LXX -«- LE SICRBT BOQ
moroit, jusques au Vergier. £t laissans leurs chevaulx hors Tenclosture, le gentil homme feit entrer le Duc au jardin par le petit huys, le priant demorer derrière un noyer, duquel lieu il pouvoit veoir s'il disoit vray ou non. Il n'eut guères demeuré au jardin, que le petit chien commencea à japper, et le gentil homme marcha devers la tour où sa Dame ne failloit à venir au devant de luy, et, le saluant, luy dist qu'il luy sembloit avoir esté mille ans sans le veoir, et à l'heure entrèrent dans la chambre et fermèrent la porte sur eulx. Le Duc, ayant veu tout ce mistèfe, se tint pour plus que satisfaict et attendit là non trop longuement, car le gentil homme dist à sa Dame qu'il estoit contrainct de retourner plus tost^ qu'il n'avpit accoustumé, pour ce que le Duc debvoit aller dès quatre heures à la chasse, où il n'osoit faillir. La Dame, qui aymoit plus son honneur que son plaisir, ne le vouUoit retarder de faire son deb* voir, car la chose que plus elle estimoit en leur honneste amitié estoit qu'elle estoit secrète devant tous les hommes.
Ainsy partyt ce gentil homme, à une
3lO L'HEFTAMÉItON — Vil* JOUMIÉB
heure après mûraict; et sa Dame, ea manteau et ea couvrechef, le conduisît^ non si loing qu'elle vouloit, car il la cootraignoit de retourner, de paour qu^elle ne trouvast le Duc ; avecq lequel il monta à cheval et s'en retourna aa chasteau d'Ai^îlly. Et, par les chemyns, le Duc juroît incessamment au gentil homme mieulx aymer morir, que de jamais révéler son secret; et print telle Âance et amour en luy, qu'il n'y avoit nul en sa court, qui fust plus en sa bonne grâce; dont la Duchesse devint toute enragée. Mais le Duc luy défendit de )amais plus luy en parler; et qu'il en sça-' voit la vérité, dont il se tenoit content^ car la Dame qu'il aymoit estoit plus aimable qu'elle. Geste parolle navra si avant le cueur de la Duchesse, qu'elle en print une malladie pire que la fiebvre. Le Duc l'alla veoir, pour la consoler, mais il n'y avoit ordre, s'il ne luy disoit qui estoit ceste belle Dame tant aymée; dont elle luy faisoit une importunée presse, tant que le Duc s'en alla hors de sa chambre, en luy disant : « Si vous me » tenez plus de telz propos, nous nous
LXX — LB SBOtET 3ll
» séparerons d'ensemble. » Ces parolles augmentèrent la malladie de la Duchesse, qu'elle faingn3rt sentir bouger son enfant : dont le Duc fut si jbieux, qu'il s'en alla coucher auprès d'elle. Mais, à l'heure qu'elle le veid plus amoureux d^elle, se toumoit de l'autre costé, luy disant : « Je » vous suplye, monsieur, puisque vous ' » n'avez amour ne à femme ne à enfant, 9 laitse2-nous morir tous deux. » Et, avecq ces parolles, jetta tant de larmes et de criz, que le Duc eut grand paour, qu'elle ne perdist son fruict. Parquoy, la prenant entre ses bras, la pria de luy dire que c'estoit qu'elle vouloit, et qu'il n'avoit rien que ce ne fust pour elle. — « Ha, monsieur, » ce luy respondît-elle en pleurant, « quelle espérance puis-je » avoir que vous fassiez pour moy une » chose difficile, quand la plus facille et » raisonnable du monde, vous ne la vou- » lez pas faire, qui est de me dire l'amye 9 du plus meschant serviteur que vous » eustes oncques ? Je pensois que vous et » moy n'eussions que un cueur, une ame » et une chair. Mais maintenant je con- » gnois bien que vous me tenez pour une
3X2 L*HEPTAI0htON •— Vil* JOURNil
