SUZANNE UN JOUR D'AMOUR SOLLICITÉE
ANCIENNES CHANSONS POPULAIRES 44g
De ce corps mien vous avez jouyssance, Cest faict de moy si je fais résistance, Vous me ferez mourir en deshonneur :
Mais j'ayme mieux mourir en innocence Que d'offencer par péché le Seigneur.
Sus Therbette, brunette, Sus l'herbe m'atendez.
M'amyette m'a mandé Sus Therbette, etc.
Que j'allasse à elle parler.
Sus Therbette, etc.
Et je n'vsçaurois aller, Sus 1 herbette, etc.
Mes chevaulx sont déferrez.
Sus Therbette, etc.
Nous les ferons enferrer, Sus Therbette, etc.
De cinquante doux dorez.
Sus 1 herbette, etc.
Mareschal qui les ferrez, Sus Therbette, etc.
Vous n'en aurez ja denier, Sus Therbette, etc.
Qu'ung acoller et qu'ung baiser.
Sus Therbette, etc.
4rM» ANCIENNES CHANSONS POPULAIRES
Sus compagnons, beuvez à moy, Afin d'enluminer vos trongnes, Si jamais je dois estre roy, Je veux que ce soit des yvrongnes.
Toy, gros nez que j'ay tant chery, A qui le vin sort de la veuë, Je te retiens pourfavory, C'est une chose résolue.
Toy qui ferois peur à la mort, Et qui tout un jour est à table, Ton visage me plaist si fort, Que tu seras mon connétable.
Toy gourmet de vin sans pareil, Qui vendroit tes habits pour boire, Je te retiens pour mon conseil, Et pour escrire mon histoire.
Toy qui entonne si souvent, Et qui n'es point mélancholique, Je te retiens comme savant, Pour le maistre de ma musique.
Toy qui bevroit ainsi que nous, Un demy muid tout d'une tire, 11 faudra que tu sois mon foux, Car bien souvent tu me fais rire.
ANCIENNES CHANSONS POPULAIRES fii
Toy de qui la bouche est un four, Et dont la langue tousjours tette, Je veux que tu sois mon tambour, Ou bien ma première trompette.
Toy qui veux qu'on prenne du vin, En tout excez de maladie, Je te retiens comme médecin, Quelque chose que l'on me die.
Vous autres qui vuidez les plats Et les- pots avec hardiesse, Je vous retiens pour mes soldats, Et pour le corps de ma noblesse.
La taverne est mon élément, Je ne veux jamais d'autre empire, On mange, on boit à tout moment, On ne fait que chanter et rire.
CHANSON NOUVELLE
Des estrennes données par les enfants de Paris, à tous les mestiers de la ville, et se chante sur le chant des cris de paris.
Sus, sus, enfans de la ville, Si voulons pour nos esbats, Donner estrenne gentille A toutes sortes d'estats,
Estrennons premier les orpheyres D'os de sèche et de bons creuzets, Et donnons aux apotiquaires Du papier pour faire cornets.
Ensuyvant Tordre première, Pasticiers et rostisseurs, Et ceux qui viennent derrière, Comme paintres et brodeurs, Tireurs d'or et les lapidaires, Fourbisseurs et passementiers, Cognoissant leurs promptes affaires, Estrennez seront volontiers.
Oublier ne faut l'estrenne Aux cousturiers et frippiers, Puisqu'ils changent par semaine De vestement volontiers, Donnons-leur escarpins et mules, Car d'abbits ils en ont assez Pour passer ces grands froidures, Besoin n'ont que d'estre chaussez.
Aux cordonniers pour estrenne, Sans oublier les tanneurs, Dieu leur doint bonne sepmaine, Et aussi aux corroyeurs, Ces trois là faut tous d'une voye Estrenner, car chacun s'ensuit, L'un tanne et l'autre corroyé, L'autre mect en œuvre le cuir.
Les fourreurs pour leurs estrennes Auront des peaux ces jours gras, Et les drappieirs de la laine, Pour faire tisser des draps ;
Assemblons du fer de limailles Pour donner à ces tainturiers, Les fondeurs auront des mitailles, Pour faire des beaux chandeliers.
N'oublions à nos estrennes Serruriers et maréchaux, Donner nous leur faut des limes, Des enclumes et marteaux, Estrennons du bois des Ardennes Les tourneurs et les menuisiers, Du Brésil pour faire des dames A ceux-là qui font des damiers.
A ces faiseurs d'arbalestes Nous donnerons des jalets, Et des éguilles bien faictes Aux triquoteurs de bonnets ; Puis il faut truelles et milles, Pour donner à tous les massons; Dieu garde les couvreux de tuille, Car ils sont assez bons garçons.
