FRAGMENT
Ol est vray que J on Tallebot, Mon vezin, me cassyt mon bot, Un jour en jouant au pallet ;
Y m'avisy qu'au m'en fallet En avoir ryparation,
Que Dieu predoint au trespassy Qu'elle en morguyt : ma dea prêtant, A lavet y ne feure terce.
Peu après o faut dyre comme
Y vous fy adjourny menomme Devant le juge dau village, Qui condonyt de bon courage Mon genty vea de Talebot,
Et me de le vous faire aller A Poeters devant doynea Au quau y ousty mon chappea, Et ly dicy : monsieur, vecy Gle me cassyt mon bot ainsy Croc, croc, croc, se fyt ilg de son pallet. Fyt doynea a Talebot.
Etc., etc., etc.
On dit qu'à Vaugirard ill y a de belles filles, Qui pour leur grand beauté le Roy les voulut voir,
Farlarira lironfa, liron lanière.
Qui pour leur grand beauté le roy les voulut voir, Il n'y a pas envoyé son laquais ni son page,
Farlarira, etc.
Il n'y a pas envoyé son laquais ni son page, Mais il a envoyé ce bon prince d'Orange,
Farlarira, etc.
Mais il a envoyé ce bon prince d'Orange. — Aussi tost qu'elle le veid : je suis fille perdue!
Farlarira, etc.
Aussi tost qu'elle le veid ; je suis fille perdue! — Ne te chagrine point, c'est pour ton mariage:
Farlarira, etc.
Ne te chagrine point, c'est pour ton mariage. — «A moy n'appartient pas d'avoir un fils de France,
Farlarira, etc.
» A' moy n'appartient pas d'avoir un fils de France. Mais à moy appartient d'avoir un gentilhomme,
Farlarira, etc.
» Mais à moy appartient d'avoir un gentilhomme, Qui soit de bonne maison et de bon parentage, »
Farlarira, etc.
a bis - 1602
Or escoutez, gentils galans, Tout par amour, je vous prie, D'une fille de quinze ans Qui estoit cointe et jolie, Qui s'en alloit l'autre jour Chantant par si grand doulour, Elle disoit en sa chanson :
Je m'en vay planter le cresson.
Ainsi qu'elle s'en alloit,
Une proye a rencontrée,
Un fort et puissant varlet,
Qui ne sauroit sa pensée ;
A elle s'en alla de hait,
Et luy dit en peu de plaîè :
Où allez-vous, Ma ri on?
— Je m'en vay planter le cresson. —
Si ne le sçavez planter, Je vous apprendray la guise :
Sa robbe luy va lever, Son plisson et sa chemise ; D'une plante au bas rouget Luy plante en son jardinet, Puis luy a dit : Marion, On plante ainsi le cresson.
Quant la fillette eut senty La douceur de ceste plante, Elle dit : mon doux amy, Vers vous j'ay mis mon attente ;
Je n'ay amy ne parent Que j ayme si parfaitement :
Mieux vaut que tout Alençon La plante de ce cresson.
One jamais en mon vivant Ne senty si douce chose :
C'est dommage vrayment Qu'un tel galand se repose.
Si vous estes bon galois, Commencez une autre fois, Je vous donray le renon De bien planter le cresson.
Quand le cresson fut planté, En la jolie cressonnière, Le jardinier print congé De la belle jardinière, Luy disant sans nul séjour :
Adieu jusques au retour, Vous avez, par sainct Simon, Grande plante de cresson.
Or m'y rendez mon Karolus,
Tant belle jeune fille, Or m'y rendez mon Karolus, N'en parlez plus.
fyo ANCIENNES CHANSONS POPULAIRES
Mon père avoit ung jardinet, Couvert de roses, de muguet:
Tant belle jeune fille, Or m'y rendez mon Karolus, N'en parlez plus.
Le filz du roy sy ombragoit, Une tant belle amye avoit:
Tant belle jeune fille, Or m'v rendez mon Karolus, N'en parlez plus.
Toutes les fois qu'il la baisoit, La poure fille si trembloit:
Tant belle jeune fille, Or m'v rendez mon Karolus, N'en parlez plus.
a bis — 1602
Or oyez entre vous, gens qui dormez , Réveillez-vous, réveillez.
lïscoutez d'une fillette Aymant l'amoureux déduit, Qui avec une clochette Va criant durant la nuict :
Or oyez entre vous, gens qui dormez, Réveillez-vous, reveillez.
ANCIENNES CHANSONS POPULAIRES 3pi
La fille gaye et subtille D'un laquest qu'éll' vit dormant Print haut de chausse et mantille, Pour crier plus finement :
Or oyez, etc.
Desguisée en la manière Par la rue sans nul soucy, Puis s'estant donné carrière, Toujours elle crie ainsi :
Or oyez, etc.
Sans repos son travail dure, Le jour prend Tesbattement Dans le moulle de nature, La nuit ell' crie hautement :
Or oyez, etc.
Ma foy, s'eir estoit plus belle, Je prendrois bien quelque fois La patience avec elle De crier à haute voix :
Or oyez, etc.
Or regardez dy quou vilain qui bat les gens ; En m'en allant à la foire à Sainct-Laurent, Rencontray nostre varlet en labourant; Il m'appelit, j'aly à ly, tout en courant : Or regardez dy quou vilain qui bat les gens.
3ç)-* ANCIENNES CHANSONS POPULAIRES
Sçavez-vous qui gle me fist y quou gallant? Me baisit et m'embrasit incontinent, Il me lutit, choguy soubs luy, en m'escriant : Or regardez dy quou vilain qui bat les gens.
Pu quen me vouguy bougv y quou fringant, Y criy tant que pouguy bien hautement ; Mais par despit il me vinguy ce mau faisant : Or regardez dy quou vilain qui bat les gens.
Laissez-y quou, je ly dy, méchant brigant, Jou diray et te mettray en jugement, Je regimby, me remuy, en le poussant : Or regardez dy quou vilain qui bat les gens.
Et quand il fut convaincu praiournement, Dont monsieur Jan, qui fait tout, ly vint disant , Mais en effect, as-tu forfaict dont t'accusant : Or regardez dy quou vilain qui bat les gens.
Gla menty plus de six fois tout en seguant, Maugré moi il mou faisit, peu s'en repent, A si disy, marme fîfi, ma n'est pas temps : Or regardez dy quou vilain qui bat les gens.
Adonc monsieur Jan ly dist pramendement : Je condanne a ly deffaire y quou meschant, Au demourant payera s six olancs pour tous despens : Or regardez dy quou vilain qui bat les gens.
CHANSON NOUVELLE
£>e la réjouissance de la défaite de Montgommery, lequel a esté exécuté en la place de Grefve, le samedi 26e jour de juin 1574, Sur l'air de Feret.
Or sus quant à moy France, Je ne veus plus souffrir, Puisque ceste sentence N'a esté excusance Dessus Montgommery.
Conteray-je ton vice,
Dy meschant malheureux ?
Non, puisque la justice
A faict faire l'office
De ton corps orgueilleux.
Mais ta mort misérable
Partout raconteray,.