» estrangière, veu que vos secretz qui ne » me doibvent estre celez, vous les ca- » chez, comme à personne estrange. » Hélas, monsieur, vous m'avez dict tant 9 de choses grandes et secrettes, des- » quelles jamais n'avez entendu que j'en » aye parlé ; vous avez tant expérimenté » ma volunté estre esgale à la vostre, » que vous ne pouvez doubter que je ne » sois plus vous-mesme que moy. Et, » si vous avez juré de ne dire à aultruy » le secret du gentil homme, en le me 9 disant, ne faillez à vostre serment, car » je ne suis ny ne puis estre aultre que » vous : je vous ay en mon cueur, je » vous tiens entre mes bras, j'ay un en- » fant en mon ventre, auquel vous vivez, 0 et ne puis avoir vostre cueur, comme » vous avez le mien! Mais tant plus je » vous suis loiale et fidelle, plus vous » m'estes cruel et austère : qui me faict » mille foys le jour désirer, par une » soubdaine mort, délivrer vostre en<* » fant d'un tel père, et moy d'un- tel » mary : ce que j'espère bien tost, puis* » que préférez un serviteur infidelle à » vostre femme telle que je vous suis, et
LXX — LE SECRET 3l3
» à la vie de la mère d'un fruict qui est » vostre, lequel s'en va périr, ne pou- » vant obtenir de vous ce que plus dé- » sire de sçavoir. » En ce disant, embrassa et baisa son mary, arrousant son visaige de ses larmes, avec telz criz et souspirs, que le bon prince, craingnant de perdre sa femme et son enfant ensemble, se délibéra de luy dire vray du tout; mais, avant, luy jura que, si jamais elle le révéloit à créature du monde, elle ne mourroit d'autre main que de la sienne : à quoy elle se condamna et accepta la pugnition. A l'heure, le pauvre déceu mary luy racompta tout ce qu'il avoit veu depuis un bout jusques à l'aultre : doàt elle feit semblant d'estre contente; mais en son cueur pensoit bien le contraire. Toutesfois, pour la crainte du Duc, dissimulla le plus qu'elle peut sa passion.
Et le jour d'une grande feste, que le Duc tenoit sa court, où il avoit mandé toutes les Dames du pays, et entre aultres sa niepce, les dances commencèrent, où chacun feit son debvoir. Mais la Duchesse, qui estoit tormentée, voiant la
3 14 L'HBPTAMésON — V1I« JOURNÉE
beaulté et bonne grâce de sa niepce du Vergier, ne se pouvoit resjoyr ny moins garder son despit d'aparoistre. Car, ayant appelé toutes les Dames qu'elle feit as* seoir à Tentour d'elle, commencea à relever propos d'amour, et, voyant que ma Dame du Vergier n'en parloit point, luy dist, avec un cueur creu de jalousie : « Et vous, belle niepce, est-il possible 0 que vostre beaulté soit sans amy ou » serviteur? — Ma Dame, » ce luy respondit la Dame du Vergier, a ma beaulté » ne m'a point faict de tel acqùest, car, » depuis la mort de mon mary, n'ay » voulu autres amys que ses enfans, » dont je me tiens pour contente. — » Belle niepce, belle niepce, » ce luy respondit ma Dame la Duchesse par un exécrable despit, « il n'y a amour si sex> crette, qu'elle ne soit sceue, ne petit » chien si afifaité et faict à la main, du- » quel on n'entende le japper. » Je vous laisse penser, mes Dames, quelle doulleur sentyt au cueur ceste pauvre Dame du Vergier, voiant une chose tant longuement couverte estre à son déshonneur déclarée; l'honneur, si soingneuse-
LXZ — LE SECRET 3l5
méat gardé et si malheureusement perdu, la tormentoit, mais encores plus le soup* son qu'elle avoit que son amy luy eust ffiilly de promesse ; ce qu'elle ne pensoit jamais qu'il peust faire, sinon par aymer quelque Dame plus belle qu'elle, à laquelle la force d'amour auroit faict déclarer tout son faict. Toutesfois sa vertu fut si grande, qu'elle n'en feit un seul semblant, et respondit, en riant, à la Duchesse, qu'elle ne se congnoissoit point au langaige des bestes. Et, soubz ceste saige dissimuUation, son cueur fut si plein de tristesse, qu'elle se leva, et, passant par la chambre de la Duchesse, entra en une garderobbe où le Duc, qui se pourmenoit, la veid entrer. Et, quand la pauvre Dame se trouva au lieu où elle pensoit estre seuUe, se laissa tumber sur un lict avecq si grande foiblesse, que une Damoiselle, qui estoit assise en la ruelle pour dormir, se leva, regardant par à travers le rideau qui ce pouvoit estre; mais, voiant que c'estoit ma Dame du Vergier, laquelle pensoit estre seuUe, n'osa luy dire riens, et escouta le plus paisiblement qu'elle peut. Et la pauvre
