que cela.
m bis — 1633
Guillot che valeton des premiers d'Abeville, Espousa Janneton, la belle de no-ville ;
j52 anciennes chansons populaires
On luy fit un racueil digne de la contrée :
Vertu bieu, dit Guillot, nous aurons belle entrée.
Les plus proches parens de Peronne et de Roye, Et les plus apparens firent des feux de joye, Tant ils estaient contens de l'avoir rencontrée : Vertu bieu, dit Guillot, nous aurons belle entrée.
Monsieur du Hanneton, monsieur de la Licorne, Le maistre du Mouton, et celuy de la Corne, Avec les violons furent voir l'épousée : Vertu bieu, dit Guillot, nous aurons belle entrée.
Ils furent bien servis de jambons et d'andoiiilles, Avec trois plats de ris et deux plats de grenouilles, Des cornets de métier, dedans de la badrée : Vertu bieu, dit Guillot, nous aurons belle entrée.
Quand se vint au coucher, la pauvre créature Dict qu'on avoit faussé sa serreure, Et que depuis trois jours on l'avait racoustrée : Vertu bieu, dit Guillot, nous aurons belle entrée.
Quand elle fut au lict du costé de la ruelle, Alors elle se mit à pleurer en pucelle, Et pourtant avait eu trois fieux d'une ventrée : Vertu bieu, dit Guillot, nous aurons beMe entrée.
Hau hau, hau le boys, Prions à Dieu le roy des roys Garder ce gentil vin françoys.
ANCIENNES CHANSONS POPULAIRES i53
Si en beuvrons six potz pour troys, Pour mieulx nous esclarcir les voix :
Beuvons d'autant,
Hau hau hau le boys.
Hau le boys vignerons gentilz, Prenez serpette et serpillonnette, Qui fait tenir vaisselle nette, La plus noble entre les outilz.
a bis — 1602
Hier au matin m'y levay, Allez-vous-en, je m'en iray, Au jardin de mon père entray,
Par dessoubs un ente.
Il est temps de s'en aller,
Et de congé prendre.
Au jardin de mon père entray, Allez-vous-en, je m'en iray, Trois rieurs d'amour j'y cueillay,
Par dessoubs un ente.
Il est, etc.
Trois fleurs d'amour j'y cueillay, Allez-vous-en, je m'en iray, Un beau bouquet j'en feray,
Par dessoubs un ente.
Il est, etc.
i54 ANCIENNES CHANSONS POPULAIRES
Un beau bouquet je luy feray, Allez-vous-en, je m'en iray, A la dance je l'ay porté, Pardessoubs un ente.
Il est, etc.
A la dance je l'ay porté, Allez-vous-en, je m'en iray, A mon amy l'ay présenté Par dessoubs un ente.
Il est, etc.
A mon amy Tay présenté, Allez-vous-en, je m'en iray, Il Ta prins, dont luy en sais gré,
Par dessoubs un ente.
Il est, etc.
Il Ta prins, dont luy en sais gré, Allez-vous-en, je m'en iray.
D'un baiser m'a remercié Par dessoubs un ente.
Il est temps de s'en aller Et de congé prendre.
Air n° 8
Hier au matin m'y levay, Laissez-moy planter le may, En nostre bois m'en allay, En riant, tout en riant.
ANCIENNES CHANSONS POPULAIRES i55
Laissez-moy planter le may, Moy qui suis genti gallant.
En nostre bois m'en allay, Laissez-moy planter le may; Ma bergère j y trouvay, En riant, tout en riant.
Laissez, etc.
Ma bergère je trouvay, Laissez-moy planter le may, A l'instant je Tembrassay, En riant, tout en riant.
Laissez, etc.
A l'instant je Tembrassay, Laissez-moy planter le may, Sur l'herbe je la jettay, En riant, tout en riant.
Laissez, etc.
Sur l'herbe je la jettay, Laissez-moy planter le may; Son cotillon je haussay, En riant, tout en riant.
Laissez, etc.
Son cotillon je haussay, Laissez-moy planter le may; Mon courtaut s'est détaché, En riant, tout en riant.
Laissez, etc.
i56 ANCIENNES CHANSONS POPULAIRES
Mon courtaut s'est détaché, Laissez-moy planter le may.