Comme un meschant damnable,
Vilain et exécrable,
Point ne le dediray.
O mort bien ordonnée, Pour entre nous François De Dieu estoit donnée Et des cieux colloquée, Tu es mort toutes-fois.
Tu pensois de vitesse Te sauver dans Donfront, Et pour tenir ton estre, Mais tu trouvois ton maistre, Monsieur de Matignon.
Combien de mal en France As faict depuis quinze ans !
Quand entras dans la lice, Pour faire au Rov service, Tu le tuas, mescnant.
Bien dois maudire l'heure Que jamais tu fus né, Et aussi la journée, Car ta vie malheurée Nous a bien tourmenté.
Tu as faict de bravades Contre France et ton Dieu, Car, hélas, tu es cause Que les deux Rois reposent En leur obscur sercueil.
Je parle à toy damnable.
Tu n'as poinct, exécrable, Voulu baizer la croix ; Ton ame tollerable Sera endommageable, Si ton Dieu n'y pourvoit.
J'ay passé tant d'alarmes D'aller et de venir, A coup de masse d'armes, J'en ay aux yeux les larmes Quant m'en vient souvenir.
Samedy d'excellence Vingteseptième Juing, Dans la place de Grefve Fut ta sentence brève.
Le monde le vit bien.
On te tranchit la teste, Ayant les yeux bandez, Et puis d'un cousteau large Sur toy fist une charge, Pour te mettre en quartiers.
O Royne, ô régente, Un honneur à jamais Tu auras de la France, D'avoir faict la vaillance Qu'as monstre désormais.
Païsans de village, Et vous femmes, chantez Ceste chanson en foulle, Et si lâchés vos poulies, Car plus guerres n'aurez.
Le vieux regnard sauvage A dict son immanus, Et puis d'une espée large Avec une descharge, Fi, je n'en parle plus.
Prions Dieu d'excellence Que tous noz ennemis Puissent venir en France, Pour avoir récompence Comme Montgommery.
Oyez par bonne façon D un petit homme la chanson, Et de ses faictz toute la somme ; Dieu gard de mal ce petit homme.
Ce petit homme tant joly Tousjours chante et tousjours rit, Et tousjours baise sa mignonne :
Dieu gard, etc.
Ce jcly mois d'aoust tant gaillard Irons jouer à Vaugirard, Et de là au boys de Boulongne :
Dieu gard, etc.
Je m'en vay demain au marché, Pour maintes choses acheter, Tout le besoing de ma personne :
Dieu gard, etc.
J'auray la coquille d'un bœuf, Pour couvrir m'amye, quand il pleut, Et quand il pleut et quand il tonne : Dieu gard, etc.
Si j'avois la peau d'un connin, J'en ferois faire un casaquin Et des souliers pour ma mignonne :
Dieu gard, etc.
Digi^ized by CjOOÇlC
Ce petit homme a un collet, Un manteau et un bonnet, Qu'il porte par dessus sa couronne :
Dieu gard, etc.
Ce petit homme a un cochet
Qui luy donne un resveil,
Tous les matins, quand il prend somme :
Dieu gard, etc.
Ce petit homme a des ducatz Qui sont de fin or et de poix, Pour faire brave sa mignonne :
Dieu gard, etc. j
Ce petit homme alloit aux champs, Et il a trouvé des brigans, Qui ont voilé toute sa somme :
Dieu gard, etc.
Ce petit homme a trois enfans, Et il n'a pas vaillant trois blancz, Et aux champs fait du gentilhomme :
Dieu gard, etc.
Ce petit homme a trois maisons, Pour loger trois petits cochons, Et les cochons et la cochonne :
Dieu gard, etc.
Ce petit homme n'est pas grand, Duquel nous parlons maintenant, Je l'ay veu luy mesme en personne :
Dieu gard de mal ce petit homme.
Si l'auteur de Cadet Rousselle a connu cette chanson, il ; dû l'utiliser.
Passant mélancholie Un soir après souper, Par devant l'huis m'amie Je m'en viens pourmener ; Ma pensée fut telle, Je lui criay : la belle, Je croy que vous dormez, Ouvrez moy la fenestre, Car mon amour secrette Je vous veux déclairer.
Elle estoit endormie ; Tout soudain se leva, Sortit à la fenestre, Demande : qui est là ?
le me prins à luy dire :
C'est celuy qui désire D'estre le serviteur De vostre cœur, m'amie, D'une si grand envie Que j'en vis en langueur.
De vostre cœur, m'amie,
De loing me suis saisy.
Ne me refusez mie
Me choisir pour amy ;
Long temps ha que pourchasse
Pour avoir votre grâce,
Et de jour et de nuict.
Je vous prie de grâce,
Dites-moy sans fallace
Si j'en pourrois jouir ?
— Hélas, ce me dit-elle, Que venez vous chercher Si tart à ma fenestre ?
Que pourriez-vous gaigner Si non travail et peine ?
Car je suis bien certaine Que ne puis contenter La moindre de vos peines Que prenez es semaines, Me venant visiter. —
Hélas, je puis bien dire Qu'il m'en fault donq aller ; Au moins de vostre bouche Donnez-moy un baiser.
Hélas! la grand tristesse, Aussi, la grand angoisse, Où mon cœur est bouté ; Je mourray de tristesse, Aussi de grand angoisse, Puisqu'il m'en fault aller.
Quand la belle ouyt dire . Qu'il s'en vouloit aller, Humblement luy va dire, Se mettant à pleurer :
Las, je suis toute nue, Et si courte tenue Que ne vous puis ayder.
Si faisoit belle lune l'escrirois d'une plume :
Bon soir vous soit donné.
4oo ANCIENNES CHANSONS POPULAIRES
a bis — 1602
Pendant nostre jeune aage, Nous allions au verd bois, la la, Jouer dessus l'herbage, Durant ce joly mois, la la :
Mourons mon cœur, mourons m'amour, Puisque c'est icy le dernier jour.
Nous cueillions la rousée Du ioly mois de may, la la, Et de la giroflée, Avec un cœur tant gay, la la :
Mourons, etc.
Nous ne pensions à l'heure, A cest advenement, la la, De la mort rigoureuse, Et du département, la la :
Mourons, etc.
M'amie, l'heure s'approche»
Paissons un testament, la la, Baise mes lèvres closes, Car je m'en vay mourant, la la :
Mourons, etc.
Puisqu'il faut à c'est heure Départir nos amours, la la, Et convient que je meure, Ainsi finant mes jours, la la :
Mourons, etc.
Faisons nostre complainte, Nous deux ensemblement, la la, Que nostre amitié sainte Soit veuè de tous amans, la la :
Mourons mon cœur, mourons m'amour, Puisque c'est ici le dernier jour.
Petite beste, je ne te nourriray jamais, Je ne te puis cognoistre.
A Paris, sur petit pont, y-a une linotte ; Elle s'en alla voler en la' maison d'un hoste ; Petite beste, je ne te nourriray jamais, Je ne te puis cognoistre.
