Le copiste a lu foyres

IV 11 faut probablcuit'Ut lire inventé.

amenées ou chargées à Lyon doivent estre exceptées par lesd. privilleiges des foyres) apportent tant de désordre aud. commerce que, sy Ton continue de le fouler de tant de costés, en vain tenterat-on de le réduire en meilleur forme qu'il n'est à présent, au contraire, comme il n'en reste plus que quelques estincelles du costé de Marseille, elle sera bientost estoufîée tout à faict, et ainsy Tune des principales villes de France demeurera ruinée et dépeuplée, la frontière la plus importante du royaulme, qui ne se peult conserver qu'avec ung grand nombre d'homes bien affectionnés à la coronne, se verra abandonnée, la source du commerce de ce royaulme qui estoit & Lyon sera tarie, les aultres parties de cest estât en seront grandement atténuées, et la douanne de Lyon tellement diminuée, que, ne s'y levant plus que sur ce que les Lyonois en consommeront, le Roy n'en tirera comme rien, et les habitans de lad. ville qui ont d'ordinaire Tespée au costé pour la garde d'icelle, se trouveront de pire condition que tant et tant d'autres villes qui n'ont et ne payent aucune douanne des marchandises qu'elles usent elne sontsubiectes aux gardes et aultres despences qu'il fault faire à Lyon.

Plusieurs edictz et pactes ont aussy beaucoup rapporté à la ruine du négoce de Lyon; les ungs parleur seule publication, et les aultres par les effectz, comme le conseil en pourra estre plus particulièrement informé de visue, voir par ceulx qui auront en court la charge des affaires de la ville.

Comme de mesmes il seroit besoing de régler quelques désordres intervenus par succession de temps en l'exercice de Tofiice de corretier, parce que plusieurs qui le font se sont émancipés d'estro marchans et commissionnaires, et de mesme ont faict les voicturicrs, ce qui cause beaucoup de mal et requiert bien prompte et jsevere provision.

Sur le quatriesme : Quel moyen il y a d'establir les manufactures qui défaillent à la ville de Lyon?

11 n'en fault poinct de meilleur que d'y remectre le commerce, car, lorsqu'il estoit florissant, il se faisoità Lyon, en une sepmaine, plus de manufactures qu'il ne s'en faict à présent en tout ung an. La guerre a faict mourir une partie des ouvriers; la faim en a chassé une aultre partie qui est allée non seulement aux aultres villes du royaulme chercher sa vie, mais, qui est le pis, s'est retiré aux estrangiers pour y establir les manufactures qu'ilz soloient venir quérir à Lyon. Et toute^fois il ne fault pas doubter que, sy le concours et affluance du négoce se rcmectoit à Lyon, les ouvriers y arriveroient de toutes parts, pour la comodité de la vente, pour le Jbon vivre qu'il y faict, pour la liberté des maistriscs des mestiers, e.t

pour Tancienne réputation de lad. ville qui dure encores et faict souhaiter à tout le monde d*en reveoir les effectz.

Sur le \^y touchant le nombre des ouvriers qui gaignent leur vie en la manufacture des soyes?

Tout ce que Ton peult dire de certain, est qu*il y a (en blanc) cens n^rct ouvriers qui font de pelitz velours et laiïetas plains et quelques petitz sattins rayés ou à lisseton, lesquelz m'** peulvent avoir environ dix-huict cens mestiers au lieu de sept mille que Ton y a veu au temps que les estrangiers estoient en la ville en grand nombre, y faisans venir leurs soyes et des ouvriers qui manufacturoient en grande quantité. 11 y peult aussy avoir (en blanc) cens passementiers qui vivent assez paouvrement de leur mestier; (en blanc) teincturiers; (en blanc) moliniers; (en blanc) plieurs de soye, quelques bailleurs d*eau, remondeurs et plieurs de draps, avec grand nombre de cardeurs, devideurs et devideresses, sy bien [que], par commune estimation, Ton tient que de unze à douze mille personnes peulvent vivre de Tart de la soye dedans la ville de Lyon.

Sur le vi« : Quel moyen il y a d'augmenter lad. manufacture de soye tellement que les subiectz du Roy feissent en cela profflct qui va aux estrangiers?

Il ne fault pas seulement augmenter ce qui est introduict à Lyon de l'art de la soye, comme Ton fera facillement sy le commerce s'y restablit, ainsy qu'il se veoit par l'exemple du passé, car, en Testât que led. art s'y exerce à présent, c'est [trop] peu de chose, pour penser par ce moyen retenir l'argent en France. Il y fault establir encores de vingt sortes et plus d'ouvrages d'or, d'argent et de soye qui ne le sont point à Lyon, qui sont grandz draps à grandz ramages ou corapartimens, et pour ornemens d'esglise, meubles de princes et grandz seigneurs, el habitz d'homes et femmes, comme, par exemple, les velours turcz, ris, supraris et rissotailles des deux ou troys, quatre et cinq coleurs, à grandes et petites figures, les sattins fasson de prairie, (leurs des Indes, à la turque, en ligature de damas, à ramages, à fleurs et aultres de plusieurs coleurs; les damas de mesmes, et les taffetas fasson de Turquie à deux faces et figurés, fasson de Millan, brocatels, frises sur frises et aultres estoffes de grand drap.

De toutes lesquelles estoffes qui sont celles qui emportent de France les escus à millions, le feu Roy Henri le Grand, que Dieu absolve, a voullu faire les establissemens à Paris avec une grande despence el curiosité indicible, mais vainement et inutilement, parcequ'ii a fallu passer par les mains des ouvriers estrangiers qui ont esté subornés par ceulx de leur pays pour crainte qu'ilz ont de tel establissemenl.

A Lyon, ung seul, nommé Claude Dangon, natif de lad. ville, ouvrier du Roy, est parvenu en perfeclion à la fasson de tous lesd. draps et y a desia dressé plus de vingt ouvriers, y employant jusqu'aux petitz enfans de douze et treize ans, qui les font très bien. Et sy led. establissement ne se faict par le moyen dud. Dangon, il n'en fault que peu espérer, d'ailleurs led. Dangon en peult mieulx que personne faire les ouvertures, car il se faict fort de fournir tous les ans vingt ouvriers sortans de sa boutique, qui fassonneront très bien chacun d'eulx Tune desd. vingt eslofTes, voyre plus grand nombre selon la despence que Ton y vouldra faire, pourveu qu'il luy soit donné moyen d'en soubztenir les fraiz et que son labeur ne luy soit du tout infructueux. A Touyr parler, il semble qu'ung fondz annuel bien petit à l'esgard d'ung sy grand ouvrage et d'une sy grande utilité, pourroit suffire à tel establissement.

Le surplus des autres articles de lad. lettre concerne la quantité du plan de meuriers qui peult estre en Lyonnois; le moyen d'en faire planter davantage et les contrées qui sont propres à cela, dépend de l'information que lesd. sieurs trésoriers peulventsur ce faire de leur office.