Ceux de l'art de l'imprimerie, Pour nos estats abbreger, Et ceux de la librairie, Ceux de mestier d'orloger, Chirurgiens, barbiers d'avantage, Ceux qui jouent de tous instrumens, Dieu leur doint un bon banquetage Le jour de caresme-prenant.
Estrennes faut de ferraille Les cloutiers pour le certain, Et de l'estain de Cornouaille Aux maistres potiers d'estain,
Nous avons besoing de briere Pour donner à tous ces vergers, Et si faut de toilles aux lingères, Pour faire collets ouvragez.
Quant aux faiseurs de lunettes, Ils auront du christalin, Les tisserands des navettes , Pour faire toille de lin ;
Ne laissons au rang de derrière Les selliers ni les bodroyeurs, Chaircutiers, bouchers et tripières, Tous ceux-là porteront nos faveurs.
Les savetiers d'une bande, Et les chaudronniers aussi, Crocheteurs, et ceux qui vendent De ce bon noir à noircy, Dieu leur doint cent escuz pour homme, Ce sont gens qui le vallent bien, Car jamais nul d'eux ne s'esloigne Loing du pot tant qu'il n'y a plus rien.
Tous ces ferreurs d'éguilettes Auront du chamoys la peau, Et les faiseurs de raquettes De la corde de boyau ; Les cordiers de chanvres bien fortes, Et du tel chargé dix chevaux, Par tel si qu'ils feront des cordes Pour pendre tous les Huguenots.
Sus, sus, qu'on la réveille
La bouteille, Il n'est pas temps qu'on sommeille Et boire il faut.
Je voudrais qu'il m'eust cousté Ma robe et mon chaperon, Et que j'eusse rencontré Quelque gentil compagnon, Qui voulust vendenger ma treille Sans corbeille.
Je burois à luy du haut D'un plein saut.
Sus, sus, qu'on la réveille La bouteille, Il n'est pas temps qu'on sommeille Et boire il faut.
Tant vous allez doux,
Guillemette,
Tant vous allez doux ;
Pour un baiser doux,
Guillemette,
M'escondirez-vous?
Et Guillemette, avés vous desjuné?
Nenni, dit-elle, car je nay point mengé. Prenez cinq sous en ma joy boursette.
Tant vous allez doux, etc.
Et Guillemette, coucheray-je avec vous?
Mon doux amy, je m'en rapporte à vous, Mais que volies lever la chemisette.
Tant vous allez doux, etc.
Tout bellement s'en est allé Karesme, Pasle, transi, aussi fâcheux de mesme, Son viandis estoit puant et sale, Il n'y avoit cuisine, chambre ou salle Qui toute infecte et puante n'en feust ; Bon vin se gaste dans un mauvais feust, Et la poche sent tousjours le haran ; Du goust j'en ay cuidé mourir dahan, Luy présent ma bouche rire n'ausa, Et cognoissant sa fin, il se housa A pied ou à cheval, s'est mis en voye, Laissez le aller, le bon Dieu le convoyé.
)QtC
CHANSON NOUVELLE
D'un compagnon, nouveau marié qui n'a sceu jouyr de son espouse jusques à la troisiesme nuict, sur le chant : Sur mon amy, sus et la don.
Un compagnon de village,
Fort estourdy, Se voulut mettre en mesnage,
Comme Ton dict ; Sa femme toute la nuict
Fut si farouche, Que toucher ne luy ozit :
Fy de l'amour qui n'a plaisir.
Dès la première nuictée
Il pensoit bien Embrasser son espousée,
Et n'en fut rien, Car elle gincoit si fort
Dessus la couche, Que le lourdaut tresbuchit :
Fy de l'amour qui n'a plaisir.
Les deux premières nuictées
Ne s'en jouyt De sa toute bien aimée,
A son plaisir.
Or devinez ce qu'il fit
A la troisiesme?
Par finesse l'attachit :
Fy de l'amour qui n'a plaisir.
Le compaignon print la belle
En son dormant, Luy lia d'une ficelle,
Bien doucement, Les deux pieds aux deux pilliers
De la couchette, Puis en fit à son désir :
Fy de l'amour qui n'a plaisir.
L'espousée se resveille,
En la berçant :
Vrayement, voicy, ce dit-elle,
Mon bercement; Or, ne me Hz plus tant,
La peine est douce, Le mal n'est pas pour mourir :
Fy de l'amour qui n'a plaisir.
Lors son mary Ta deslié,
Elle luy dit :
Recommencez je vous prie,
Sans faire bruict. Je ne puis, dit le mary,
Ma douce amie, Le courage m'est failly :
Fy de l'amour qui n'a plaisir.
