LIX — LE MAKY EN FAUTE

abandonner. Il luy feit toutes les promesses qu'elle voulut, et confessa, volant les belles remonstrances de sa femme, qu'il avoit tort de trouver mauvais qu'elle eust des serviteurs ; car une femme belle et honneste n'est point moins vertueuse pour estre aymée, par ainsy qu'elle ne face ne dye chose qui soit contre son honneur ; mais un homme mérite bien grand punition , qui prent la peyne de pourchasser une qui ne Tayme point pour faire tort à sa femme et à sa conscience. Parquoy jamais ne l'empescheroit d'aller à la court, ny ne trouveroit maulvais qu'elle eust des serviteurs, car il sçavoit bien qu'elle parloit plus à eulx par mocquerie, que par affection. Ce propos-là ne desplaisoit pas à la Dame, car il luy sembloit bien avoir gaingné un grand point; si est-ce qu'elle dist tout au contraire, feingnant de prendre des« plaisir d'aller à la court, veu qu'elle pensoit n'estre plus en son amitié, sans laquelle toutes compagnies luy faschoient, disant que une femme , estant bien aymée de son mary et l'aymant de son costé comme elle faisoit, portoit un

2o6 L'HEPTAHiftON — VI* JOURNÉE

saufconduict de parler à tout le monde et n'estre mocquée de nul. Le pauvre gentil homme meit si grande peyne à Tasseurer de l'amitié qu'il luy portoit , que enfin ilz partirent de c« lieu-là bons amys ; mais , pour ne retourner plus en telz inconvéniens , il la pria de chasser ceste fille, à l'occasion de laquelle il avoit eu tant d'ennuy. Ce qu'elle feit, mais ce fut en la mariant très-bien et honnestement, aux despens toutesfois de son mary. Et, pour faire oublier entièrement à la Damoiselle ceste follye, la mena bientost à la court en tel ordre et si gorgiase, qu'elle avoit occasion de s'en contenter.

c Voylà, mes Dames, qui m'a faict dire que je ne trouve point estrange le tour qu'elle avoit faict à l'un de ses serviteurs, veu celluy que je sçavois de son mary. — Vous nous avez peinct une femme bien fyne et un mary bien sot, » dist Hircan, c car, puisqu'il en estoit venu tant que là, il ne debvoit pas demeurer en si beau chemyn. — Et que eu8t-il faict?» dist Longarine.^ c Ce qu'il avoit entreprins, » dist Hircan; car autant estoit courroucée sa femme con-

LIS — LE MARt EN FAUTE 2O7

tre luy pour sçavoir qu'il vouloit mal faire, comme s'il eust mys le mal à exécution; et peut estre que sa femme Peust mieulx estimé, si elle Peust congneu plus hardy et gentil compaignon. — C'est bien, » dist Ennasuitte; c mais où trouverez-vous un homme qui force deux femmes à la foys^ Car sa femme eust defifendu son droict, et la tille, sa virginité. — • Il est vray, i dist Hircan, c mais un homme fort et hardy ne crainct point d'en assaillir deux foibles, et ne fault point d'en venir à bout. — J'entens bien, v dist Ennasuitte, c que, s'il eust tiré son espée, il les eust bien tuées toutes deux, mais aultrement ne voy-je pas qu'il en eust sceu eschapper. Parquoy je vous prie nous dire que vous eussiez faict ? — J'eusse embrassé ma femme, i dist Hircan, < et l'eusse emportée dehors; et puis, eusse faict de sa chamberière ce qu'il m'eust pieu par amour ou par force. — Hircan, » dist Parlamente, c il suffit assez que vous sçachiez faire mal. — Je suis seur, Parlamente, » dist Hircan, c que je ne scandalize point Tinnocent devant qui je parle, et si ne veulx, par cela, soustenir un mauvais faict. Mais je m'estonne de l'entreprinse, qui de soy ne vault rien, et je ne loue l'entreprenant, qui ne l'a mise à fin plus par craincte de sa femme que par amour. Je loue que un homme ayme sa

208 l'BSPTAMÉSLOV — VI* JOURNEE

fiemnie comme Dieu le commande, mais, quand il ne l'ayme point, je ne l'estime guère de la craindre. — A la vérité, » luy respondit Parlamente, c si Pamour ne vous rendoit bon mary, j'estimerois bien peu ce que vous feriez par craincte. — Vous n'avez garde, Parlamente, » dist Hircan, c car l'amour que je vous porte me rend plus obéissant que la craincte de mort ny d'enfer. — Vous en direz ce qu'il vous plaira, » dist Parlamente^ c mais j'ay occasion de me contenter de ce que j'ay veu et congneu de vous; et de ce que je n'ay point sceu, n'en ay-je point voulu doubler ny encores moins m'en enquérir. — Je trouve une grande foUye, » dist Nomerfide, c à celles qui s'enquérent de si prés de leurs mariz, et les mariz aussy, des femmes; car il suffise au jour de sa malice, sans avoir tant de soulcy du lendemain. — Si est-il aucunes foys nécessaire, » dist Oisille, c de s'enquérir des choses qui peuvent toucher l'honneur d'une maison, pour y donner ordre, mais non pour faire mauvais jugement des personnes, car il n'y a nul qui ne faille. — Aucunes foys, » dist Geburon, c il est advenu des inconvéniens à plusieurs, par faulte de bien et soingneusement s'enquérir de la faulte de leurs femmes. — Je vous prie, » dist Longarine, « si vous en sça-