QUARANTE NEUFVIESME NOUVELLE

Quelques Gentil^ hommes Françoys , voyans que h Roy leur Maistrc estait fort bien traité d'une Comtesse étrangère qu'il aymoit, se ha::iardèrent de parler à elle & la poursuyvirent de sorte qn'il^^ eurent, l'un après l'autre, ce qu'il^ en demandaient, pensant chacun avoir seul le bien où tous les autres avoyent part , u qu'estant découvert par l'un d'entre eux, pieindrent tous ensemble complot de se venger d'elle; mais, à force de faire banne mine & ne leur porter pire visage qu'auparavant, rapportèrent en leur sein la Jjonte qu'il'^^ luy cuydoient faire.

]N la Cour du Roy Charles, je ne diray 'poind le quantiesme pour l'honneur de I celle dont je veulx parler, laquelle je ne Jveulx nommer par son nom propre, y avoyt une Comtesse de fort bonne Maison, mais estrangière. Et, pource que toutes choses nouvelles plaisent, ceste Dame à sa venue, tant pour la nouveauté de son habillement que pour la richesse dont il estoyt plain, estoyt regardée de

chacun, &, combien qu'elle ne fût des plus belles, si avoyt elle une grâce avecq une audace tant bonne qu'il n'estoyt possible de plus, la paroUe & la gravité de mesme, de sorte qu'il n'y avoyt nul qui n'eût crainde à l'aborder, sinon le Roy, qui l'ayma très fort &, pour parler à elle plus privéement, donna quelque commission au Conte son mary, en laquelle il demeura longuement, & durant ce temps le Roy feit grand chère avecq sa femme.

Plusieurs Gentilz hommes du Ro}'-, qui congnurent que leur Maistre en estoit bien traidé, prindrent hardiesse de parler à elle, & entre autres ung nommé Astillon, qui estoit fort audatieux & homme de bonne grâce.

Au commencement elle luy tint une si grande gravité, le menassant de le dire au Roy son Maistre, qu'il en cuyda avoir paour. Mais luy, qui n' avoyt poind accoustumé de craindre les menasses d'un bien hardy Capitaine, s'asseura des siennes, & il la poursuivyt de si près qu'elle luy accorda de parler à luy seule, luy enseignant la manière comme il devoyt venir en sa chambre, à quoy il ne faillyt, &, afin que le Roy n'en eût nul soupson, luy demanda congé d'aller en quelque voiage & s'en partit de la Court; mais la première journée laissa tout son train & s'en revint de nuid recepvoir les promesses que la Contesse luy avoyt

fai«ftes, ce qu'elle luy tint, dont il demeura si satisfaid qu'il fut content de demeurer cinq ou six jours enfermé en une Garderobbe sans saillyr dehors, & là ne vivoyt que de restaurans.

Durant les huid jours qu'il estoyt caché, vint un de ses compaignons faire l'amour à la Contesse, lequel avoyt nom Durassier. Elle tint telz termes à ce serviteur qu'elle avoyt faid au premier au commencement en rudes & audatieux propos, qui tous ks jours s'adoucissoient &, quant c'estoyt le jour qu'elle donnoit congé au premier prisonnier, elle medoit ung serviteur en sa place. Et, durant qu'il y estoyt, ung autre sien compaignon, nommé Valnebon, feyt pareille office que les deux premiers, & après eulx en vindrent deux ou trois aultres qui avoyent part à la doulse prison.

Geste vie dura assez longuement, & conduide si finement que les ungs ne sçavoient riens des aultres &, combien qu'ilz entendissent assez l'amour que chacun luy portoyt, si n'y avoyt il nul qui ne pensast en avoir eu seul ce qu'il en demandoyt, & se mocquoit chacun de son compagnon, qu'il pensoit avoir failly à ung si grand bien.

