LXIX« NOUVELLE

Une Damoyselle fut si saige, qu'ayant trouvé son mary blutant en l'habit de sa chamberière qu'il attendoit soubz espoir d'en obtenir ce qu'il en pourchassoit, ne s'en feit que rire et passa joyeusement son temps de sa follye.

u chasteau d'Odoz en Bigorre, demoroit un escuier d'escuyrie du Roy, nommé Charles, Italien, lequel avoit espousé une Damoiselle ,

fort femme de bien et honneste; mais elle estoit devenue vieille, après luy avoir porté plusieurs enfans. Luy aussy n'estoit pas jeune ; et vivoit avecq elle en bonne paix, et amitié. Quelques foys, il parloit à ses chamberières, dont sa bonne femme ne faisoit nul semblant; mais doulcement leur donnoit congé, quand elle les

«82 L*HEI»TAMÉltON — VU* JOURNEE

congnoissoit trop privées en la maison.

Elle en print un jour une, qui estoit saige et bonne fille, à laquelle elle dist les complexions de son mary et les siennes, qui les chassoit, aussitost qu'elle les congnoissoit folles. Geste chamberière, pour demourer au service de sa maistresse en bonne estime, se délibéra d'estre femme de bien. Et, combien que souvent son maistre luy tinst quelque propos, au contraire n'en voulut tenir compte, et le racompta tout à sa maistresse ; et toutes deux passoient le temps de la follye de luy. Un jour que la chamberière blutoit en la chambre de derrière, ayant son sarot sur la teste, à la mode du pays (qui est faict comme un cresmeau, mais il couvre tout le corps et les espaulles par derrière), son maistre,* la trouvant en cest habillement, vint bien fort la presser. Elle, qui, pour mourir n'eust £siict un tel tour, feit semblant de s'accorder à luy; toutesfoys, luy demanda congé d'aller veoir, premier, si sa maistresse s'estoit point amusée à quelque chose, afin de n'estre tous deiix surprins : ce qu'il accorda.