Quand ils ont sceu au village
Que ce mary Navoit non plus de courage
Qu'une soury, Ils ont fait chary vary,
Pour la risée A un chascun descouvrir :
Fy de l'amour qui n'a plaisir.
ANCIENNES CHANSONS POPULAIRES /,;u)
A l'heure, dit l'espousée,
Or voy-je bien Que je suis femme abusée,
Fy du vilain, Le cœur lui faut au besoing
De la besongne, Qui me rend le cœur marry :
Fy de l'amour qui n'a plaisir.
En très grande diligence
Un bon garçon Du village, par plaisance,
Fit la chanson, Pour de joyeuse façon
Dancer les festes, Voicy le beau temps venir :
Fy de l'amour qui n'a plaisir.
Une bergère un jour aux chams estoit Sous un buisson, prenant chemise blanche ; Et le berger qui de près la guettoit, Qui doucement la tira par la manche, En lui disant : Margot, voicy mon anche, Jouons nous deux de cette cornemuse, Car c'est un jeu où souvent tu t'amuse. Elle sourit, disant en ceste sorte :
J'ay tabourin joly dont tousjours j'use, Frappez dessus, la peau est assez forte.
46o ANCIENNES CHANSONS POPULAIRES
Une jeune cousturière Qui aprenoit son mestier
Pour labourer, Elle a laissé ses esguilles, Ses cizeaulx sont demourez
Pour labourer.
Labourez bien, si vous voulez, Car je ne puis plus rien faire ; Labourez bien, si vous voulez, Je ne puis plus labourer.
Elle a laissé ses esguilles, Ses cizeaulx sont demourez;
Pour labourer Elle est allée à Paris, Pour mieulx faire son mestier,
Pour labourer,
Labourez, etc.
Elle est allée à Paris,
Pour mieulx faire son mestier,
Pour labourer :
Se mist à tenir taverne, Pour les marchans appeller,
Pour labourer.
Labourez, etc.
ANCIENNES CHANSONS POPULAIRES /,6i
Se mist à tenir taverne, Pour les marchans appeller,
Pour labourer.
Mist la teste à la fenestre, Son amy elle a huche,
Pour labourer.
Labour ez, etc.
« Dieu vous gard, ma doulce amie, »
— Et à vous, mon amy cher,
Pour labourer.
Dictes-moy, je vous suplie, Avez-vous que desjeuner?
Pour labourer.
Labourez, etc.
Dictes-moy, je vous suplie, Avez-vous que desjeuner,
Pour labourer?
Ouy, d'un très bon chapon, Et d'un conin bien lardé,
Pour labourer.
Labourez, etc.
Ouy, d'un très bon chapon Et d'un conin bien lardé,
Pour labourer.
Montez là hault en ma chambre, Si serez très bien traicté,
Pour labourer.
Labourez, etc.
\i\i ANCIENNES CHANSONS POPULAIRES
Qui fist ceste chansonnette ?
Un très noble adventurier,
Pour labourer, En estant dedans sa chambre, Attendant son desjeuner,
Pour labourer.
Labourez bien si vous voulez, Car je ne puis plus rien faire, Labourez bien si vous voulez, Je ne puis plus labourer.
Air nn 29
Une jeune fille J'aime le printemps, Quand elle est agille En ces mouvemens :
Chantons comme drolles, Tout sert icy bas, Fussent des pistolles Ou doubles ducas.
Des moutons la laine Sert de vestement, La chair souveraine Nous sert d'aliment :
Chantons, etc.
Des plus fines toilles Couvrent nostre dos, On en fait des voilles Pour les matellots :
Chantons, etc.
Croyez qu'un vieux singe Sert à follier *, Et nostre vieux linge Pour faire papier :
Chantons, etc.
Ce que je fiente C'est pour un pourceau, Du lard je me vante D'en remplir ma peau :
Chantons, etc.
Pour nostre lumière Le flambeau des cieux, Et nostre paupière Pour siller 2 nos yeux :
Chantons comme drolles, Tout sert icy bas, Fussent des pistolles Ou doubles duças.
i. Folier ou follier, railler, folâtrer, faire le fou. 2. Mettre des cils, des sourcils.
4«i ANCIENNES CHANSONS POPULAIRES
Une jeune fillette
De noble cœur, Plaisante et joliette,
De grand valeur,
Outre son gré, On Ta rendue nonnette ; Cela point ne souhaite, Dont vit en grand douleur.