Point ne fiâtes ne semblés la marmaille,
De noz mignons qui souvent n'ont pas maille :
Parquoy convient que n'aille
Ça ne là, ça ne là, Je viens au point et respons à cela : Amy, venez fringues, fringues, ne vous en chaille.
4o2 ANCIENNES CHANSONS POPULAIRES
Pourquoy sont venus en France Tant d'étrangers si nouveaux, Ces beuveurs à grosse panse, Et ces vuideurs de tonneaux?
C'est pour faire au vin la guerre :
Sauve, sauve, sauve le verre,
Sauve le vin de ces gourmans, Suisses, Reistres et Allemans.
Avons-nous par trop à boire Pour appeller Festranger, Car s'il vient jusqu'à la Loire, Nos vins sont en grand danger, J'en frissonne tout de crainte, Sauve, sauve, sauve la pinte,
Sauve, etc.
Ces beuveurs d'eau en sont cause,
Ce seroit bien employé :
Car ils ne font autre chose
Que le dernier fut noyé
Dans le Rhin jusqu'aux oreilles :
Sauve, sauve les bouteilles,
Sauve, etc.
Nostre roy remply de gloire Renversera leurs projets, En leur empeschans de boire Le bon vin de ses sujets.
ANCIENNES CHANSONS POPULAIRES 4o3
Ils mourront s'il les attrape :
Sauve, sauve la grappe,
Sauve, etc.
Dieu nous punit pour le vice, Que ne beuvons-nous d'autant, Et que c'est pour son service Qu'il nous en envoyé tant ; Bénit soit qui bien entonne : ' Sauve, sauve, sauve la tonne,
Sauve le vin de ces gourmans, Suisses, Reistres et Allemans.
Pour un galand, pour un mignon,
Il n'est que nos villages, On y mange ces gras moutons, Aussi les mous fromages.
Si manie-t-on aucune fois Ces frons de ces fillettes ; Quand oh les a tous barboullez, Tous fatroullez, Tous barboullez, On leur manie les tettes, Compère Jacob.
4o4 ANCIENNES CHANSONS POPULAIRES
N bis — 1557
Puisque j'ay perdu mon amy, J'ay bien cause de souspirer.
Je le regrette jour et nuict ; Rien ne m'y vault le regretter.
Las, se doit-on esmerveiller Si j'ay le cœur triste et marry ?
Jamais joyc au cœur je n'auray, Tant que j'aye parlé à luy.
Sans dire adieu, s'en est allé Hors d'avec moi, par desplaisir; La veille de sainct Honoré J'estois couchée avecques luy, De moy faisoit à son plaisir, Quant on vint à notre huis heurter ; Ce fut bien luy à courir, On le vouloit emprisonner.
Las! oncques puis je ne le veis, Et si n'en ay ouy parler ; Je prie à Dieu de paradis Que de mal le vueille garder, Et qu'il le vueille ramener, Ou de bref me faudra mourir, Ou vrayment l'iray chercher; Je ne puis plus vivre sans luy.
Je sçay de vray que s'il sçavoit Que mon cœur eust tant de doulours, Que bientost il s'en reviendroit, Fust-il à Lyon ou à Tours.
ANCIENNES CHANSONS POPULAIRES ./,of)
Vrayement je feray tant de tours Pour voir si je le trouveray ; J'auray grand joye de mes amours Si tost que trouvé je l'auray.
Nous ferons faire une tour, Moy et mon amy par amour ; Aux quatre piliers de la tour Feray planter quatre esglantiers, Où le joly rossignolet Si chantera son gergonnet.
Mon amy, aymez-moy autant Que celle qui vous veut avoir.
Rossignolet du bois joly, Le messager des amoureux, Je te prie, cherche mon amy, Celuy pour qui à glaive meurs.
Dy luy que j'ay tant de douleurs Que je ne me puis soustenir; Je fons en larmes et en pleurs, Et te haste de revenir.
e bis — 1614
Puis que l'on ne m'a donnée A celuy que j'aimois tant, Avant la fin de l'année, Quoy que disent mes parens, Je me rendray capuchine, Capuchine en un convent.
4o6 ANCIENNES CHANSONS POPULAIRES
Si mon ami vient les festes, A la grille regardant, Je luy feray de la teste La révérence humblement :
Comme pauvre capuchine Je n'oserois autrement.
S'il se pouvoit par fortune Escouler secrettement Dans ma chambre sur la brune, Je lui diroy' le tourment Que la pauvre capuchine Pour luy soufre en ce convent.
Mon Dieu s'il se pouvoit faire Que tous deux ensemblement Fussions dans un monastère, Pour y passer nostre temps, Capuchin et capuchine, Nous vivrions tous deux contens.
L'on me verra attiffée D'un grand voile de lin blanc, Mais je seray bien coiffée Dans le cœur tout autrement, Puisque l'on m'a capuchine Mise dedans ce convent.
N'est-ce pas une grand' rage, Quand au gré de ses parens, Il faut prendre en mariage Ceux qu'on n'aime nullement :
J'aimeroy' mieux capuchine Estremise en un convent.
a bis — 1603
Quand Colinet faisoit l'amour (bis), Avec sa toque de velours (bis) Et sa belle jaquette, Qui n'a faict, qui n'a dit :
Colinet, mon amy, Et sa belle jaquette, Vray Dieu qu il est joly :
Hélas! Guillaume,
Sur le vert, sur le gris, sur le jaune,
Hélas! Guillaume, t'y lairray-tu mourir !
Colinet s'en va pourmener (bis) Avec sa maîtresse à Ducler, (bis) Pour se donner carrière ; Qui n'a faict, qui n'a dit :
Colinet mon amy, Pour se donner arrière, Est-il pas bien joly!
Hélas, etc.
Quand Colinet revient des champs (bis) Il veut qu'on frotte son galand (bis),
C'est pour afin qu'il entre,
Qui n'a fait, qui n'a dit :
Colinet mon amy,
C'est pour afin qu'il entre
Dedans le pertuis *
Hélas, etc.
4o8 ANCIENNES CHANSONS POPULAIRES
Quand Colinet veut s'aprocher (bis),
Sa femme ne faict que gronder (bis),
Luy disant que son membre
Qui n'a faict, qui n'a dit :
Colinet mon amy,
Luy disant que son membre
Est trop mol et petit :
Hélas, etc.
Par la morguoy sera vendu (bis) Et couppé rasibus du cul, {bis) En dépit de ma femme, Qui n'a faict qui n'a dit :
Colinet mon amy, En dépit de ma femme, Qui dit qu'il est trop petit :
Hélas, etc.
Vendons, brebis, vendons moutons [bis),
Vendons tout ce que nous avons,
N'y vendons pas ce membre,
Qui n'a faict, qui n'a dit :
Colinet mon amy,
N'y vendons pas ce membre
Qui faict la paix du lit :
Hélas! Guillaume,
Sur le vert, sur le gris, sur le jaune,
Hélas ! Guillaume, t'y lairras-tu mourir1.
r. Cety lairras-tu mourir avait déjà servi, comme on voit avant l'éclosion de la chanson de Guillery ; les trois brigands. Guillery furent roués en 1608,
j quatcr — 1631
CHANSON NOUVELLE
D'un jeune homme, lequel a esté condamné d'estre mis gallère. Sur le chant : Quand j'entris dans Marseille.
