ACCORDÉE PAR L'ÉGLISE DE PARIS A JEHAN CHIPAULT
(19 mai 1606)
(Minutes de M" François, 1606, n" 173)
« Jehanne Martin, veufve de feu Claude Le Maire, vivant Mr' masson et tailleur de pierre à Paris, dem. rue S. Martin paroisse S. Nicolas des Champs, et Susanne le Maire femme de Abraham Adam bourgeois de Paris dem. rue de Seine, confessent avoir promis etc. à Messieurs les ministres et antiens de l'Eglise Refformée de ceste ville de Paris recueillye à Ablon, stipulant et acceptant par Mrc Thomas Fer-
reur antien de lad. Eglise, qu'en considération de la bonne volonté
et saincte charité de laquelle ilz usèrent envers Jehan Chipault, fils dudict deffunt Pierre Chipault et Suzanne Le Maire, et petit fils de ladite Martin pour lui aider à achever ses estudes es bonnes lettres et nommément pour estudier à la voccation du saint ministère, affin de servir un jour, moiennant la grâce de Dieu, ladite Eglise refformée, de ceste ville de Paris ou aultre laquelle luy sera destinée et dénommée par le concistoire de lad. église, qu'au cas où Jehan Chipault ne voulust après avoir parachevé lesd. estudes et cours d'humanité et philosophie s'adonner audit ministère, ains eslire aultre vocation et profession nonobstant l'intention et espérance que lesd. sieurs auroient conclue de luy, et laquelle led. Jehan Chipault leur auroit confirmée par promesse et protestation aussi, lesdites comparantes ont dict en ce cas de rendre et restituer aux dits sieurs pasteurs et antiens qui ont charge en ladite église la somme de cent livres tournois par chacune année qui lui aura esté fournie jusques au jour qu'il se vouldra désister et deppartir de sadite promesse, et ce incontinant sur les advis et a la volonté et première requeste desd. sieurs pasteurs et antiens ; lesdites Martin et Le Maire ont esllu et esliscnt leurs domiciles en la maison de lad. Martin, où elles demeurent, veulent consentent et accordent que tous exploits et actes de justice qui seront faicts soient de tel effet etc.
« Passé en l'hostel de François notaire, le lî) mai 1606. Ladite Martin a déclaré ne scavoir escrire '. »
Adam Susanne Lemaire
Ferreur François
Lecocq
1. C'est la première fois que je relève coite mention chez M" François pour une protestante,