Il a si fort regimbé, En riant, tout en riant.
Laissez-moy planter le may, Moy qui suis genti gallant.
Hola hé, par la vertu goy, Dieu vous gart, ma dame, Hola hé, par la vertu goy,
La je reny goy,
La saint sang goy, Ma dame Dieu vous gart.
L'autre jour venoys de nostre village, Rencontray Margot qui gardoit ses vaches.
Hola hé, etc.
Cette chanson est évidemment incomplète.
Il a brûlé là hotte, Bretelles et tout.
Nous étions, nous, trois filles, Toutes trois d'une ville, La belle du bout.
ANCIENNES CHANSONS POPULAIRES i5:
Nous disions l'une à l'autre,
La belle du bout :
Il a brûlé la hotte,
Bretelles et tout.
Nous disions l'une à l'autre,
La belle du bout :
Mariez-vous, cousine,
La belle du bout.
Mariez-vous, cousine,
La belle du bout.
Hélas, ma" sœur, je n'ose,
La belle du bout.
Il a brûlé la hotte, Bretelles et tout.
Il est bel et bon, Bon; bon, commère, Il est bel et bon, bon, mon mary.
Disans l'une à l'autre : avez-vous bon mary? Il est bel, etc.
Il ne se courrouce, ne me bat aussi, Il fait le mesnage, il donne aux poullailles,
Et je prens mes plaisirs :
Commère, c'est pour rire, Quand les poullailles crient : petite, petite,
Coquette, qu'est-ce cy?
i58 ANCIENNES CHANSONS POPULAIRES
Il est bel et bon, bon, bon, commère, Il est bel et bon, bon, mon mary.
Disans l'une à l'autre : avez-vous bon mary?
Il est jour, dit l'alouette, Il est jour, dit l'alouette, Allons jouer sur l'herbette,
Sur bout, sur bout, Allons jouer sur l'herbette.
Mon père m'a mariée
A ung ort* vieillart jaloux,
Le plus let de cette ville
Et le plus mal gratioux,
Qui ne scet, qui ne peut, qui ne veult
Faire la chosette,
Voire da, voire da, voire da,
Qui est si doulcette.
Air n° 9
Il estoit trois mercerots, Sur le bort bonne ville, Qui ne veulent point loger, Ce n'est en bonne ville, La Ion, la la la, la lire.
bis
Vilain.
Qui ne veulent point loger, Ce n'est en bonne ville Comme à Rouen et à Paris,
A Chartre la jolie.
La Ion, etc.
Comme à Rouen et à Paris,
A Chartre la jolie, De Chartres en Avignon, Où sont ces belles filles.
La Ion, etc.
De Chartres en Avignon, Où sont ces belles filles.
Las ! ils sont allé loger
En une hostelerie.
La Ion, etc.
Las! ils sont allé loger
En une hostelerie, En une hostelerie y a
Une tant belle fille.
La Ion, etc.
En une hostelerie y a Une tant belle fille, Qui tout du long du souper Ne cessa point de rire.
La Ion, etc.
Qui tout du long du souper
Ne cessa point de rire.
Las ! ils Font prise et ploiée
Dedans leur mercerie.
La Ion, etc.
i(m ANCIENNES CHANSONS POPULAIRES
Las! ils Vont prise et ploiée Dedans leur mercerie, Ne la peurent bien ploier Que les pieds ne pendirent.
La Ion, etc.
Air n° 10
Il estoit un bonhomme (bis) Jouant de la tamboure (bis), Jouant de la tamboure, Dibe dibe dibe dibedon, Et de la trompette,
Fran fran fran, Et de la my-fluste, Turelutu tu, turelu tu tu, Et de la mi fa sol la, Fa rè la rirette, fa re la rirette, Et de la mi fa sol la, Fa re la rirette, liron fa.
Il estoit un bonhomme (bis) Jouant de la cimbale (bis).
Jouant de la cimbale, Din relin din din, relin din din, Et de la vielle, yon yon yon,
Et de la rebeque, Tire H ty, tire li ty ty,
Et delà mi fa sol la, Fare larirette, fare larirette,
Et de la mi fa sol la, Farelarirette, liron fa.