Quand j'entris dans Marseille
Je fus bien estonné
De voir tant de forceres,
Deux à deux enchainez,
Et moy bien estonné,
Me pensant reculer,
A grands coups de gourdin
L'on me fit avancer.
Quand j'entris en gallere, Trouvis un argousin Tout remply de collère, Plus traistre que Caïn, Un rasoir dans sa main, Pour raser mes cheveux, Je ne fais que languir, De vivre je ne peux.
Quand ce meschant perfide La teste m'eust rasé, Je n'estois plus en vie, Mais j'estois tout pasmé, Encore, me dit-il :
Vilain despouille toy, Prends les habits du Roy, Car les tiens sont à moy.
4io ANCIENNES CHANSONS POPULAIRES
Les habits qu'on me donne De grosse toille estoit, Une chemise rouge, Aussi est le bonnet, Une chaisne à mes pieds :
Pour plorer mes péchez, J'endure autant de mal Que les pauvres damnez.
Il vint un capitaine, Lequel m a demandé, Où est celuy qui t'ameine Où es-tu condamné ?
J'estois si estonné, Je luy respondis rien, * Mon arrest luy donnés, Il Ta pris dans la main.
Or voicy un gomiste, Qui en son col portoit Une chaîne bien riche, Et au bout un ciflet, Qui m'a dit: mon amy, Courage tu prendras, Ne te laisse mourir, Un jour tu sortiras.
L'on m'apprend à escrire D'une estrange façon, La plume qu'on me donne A trente pieds de long, L'ancre ne manque point, Car l'ancre c'est la mer, La plume c'est la rame, Qui m'apprend à voguer.
Messieurs de la justice Où m'avez-vous réduit!
Dedans une gallere, Bien loin de mes amis, Lié et garrotté, Comme un cruel lion, Battu et tourmenté A grands coups de baston.
Qui a fait la chansonnette ?
C'est Pierre du Blaty, Qui est né de la ville De Cahors en Quercy, Lequel est accusé, En son corps deffendant.
De tuer un escollier, Et ce dit innocent.
Cette chanson est bien plus ancienne que 1631, puisqu'on la trouve dans le Trésor et triomphe des plus belles chansons, etc., Paris, 1624.
Quand je partis de ceste ville, J'en partis à grant regret, Tout pour l'amour d'une dame,
La la la, Qu'on ne m'a pas voulu donner,
Liron fa.
4i* ANCIENNES CHANSONS POPULAIRES
Tout pour l'amour d'une dame Qu'on ne m'a pas voulu donner.
Il n'a tenu qu'à son père,
La la la, Que je ne l'ay fiancée,
Liron fa.
Il n'a tenu qu'à son père Que je ne l'ay fiancée ; Mais il en vient un autre,
La la la, Qui ne l'a pas méritée,
Liron fa.
Mais il en vient un autre Qui ne l'a pas méritée.
Je m'en iray à son père,
La la la, Veoir si me la veut donner,
Liron fa.
Je m'en iray à son père, Veoir si me la veut donner.
Il me feit une responce, l
La la la, Qui ne fut point à mon gré,
Liron fa.
Il me feit une responce Qui ne fut point à mon gré.
Elle est là haut en ma chambre,
. La la la, Enfermée dessoubs ma clef, Liron fa.
ANCIENNES CHANSONS POPULAIRES 4i3
Elle est là haut en ma chambre, Enfermée dessoubs ma clef.
Sa cousine la va voir,
La la la, C'est pour la reconforter, Liron fa.
Sa cousine la va voir, C'est pour la reconforter.
— Ma cousine, ma cousine,
La la la, Et vous le faut oublier, Liron fa. —
— Ma cousine, ma cousine, Et vous le faut oublier. — Hélas, comment l'oubliray-je,
La la la, Car il est trop à mon gré, Liron fa.
Hélas, comment l'oubliray-je, Car il est trop à mon gré.
Si je n'ay celuy que j'aime,
La la la, Jamais ne me mariray,
Liron fa.
Si je n'ay celuy que j'ayme, Jamais ne me mariray.
Je luy ai ma foy promise,
La la la, La sienne m'a affermée.
Liron fa.
4i4 ANCIENNES CHANSONS POPULAIRES
Je luy ai ma foy promise, La sienne m'a affermée.
Qui fist ceste chansonnette ?
La la la, Une qui aymoit ses esbas,
Liron fa.
Qui fist cette chansonnette?
Une qui aymoit ses esbas, Aymant le jeu d'amourettes,
La la la, Plus que d'estre renfermée,
Liron fa.
X ter — 1586
Quand j'étois chez mon père à l'aage de quinze ans, On m'envoioit à l'herbe jouer emmy les champs
Avec ses galans,
Qui gardoient les vaches:
Aux champs je m'en iray esbattre, Au bois je m'en iray jouer.
En gardant mes ouailles, j'ay vu arriver Chevauchant à merveilles un brave chevalier, Il m'a prié d'aymer, Il m'a donné son cœur en garde.
Aux champs, etc.
ANCIENNES CHANSONS POPULAIRES 4i5
De sa gaye main blanche il me descouvry Mes cuisses blanches jusqu'au nombry, Et puis il m'a osté mon pucelage chery. . , En riant je le voulu battre :
Aux champs, etc.
Nous recommençâmes trois fois ces combats, Trois fois nous baisâmes, tenans bras à bras, Et passâmes ainsi l'esté sans soucy, De le dire n'a vois garde :
Aux champs, etc.
Nous fumes surpris par un lundy matin D'une de nos voisines, passant son chemin, Mais elle en eut autant par mon consentement, De peur qu'elle ne me feist battre :
Aux champs, etc.
Cette jeune fille, je vous jure ma foy, Que nous estions voisines proches elle et moy, Toujours me demandoit, las, quand il viendroit, Ce brave chevalier combattre:
Aux champs je m'en iray esbattre, Au bois je m'en iray jouer.
4i6 ANCIENNES CHANSONS POPULAIRES
Air n° 28
Quand j'estois de chez mon père, Fillette de quatorze ans, L'on nvenvoyoit à lherbette, Mes moutons j'alois gardant :
Brunette, allons gay, gay, Brunette, allons gaiment.
L'on nvenvoyoit à l'herbette, Mes moutons j'alois gardant.
J'estois encore trop jeunette, Je m'assis en passant temps :
Brunette, etc.
J'estois encore trop jeunette, Je m'assis en passant temps ; Par le bout de ma pasture Passa deux gentils gallants :
Brunette, etc.
Par le bout de ma pasture Passa deux gentils gallants :
Dieu vous gard la belle fille, Combien gaignez-vous par an ?
Brunette, etc.
Dieu vous gard la belle fille, Combien gaignez-vous par an ?
Par mafoy, mon gentilhomme, Je ne gaigne que six blancs.
Brunette, etc.
Par ma foy, mon gentil'homme, Je ne gaigne que six blancs.