Un soir, après complie,
Seullette estoit, En grand mélencolie
Se lamentoit,
Disant ainsi :
Douce Vierge Marie, Abrégez-moy ma vie, Puisque mourir je doibs
Mon povre cœur souspire
Incessamment, Aussi ma mort désire
Journellement,
Qu'à mes parens Ne puis mander, n'escrire ; Ma beauté fort empire, Je vis en grand tourment.
Que ne m'a on donnée
A mon amy, Qui tant m'a désirée, Aussi ay-je moy luy!
ANCIENNES CHANSONS POPULAIRES /f65
Toute la nuict Me tiendrait embrassée, Me disant sa pensée, Et moy la mienne à luy.
Adieu vous dis, mon père, Ma mère et mes parens, Puisque m'avez rendue Nonnette en ce couvent,
Où il n'y a Point de resjouyssance ; Je vis en desplaisance, Je n'attens que la mort !
La mort est fort cruelle
A endurer, Et si c'est un passage
Qu'il faut passer,
Encore est plus Le grand mal que j'endure, Q'une peine est si dure Qu'il ne fault supporter.
Adieu vous dis, les filles
De mon pays, Puisqu'en ceste abbaye
Me faut mourir ;
En attendant De mon Dieu la sentence, Je vis en espérance D'en avoir reconfort.
Chanson nouvelle et récréative à toutes gens d'une Lynotte et de sa in ai stresse.
Une lynotte Qui servoit bien son maistre De sa cage s'en voila, Pour aller veoir les prebstres :
Petite beste, Je ne t'y nourriray jamais, Je ne t'y puis congnoistre.
De sa cage s'en voila Pour aller veoir les prebstres.
Dessus le chevet du lict Advisa sa maistresse :
Petite beste, etc.
Dessus le chevet du lict Advisa sa maistresse :
— Maistresss, que faictes-vous ?
Je le diray à mon maistre.
Petite beste, etc.
— Maistresse, que faictes-vous?
Je le diray à mon maistre. — Linotte, ne le dis pas,
Je te feray la feste.
Petite beste, etc.
Linotte, ne le dis pas, Je te feray la feste, Je te donneray cent escus, Et la bourse à les mettre.
Petite beste, etc.
Je te donneray cent escus, Et la bourse à les mettre.
— De tes escuz je ne veulx point, Car je n'en ay que faire : —
Petite beste, etc.
— De tes escuz je ne veulx point, Car je n'en ay que faire.
Il ne me fault qu'un denier Pour avoir la navette. —
Petite beste, etc.
— 11 ne me fault qu'un denier Pour avoir la navette,
Et un petit carolus, Pour ma cage refaire : —
Petite beste, etc.
— Et un petit carolus, Pour ma cage refaire, Et un petit limasson,
C'est pour me mettre à boire. —
Petite beste, etc.
— Et un petit limasson, C'est pour me mettre à boire, Et puis je prens mon plaisir A resjouir mon maistre. —
Petite beste, Je ne t'y nourriray jamais.
Je ne t'y puis congnoistre.
4«>tf ANCIENNES CHANSONS POPULAIRES
Une pastourelle gentille Et un berger, En un verger, L'autrier en jouant à la bille, S'entre disoient pour abréger :
Roger, Berger, Légère Bergère, C'est trop à la bille joué, Chantons noé, noé, noé, noé, noé, noé.
Te souvient-il plus du prophète Qui nous dit cas de si haut fait, Que d'une pucelle parfaite Naistroit un enfant tout parfait ?
L'effet
Est fait,
La belle
Pucelle A un fils du ciel avoué, Chantons noé, noé, noé, noé, noé, noé.
a bis — 1602
Une petite feste J'allais cueillir des choux, C'estoit pour aller vendre Au marché à Marlous :
Pierre, Pierre, tenez-moy prez de vous.
Cestoit pour aller vendre Au marché à Marlous.
Quand je fus à la plaine, J'ay veu venir des loups, Pierre, Pierre, etc.
Quand je fus à la plaine J'ay veu venir des loups.
Hé mon Dieu que feray-je Mourray-je sans secours?
Pierre, Pierre, etc.
Hé mon Dieu que feray-je, Mourray-je sans secours?
J'avisay venir Pierre, Le valet de chez nous ; Pierre, Pierre, etc.
J'avisay venir Pierre, Le valet de chez nous :
Où allez-vous maistresse, Quel chemin tenez-vous?
Pierre, Pierre, etc.
Où allez-vous maistresse, Quel chemin tenez-vous?
« Je fuis devant la beste Qui accourt droit à nous :
Pierre, Pierre; etc.
Je fuis devant la beste Qui accourt droit à nous, Levez vctre jaquette, Et me mettez aessous :
Pierre, Pierre, etc.
Levez votre jaquette Et me mettez dessous, Bendez vostre arbalestre Et visez à ce loup :
Pierre, Pierre, etc.