Il estoit un bon homme {bis) Jouant de la viole (bis), louant de la viole, Tore lo totio, relo totio, Et de la raquette, clac clic clac, Et de la musette, Toure loure loure lou, Et de la mi fa sol la, Farelalirette, Farelarirette, Et de la mi fa sol la, Farelarirette, liron fa.
Il estoit un bon homme ftis) Jouant de la mandore (bis), Jouant de la mandore, Tire lire lire la, Et de la navette, vrest vrest brest,
Et de la cliquette, Taque tique, taque tique tac, Et de la mi fa sol la, Farelarirette, Et de la mi fa sol la, Farelarirette, liron fa.
Il estoit un bon homme (bis), Jouant de la braguette (bis), Jouant de la braguette, Zipe, zipe zipe, zipeson,
ifa ANCIENNES CHANSONS POPULAIRES
Et de son derrière, zest croc pauf,
Et de la bouteille, Glou fflou glou glou glou glou glou,
Glou glou, Et de la mi fa sol la, Farelarirette, Farelarirette, Et de la mi fa sol la, Farelarirette, liron fa.
II estoit un clerc qui aymer vouloit, Il aymoit une dame qui tousjours (Mes amourettes), Qui tousjours pleuroit .
J'ay ma vache à traire, j'ay tant mal (Mes amourettes), J'ay tant mal au doit.
Qie donriés vous, belle, qui vous la (Mes amourettes), Qui vous la trairoit?
Je donrois volontiers le pot et (Mes amourettes] Le pot et mon lait.
La vache fut fière, rua, (Mes amourettes),
ANCIENNES CHANSONS POPULAIRES i63
Rua du jarret Et cassa le pot, Respandit (Mes amourettes), Respandit mon lait.
a bis — 1602
Il estoit une fillette Dormant dans un verd buisson,
Disant une chansonnette :
Las! que ne m'y marie-on?
Il y a, si a, non a, Il y a, si a, non a, Il y a qui m'y frétille, Qui m'y fait mal.
Disant une chansonnette, Las! que ne m'y marie-on,
La petite motellette M'y frétille à l'environ.
Il y a, etc.
La petite motellette M'y frétille à l'environ, Je ne suis pas trop jeunette, J'ay bien quinze ans, ce dit-on. Il y a, etc.
Je ne suis pas trop jeunette, J'ay bien quinze ans, ce dit-on, Je suis assez fortelette Pour endurer le canon.
Il y a, etc.
i64 ANCIENNES CHANSONS POPULAIRES
Je suis assez fortelette Pour endurer le canon :
Courez fort à l'esguillette, Je suis prompte à l'esperon.
Il y a, etc.
Courez fort à l'esguillette, Je suis prompte à l'esperon.
Il estoit une fillette Dormant dans un verd buisson.
Il y a, si a, non a, Il y a, si a, non a, Il y a qui m'y frétille, Qui m'y fait mal.
Air n° 1 1
Il estoit une fillette
Qui alloit glaner, A fait sa gerbe trop grosse,
Ne la peut lier :
Mon Dieu, qu'elle est godinette,
La sçaurois-je aimer?
A fait sa gerbe trop grosse,
Ne la peut lier, Par icy y est passé
Un brave chevalier :
Mon Dieu, etc.
ANCIENNES CHANSONS POPULAIRES i65
Par icy y est passé
Un brave chevalier, Il Ta priée d'amourette,
Ne Ta refusé :
Mon Dieu, etc.
Il Ta priée d'amourette,
Ne Va refusé ; La fillette fut niquette,
S'est mise à plorer :
Mon Dieu, etc.
La fillette fut niquette,
S'est mise à plorer, Et moy je fus pitoyable,
La laissai aller :
Mon Dieu, etc.
Et moi je fus pitoyable,
La laissai aller; Quand elle fut dedans ce bois,
Se mist à chanter :
Mon Dieu, etc.
Quand elle fut dedans ce bois,
Se mist à chanter :
Hélas! où est-il allé
Ce couart chevalier :
Mon Dieu, etc.
Hélas! où est-il allé, Ce couart chevalier?
Pour un soupir d'amourette M'a laissé aller :
odinette,
Mon Dieu, qu'elle est g< La sçaurois-je aimer?
