Tranquillement

nous persécutent1; (il exposoit ainsi que cest de ne point parler mal de ceulx quy nous persécutent). Ce nest point tant seullement de s'abstenir daulculne chose qui leur porroit estre à scandale ou de quoy ils porraient mal parler, ains quil les fault aider en leur nécessité et les conforter en toute leurs tribulations et adversités. Je feray la fin craindant de vous trop mollester, priant au Seigneur Dieu quil luy plaise vous donner sa sainte grâce et à toute vostre famille, vous maintenant en bonne prospérité.

En Argentine , che premier jour de Karesme anno 1546.

Lettre à son oncle Hubert. — 25 mars to46.

Très chier et très honouré oncle, très humblement et de bon cœur à vostre bonne grâce me recommande, à ma tante votre femme et toutzvos enfantz. Je vous advisse que je suis en très bonne sanclé, loués soyct le Seigneur auquel je prie que ainsi soit de vous. Très chier, la présente sera pour vous advertir que vous ay envoiet une letre escripte le premier jour de Karesmes par laquelle vous ay declaret que faissoie mon compte de demourer avec cest italien, sy je y povoye avoir plache; je vous advisse quelle mest acordée et doys donner pour