3l6 L*HBPTAM<RON — VU* SOVKKÈE
Dame, avec une voie demye morte, commencea à plaindre et dire : « O mal- » heureuse, quelle parolle est-ce que » j'ay ouye? Quel arrest de ma mort » ay-je entendu ? Quelle sentence de ma 0 fin ay-je receue ? O le plus aymé qui » oncques fut, est-ce la récompense de » ma chaste, honneste et vertueuse » amour! O mon cueur, avez-vpus foict B une si périlleuse élection et choisy 9 pour le plus loial le plus infideljie, pour 0 le plus véritable le plus fainct, et pour » le plus secret le plus mesdisant ? Hélas ! » est-il possible que une chose cachée » aux yeux de tous les humains ait esté » révélée à ma Dame la Duchesse? Hé- » las ! mon petit chien tant bien aprins, » le seul moien de ma longue et ver- » tueuse amitié, ce n'a pas esté vous qui » m'avez décelé, mais celluy qui a la » voix plus criante que le chien ab- » bayant, et le cueur plus ingrat que » nulle beste. C'est luy qui contre son » serment et sa promesse a descouvert » l'heureuse vie, sans tenir tort à per- » sonne, que nous avons longuement » menée 1 O mon amy, l'amour duquel
LXX — LE SECRET Siy
» seul est entrée dedans mon cueur, 9 avecq lequel ma vie a esté conservée, » faut-il maintenant que, en vous décla- » rant mon mortel ennemy, mon hon- 0 neur soit mis au vent, mon corps en » la terre, et mon ame où éternellement » elle demorera! La beaulté de la Du- » chesse est-elle si extrême, qu'elle vous » a transmué comme faisoit celle de » Circée? Vous a-elle faict venir de » vertueux vicieux, de bon mauvays, et » d'homme beste cruelle ? O mon amy, » combien que vous me faillez de proy> messe, si vous tiendray de la mienne, » c'est de jamais ne vous veoir, après la » divulgation de nostre amitié; mais, » aussy ne pouvant vivre sans vostre » veue, je m'accorde . voluntiers à 0 l'extrême douleur que je sens, à la- » quelle ne veulx chercher remède ne » par raison ne par médecine; car la » mort seulle mettra la fin, qui me sera » trop plus plaisante, que demorer au » monde sans* amy, sans honneur et sans » contentement. La guerre ne la mort ne » m'ont pas osté mon amy ; mon péché » ne ma coulpe ne m'ont pas osté mon
3i8 l'heptakéron — vii« journée
» honneur ; ma fsiulte et mon démérite ne 9 m'ont point faict perdre mon conten- » tement ; mais c'est l'infortune cruelle, » qui rendant ingrat le plus obligé de » tous les hommes, me faict recepvoir le » contraire de ce que j'ay déservy. Haï » ma Dame la Duchesse, quel plaisir ce » vous a esté, quand par mocquerye 9 m'avez allégué mon petit chien l Or, » jouyssez-vous du bien qui à moy seule » appartient l Or, vous mocquez de celle » qui pense par bien celer et vertueuse- » ment aymer estre exempte de toute » mocquerye! O! que ce mot m'a serré » le cueur, qui m'a faict rougir de honte 0 et paslir de jalousye. Hélas I mon » cueur, je sens bien que vous n'en 9 pouvez plus : l'amour qui m'a recon- 9 gneue vous brusle; la jalousie et le 9 tort, que l'on vous tient, vous glace et 9 admortit, et le despit et le regret ne » me permettent de vous donner conso- 9 lation. Hélas 1 ma pauvre ame, qui, 9 par trop avoir adoré la créature, avez 9 oublié le Créateur, il fault retourner 9 entre les mains de Gelluy, duquel 9 l'amour vaine vous avoit ravie. Prenez
LXX — LE SECRET Sig