— Que six blancs, Vierge Marie, Vous deussiez gaigner dix francs. —
Brunette, allons, gay, gay, Brunette, allons gaiment.
Quand la bergère va aux champs, ■ Sa quenoillette va filant, O ve, o ve, o ve laquy, O ve la lay, La bergère au champ dou roay.
Les aignelets s'en vont davant, De paour des loups, les chiens jappant, O ve, o ve, o ve laquy, O ve la lay, La bergère au champ dou roay.
La bergère après va chantant La desrello en cheminant, O ve, o ve, o ve laquy, O ve la lay,
La bergère au champ dou roay.
4i8 ANCIENNES CHANSONS POPULAIRES
Le berger en luy respondant, De son flaiollet va jouant, O ve, o ve, o ve laquy, O ve la lay, La bergère au champ dou roay.
Et peu après gle se trouvant, Près l'un de l'autre se couchant, O ve, o ve, o ve laquy, O ve la lay, La bergère au champ dou roay.
Je ne sçai pas si gle faisant, Comme le loup fait en dansant,
O ve, o ve, o ve la quy,
O ve la lay, La bergère au champ dou roay.
Et peu après y gle chantant, L'un après l'autre vont disant, O ve, o ve, o ve laquy.
O ve la lay, La bergère au champ dou roay.
Quand le gril chante au son du gringoulin, Derin, din, din, din, din, Madame dit qu'on luy huche x Martin,
i. Hucher, appeler.
Derin, din, din, din, Gentil Martin, O beau Martin, Saute Martin, Din, derin, din, din, Oh ! que ne suis-je au lieu de ce Martin.
Au point du jour, quand chante le serin, Derin, din, din, din, din, Madame dit qu'on luy huche Martin, Derin, din, etc.
Quand le coq chante, approchant le matin, Derin, din, din, din, din, Madame dit qu'on luy huche Martin :
Derin, din, etc.
Et quand elle oyt frapper chez son voysin, Derin, din, din, din, din, Madame dit qu'on luy huche Martin :
t qu'c , din,
Derin, din, etc
Quand heurte à l'huys le questeur augustin, Derin, din, din, din, din, Madame dit qu'on luy huche Martin :
Derin, din, din, din, din, Ou Augustin, Ou bien Martin, Puis l' Augustin " Après Martin, Din, derin, din, din, O ! que ne suis-je Augustin ou Martin.
4*jo ANCIENNES CHANSONS POPULAIRES
Un jour Martin dansoit avec Catin, Derin, din, din, din, din, Madame l'oyt, elle s'escrie Martin !
Derin, din, din, din, din, Hola Martin, Viens ça, Martin, Ça hau, Martin, Monte, Martin, Din, derin, din, din, din O ! que ne suis-je au lieu de ce Martin.
Lors dit, grondant entre ses dents Martin, Derin, din, din, din, din, Ne suis-je pas un harassé mastin?
Derin, din, din, din, din, Soir et mastin, Toujours Martin, Martin, Martin, Venez Martin, Din, derin, din, din, din.
Je ne croy pas qu'on n'en veuille la fin.
Quand Mario::, tendre épousée, Sentit l'assaut de mariage, Pria Robin toute esplourée D'estre plus dous en son bagage.
Robin se teust, feit le passage, Puis dit : m'amour suis-je trompeur ?
Dit Marion : ce n'est pas charge, Recommence, je n'ay plus peur.
Quand mon mari vient de dehors,
Ma rente est d'estre batue.
Il prend la cuillier du pot,
A la teste me la rue,
J'ay grand peur qu'il ne me tue :
C'est un faux vilain jaloux,
C'est un vilain rioteux *,
Grommeleux, Je suis jeune, et il est vieux.
Quand nous plantons le may,
Dans notre vilage, Rien n'est si plaisant, rien n'est si gay
Que nostre badinage :
L'on va, l'on vient, l'on saute et l'on dance
En cadence, L'on tappe des mains, des pieds, et des genoux,
Et sur la mousse
L'on se trémousse,
L'on s'entrepousse
Comme des foux.
x. Quetelleur.
4m anciennes chansons populaires
Quand une dame a un mary Qui d'un serviteur est marry, Et fait le guet pour l'assommer, Il fait lors dangereux aimer.
Quand il faut estre sus la glace, Toute la nuict en une place, Sans ouir nul huis defermer, Il fait lors dangereux aimer.
Et quand Ton en cuide eschaper, Un petit chien vient à japer, Qui fait chandelles allumer, Il fait lors dangereux aimer.
Quant jay beu du vin clairet, Tout tourne ; Quant je ne bois point, Tout ne tourne point.
Et quant nay maille ne denier
Je ne boys point, Ny belle fille à mon coucher, Tout ne tourne point.
ANCIENNES CHANSONS POPULAIRES fo
Et quant de ces vins blancs je boys, Si ne sont d'Anjou ou d'auprès, Point ne m'a tourné.
Quant jay beu du vin clairet, Tout tourne ; Quant je ne bois point, Tout ne tourne point.
Qui sont ces gentilz hommes Qui veullent aymer tant et tant, Qui veulent aymer tant.
Hz n'en auront pas une, Hz perdent bien le temps. Adieu les variables, Adieu les faulx amans, amans (bis).
De mentir font coustume, Etdy chanter souvent, souvent (bis).
Hz en sont advertiz, Et si n'en font semblant, semblant (bis).
Vous pensez quilz vous ayment, Mais vous les faschez tant et tant (bis).
Messieurs, de bonne grâce, Que nous desirons tant et tant (bis).
Souvent allez au change, Dont netes pas contens, contens (bis).
Mais vous en aurez une Qui vous payera content, content (bis).
Et si ne mettez en ordre, Vous en repentirez tant et tant (bis).
Changer il fault vos ruses, Mais on vous congnoist tant et tant (bis).
Et quand on leur demande, Que leur dictes-vous tant et tant (bis) ?
Ils prennent pour excuse Cest pour passer le temps, le temps (bis).
Qui sont ces damoyselles Qui veullent aymer tant et tant (bis) ?
Hz sont aux blancz manteaulx, Leurs mygnons attendans, tendans (bis).
Le nez à la fenestre, C'est pour prendre le vent, le vent (bis).
Leurs maris leur demandent Que bigotez-vous tant et tant (bis)?
Les femmes leurs respondent :
Cest pour nostre saulvement (bis).
ANCIENNES CHANSONS POPULAIRES fab
j quater — 1631
CHANSON NOUVELLE
Sur le départ d'un jeune homme chapelier de la rue St-Denys pour s'en aller à Montauban. (Sur un chant nouveau.)
Qui veut ouyr chanson, Chansonnette jolie, D'un jeune chapelier Qui avoit bonne mine.
Un jour luy print envie D'aller passer son temus.
Et de faire un voyage Jusques à Montauban
Avant que de partir Dit adieu à son père Et à tous ses amis, Sans oublier sa mève De moy n'ayez pitié, Dedans la compagnie, Je feray le fourrier.
Il fut bien quinze jours, Environ trois sepmaines, Son espee au costé, Suivant son capitaine, Luy promettant la foy, Qu'il avoit bonne envie D'aller servir le Roy.
