LX — LA MORTE VIVANTE

s'alla abandonner à un des chantres dudit seigneur. Et quand elle veit que le Roy s'en alloit de la ville de Paris et ne pouvoit plus veoir le chantre, se délibéra d'abandonner son mary et de le suyvre. A quoy le chantre s'accorda et la mena en une maison qu'il avoit auprès de Bloys, où ilz vesquirent ensemble lomg temps. Le pauvre mary trouvant sa femme adirée, la chercha de tous costez ; mais, en fin, luy fut dict qu'elle s'en estoit allée avecq le chantre. Luy, qui youloit recouvrer sa brebis perdue, dont il avoit faict très-mauvaise garde, luy rescrivit force lettres, la priant de retourner à luy et qu'il la reprendroit si elle vouloit estre femme de bien. Mais elle, qui prenoit si grand plaisir d'ouyr le chant du chantre avecq lequel elle estoit, qu'elle avoit oublyé la voix de son mary, ne tint compte de toutes ses bonnes parolles, mais s'en mocqua ; dont le mary courroucé lui feit sçavoir qu'il la demanderoit par justice à l'Église, puis que aultrement ne vouloit retourner avecq luy. Geste femme, craignant que si la justice y mettoit la main, elle et son

212 l'hKPTAMÉRON — VI« JOURNÉE

chantre en pourroient avoir à faire, pensa une cautelle di^e d'une telle main. Et, feignant d'estre malade, envoia quérir quelques femmes de bien de la ville .pour la venir visiter; ce que voluntiers elles feirent, espérans par ceste malladie la retirer de sa mauvaise vie ; et, pour ceste fin, chascun luy faisoit les plus belles remonstrances. Lors, elle, qui jQûn^noit estre griefvement malade, feit semblant de plourer et de congnoistre son péché, en sorte qu'elle faisoit pitié à toute la compaignie qui cuydoit fSsrmement qu'elle parlast du fond de son cueur. Et, la voiant ainsy réduicte et repentante, se meirent à la consoler, en luy disant que Dieu n'estoit pas si terrible comme beaucoup de prescheurs le peignoient, et que jamais il ne luy refuseroit sa miséricorde. Sur ce bon propos, envoyèrent quérir un homme de bien pour la confesser : et le lendemain vint le curé du lieu pour luy administrer le sainct sacrement, qu'elle receut avecq tant de bonnes mynes, que toutes les femmes de bien de ceste ville, qui estoient présentes, pleuroient de veoir sa

LX — LA MORTE VIVANTE 2l3

dévotion, louans Dieu qui par sa bonté avoit eu pitié de ceste pauvre créature. Après, faingnant de ne pouvoir plus manger, Textrème unction par le curé luy fut apportée^ par elle receue avec plusieurs bons signes, car à peyne pouvoit-elle avoir sa parolle, comme Ton estimoit. Et demora ainsy bien long temps : et sembloit que peu à peu elle perdistla veue, Pouye et les autres sens; dont chascun se print à crier Jésus! Â cause de la nuyct qui estoit prochaine, et que les Dames estoient de loing, se retirèrent toutes. Et ainsy qu'elles sortoient de la maison, on leur dist qu'elle estoit trespassée, et, en disant leur De pro/undis pour elle, s'en retournèrent en leurs maisons. Le curé demanda au chantre où il voulloit qu'elle fust enterrée, lequel luy dist qu'elle avoit ordonné d'estre enterrée au cimetière, et qu'il seroit bon de la y porter la nuyct. Ainsy fut ensepvelye ceste pauvre malheureuse, par une chamberière qui se gardoit bien de luy faire mal. Et, depuis, avecq belles torches, fut portée jusques à la fosse que le chantre avoit faict faire. Et quand le corps passa

214 l'hEPTAMÉRON — VI» JOURNÉB

devant celles qui avoient assisté à la mettre en unction, elles saillirent toutes de leurs maisons et accompaignèrent jusques à la terre; et bientost la laissèrent femmes et prestres. Mais le chantre ne s'en alla pas, car, ijicontinent qu'il veid la compaignie un peu loing, avecq sa chambrière desfouyrent sa fosse où il avoit s'amye plus vive que jamais; et l'envoya secrètement en sa maison, où il la tint longuement cachée.

Le mary qui la poursuivoit vint jus^ ques à Bloys demander justice ; et trouva qu'elle estoit morte et enterrée, par l'estimation de toutes les Dames de Bloys, qui luy comptèrent la belle fin qu'elle avoit faicte. Dont le bon homme fut bien joieux de croire que l'ame de sa femme estoit en paradis, et luy despeché d'un si meschant corps. Et avecq ce contentement retourna à Paris, où il se maria avecq une belle honneste jeune femme de bien et bonne mesnagière, de laquelle il eut plusieurs enfans. Et demeurèrent ensemble quatorze ou quinze ans; mais, à la fin, la renommée qui ne peut rien celer le vint advertir, que sa femme n'e-

LX — LA MORTE VIVANTE 2l5 '

stoit pas morte, mais demouroit avecq ce meschant chantre, chose que le pauvre homme dissimula tant qu'il peut, faingnant de rien sçavoir et désirant que ce fust un mensonge. Mais sa femme, qui estoit saige, en fut advertye ; dont elle portoit une si grande angoisse, qu'elle cuyda mourir d'ennuy. Et, s'il eust esté * possible, sa conscience saulve, eust voluntiers dissimullé sa fortune, mais il luy fut impossible, car incontinent l'Église y voulut mettre ordre ; et, pour le premier, les sépara tous deux jusques ad ce que l'on sceust la vérité de ce faict. Alors fut contrainct ce pauvre homme laisser la bonne, pour pourchasser la mauvaise : et vint à Bloys, un peu après que le Roy François premier fut Roy, auquel lieu il trouva la Royne Claude et Madame la Régente, devant lesquelles vint la plaincte ; demandant celle qu'il eust bien voulu ne trouver point, mais force luy estoit, dont il faisoit grande pitié à toute la compaignie. Et quand sa femme luy fut présentée, elle voulut soustenir longuement que ce n'esioit point son mary , ce qu'il eust voluntiers creu s'il eust peu.

2l6 l'HEPTAMÉRON — VI* JOURNÉE

Elle, plus marrye que honteuse, luy dist qu'elle aymoit mieulx mourir que retourner avecq luy ; dont il estoit très-content. Mais les Dames, devant qui elle parloit si déshonnestement, la condamnèrent qu'elle retourneroit, et preschèrent si bien ce chantre par force menasses, qu'il fut contrainct de dire à sa layde amyè, qu'elle s'en retournast avecq son mary et qu'il ne la vouloit plus veoir. Âinsy, chassée de tous costez, se retira la pauvre malheureuse, où elle debvoit mieulx estre traictée de son mary, qu';elle n'avoit mérité.

« Voylà, mes Dames, pourquoy je dis que, si le pauvre mary eust esté bien vigillant après sa femme, il ne l'eust pas ainsi perdue, car la chose bien gardée est difficillement perdue, et l'abandon faict le larron. — C'est chose estrange, » dist Hircan, < comme l'amour est fort, où il semble moins raisonnable!— J'ay ouy dire,» dist Simontault, c que Ton auroit plus tost faict rompre deux mariages, que séparer l'amour d'un prestre et de sachamberière. — Jecroy bien, » dist Ennasuitte; « car ceulx qui lyent les autres par mariage, sçavent si bien faire le