PROLOGUE

UANT le matin fut venu, Madame Oisille leur prépara ung desjuncr spirituel d'un si très bon goust qu'il estoyt suffisant pour fortiffier le corps & l'esperit, où toute la compaignic fut fort attentive, en sorte qu'il leur sembloyt bien jamays n'avoir oy sermon qui leur proffitast tant, &, quant ilz ouyrent sonner le dernier coup de la messe, s'alùrent exercer à la contemplation des saindz propos qu'ilz avoient cntenduz.

Après la messe oie & s'estre ung peu pourmenez, se meirent à table, promedans la Journée présente debvoir estre aussi belle que nulle des passées, & Saf&e-

dent leur dist qu'il vouldroit que le pont demorast encores ung mois à faire, pour le plaisir qu'il prenoyt à la bonne chère qu'ilz faisoient ; mais l'Abbé de céans y faisoyt faire bonne dilligence, car ce n'estoit pas sa consolation de vivre entre tant de gens de bien, en la présence desquelz n'osoyt faire venir ses pèlerines accoustumées.

Et, quant ilz se furent reposez quelque temps après disné, retournèrent à leur passe temps accoustumé. Après que chacun eut prins son siège au pré, demandèrent à Parlamente à qui elle donno5rt sa voix.

« Il me semble, » dist elle, « que SafFredent sçaura bien commencer ceste Journée, car je luy voys le visaige qui n'a poind d'envye de nous faire pleurer.

— Vous serez doncq bien cruelles, mes Dames, » dist SafFredent, « si vous n'avez pitié d'un CordeUer dont je vous voys compter l'histoire, &, encores que par celles que aucuns d'entre nous ont cy devant faides des Religieux vous pourriez penser que sont cas advenus aux pauvres Damoiselles dont la facilité de l'exécution a faid sans crainte commencer l'entreprise, mais affin que vous congnoissiez que l'aveuglement de leur folle concupiscence leur oste toute crainde & prudente considération, je vous en compteray d'un qui advint en Flandres.