4'iG ANCIENNES CHANSONS POPULAIRES
Quant fut à Lonjumeau, Ceste petite ville, S'en va par le marché Baisant femmes et filles, Baisant femmes et filles :" Ha priez Dieu pour moy, Je m'en vay à la guerre, Au service du roy.
Sa mère va après.
Et tout le voisinage, Les deux bras estendus :
Vray Dieu, je perds courage De l'avoir tant nourry, Mon fils se fera perdre, Car il est trop hardy.
Quant fut à Mont-léhery Sur ses hautes montagnes, Voyant derrière luy Tous ses grandes campagnes, Fit trois pas en arrière :
Ha, que le monde est grand, La volonté me change D'aller à Montauban.
Lors son sergent l'a prins Rudement par l'espaule, Lors son sergent l'a prins Rudement par l'espaule :
Soldat, que pensez faire ?
Avez l'argent reçeu, Vous viendrez à la guerre Ou vous serez pendu.
— N'ay point accoustumé D'y aller à la guerre, N'ay point accoustumé D'y aller à la guerre,
Je crains les canonnades, Qui frappent sans parler ; Quant pour moy, à la guerre Je n'y veux point aller. —
— Vaut mieux à S. Denys Estre dessous la mitre, Vaut mieux à S. Denys Estre dessous la mitre,
A siffler la rostie, Et prendre du tabac, ■ Que de se faire perdre Au milieu des combats. —
— Vaut mieux dedans Paris Travailler en boutique, Vaut mieux dedans Paris Travailler en boutique;
Il vaut mieux estre brave, Faisant du courtisan, Que d'aller en guerre, Mourir à Montauban. —
Cette chanson est suivie de la chanson ou response du chapelier aux médisans, et de la mort du chapelier, lequel a esté tué près la Rochelle, et comme trois férailliers l'ont porté en terre.
"j8 anciennes chansons populaires
I bis - 1543
Ramonnez moy ma cheminée, Ramonnez-la-moy hault et bas.
Une dame, la matinée, Disoit, de chaleur forcenée :
Mon amy, prenons noz esbas ; Ramonnez-moy ma cheminée, Ramonnez-la-moy hault et bas.
Resveillez-vous Piccars, Piccars et Bourguignons, Et trouvez la manière d'avoir de bons bastons, Car veez cy le printemps et aussy la saison Pour aller à la guerre donner des horrions.
Tel parle de la guerre qui ne scet pas que c'est, Je vous jure mon ame que c'est ung piteux fait, Et que maint homme d'armes et gentil compai-
[gnon] Y ont perdu la vie et robbe et chaperon.
Où est le duc d'Aultriche ? I il est au Pays Bas, Il est en basse Flandre, avecques ses Piccars, Qui nuyt et jour le prient quil les vueille mener En la haulte Bourgoigne, pour la luy conquester.
i. Sans doute l'archiduc d'Autriche Maxiniilien Ier. Bibliothèque nationale, man. n° 13744.
Adieu, adieu Salins, Salins et Bezançon, Et la ville de Beaulne, là où les bons vins sont, Les Piccars les ont beus, les Flamans les payeront Quatre pastars la pinte, ou bien bastuz seront.
Chanson sur : Nimphe des Bois.
Reveillez vous tous, chantres naturelz, Qui endurez fantaisie de cervelle, Venez nous voir et vous nous trouverez. Délibérez : si nous sommes enrumez, Nen murmurez : ce fait nostre chapelle, Lungse brumelle, l'autre se josquinelle ; Pierre sonnelle et l'autre se combere, Quant nous souvient de Brumel nostre père. Ne pleurez plus dame de court, Laissez vostre douleur amère ; Monsieur reviendra quelque jour, Ce que n'est fait se pourra faire.
Cette chanson est curieuse pour ses jeux de mots sur les noms des musiciens Brumel, Josquin, Pierre de la Rue, Compère.
Resvelllez vous, tous gentils compagnons, Vicaires, vicaires, et si beuvez du bon; Eh, dormes vous, don don don, barillon, Nous chanterons à haute voix :
Vive le Roy,
Aussi Vendosme,
43o ANCIENNES CHANSONS POPULAIRES
Eh ! dormes vous, vicaires, vicaires, Or sus beuvés, haussés les nés:
Grinces les dents, rouilles les yeux, Vicaires, vicaires, il n'y faut laisser rien, Nos pères beurent bien, Don don don.
Tost, tost tost, va ce pot, va ce verre, Et si beuvez tant qu'en rouillié lez yeux, Aussi vous renfronguez le front, La la lire, lariron, Donnez luy des sonnettes D'houette x.
Entre vous, petits enfans, gentils garçons,
Ne beuvez pas d'autant, Laissez cela, vous buverez quand vous serez grands, Et si chantez une chanson en gringotant Sur le printens, A pleine voix tant que pourrez, Lala lire, Ion la liron la.
Robin a bon crédit, Tout le monde le dit, Chacun est son cousin :
Ma mère je veulx Robin.
Robin n'a plus d'escus, S'a dit Nostradamus, Il souffrira tout plein :
iMa mère, je veulx Robin.
i. Houettc, chouette,
ANCIENNES CHANSONS POPULAIRES 43i
Robin a fait cela A la musnière là, Sur Teschelle au moulin : Ma mère, je veulx Robin.
Robin par testament A laissé un grand blanc A sa femme Catin :
Ma mère, je veulx Robin.
Robin, que fais-tu là?
Ut, ré, mi, fa, sol, la, Je chante sur ma main :
Ma mère, je veulx Robin.
Robin meurt de courroux, Tant il est fort jaloux De sa femme Catin :
Ma mère, je veulx Robin.
Robin est trespassé, Requiescat in pace, Dans un caque de vin :
Ma mère, je veulx Robin.
Robin va en enfer, Tourmenter Lucifer Et tous les diablotins :
Ma mère, je veulx Robin.
On indique la première édition des prédictions ou pronostications de Nostradamus à 1555; d'après cette chanson, publiée en 1552, il a dû y avoir une édition antérieure des prophéties Nostradamus.
43s ANCIENNES CHANSONS POPULAIRES
Autre chanson nouvelle très bonne et fort joyeuse touchant le faict d'amours, et se chante sur le chant: Garsondc vilaige.
Rossignolet du bois,
Qui chante au verd bocage,
N'as-tu point ouï la voix
D'un garson de village,
Qui dit en son langage
Qu'il se vouloit marier?
Mais il n'entend pas l'usage Comme c'est qu'il fault aimer.
Garson de village,
Qui s'est voulu marier, Mais il n'entend pas l'usage Comment c'est qu'il faùlt aimer.
Si j'avois de l'argent,
De l'argent à grand somme,
Je m'en iroys souvent
Avecques ma mignonne,
Qui est tant belle et bonne,
Las je m'en irois jouer, Car elle m'aprendroit en somme Comment c'est qu'il fault aimer.
Garson, etc.