Ung jour que les Gentilz hommes dessus nommez estoient en ung bancquet où ilz faisoient fort grand chère, ilz commencèrent à parler de leurs fortunes & prisons qu'ilz avoient eues durant les guerres. Mais Valnebon, à qui il faisoyt mal de

Hept. m. ij

celer si longuement une si bonne fortune que celle qu'il avo}^ eue, va dire à ses compagnons :

« Je ne sçay quelles prisons vous avez eu, mais, quant à moy, pour l'amour d'une où j'ay esté, je diray toute ma vie louange & bien des autres, car je pense qu'il n'y a plaisir en ce monde qui approche de celluy que l'on a d'estre prisonnier. »

Astillon, qui avoyt esté le premier prisonnier, se doubta de la prison qu'il vouloit dire §c luy respondit : « Valnebon, soubz quel geôlier ou geôlière avez vous esté si bien traidé que vous aymez tant vostre prison ? »

Valnebon luy dist : « Quel que soyt le geôlier, la prison m'a esté si agréable que j'eusse bien voulu qu'elle eût duré plus longuement, car je ne fuz jamais mieulx traidé ne plus contant. »

Durassier qui estoyt homme peu parlant, congnoissant très bien que l'on se débatoyt de la prison où il avoyt part comme les autres, dist à Valnebon : « De quelles viandes estiez vous nourry en ceste prison, dont vous vous louez si fort ?

— De quelles viandes ? » dist Valnebon. « Le Roy n'en a poind de meilleures ne plus norrissantes.

— Mais encores fault il que je sçache, » dist Durassier, « si celluy qui vous tenoyt prisonnier vous faisoit bien gaingner vostre pain. »

Valnebon, qui se doubta d'estre entendu, ne se

peut tenir de jurer : « Ha, vertu Dieu! auroys je bien des compaignons où je pense estre tout seul? »

Astillon, voiant ce différent où il avoyt part comme les aultres, dist en riant : « Nous sommes tous à ung Maistre, compaignons & amys dès nostre jeunesse, par quoy, si nous sommes compaignons d'une bonne fortune, nous avons occasion d'en rire. Mais, pour sçavoir si ce que je pense est vray, je vous prie que je vous interroge & que vous tous me confessiez la vérité, car, s'il est advenu ainsy de nous comme je pense, ce seroyt une adventure aussi plaisante que l'on sçauroit trouver en nul livre. »

Hz jurèrent tous dire vérité s'il estoit ainsi qu'ilz ne la peussent denyer.

Il leur dist : « Je vous diray ma fortune, & vous me respondrez ouy ou nenny si la vostre est pareille. »

Hz se accordèrent tous, & alors il dist : « Je demanday congé au Roy d'aller en quelque voiage. » Hz respondirent : « Et nous aussy.

— Quant je fuz à deux lieues de la Court, je laissay tout mon train & m'allay rendre prisonnier. » Hz respondirent : « Nous en fismes autant.

— Je demouray, » dist Astillon, « sept ou huid jours, & couchay en une Garderobbe, où l'on ne me fit manger que restaurans & les meilleures viandes que je mangeay jamais, & au bout de

huid jours ceulx qui me tenoient me laissèrent aller beaucoup plus foible que je n'estoys arrivé. »

Hz jurèrent tous que ainsy leur estoit advenu.

« Ma prison, » dist Astillon, « commencea tel jour & fina tel jour.

— La myenne, » dist Durassier, « commencea le propre jour que la vostre fina, & dura jusques à ung tel jour. »

Valnebon, qui perdoit patience, commencea à jurer & dire : « Par le sang Dieu ! ad ce que je voy, je suis le tiers, qui pensois estre le premier & le seul, car je y entray tel jour & en saillis tel jour. »

Les aultres trois qui estoient à la table jurèrent qu'ilz avoient bien gardé ce rang.

« Or, puisque ainsy est, » dist Astillon, « je diray Testât de nostre geôlière. Elle est mariée & son mary est bien loing.

— C'est ceste là propre, » respondirent ilz tous.

— Or, pour nous medre hors de peyne, » dist Astillon, « moy qui suys le premier en roolle, la nommeray aussy le premier. C'est Madame la Contesse, qui estoit si audatieuse que en gaingnant son amitié je pensois avoir gaingné César.

