AV LECTEUR

Lectevr, ce sont ici des vieilles et des nouuelles Poésies : Vieilles, caria plupart sont composées il y a longtemps : Nouuelles, car on n'escrit point à cette heure, comme on escriuoit quand elles furent escrites. Si elles ne sont telles qu'elles deuroient estre, c'est mon défaut : car de mon temps on escriuoit assez bien. Si elles ne sont assez reueûes et pollies c'est ma paresse. Aussi que jamais ie ne m'oubliay tant, que ie laissasse mes affaires pour entendre à mes vers : Et me donnant garde que les Syrenes des Muses ne m'abusassent, ie me tenoy lié à ma profession toute contraire à leurs Chansons, lesquelles ie n'escoutoy qu'à mon grand loisir et aux heures où d'autres s'ebatent à des exercices moins honnestes.

Le Public où i'estois attaché, tous les troubles de ce Royaume auenus de mon âge et le soin de mon ménage m'empescherent de les reuoir et de les faire imprimer alors que leur langage et leur stile eust

— CXYI —

«s té, peut-estre, receu comme celuy de beaucoup qui firent voir leurs ouurages au mesme temps. Mais grand nombre des Poésies de mon siècle et de «eux à qui i'auoy donné de mes vers sont trépassez, et le Roy mort, par le commandement duquel i'auoy paracheué mon Art Poétique : et quant et quant ces doux passetemps tombez en tel mespris, que depuis en n'en a tenu guère de conte. Ce qui fera que ceux-ci venants hors de saison et comme mets d'entrée de table à la lin du disner (ou comme ceux qui après la dixiesme année vinrent au secours de Troye), ne seront si bien receus qu'ils auroient esté du viuant de mes contemporains. C'est pourquoy vn ancien disoit bien à propos, qu'il estoit malaisé de rendre conte de sa vie deuant des hommes d'vn autre siècle que de celuy auquel on auoit vescu . Toutefois ne les pouuant changer ni r'accoutrer suiuant la façon des habits de maintenant, ie les laisse à leur naturel. Et me souuenant qu'en yEtiopie encor que les plus grands et les plus beaux fussent choisis pour estre -Rois, que pourtant ceux-là n'estoient chassez du Royaume, ni de la Chose publique qui en la stature et en la proportion des membres auoient eu la Nature moin? fauorable : j'espère ainsi, que mes

— CXYII —

vers en leur premier accoutrement pourront auoir juelque place entre les moindres, s'ils ne peuuent ittainclre à la hauteur des grands. Sinon me voyant aranti par la defence de mes ans (et que la osterité sera iuge des ouurages d'autruy et non ceux qui viuent), ie les laisser ay au rang des vanitez du monde, dont ieme moqueray auec ceux qui s'en moqueront, ie te prie Lecteur, d'en faire de mesme : car ie ne trouue plus rien ici bas d'admirable que les œuures de Dieu : aux volontez duquel, i'essaye à me ranger et à me conformer de sorte, que quand il me faudra partir pour aller à luy, ie m'y en aille volontairement et sans regret.