Hélas ! dit l'amoureux A sa douce amoureuse :
Quand n'estions que nous deux, Vous n'estiez point honteuse 5
\NCIENNES CHANSONS POPULAIRES /,r>
Vous faictes la fascheuse
Maintenant devant les gens, Mais quand vous estes seulette, Vous n'en faictes pas autant :
Garson, etc.
Un loyal amoureux
Doit avoir bonne audace,
Se monstrer gracieux,
Acquérir bonne grâce,
Sans user de fallace.
Qui veult les dames hanter, Plaisamment faut qu'il s'hazarde A souvent les fréquenter.
Garson, etc.
Qui fist ceste chanson?
Fut ungallant de ville,
Estant à la maison
D'une plaisante fille,
A passetemps babille, Pour apprendre à aimer A u^ garson de vilage,
Qui se vouloit marier.
Garson de vilage,
Qui s'est voulu marier : Mais il n'entend pas l'usage Comment c'est qu'il fault aimer.
Le Recueil de toutes sortes de chansons nouvelles, etc., Paris, 1557, reproduisant cette pièce, nous nous sommes servi de sa version pour rectifier maint passage qui en avait besoin. Le Premier livre de chansons en forme de mu de ville, Paris, 1572, ne donne que la première strophe.
Rossignolet du boys ramé, Va m v saluer, je te prie, Mon aoulx amy plaisant et gay, Et luy dy qu'il ne m'oublie mie.
Je te supplie, rossignolet,
Va m'y tantost faire ung messaige,
Va à mon amy, et luy dy
Que je Tattens au vert bocaige.
Et qu'il vienne parler à moy, Et j'en seray plus resjouye ; Toutes les foys que je le voys, De tous mes maulx je suis guérie.
La nuict, quant je m'y doy dormir, Je m'y resveille tressaillant; Il m'est advis que doy tenir Mon doulx amy que j'ayme tant.
Puisqu'il m'ayme sans faulceté, Je lui seray loyalle amie :
Et l'eussent mesdisans juré, Par sus toutes il m'a choisie.
Serpe et la serpette, Les serpiers et le serpillon, La serpe taille la vignette ;
Vive la serpe !
Voulez-vous chose plus honneste Pour vendenger le grapillon :
Vive la serpe, Les serpiers et le serpillon !
Si j'avois fait Amie à mcn vouloir,
J'eusse bien fait La faire demander.
J'en eusse eu ma demande, J'en suis bien adverty, Par plusieurs me le mande.
Tous ses parents En estoient bien contents,
Mais j'ay trop mis, Ne suis venu à temps.
Elle estoit fiancée, Mais non obstant cela, S'amour m'avoit donnée.
Si j'eusse dit Que je vouloye l'avoir,
Sans contredit C'estoit son bon vouloir; Elle y avoit fiance, De soy desfiancer Souhaitoit sans doubtance.
En lieu secret Je luv fuz dire adieu.
Elfe plouroit Tendrement de ses yeux, Me disant de la sorte :
Amy, si me laissez, Je voudrois estre morte.
Quand j'eus cogneu D'elle le bon vouloir,
Qu'elle vouloit Si loyaument m'aymer D'une amour si certaine, De la vouloir laisser Mon cœur souffrit grand peine.
Ma douce amie, Las, pourquoy plourez-vous?
— Mon doux amy, C'est pour l'amour de vous.
Vous allez à la guerre, Si le vent vient à point, Passez par ceste terre. —
Si j'eusse esté, Belle, à vostre vouloir,
Ja souhaité Ay d'avoir le pouvoir
Pour estre vostre amye, Une heure à son plaisir Vault mieux que cinq cens mille.
Celuy oui a fait Ceste belle chanson,
En bon soudart, Tirant à l'aviron, S'en allant à la guerre, Regrettant ses amours, Tant par mer que par terre.
Si j'avois faict Demande à mon vouloir,
Ce ne seroit Or, argent, ny avoir, Ni aucune chevance, Ce seroit seulement De lire ma plaisance.
Non pas Ogier, Ny Hercules aussi,
Mais de mon Dieu, Au lieu de ces deux-cy, La divine escripture, Qui est pour mon esprit La propre nourriture.
Quand j'apperceu De Dieu le bon vouloir,
Qui m'a voulu Si loyaument aymer D'une amour si certaine, Jamais je ne craindray Pour luy endurer peine.
Il appert bien Qu'il a amour en nous,
Quand lui a pieu, Pour le salut de tous, Venir cy-bas en terre, Pour vaincre l'ennemy Qui nous faisoit la guerre.
Hélas I Seigneur,
Il y a si long temps Qu'on n'a cogneu La vérité vrayement,
Comme on faist à ceste heure ;
C'est par le Sainct-Esprit,
Qui en a faict les œuvres.
Dieu éternel, Vueille nous pardonner
Tous noz péchés, Pour nos âmes saulver Et les mettre en ta gloire, Car tant que je vivray De toy auray mémoire.
. Or prions tous Le Seigneur gracieux
Nous amollir Le cueur malicieux, Qui est plus dur que pierre, Et qu'il soit réclamé Tant au ciel qu'à la terre.
Celuy qui fist Cette jolie chanson,
Un bon souldat, Tirant à l'aviron En ce lieu de misère, Désirant estre faict Le vouloir de son père.
Pour une chanson de soldat, la tournure est assez singulière ; on pourrait même appeler cette pièce un cantique.
Si j'estois du tout aymée, -Mon Dieu m'auroit bien aydé
Mon amy m'a délaisée,
Je ne l'ay pas mérité.
Or, combien qu'il eust pensé
Que le tort fust venu de moy, Mon Dieu, aiez pitié de moy.
Mon amy est tout honneste, Il est tel que je le veulx ; Sa parolle m'admonneste, Son maintien est gracieulx,
4o ANCIENNES CHANSONS POPULAIRES
Qui m'y tient en grand esmoy, Mon Dieu, aiez pitié de moy.
Je prie à Dieu par sa grâce Mes amours vueille garder, Et m'y faire cette grâce D'y tousjours persévérer.
Seigneur, vueille moy oster De l'ennui où je me voy, Mon Dieu, aiez pitié de moy.
Las, si j'avois un bon père, Une bonne mère aussi, Et aussi un bon frère Qui mi voulaist retirer, Je m'y ferois renommer Queje serois fille d'un Roy, Mon Dieu, aiez merci de moy.
De m'y tourmenter et plaindre, J'en ai bien l'occasion ; Que par une grand'contraincte, Mi fault garder la maison.
Je vis en tribulation Et si suis en grand esmoy, Mon Dieu, aiez pitié de moy.
Entre vous, jeunes fillettes, Qui estes à marier, Suivez toutes gens honnestes, De déshonneur vous gardez.
Ici exemple prenez Et n'y faictes pas comme moy, Mon Dieu, aiez pitié de moy. "
ANCIENNES CHANSONS POPULAIRES 44l
Qui fist la chansonnette ?
Fust une dame d'honneur, Tenue captive et subgette De son maistre et seigneur.
Et disoit souvent en son cueur f oupirant seullette à part soy •' Mon Dieu, aiez pitié de moy.