» confiance, mon ame, de le trouver » meilleur père, que n'avez trouvé amy » celluy pour lequel Tave^ souvent ou- » blié. O mon Dieu, mon créateur, qui » estes le vray et parfaict amour, par la » grâce duquel l'amour que j'ay portée » à mon amy n'a esté tachée de nul » vice, sinon de trop aymer, je suplye » vostre miséricorde de recepvoir Tame » et l'esperit de celle qui se repent avoir » failly à vostre premier et très-juste 9 commandement; et, par le mérite de y> Celluy duquel l'amour est incompré« » hensible, excusez la faulte que trop » d'amour m'a faict faire; car en vous » seul j'ay ma parfaicte confiance. Et 9 adieu, amy, duquel le nom sans effect 0 me crève le cueur! »
A ceste paroUe, se laissa tumber tout à l'envers, et lui devint la couleur blesme, les lèvres bleues et les ext rémitez froides. En cest instant, arriva en la salle le gentil homme qu'elle aymoit; et, voiant la Duchesse qui dansoit avecq les Dames, regarda partout où estoit s'amye; mais, ne la voiant point, entra en la chambre de la Duchesse; et trouva le Duc qui se
320 l'heptamékon — vm jouku^e
pounnenoit, lequel, devinant sa pensée, luy dist en l'oreille : « Elle est allée en 9 ceste garderobbe, et sembloit qu'elle ■ se trouYoit mal. > Le gentil homme luy demanda s'il lui plaisoit bien qu'il y allast; le Duc l'en pria. Ainsy qu^il entra dedans la garderobbe, trouva ma Dame du Vergier, qui estoit au dernier pas de sa mortelle vie ; laquelle il embrassa, luy disant : c Qu'estrce cy, m'amye? Me » voulez-vous laisser? » La pauvre Dame, oiant la voix que tant bien elle congnoissoit, print un peu de vigueur; et ouvrit l'œil, regardant celluy qui estoit cause de sa mort ;' mais, en ce regard, l'amour et le despit creurent si fort, que avecq un piteux souspir rendit son ame à Dieu. Le gentil homme, plus mort que la morte, demanda à la Damoiselle comme ceste malladie luy estoit prinse. Elle luy compta tout du long les paroUes qu'elle luy avoit ouy dire. A l'heure, il congneut que le Duc avoit révélé son secret à sa femme; dont il sentit une telle fureur, que, embrassant le corps de s'amye, l'arrousa longuement de ses larmes, en disant : a O moy,
LXX ~~ LE SBCRET 321
» traistre, meschant et malheureux amy, » pourquoi est-ce que la pugnition de » ma trahison n'est tumbée sur moy, let » non sur elle qui est innocente ? Pour- » quoy le ciel ne me fouldroya-il pas le x> jour que ma langue révéla la secrette » et vertueuse amitié de nous deux?
9 Pourquoy la terre ne s'ouvrit pour » engloutir ce faulseur de foy? O ma » langue, pugnye sois-tu comme celle » du Mauvays Riche en exiférl O mon i> cuéur, trop craintif de mort et de » bannissement, deschiré sois-tu des ai- » gles perpétuellement comme celui de » Ixion ! Hélas ! m'amye, le malheur o des malheurs, le plus malheureux qui » oncques fut , m'est advenu ! Vous » cuydant garder, je vous ay perdue ; » vous cuydant veoir longuement vivre » avec honneste et plaisant contente- » jnent, je vous embrasse morte , mal 9 content de moy, de mon cueur et de 9 ma langue jusques à l'extrémité ! O la » plus loialle et fîdelle femme qui onc- » ques fut, je passe condamnation d'estre 9 le plus déloyal, muable et infidelle de » tous les hommes ! Je me vouldrois
322 L^HEPTAMteON — ¥11* JOURNÉE
». voluntiers plaindre du Duc, soubz la 9 promesse duquel me suis confié, espé- » rant par là faire durer nostre heureuse » vie; mais, hélas! je debvois sçavoir » que nul ne pouvoit garder mon secret » mieulx' que moy-mesmes. Le Duc a 9 plus de raison de dire le sien à sa 9 femme que moyà luy. Je n'accuse que 9 moy seul de la plus grande meschan- 9 ceté qui oncques fut commise entre 9 amys. Je debvois endurer estre jette en 9 la rivière, comme il me menassoit; 9 au moins, m'amye, vous fussiez demo- 9 rée vefvre et moy glorieusement mort , 9 observant la loy que vraye amitié 9 commande ; mais. Payant rompue, je 9 demeure vif; et vous, pour aymer 9 parfaictement, estes morte ; car vostre 9 cueur tant pur et nect n'a sceu por- 9 ter, sans mort, de sçavoir le vice qui » estoit en vostre amy. O mon Dieu!
