LII« NOUVELLE

Un varlet d'apothicaire, voyant venir derrière soy « un avocat qai luy menoit tousjours la guerre, et duquel il avoit envie se venger, laissa tomber de sa manche un estronc gelé enveloppé dans du papier, en guise d'un pain de sucre, que Tavocat leva de terre et le cacha en son sein ; puis, s'en alla desjeuner en une taverne, dont il ne sortit qu'avec la despense et honte qu'il pensoit faire au pauvre varlet.

uPRÈs de la ville d'Âlençon y avoit un gentil homme, nommé le seigneur de la Tirelière, qui vint, à un matin, de sa maison juS" ques à la ville, à pied, tant pour ce qu'elle estoit près, que pour ce qu'il geloit à pierre fendant; et n'avoit oublié au logis sa grosse robe fourrée de renardz. Quand il eut faict ses affaires, trouva un sien compère advocat, nommé

i38 l'heptaméron — vi« journée

Anthoine Bacheré ; et, après luy avoir parlé de ses affaires, luy dist qu'il avoit envie de trouver quelque bon des jeûner, mais que ce fust aux despens d'aultruy. En parlant à ses propos , se asseyèrent devant Touvrouer d'un apothicaire, où estoit un varlet qui les escoutoit, et pensa incontinent de leur donner à desjeuner. Il saillyt de sa bouticque , dans une rue où chascun alloit faire ses nécessitez ; et trouva un grand estronc tout debout, si gellé qu'il sembloit un petit pain de sucre fin ; incontinent l'enveloppa dedans un beau papier blanc, en la façon qu'il avoit accoustumé, pour en faire envie aux gens ; et le cacha en sa manche, et s*en vint passer pardevant ce gentil homme et cest advocat, laissant tumber assez près d'eulx, comme par mesgarde, ce beau pain de sucre; et entra dans une maison où il faingnoit de le porter. Le seigneur de la Tirelière se hasta de relever vistement ce qu'il cuydoit estre un pain de sucre ; et, ainsy qu'il le levoit, le varlet de l'apothicaire retourna, cherchant et demandant son pain de sucre partout. Le gentil homme,.

LU — LE PAIN DE SUCRE iSg

qui le pensoit avoir bien trompé, s'en alla hastivement avecq son compère en une taverne, en luy disant : « Nostre des- » jeune est payé aux despens de ce var* » let. » Quant il fut en la maison, il demanda bon pain , bon vin et bonnes viandes, car il pensoit bien avoir de quoy paier. Ainsy qu'il commencea à se chauffer en mangeant, son pain de sucre commencea aussy à desgeler, qui remplit toute la chambre de telle senteur que le pain estoit. Dont celluy qui le portoit en son sein, se commencea à courroucer à la chamberière , luy disant :

« Vous estes les plus villaines gens en » ceste ville , que je veis oncques, car » vous ou voz petitz enfans ont jonché » toute ceste chambre de merde.» La chamberière respondit : — « Par Sainct » Pierre I il n'y 'a ordure céans, si vous » ne l'y avez apporté. » Et, sur ce regard, se levèrent, pour la grande puanteur qu'ilz sentoient. Et s'en vont auprès du feu, où le gentil homme tira un mouchouer de son sein qui estoit tainct de sucre, qui estoit en gelée. Et, en ouvrant sa robe fourrée de regnardz, la

trouva toute gastée; et ne sceut que dire à son compère, sinon que : « Le » mauvais garson, que nous cuydions » tromper, le nous a bien fendu ! » Et, en payant leur escot, s'en partirent aussi marryz qu'ilz estoient venuz joyeulx, pensans avoir trompé le varlet de l'apothicaire.

c Nous voions bien souvent, mes Dames, cela advenir autant à ceulx qui prennent plaisir à user de telles finesses. Si le gentil homme n*eust voulu manger aux despens d'aultruy, il n'eust pas beu aux siens un si villain breuvaige. Il est vray, mes Dames, que mon compte n'est pas très -net, mais vous m*avez donné congé de dire la vérité, laquelle j'ay dicte pour monstrer que, si un trompeur est trompé, il n'y a nul qui en soit marry. — L'on dist voluntiers, » dist Hircan, « que les paroUes ne sont jamais puantes, mais ceulx pour qui elles sont dictes n'en estoient pas quictes à si bon marché, qu'ilz ne les sentissent bien. — Il est vray, » dist Oisille, t que telles parolles ne puent point; mais il y en a d'autres que l'on appelle villaines, qui sont de mauvaise odeur, quand l'ame en est plus faschée, que le corps n'est de sentir un tel