Bendez vostre arbalestre Et visez à ce loup ; Bendit son arbalestre Et tira quatre coups :
Pierre, Pierre, etc.
Bendit son arbalestre Et tira quatre coups :
m Or levez-vous maistresse, La victoire est à vous :
Pierre, Pierre, etc.
Or levez-vous maistresse, La victoire est à vous.
Ne craignez plus la beste, Allez vendre vos choux :
Pierre, Pierre, tenez-moy prez de vous.
e bis — 1614
Un franc taupin * un si bel homme estoit, Borgne et boiteux pour mieux prendre visée, Et si avoit un fourreau sans espée, Mais il avoit les mules au talon :
Deriron, vignette sur vignon.
t, Lâche, poltron.
ANCIENNES CHANSONS POPULAIRES 47i
Un franc taupin un arc de fresne avoit, Tout vermoulu, la corde renouée, Sa flesche estoit de papier empennée, Ferrée au bout d'un ergot de chappon : Deriron, vignette sur vignon.
Un franc taupin son testament faisoit Honnestement dedans le presbytère, Et si laissa sa femme à son vicaire, Et luy bailla la clef de sa maison, Deriron, vignette sur vignon.
Un franc taupin chez un bon homme estoit, Pour son diner avait de la morue, Il luy a dit : Jernigoy je te tue, Situ ne fais de la soupe à l'oignon, Deriron, vignette sur vignon.
Un franc taupin de Henaut revenoit, Ses chausses estoyent au talondeschirées, Et s'il disoit qu'il venoit de l'armée, Mais onc n'avoit donné un horion, Deriron, vignette, sur vignon.
Un franc taupin en son hostel revint, Et il trouva là sa femme accouchée :
A donc, dit-il, j'ay la bille vezée, Depuis un an ne fus en ma maison :
Deriron, vignette sur vignon.
4?a ANCIENNES CHANSONS POPULAIRES
a bis — 1602
Un jour de may par un matin.
Me proumenois dans un jardin, Dessus l'herbe nouvelle :
Hé baisez-moy la belle donc, Hé baisez-moy la belle.
La j'aperceus près d'un buisson Une dame sur le gazon, Cueillant la violette.
Baisez-moy ma doucette donc, Hé baisez-moy ma doucette.
Lors je vins à luy demander S'elle me voulait pas aymer, Et estre ma maistresse :
Baisez-moy ma déesse donc, Hé baisez-moy ma déesse.
Car comme au printemps gratieux Tout ce rend plus gay et joyeux, Prenant vigueur nouvelle, Baisez-moy ma rebelle donc, Hé baisez-moy ma rebelle.
Ainsi les cœurs plus endurcis, Se doivent lors rendre adoucis De façon plus gaillarde, Baisez-moy ma mignarde donc, Hé baise moy ma mignarde.
Alors elle m'a respondû, — Las je n'ay jamais entendu Que c'est qu'amour ordonne :
Baise moy ma mignonne donc, Hé baise moy ma mignonne.
D'autant que le cours de mes ans Ne m'a permis ce passe temps, Pour estre trop jeunette :
Baisez-moy ma brunette donc, Hé baisez-moy ma brunette.
Jeunette certes je vous voy, Dont par ce moyen je vous croy Plus propre à ceste flame :
Hé baisez-moy madame donc, Hé baisez-moy madame.
Votre bel œil et le beau teint Qu'en vostre face on veoid de peint Assez le représente, Hé baisez-moy la gente donc, Hé baisez-moy la gente.
Puis la grâce de ton maintien, Joint à vostre bel entretien Vous rend de tous aymée, Baisez-moy Cythérée donc, Hé baisez-moy Cythérée.
Ne laissez doncques eschapper Le fruit que vous peut desrober La saison trop légère :
Baisez-moy ma bergère donc, Hé baisez-moy ma bergère.
Mais plustot suivant la raison Employez toute vostre saison Aux plaisirs d'amourettes :
Baisez-moy ma Nymphette donc, Baisez-moy ma Nymphette.
Un jour d'yver, Margot oyoit crier Quelque gaillard, housseur de cheminée, Criant : je housse haut et bas le fouyer, Mieux que ne feit oncques personne née.
Margot luy dit : et combien la journée? Vous me payerez, dit-il, selon l'ouvrage. Lors, çà et là, de bien housser fait rage, De reins, de bras, de pieds, de mains, de cul.
Lors dit Margot, là mon amy, Prenez courage, Cognez plus fort, Poussez plus fort, Houssez plus fort, vous aurez un escu.