Air n° 12
Il estoit une fillette Qui chantoit au verd buisson, Disant mne chansonnette : Las! que ne me marie-t-on?
Car si Ton ne me marie Je le presteray à tous;
Ça ça ça, crassous, Ça venez cy, venez ça, Venez tous, ça ça, crassous, Ça, venez don loger chez nous.
Il estoit une fillette Qui allait planter des choux ; La rousée estoit grandette, Son vraibis en print la toux.
Il luy faut faire un potage Batu à quatre genoux :
Ça ça ça, etc.
Il estoit une fillette Qui alloit jouer au bois, Elle dansoit sur Therbette Et disoit à haute voix :
Comment faut-il que j'espouse Ce vieux rechigné jaloux ?
Ça ça ça, etc.
Il estoit une fillette Qui discouroit tous les jours De ses belles amourettes, Et de mille autres bons tours, Et disoit en son ianguage :
Mon mary sera coucou :
Ça ça ça, etc.
Il estoit une fillette Qui petoit incessamment.
Je lui dis : Ma mignonnette, . Vous estes pleine de vent.
— Mon doux ami, se dit-elle, C'est mon cul qui a la toux :
Ça ça ça, crassous, Ça venez cy, venez ça; Ça, venez don loger chez nous.
Sur l'air : J'ai quatorze ans ou davantage*
Il estoit une fillette
Qui vouloit scavoir le jev. d'amours;
Un jour la trouvay seuiletie,
Je luy en monstray deux ou trois tours,
i68 ANCIENNES CHANSONS POPULAIRES
Après avoir senti le goust,
Elle m'a dit bas en riant :
Le premier coup m'y semble lourd,
Mais la fin m'y semble friant.
Je luy ditz vous me temptez,
Elle m'a dit recommencez.
Laissez-moy, petite garce, vous avez grânt tort. Et quant ce vint à sentir le doulx point, Vous l'eussiez veu mouvoir si doulcement Que son las cœur en tremble fort et point, Mais Dieu mercy c'estoit un doulx tourment.
Le soir d'après, la fillette A veu la lune à son decours.
Elle a mandé Marionnette, Priant qu'elle luy donnast secours, Et qu'elle estoit en grant amour Devant le dieu d'amour priant, A deux genoulx le requérant.
Qu'esse, ma mie, que voulez?
Venez, mon amy, venez; Venez, que je vous embrasse jusques à la mort. Et nous boutons nez à nez, Et nous joignons près à près, Ticque tacque, Ticque tacque, A grands coups bien fort.
Mais sur la fin ainsi qu'on se demoisle, Souffrir ne veulx autre département.
Mais, Dieu mercy, il luy fut bien advis Qu'il en sortit mœsle très aysement.
Au bout de neuf moys, la fillette A veu son ventre à rebours, Elle a mandé une sage fe m mette, A qui a compté ses doulours, La requérant à deux genoulx Scavôir s'elle est grosse d'enfant, — Il est, dyt-elle, tout frétillant. —
Elle se print à crier :
A qui le dois-je bailler?
Bailler l'enfant à son père,
On luy fera tort.
11 est allé sur la mer :
Je ne le puis recouvrer; Je sens le mal qui m'aproche,
J'en souffriray mort.
La sage femme luy va dire :
Vous souvient-il qu il entra si aisément? Priez à Dieu, quant il vouldra sortir, Qu'il en sorte aussi joyeusement.
Fille qui prent son plaisir
Et ne veult le mal souffrir,
S'elle ne prend en patience, Je ditz qu'elle a tort.
Mais quint ce vint à son enfantement, Elle se print haultement à crier.
La sage femme luy va dire ainsi :
Priez Jésus, le requérant aussi.
Quant vous complirés vostre plaisir, Vous ne disiez pas ainsi, Vous recordiez voz amourettes Tous deux par accord.
i;o ANCIENNES CHANSONS POPULAIRES
Mais quant ce vient à son relèvement, De sa chambre elle s'en va sortir, Droit à l'église, sa chandelle portant, Priant Jésus et tous les saincts aussi :
Fille qui prend son plaisir .
Et qui aime le déduit,
S'elle ne gaigne le mal de dents.
On luy fera tort.
