INVENTAIRE D'ARTILLERIE

(Archives du Nord. — Art. B. 3516.)

Sensievent les parties d’artillerye que Guillaume Bourgois, receveur de l'artillerie de monseigneur le duc de Bourgoigne, a délivrées au commandement de monseigneur le conte de Charrolois, filz de mondit seigneur et son lieutenant général, et du sceu et ordonnance de monseigneur de Moreul, maistre de ladicte artillerie, depuis le vint-deuxiesme jour du mois de may l’an mil quatre cens soixante-cinq, que lors mondit seigneur fist partir ladicte artillerie de la ville de Lille pour mener avec lui ès voiages par lui faiz en armes oudit an LXV ès royaulme de France et pays de Liège, jusques au vint-sepliesme jour de janvier ensuivant oudit an que lodicte artillerie fut chargée sur l’eaue en la ville de Louvain pour la ramener audit lieu de Lille; et desquelles parties d'artillerie ainsi distribuées et despensées par l'ordonnance dessus dicte durant lesdits voiages, la declairacion est cy aprez mise par ordre selon les jours que le distribucion en a esté faicte par ledit receveur de l’artillerye.

Et premièrement :

Distribucion et despense de pouldre de canon faicte à pluseurs fois et en divers jours durant l’armée dessusdicte.

Assavoir, au parlement que tist ladicte artillerye de la ville d’Arras, le XXIX° jour de may l’an mil CCCC soixante-cinq, pour ce que l’on estoit adverti que aucuns malveullans de mondit seigneur de Charrolois avoient fuit espier pour savoir ledit partement, sffin de porter dommaige à icelle artillerie se faire le povoient, fut ordonné par monseigneur de Moreul, maistre de ladicte artillerie, que l’en déliveroit aux canonniers et culevriaiers d’icelle artillerie, à chascun ung sac de pouldre pour eulx en aidier se