Un jour, l'amant et l'amie Sous un buisson j'ay trouvé, Qui jouaient à l'endormie, Au beau jeu tant esprouvé,
A couvert,
Sous le vert ; L'amant jouet par nature,
Et l'amie
Sa partie Tenoit très bonne mesure.
Sous la verte couverture Le rossignol j'escoutois.
Qui chantoit à l'aventure Le dessus à haute voix.
Le pinson,
En chanson, Par devoir, faisait hommage,
La lynote,
Sus la note Aux amans disoit courage.
Un jour m'en alloys seulette.
Au joly boys soubs lessauls, En cueillant la violette, Gardant mes petits aigneaux,
Au chant gratieux, Délitieux et amoureux
Du Rossignol.
Me print à l'ouir
Si grand plaisir
Du souvenir, Qu'il m'y convint dormir.
Je me couchay sur lherbette, Pensant un peu someiller.
De ma blanche genouillette, J'en ai fait un oreiller :
Lors est arrivé un chevalier,
Prompt et légier, Qui me trouva seulette,
Qui tant me baisa,
Et m'acolla,
Me feit cela
Qu'a la fin m'éveilla.
Un jour Robin alloyt aux champs, Jouant, gallant z au ton de sa bouteille,
Mettant souvent le nez dedens, Riant des dens que cestoit grant merveille.
Qui prent serpe et serpillon,
Pour vendenger la treille, Et puis reprit son boutillon, Pour mieulx fourrer son coquillon
Du vin à une oreille.
Un mary fraiz avant, en Tan et le jour, Venant des champs, trouva sa damoiselle Dedans sa chambre à point et de séjour; Bonsoir, et puis grand chère, ce dit-elle,
i. Galle r, se réjouir.
Et vous et moy, je ne la fis onca telle. Souperons nous, ou ferons le déduit ?
Faisons lequel vous plaira, dit la belle, Mais le souper n'est pas encore cuit.
Un mesnagier vieillard recreu d'ahan, Fendoit du boys ; sa femme estoit devant Qui luy a dit : pourquoi faites vous han? Affin, dit-il qu'il entre plus avant.
El' tint ce mot, car la nuit en suivant, En l'embrassant, luy a dit : mon amy, Coignez plus fort, pas il n'entre à demy,
Et faites han.
Lors il luy dict : le han ne sert icy, Contentez-vous, ce n'est boys que veul' fendre.
Un moine de nostre convent A le nés long de trois empant x, Dondaine, dondaine, Ah ! qu'il est long dondon, le nés du moine.
A le nés long de trois empant, (bis) Deux nonnes luy vont marchandant, Dondaine, dondaine, Ah ! qu'il est long, etc.
1. Un empant, longueur depuis l'extrémité du pouce jusqu'au bout du petit doigt.
Deux nonnes luy vont marchandant, (bis) Combien le vendez-vous l'empant ?
Dondaine, etc.
Combien le vendez-vous l'empant ?
Je le veux vendre cinq cents francs, Dondaine, etc.
Je le veux vendre cinq cents francs, (bis) C'est pour l'abbesse de céans :
Dondaine, etc.
C'est pour l'abbesse de céans, (bis) — Nostre abbçsse a bien du contant :
Dondaine, etc.
Nostre abbesse a bien du contant, (bis) Pour vous le payer largement.
Dondaine, etc.
Pour vous le payer largement, (bis) Et le loger profondément.
Dondaine, etc.
Et le loger profondément, (bis) Mais nous qui n'en n'avons pas tant :
Dondaine, etc.
Mais nous qui n'en avons pas tant, (bis) Donnés nous en pour nostre argent :
Dondaine, etc.
Donnés nous en pour nostre argent, (bis) - Pour la plus jeune il y consent, Dondaine, etc.
Pour la plus jeune il y consent, (bis) Et la plus vieille va disant :
Dondaine, etc.
Et la plus vieille va disant : (bis) J'aurai celui du frère Jean.
Dondaine, etc.
J'auray celui du frère Jean, (bis) Il est vrai qu'il n'est pas si grand : Dondaine, etc.
Il est vray qu'il n'est pas si grand, (bis) Mais je m'en servirai souvent :
Dondaine, etc.
Le soir en entrant au convent, (bis) Et le matin en m 'éveillant :
Dondaine, etc.
Air n° 30
Vallet qui aymez par amour, N'aymez pas fille d'un seignour :
Cheminez, fillettes, cheminez tousjours.
N'aymez pas fille d'un seignour, J'en aimai une par amour :
Cheminez, etc.
48o ANCIENNES CHANSONS POPULAIRES
J'en aimai une par amour, Je m'y promenois l'autre jour :
Cheminez, etc.