9 pourquoy me créastes-vous homme, 9 aiant Tamour si légière et cueur tant 9 ignorant ? Pourquoy ne me créastes- » vous le petit chien, qui a fidellement 9 servy sa maistresse ? Hélas, mon petit 9 amy, la joye que me donnoit vostre
i> japper est tournée en mortelle tris- » tesse, puis que aultre que nous deux a » ouye vostre voixl Si est-ce, m'amye, » que Tamour de la Duchesse ne de » femme vivant ne m'a faict varier, » combien que par plusieurs foys la » meschante m'en ait requis et pryé ; » mais ignorance m'a vaincu, pensant à » jamais asseurer nostre amitié. Toutes- » fois, pour estre ignorant, je ne laisse » d'estre coulpable, car j'ay révélé le » secret de m'amye ; j'ay faulsé ma pro- » messe, qui est la seulle cause dont je » la voy morte devant mes œîLz. Hélas! » m'amye, me sera la mort moins » cruelle que à vous, qui par amour avez » mis fin à vostre innocente vie. Je croy » qu'elle ne daigneroit toucher à mon » iniidelle et misérable cueur, car la vie 0 déshonorée et la mémoire de ma perte, » par ma faulte, est plus importable que 0 dix mille mortz. Hélas, m'amye, si » quelqu'un, par malheur ou malice, » vous eust osé tuer, promptement j'eusse » mis la main à l'espée pour vous ven- 9 ger. C'est doncques raison que je ne » pardonne à ce meurtrier, qui est cause
324 L'HEPTAMéftON — VII* JOURNÉE
» de Yostre mort par un acte plus mes- » chant que de vous donner un coup » d'espée. Si je sçavois un plus infâme » bourreau que moy-mesmes, je le prie- » rois d'exécuter vostre traistre amy.
» O amour ! par ignoramment aymer, je » vous ay offensé : aussi vous ne me » voulez secourir comme vous avez faict B celle qui a gardé toutes vos loix. Ce » n'est pas raison que, par si honneste » moyen, je défîne, mais raisonnable » que ce soit par ma propre main. Puis- B que avecq mes larmes j'ay lavé vostre » visaige et avecq ma langue vous ay » requis pardon, il ne reste plus qu'a- » vecq ma main je rende mon corps » Semblable au vostre et laisse aller mon » ame où la vostre ira, sçachant que un » amour vertueux et honneste n'a jamais » fin en ce monde ne en Paultre. b Et, à rheure, se levant de dessus le corps, comme un homme forcené et hors du sens, tira son poignard, et, par grande violence, s'en donna à travers du cueur, et de rechef prit s'amye entre ses bras, la baisant par telle affection, qu^il sembloit plus estre attainct d'amour que de
la mort. La Damoiselle, voiant ce coup, s'en courut à la porte cryer à Tayde. Le Duc, oiànt ce cry, doubtant le mal de ceulx qu'il aymoit, entra le premier dedans la garderobbe; et, voiant ce piteux couple, s'essaya de les séparer, pour ^aul ver s'il eust été possible le gentil homme. Mais il tenoit s'amye si fortement, qu'il ne fut possible de la luy ester jusques ad ce qu'il fut trespassé. Toutefois, entendant le Duc qui parloit â luy, disant : « Hélas I qui est cause de » ceci ? )) avec un regard furieux , luy respondit : — a Ma langue et la vostre, » monsieur. » Et, en ce disant, trèspassa, son visaige joint à celluy de s'amye. Le Duc, désirant en sçavoir plus avant, contraingnit la Damoiselle de luy dire ce qu'elle en avoit veu et entendu ; ce qu'elle feit tout du long, sans en espargner rien. A l'heure, le Duc, congnoissant qu'il estoit cause de tout le mal, se jetta sur les deux amants mortz ; et, avec grands criz et pleurz, leur demanda pardon de sa faulte, en les baisant tous deux par plusieurs foys. Et puis, tout furieux, se leva, tira fe
