GUINGANT

(Original, Bibl. nat., Clairambault, vol. 3, page 9.)

7 septembre i38o.

A tous ceulz qui ces lettres verront. Jaques d'Ableiges, bailli de Chartres, salut. Sachent tuit que, en la présence Nicolas de Guingant, clerc tabellion juré du roy nostre sire a Chartres, vint et fut présent noble homme monseigneur Hue de Boussavainnes, chevalier, lequel congnut et confessa lui avoir eu et receu de sire Jehan le Flament, trésorier des guerres du roy nostre dit seigneur, la somme de deux cens

l'auteur du grand COUTUMIER de FRANCE. l5

quatre vingt et cinq frans d'or, en prest sur les gaiges de lui chevalier, un autre chevalier et quinze escuiers en sa compaignie, deservis et a deservir es présentes guerres du roy nostre sire en la poursuite des Engloiz, soubz le gouvernement de monseigneur le duc de Bourgoigne ; de laquelle somme de iic iiiixx et v frans d'or dessus diz le dit chevalier se tint a bien paie et en quitta et quitte clama le roy nostre sire^ le dit trésorier et touz autres. Donné soubz le seel de la chastellerie de Chartres, l'an de grâce mil ccc iiiixx, le vij« jour de septembre.

Bruyant.

(Original, Bibl. nat., Qairambault,. vol. 20, p. 141 3.)

12 septembre i385.

L'an mil ccc quatre vins et cinq, le xij" jour de septembre, devant nous Jaques d'Ableiges, bailli d'Evreux, de Bretueil et de Conches, fu présent maistre NicoUe Feron, maistre des euvrez du roy nostre sire es diz bailliages, lequel nous [aj rapporté et tesmoingné par son serment que toutes les taaches et reppa raclons contenues es lettres de quittance, parmy lesquelles ces présentes sont annexées, sont faites et parfaites bien et deuement par maistre Jehan de la Fontayne, charpentier, nommé en ycelle, en la fourme et manière qu'il les avoit prinses a faire. En tesmoing de ce, nous avons seellé ceste présente certifiicacion du seel dont nous usons es diz bailliages, l'an et jour dessus diz.

P. Etart.

(Original, Bibl. nat., Quittances et pièces diverses, vol. 3o, pièce cotée 776.)

24 décembre i385.

A tous ceuls qui ces lettres verront, Jaques d'Ableiges, bailli d'Evreux, salut. Savoir Élisons que Pierre Estart, clerc juré de nostre bailliage, a receu du viconte d'Evreux, en nostre présence et par nostre commandement, par la main de Guillaume du Four, la somme de trois firans d'or, lesquelz lui ont esté baillés pour faire les despens de lui et de Cardet le Sesne, comndissaires en ceste partie, et pour les despens de leurs chevaulx, pour aler es parties de Nonnancourt et de Saint Germain sur Avre, espier et faire prendre Jehan Godefroy, lequel a esté et est trouvé coulpable, par bonnes informacions sur ce Élites, de pluseurs cas criminelx ; et lequel Godefroy ilz trouvèrent et prinrent et mistrent a lui la main de par le roy nostre sire ; mes il leur fil rescouz, si comme ilz nous ont relaté ; et encore pour le dit

l6 l'auteur du grand GOUTUMfER DB FRANCE.

cas sont en suite et en chace de par nous. En tesmoing de ce, nous avons mis a ces présentes le contreseel aux causes du dit bailliage. Ce fil fait le xxiii)* jour de décembre, l'an mil occ mixz et cinq.

METTOYi».

(Original, Bibl. nat, Quittances et pièces diverses, vol. 3o, pîèca cotée 817.)

24 janvier i386 («. st.).

L'an de grâce mil trois cens quatre vins et cinq, le mercredi xxiiij» jour de janvier, devant nous Jaques d'Ableiges, bailli d'Evreux et de Bretueil, furent presens par devant nous Jehan du BouUoy et Jehan le Cuilleron, sergens de Bretueil, Denis Malesche, sergent de Lire, Colin le Suour, sergent de Glos, et Colin le Suour, son soussergent, tous lesquelz sergens et soussergent nous relatèrent par leurs seremens que a l'assiette de la taille faite, contenue et divisée ou roole parmi lequel ces présentes sont annexées, ils estoient presens, et scevent de certain et sont bien recolens que par les parties contenues ou dit rôle la dite assiette fu faitte, et icelle assiette taillie et levée par les parties contenues ou dit roole, et tout selon la fourme et manière qui dedens est contenue. Et ce certifions a tous par la teneur de ces présentes, a la relacion des diz sergens et soussergent, de laquelle chose Guillaume le Myre, nagueres viconte de Bretueil, nous a requis ces lettres. En tesmoing de ce, nous avons mis a ces présentes le seel aux causes du dit bailliage, en l'an et ou jour dessus dis.

Mettoyer.

(Original, Bibl. nat., Quittances et pièces diverses, vol. 3o, pièce cotée 836.)

6 mai i386.