Je m'y promenois l'autre jour .
Avec madame, par amour :
Cheminez, etc.
Avec madame, par amour, Qui fesoit un chapeau de fîour :
Cheminez, etc.
Qui fesoit un chapeau de flour, C'est cour donner à son seignour :
Cheminez, etc.
C'est pour donner à son seignour; Son mary en devint jaloux :
Cheminez, etc.
Son mary en devint jaloux,
Qjii la battoit trois fois par jour :
Cheminez, etc.
Qui la battoit trois fois par jour, — Amy, pourquoy me batez-vous : Cheminez, etc.
Amy, pourquoy me batez-vous, Couchay-je pas o vous :
Cheminez, etc.
Couchay-je pas o vous,
Et le jour avec mes amours :
Cheminez, etc.
Et le jour avec mes amours ; Toute eau qui passe par un cours :
Cheminez, etc.
Toute eau qui passe par un cours Elle n'est pas toute en un seignour :
Cheminez, etc.
Elle- n'est pas toute en un seignour, Aussi ne suis-je du tout à vous :
Cheminez, fillettes, cheminez tousjours. —
Vignon, vignon, vignette, Qui te planta il fut çreudhomme,
Vignon, vignon, vignette, Il me semble advis que jalaicte Quand tu passes par mon gourgeon
Vignon, vignon, vignette, Qui te planta il fut preudhomme.
Vire Jan, vire Jan, Vire Jan, Jeannette.
C'est mon amy, my fait cela Deux ou trois foys sans dire hola !
Il me baise à la bouchette,
Vire Jan, vire Jan, Vire Jan, Jeannette,
48i ANCIENNES CHANSONS POPULAIRES
L'alaine courte n'as-tu pas?
N'as-tu point veu mamiette?
Vire Jan, vire Jan, Vire Jan,. Jeannette 1
Vive la Marguerite Qui me porte bonheur, Seray toute ma vie Son numble serviteur.
Celuy qui se contente, N'est-il pas bien heureux D'avoir maitresse gente, Qui centemple ses yeux, Car j'en ay choisie une Qui est bien à mon point, Blanche comme la lune, Je ne changeray point :
Vive la Marguerite, etc.
Si elle a bonne grâce, Les yeux verts et rians, De vertu se façonne, Un chacun rend content, Elle est cointe et jolie, Belle comme le jour, Pour cela j'av envie De luy faire l'amour :
Vive la Marguerite, etc.
De sa main blanche et nette Son corps comprins au bas, Ses tetins et pomettes, Tout y va par compas ; Je pence quien ce monde N'y a telle douceur, Pour cela n'a seconde, Vrayment j'en suis seur :
Vive la Marguerite, etc.
De sa bouche vermeille, Ces deux bras de coral, Et ces cuisses blanchettes, Et ces dents de cristal ; • Toute beauté en elle, Rien ny a de malfaict, C'est bien la damoyselle Qui de tout mon cœurpaist :
Vive la Marguerite Qui me porte bonheur, Serav toute nia vie Son numble serviteur.
Vivrai je plus guères, Languiray-je tousjours Pour l'amour d'une dame Que j'ayme par amours?
El m'a sa foy promise Qji'el n'aymeroit que moy :
Je l'ay trouvée menteuse, Elle en a deux ou troys !
Rossignolet saulvaige, Prince des amoureux.
Je te prie qu'il te plaise De bon cueur gracieulx,
Va moy faire un messaige A la belle, à la fleur, Qu'el ne m'y tienne plus En si grosse rigueur.
Rigueur m'y fait mourir, Je n'ay autre douleur, Pour l'amour de m'amyë Qjii m'a transy le cueur.
Car elle est trop fière, Je mourray de langueur.
Adieu mes amourettes, Je n'ay plus de vigueur.
X ter — 1586
Voicy la mort, voicy la mort Qui tient mon cœur en laisse ; C'est du regret que j'ay de mon amy:
Je meurs, hélas, je meurs, Puisqu'il fault que vous laisse.
O Avignon, ô Avignon, Cité, fleur de noblesse, Le mien amy, las, tu tiens en prison :
Je meurs, etc.
Hélas, tu dors, hélas tu dors, Et mon pauvre cueur veille, Comme celle qui vit en marri sort :
Je meurs, hélas, je meurs, Puisqu'il fault que vous laisse.
Voicy le may, le joly moys de may, Qui nous demaine.
Par ung matin my levay, Voicy le may, le joly moys de may, En ung jardin men entray A la bonne estraine :
Voicy le may, le joly moys de may Qui nous demaine.