— Que à tous les Diables soyt la villaine qui nous a laid d'une chose tant travailler & nous réputer si heureux de l'avoir acquise ! Il ne fut oncques une telle meschante, car, quant elle en tenoit ung en cache, elle praticquoit l'autre pour n'estre

XLIX* NOUVELLE lOI

jamais sans passetemps, & aymerois je mieulx estre mort qu'elle demorast sans pugnition. »

Hz demandèrent chacun qu'il leur sembloit qu'elle dcbvoit avoir, & qu'ilz estoient tous prestz de la luy donner.

« Il me semble, » dist il, « que nous le debvons dire au Roy nostre Maistre, lequel en faid ung cas comme d'une Déesse.

— Nous ne ferons poind ainsy, » dist Astillon ; « nous avons assez de moien pour nous venger d'elle, sans y appellcr nostre Maistre. Trouvons nous demain, quant elle ira à la messe, & que chacun de nous porte une chaîne de fer au col, &, quant elle entrera en l'église, nous la saluerons comme il appartient. »

Ce conseil fut trouvé très bon de toute la compaignye, &feirent provision de chacun une chaîne de fer. Le matin venu, tous habillez de noir, leurs chaînes de fer tournées à l'entour de leur col en façon de collier, vindrent trouver la Contesse qui alloyt à l'église. Et, si tost qu'elle les veid ainsy habillez se print à rire & leur dist :

« Où vont ces gens si douloureux ?

— Madame, » dist Astillon, « nous vous venons accompagner comme pauvres esclaves prisonniers qui sont tenuz à vous faire service. »

La Contesse, faisant semblant de n'y entendre rien, leur dist : « Vous n'estes poind mes prison-

niers, ne je n'entendz poind que vous ayez occasion de me faire service plus que les autres. »

Valnebon s'advencea & luy dist : « Si nous avons mangé de vostre pain si longuement, nous serions bien ingratz si nous ne vous faisions service. »

Elle feit si bonne mine de n'y rien entendre qu'elle cuydoit par ceste gravité les estonner, mais ilz poursuyvoient si bien leurs propos qu'elle entendit que la chose estoit descouverte. Par quoy trouva incontinant moien de les tromper, car elle, qui avoyt perdu l'honneur & la conscience, ne voulut poind recepvoir la honte qu'ilz luy cuydoient faire ; mais, comme elle, qui préféroit son plaisir à tout l'honneur du monde, ne leur en feyt pire visaige, ny n'en changea de contenance, dont ilz furent tant estonnez qu'ilz rapportèrent en leur sein la honte qu'ilz luy avoient voulu faire.

« Si vous ne trouvez, mes Dames, ce compte digne de faire congnoistre les femmes aussi mauvaises que les hommes, j'en chercheray d'aultres pour vous compter; toutesfoys il me semble que cestuy là suffise pour vous monstrer que une femme qui a perdu la honte est cent foys plus hardye à faire mal que n'est ung homme. »

Il n'y eut femme en la compaignye, oïant racompter ceste histoire qui ne fist tant de signes de croix qu'il

sembloyt qu'elles voyoient tous les Diables d'Enfer devant leurs oeilz. Mais Oisille leur dist :

« Mes Dames, humilions nous quant nous oyons cest horrible cas, d'autant que la personne délaissée de Dieu se rend pareille à celluy avecq lequel elle est joinde; car, puisque ceulx qui adhérent à Dieu ont son esperit avecq eulx, aussi sont ceulx qui adhérent à son contraire, & n'est rien si bestial que la personne destituée de l'esperit de Dieu,

— Quoy que ayt faid ceste pauvre Dame, » dist Ennasuide, « si ne sçauroys je louer ceulx qui se ventent de leur prison.

— J'ay opinion, » dist Longarine, « que la peyne n'est moindre à ung homme de celler sa bonne fortune que de la pourchasser, car il n'y a veneur qui ne prenne plaisir à corner sa prise, ny amoureulx d'avoir la gloire de sa vidoire.