poignard du corps du gentil homme, et, tout ainsy que un sanglier estant navré d'un espieu court d'une impétuosité contre celluy qui a faict le coup^ ainsy s'en alla le Duc chercher celle qui Tavoit navré jusques au fond de son ame ; laquelle il trouva dans la salle, plus joieuse qu'elle n'avoit accoustumé, comme celle qui pensoit estre bien vengée de la Dame du Vergier. Le Duc la print au milieu de la dtoce et luy dist : « Vous avez » prins le secret sur v.ostre vie, [et sur » vostre vie tombera la pugnition. » En ce disant, la print par la coeffure et luy donna un coup de poignard dedans la gorge, dont toute la compaignie fut si estonnée, que Ton pensoit que le Duc fust hors de sens. Mais, après qu'il eut parachevé ce qu'il voulloit, assembla en la salle tous ses serviteurs et leur compta l'honneste et piteuse histoire de saniepce et le meschant tour que luy avoit faict sa femme, qui ne fut sans faire pleurer les assistans. Après, le Duc ordonna que sa femme fust enterrée en une abbaye qu'il fonda en partye pour satisfaire au péché qu'il avoit faict de tuer sa femme;
et feît faire une belle sépulture où les corps de sa niepce et du gentil homme furent mis ensemble, avec un épitaphe déclarant la tragédie de leur histoire. Et le Duc entreprint un voiage sur les Turcs, où Dieu le favorisa tant, qu'il en rapporta honneur et proflict, et trouvant à son retour son filz aisné suffisant de gouverner son bien, luy laissa tout, et s'en alla rendre religieux en Pabbaye où estoit enterrée sa femme et les deux amans : et là passa sa vieillesse heureusement avecq Dieu.
c Voylà, mes Dames, l'histoire que vous m'avez priée de vous racompter; que je congnois bien à vos œilz n'avoir esté entendue sans compassion. Il me semble que vous debvez tirer exemple de cecy, pour vous garder de mettre vostre affection aux hommes, car quelque honneste ou vertueuse qu'elle soit, elle a tousjours à la fin quelque mauvais desboire. Et vous voiez que Sainct Fol encores, aux gens mariez, ne veult qu'ilz aient ceste grande amour ensemble. Car, d'autant que nostre cueur est affectionné à quelque chose terrienne, d*autant s'esloigne-il de Tafïection céleste, et
328 L'HEPTAMéRON — VII* JOURNÉE
plus difScille en est à rompre le lien : qui me faictvous prier, mes Dames, de demander à Dieu son Sainct Esperit, par lequel vostre amour soit tant enflambée en l'amour de Dieu, que vous n^aiez point de peyne, à la mort, de laisser ce que vous aymez trop en ce monde. — Puisque Tamour estoit si honneste, » dist Geburon, c comme vous nous la peignez, pourquoy la falloit-il tenir si secrette ? — Pour ce^» dist Parlamente, f que la malice des hommes est telle, que jamais ne pensent que grande amour soyt joincte àhonnesteté; car ilz jugent les hommes et les femmes vitieux selon leurs passions. Et pour ceste occasion, il est besoing, si une femme a quelque bon amy, oultre ses plus grands prochains parens, qu'elle parle à îuy secrètement, si ell^y veult parler longuement ; car l'honneur d'une femme est aussi bien mys en dispute, pour aymer par vertu, comme par vice, veu que Ton ne se prent que ad ce que Ton voyt. — Mais, » dist Geburon, ff quand ce secret-là est décelé, Ton pense beaucoup pis. — Je le vous confesse,» dist Longarine ; c parquoy, c'est le meilleur du tout de n'aymer point. — Nous appelions de ceste sentence, t dist Dagoucin, c car, si nous pensions les Dames sans amour, nous vouldrions estre sans vie. J'entendz de ceux qui ne vivent que pour Tac-
LXZ — LE SECRET Sig