Voulez ouyr chanson, chansonnette nouvelle? La fille du chasteau qu'on dit qui est tant belle, Elle est tant belle, tant parfaicte en beauté, Voyant sa bonne grâce, m'amour luy ay donné.
Je luy ay faict présent de couleur de livrée, Je vous jure ma foy, est mignonne et gorrière, Dont l'un est vert et l'autre est orangé, Orangé patience, le vert pour gayeté.
Or voyez ma couleur, or voyez ma livrée, Or voyez, mon amy, comme je suis changée. La patience je la prends par amours :
Amy, si je l'endure, c'est pour. l'amour devons.
Pourquoy l'endurez vous, m'amye tant souveraine? Rendez-moy mon acquit, mettez-moy hors de peine, Rendez-le moy, par amour, mon acquit, Et me dictes, la belle, adieu mon doux amy !
Amy, si me laissez, je me rendray tant humble Que je ne parleray à homme de ce monde; Quant à mon cueur, il sera tout commun , Et dedans mon courage je n'en aymeray qu'un.
Entre vous, compagnons, qui aimez les fillettes, Vous en trouverez cent de belles et de laides, Qui en devant vous feront beau semblant, Et en derrière de vous s'yront mocquant .
Qui fit ceste chanson? un bon soldat de guerre, Allant de là les montz, tant par mer que par terre, En regrettant ses loyalles amours, Et à la départie sont les grièves doulours.
Voulez ouyr chansonnette De tous les cris de Paris, L'une crie des allumettes, L'autre fusils x, bons fusils, Cotterets secs à la maie tache, Verre * jolis, qui a des vieux souliers, A vendre en bloc et en tache?
Beaux œufs frais, gelez choux gelez.
Oranges, citrons, grenades,
Fourmage hors de Milan,
Sallade, belle sallade,
Faut-il du bon pain chalan, .
A ramonner la cheminnée
Haut et bas, vieil fer, vieil drappeaux,
Beaux choux blancs, ma belle porée 3,
Moustarde, almanachs nouveaux.
Vinaigre, bon vinaigre, Sablon à couvrir les vins, Charbon de rabais en grève, Le minot 4 à neuf douzains, Du grais, grais, à la fine esguille, J'ay la mort au rats et souris, Entonnoirs, bons foirets et viriles 5, Ca chalants à curer le puis.
1. Fusils, briquets. — 2. De la laine. — 3. Porée, porreau. - 4. Le minot, mesure double d'un mètre. — s. Vrille.
Argent cassé, vieil monnoye, L'esmouleur gaigne petit, Croye de Champaigne croye x, Oublie, oublie, ou est-il ?
A deux liards les chansons tant belles, Douces meures, gentil fruit nouveau, A mes beaux cerneaux, noix nouvelles, Capandu z , poires de certeau.
Gros fagots, seiches bourrées,
A mes bons navets, navets,
Chicorée, chicorée,
Argent de mes gros ballets,
Noir à noircir, couvercle à Tessive,
Peigne de bouys 3, gravelée, graveleau,
J'ay du laict à Tescaille vive,
Chaudronnier, qui est-ce qui veut de l'eau ?
A quatre deniers la peinte.
Gentil vin blanc, vin clairet, Esguillettes de fil teinctes, Argent du fin tresbuchet, Vert verjus, oignons à la botte, Harenc sort, panets, beaux panets, Beau cresson, carotte, carotte, Pois vers pois, faibves de marets.
Prunes de damas, cerises, Concombres, beaux abricots, De bonne encre pour escrire, Beaux melons, beaux artichaux,
i. Craie. — a. Capandu, nom d'une pomme. — 3. Buis.
Harenc frais, maquereau de chasse,
A refaire les seaux et soufflets,
Citrouille, filace, filace,
Qui a des vieux chappeaux, vieux bonnets ?
Fromage de cresme, fromage, Aux racines de parsin, Rave douce, belle esparge x, Beau houblon, peau de connin 2, Gerbe de froment, foirre nouveau foirre, Bons râteliers, chambrière 3 de bois, Beau may de houx, à la pierre noire, Ruben blanc, ruben, beaux lasse ts.
A trente escus Tesmeraude, Et l'anneau de grandValeur, Febves cuictes toutes chaudes, Pain d'espice pour le cœur, Beaux chappelets couronne royalle, De beaux coings, pesches de Corbeil, Beaux poireaux, gros navets des halles, Beaux bouquets, qui veut de bon laict.
Figues de Marseille, figues, Beaux merlus, chervis de Troys, Carpes vives, carpes vives, Beaux espinards, lard à poix,
Escargots, tripes de mourue,
Beaux raisins, beaux pruneaux de Tours :
Ainsi vont criant par les rues
Leurs estats chacun tous les jours.