— Voilà une opinion, » dist Simontault, « que devant tous les Inquisiteurs de la foy je soustiendray héréticque, car il y a plus d'hommes secretz que de femmes, & sçay bien que l'on en trouveroyt qui aymeroyent mieulx n'en avoir bonne chère que s'il falloyt que créature du monde l'entendist. Et por ce a l'Eglise, comme bonne mère, ordonné les Prestres confesseurs & non pas les ftmmes, parce que elles ne peuvent rien celler.

— Ce n'est pas pour ceste occasion, » dist Oisille, <r mais c'est parce que les femmes sont tant ennemyes du vice qu'elles ne donneroient pas si facilement absolution que les hommes & seroient trop austères en leurs pénitences.

— Si elles l'estoient autant, » dist Dagoucin, « qu'elles

sont en leurs responces, elles feroient désespérer plus de pécheurs qu'elles n'en attîreroient à salut, par quoy l'Eglise en toute sorte y a bien pourveu. Mais si ne veulx je pas pour cela excuser les Gentilz hommes qui se vantèrent ainsy de leur prison, car jamais homme n'eut honneur à dire mal des femmes.

— Puis que le faid estoit commun, » dist Hircan, « il me semble qu'ils faisoient bien de consoler les ungs aux aultres.

— Mais, » dist Geburon, « ilz ne le dévoient jamais confesser pour leur honneur mesmes, car les livres de la Table ronde nous apprennent que ce n'est poind honneur à ung bon Chevalier d'en abattre ung qui ne vault rien,

— Je m'esbahj's, » dist Longarine, « que ceste pauvre femme ne moroit de honte devant ses prisonniers.

— Celles qui l'ont perdue, » dist Oisille, « à grand peyne la peuvent elles jamais reprendre, sinon celle que fort amour a faid oblier. De telles en ay je veu beaucoup revenir.

— Je croy, » dist Hircan, « que vous en avez veu revenir celles qui y sont allées, car forte amour qui est en une femme est malaisée à trouver.

— Je ne suys pas de vostre opinion, » dist Longarine, « car je croy qu'il y en a qui ont aymé jusques à la mort.

— J'ay tant d'envye d'oyr ceste nouvelle, » dist Hircan, « que je vous donne ma voix pour congnoistre aux femmes l'amour que je n'ay jamais estimé y estre.

— Or, mais que vous l'oyez, » dist Longarine, « vous le croyrez, & qu'il n'est nulle plus forte passion

que celle d'amour. Mais, tout ainsy qu'elle faid entreprendre choses quasi impossibles pour acquérir quelque contentement en ceste vie, aussy mène elle plus que autre passion à désespoir celluy ou celle qui pert l'espérance de son désir, comme vous verrez par ceste histoire :

Hept III.

CINQUANTIESME NOUVELLE

Messire Jean Pierre poursuivit huguenient en vain une sienne voysine, de laquelle il estait fort féru, &, pour en divertir sa fantaysie, s'eshingua quelques jours de sa veue, qui luy causa une mélancolie si grande que les Médecins luy ordonnèrent la saignée. La Dame, qui sçavoit d'ond procédait son mal, cuydant sauver sa vie, avança sa mort, luy accordant ce que tousjours luy avoit refusé, puis , considérant qu'elle cstcit cause de la perte d'un si parfait amy, 0ar un coup d'épée se feit compagne de sa ^ortune.

]N la ville de Crémonne n'y a pas long- ^ temps qu'il y avoit ung gentil homme ,:nommé messire Jehan Piètre, lequel — avoyt aymé longuement une Dame qui demoroit près de sa maison; mais, pour pourchatz qu'il sçcut faire, ne povoit avoir d'elle la responce qu'il desiroit, combien qu'elle l'aymoyt de tout son cueur. Dont le pauvre Gentil homme fut si ennuyé & fâché qu'il se retira en son logis, déli-

béré de ne poursuivre plus en vain le bien dont la poursuifte consumoit sa vie, &, pour en cuyder divertir sa fantaisie, fut quelques jours sans la veoir, dont il tomba en telle tristesse que l'on mescongnoissoit son visaige. Ses parens feirent venir les Médecins, qui, voyans que le visaige luy devenoit jaulne, estimèrent que c'estoit une oppilation de foye & luy ordonnèrent la seignée.