S'il est à ma porte, Il aura mon cueur ; Je lairay mon père, ma mère,
Mon frère, ma sœur, M'en iray jouer seulette, Au joli bocquet, Cueillir la violette, Mon amy et moy.
Si planterai-je le may Et si ne my feindray mie, Avant la fin du vert may D un accord avec m'amye.
S'un tems fortune ennemie
Empesche notre désir, Ceste perte avec usure
Dessus la gaye verdure, Recouvrant en grand plaisir *.
Je ne suis pas si sot berger,
Si vous tenois à mon coucher, Que ne vous feisse àespouillier robe et chemise, Et puis mon flajollet auriez à votre guise.
Soyons joyeux sur la plaisant verdure A ce beau may, Tant doux, tant frez et gay, Il resjouist tout cœur qui dueil endure : Soyons joyeux sur la plaisant verdure.
Un advocat dit à sa femme :
Sus, mamie, que jourons-nous ?
— Si je gaigne, ce dit la dame, Vous le me ferez quatre coups. —
i. 6e livre de chansons à 4 et 5 parties de J. Arcadet et autres. A. Le Roy et Rob. Ballard, 1569. Les quatre chansons suivantes sont tirées du même volume.
Quatre coups, c'est couché trop gros, Comment ! seroit jeu sans pitié.
— Non, non, maître, tenez le tout, Dit le clerc, je suis de moitié. —
Puisque ce beau moys Va nous invitant A prendre ses lois, Nature invitant, Je danserai tant et tant Soubz le may, Que rendray Content mon amy tant gay.
a bis — 1602
Si voulez ouir chansonnette, C'est d'une fille d'Alençon, Quand l'on luy parle d'amourette, Elle dict n'entendre la façon (bis) D'aymer, pour le vous dire :
Mais elle sçait bien sa leçon Lorsqu'on parle de rire.
Il n'est autre bruit par la ville Que de ceste jeune tendron, Qui au devis est si gentille, Ayant un maintien si très bon, {bis)
Qu'un chacun la désire :
Pour tout cela c'est temps perdu,
Car elle n'ayme qu'à rire.
Un soir estant devant sa porte Avec quelqu'unes de ses sœurs, L'un de ses serviteurs l'acoste Pour lui raconter ses douleurs, (bis) Qu'il souffre et le martyre :
Mais c'est à luy tout temps perdu, Car elle n'ayme qu'à rire.
Vous sçavez, dit-il, ma mignopne, Que je n'adore que vos yeux, Et que je ne puis veoir personne Fors que d'un regard ennuyeux, (bis) Qui mon corps tant empire.
Pour tout cela c'est temps perdu, Car elle n'ayme qu'à rire.
Je sçav que d'autres vous courtisent, Non a'une telle affection, Pourveù qu'avec vous ils devisent, Et vous content leur passion (bis)f Disant : Je meurs martire ; Mais c'est à luy tout temps perdu, Car elle n'ayme qu'à rire.
Comme ils étoient en ces devises, Vint arriver un incongnu, * Luy donnant bonsoir à sa guise :
« Monsieur soyez le bien venu, Puisque c'est vous beau sire, (bis) Car il sçait fort bien sa leçon, Et le vray mot pour rire.
Ils entrèrent alors dans la salle Pour faire la collation, Ce folastre alors danse et balle, Ayant si belle occasion Vous sçavez sans le dire, (bis) Car il sçait fort bien sa leçon Et le vray mot pour rire.
Le pauvre transi se promène,
Qui contemple en fin ses façons,
Se voyant prins à la cadence,
Et aussi à ses hameçons,
Et si ne l'ose dire, (bis)
Voyant bien que c'est temps perdu
Pour luy sans qu'on luy die.
Ils prennent congé l'un de l'autre, S'entredonnant la bonne nuict, Elle qui estoit fine et caute, Assigne monsieur au deduict, (bis) Ce s entend sans le dire, Car il sçait fort bien sa leçon, Elle n'ayme qu'à rire.
Estant montez à sa chambrette, A la fenestre se sont mis, Alors Madame la finette Regarde d'où vient ses amis (bis) Qui entendent à rire, Y aller pour autre subject Ce seroit grande folie.
Voyant encor l'autre à la rue, Elle luy dist ces mesmes mots :
Monsieur, vous vous gastez la veùe Et encor fort mal à propos, (bis)
Je le vous veux bien dire,
Car à vous, c'est tout temps perdu,
Je n'ayme qu'à rire.
Celuy qui la chanson a faicte,
Je ne veux pas le vous nommer,
Car il congnoissoit la fillette
Qui n'entendoit le jeu d'aymer, (bis)
Trop bien aymoit à rire,
Se donnant ainsi du bon temps
Pour chasser fascherie.
Sonnez my donc, quand vous irez Garder vos brebietes Sur l'herbe.
A l'ombre d'ung arbre vert, Auprès d'une esglentine, Trouvai bergiere à couvert, Cestoit ma Valentine Qui faisoit un chapelet, Tout de roses et de muguet.
Tout joliet est mon amy Qui m'a dit : virez vos brebietes Qui vont manger ma gerbe.
Sonnez my donc quand vous irez Garder vos brebietes Sur Pherbe.
Sont les filles de Somme Qui s'en vont au Tresport, dibedot?
Rencontrèrent un nomme, Qui chevauchoït le trot, dibedot.
Voire ma commère, n'en dites, dites, Voire ma commère, n'en dites mot.
Rencontrèrent un homme, Qui chevauchoit le trot, dibedot?
Leur demanda : les belles, Où allez-vous si tost, dibedot.
Voire, etc.
Leur demanda : Les belles, Où allez-vous si tost, dibedot.
— Nous allons à Courcelles, Pour achapter des pots, dibedot.
Voire, etc.
Nous allons à Cour celles, — Pour achapter des pots, dibedot.
Si voulez compagnie, Je n'iray pas si fort, dibedot.
Voire, etc.
Si voulez compagnie, Je n'irav pas si fort, dibedot. —
Parïe à la plus jolie, Et l'acoste aussi tost, dibedot.
Voire, etc.
ANCIPNNjs CHANSON* POPL'LAIRHS
Parle a h plus iolie, 1> l\ico.*te aussi tost. dibedot.
Il l'empoigne et l'embrasse, La îeta sr.r le dos, dibedot.
\ onv, rpa commère, n'en dites, dites, \\,.;.t\ mi commère, n'en dites mot.
^ur le joly jonc,
Ma doulce amye, Sur \* joly jonc - Nous esbatons, Fn ce jol\ may gratieux, S.ivoureux. et amoureux.
Ou nobles amours so rassemblent, l-\ trouve- tT..i nye Au lieu tant ioveux.
Solatîeux, ■j nostre amour recommençâmes Ma douice amye, Sur le joly jonc Nou> esbatons.
Susanne un jour, d'amour solicitée Par deux vieillards convoitans sa beauté, h ji e^ son cueur triste et desconfortée, Viivzait l'effort fa*:, à sa chasteté.
*: lie leur cl it : Si par desloyauté.
Page 448. Imprimé par Renaudet.