quérir; et, encores qu'ilz n'y adviennent, l'espérance les soustient et leur faict faire mille choses honnorables jusques ad ce que la vieillesse change ces honnestes passions en autres peynes. Mais qui penseroit que les Dames n'aymassent point, il fauldroit, en lieu d^ommes d'armes, faire des marchans; et, en lieu d'acquérir honneur, ne penser que à amasser du bien. — Doncques, > dist Hircan, c s'il n'y avoit point de femmes, vous vouldriez dire que nous serions tous meschans ? Comme si nous n'avions cueur que celluy qu'elles nous donnent! Mais je suis bien de contraire opinion, qu'il n'est rien qui plus abate le cueur d'un homme que de hanter ou trop aymer les femmes. Et, pour ceste occasion, défendoient les Hébrieux, que, l'année que l'homme estoit marié, il n'allast point à la guerre, de paour que l'amour de sa femme ne le retirast des hazardz que Ton y doibt chercher. — Je trouve. » dist Saflfredent, c ceste loy sans grande raison, car il n'y a rien qui face plustost sortir l'homme hors de sa maison, que d'estre marié, pource que la. guerre du dehors n'est pas plus importable que celle de dedans ; et croy que, pour donner envye aux hommes d'aller en pays estranges et ne se amuser en leurs foyers, il les fauldroit marier. — Il est vray, » dist
330 L*HEPTAMéRON -^ VII* JOURNÉE
Ennasuitte^ < que le mariage leur oste le soing de leur maison ; car ilz s'en fyent à leurs femmes et ne pensent que à acquérir honneur, estans seurs que leurs femmes auront assez de soing du proffict. 9 Saifredent luy respondist : — « En quelque sorte que ce soit, je suis bien ayse que vous estes de mon opinion. — Mais, > ce dist Parlamente, c vous ne débatez de ce qui est le plus à considérer : c'est pourquoy le gentil homme qui estoit cause de tout le mal ne mourut aussi tost de desplaisir, comme celle qui estoit innocente? i Nomerfide luy dist : — « C'est pource que les femmes ayment mieulx que les hommes. — Mais c'est, » ce dist Simontault, < pource que la jalousie des femmes et le despit les faict crever, sans sçavoir pourquoy; et la prudence des hommes les faict enquérir de la vérité : laquelle congneue, par bon sens monstrent leur grand cueur, comme feit ce gentil homme, et, après avoir entendu qu'il estoit l'occasion du mal de s'amye, monstra combien il Taymoit, sans espargner sa propre vie. — Toutesfois, » dist Ennasuitte, c elle mourut par vraye amour, car son ferme et loial cueur ne pouvoit endurer d'estre si villainement trompée. — Ce fut sa jalousie, » dist Simontault, c qui ne donna lieu à la raison; et creut le mal qui
n'estoit point en son amy, tel comme elle le pensoit ; et fut sa mort contraincte, car elle n'y pouvoit remédier ; mais celle de son amy fut voluntaire, après avoir congneu nos tort. — Si fault-il, » dist Nomerfide, c que Tamour soyt grande, qui cause une telle douleur. — N'en ayez point de paour, > dist Hircan, c car vous ne mourrez point d'une telle fiebvre. — Non plus, » dist Nomerfide, c que vous ne vous tuerez, après avoir congneu vostre ofFence. > Parlamente, qui se doubtoit le débat estre à ses despens, leur dist, en riant : — c C'est assez que deux soient mortz d'amour, sans que l'amour en face battre deux autres, car voylà le dernier son de vespres qui nous départira, veuillez ou non. » Par son conseil, la compaignie se leva, et allèrent ouyr vespres, n'oubliant en leurs bonnes prières les âmes des vraiz amans, pour lesquelz les religieux, de leur bonne volunté, dirent un De pro^ fundis. Et, tant que le soupe dura, n'eurent aultres propos que de ma Dame du Vergier ; et, après avoir un peu passé leur temps ensemble, chascun se retira en sa chambre, et ainsi meirent fin à a septiesme Journée.
im^immmm^^^f^^!;