Geste Dame, qui avoit tant faid la rigoureuse, sçachant très bien que la maladie ne luy venoyt que par son refuz, envoia devers luy une vieille, en qui elle se fyoit, & luy manda que, puis qu'elle congnoissoit que son amour estoit véritable & non fainde, elle estoit délibérée de tout luy accorder ce que si long temps luy avoyt refusé. Elle avoyt trouvé moïen de saillir de son logis en ung lieu où privément il la povoit veoir.

Le gentil homme, qui au matin avoit esté seigné au bras, se trouva par ceste parolle mieulx guéry qu'il ne faisoyt par médecine ne seignée qu'il sçeut prendre, luy manda qu'il n'y auroit poinét de faulte qu'il ne se trouvast à l'heure qu'elle luy mandoyt & qu'elle avoyt faid ung miracle évident, car par une seule parolle elle avoyt guéry ung homme d'une malladye où tous les Médecins ne pouvoient trouver remède.

Le soir venu qu'il avoit tant désiré, s'en alla le Gentil homme au lieu qui luy avoit esté ordonné,

avecq ung si extrême contentement qu'il falloyt que bien tost il print fin, ne povant augmenter. Et ne demeura guères, après qu'il fut arrivé, que celle qu'il aymoit plus que son ame le vint trouver. Il ne s'amusa pas à luy faire grande harangue, car le feu qui le brusloit le faisoyt hastivement pourchasser ce que à peine povoyt il croire avoir en sa puissance, &, plus yvre d'amour & de plaisir qu'il ne luy estoit besoin, cuydant sercher par ung cousté le remède de sa vie, se donnoyt par ung aultre l'advancement de sa mort; car, ayant pour s'amye mys en obly soy mesmes, ne s'apperçeut pas de son bras qui se desbanda, & la playe nouvelle qui se vint à ouvrir rendit tant de sang que le pauvre Gentil homme en estoit tout baigné, mais, estimant que sa lasseté venoyt à cause de ses excès, s'en cuyda letourner à son logis.

Lors Amour, qui les avoyt trop unis ensemble, feyt en sorte que en départant d'avecq s'amye son âme départit de son corps &, pour la grande effusion de sang, tumba mort aux pieds de sa Dame, qui demoura si hors d'elle mesmes par estonnement, en considérant la perte qu'elle avoyt faide d'un si parfaid amy de la mort duquel elle estoit la seuUe cause. Regardant d'aultre costé avecq le regret & la honte, en quoy elle demoroyt si on trouvoyt ce corps mort en sa maison, afin de faire ignorer la chose, elle & une Chamberière, en qui

no V JOURNEE

elle se fyoit, portèrent le corps mort dedans la rue, où elle ne le voulut laisser seul, mais, en prenant l'espée du trespassé , se voulut joindre à sa fortune &, en punissant son cueur, cause de tout le mal, la passa tout au travers, & tomba son corps mort sur celluy de son amy.

Le père & la mère de ceste fille, en sortant au matin de leur maison, trouvèrent ce piteulx spectacle &, après en avoir faid tel deuil que le cas méritoit, les enterrèrent tous deux ensemble.

« Ainsy voyt on, mes Dames, que une extrémité d'amour ameine un autre malheur,

— Voylà qui me plaist bien, » dist Simontault, « quant l'amour est si égale que, luy morant, l'autre ne vouloit plus vivre, &, si Dieu m'eust faid la grâce d'en trouver une telle, je croy que jamais n'eust aymé plus parfaidement.

— Si ay je ceste opinion, » dist Parlamente, « que Amour ne vous a pas tant aveuglé que vous n'eussiez myeulx lyé vostre bras qu'il ne fit, car le temps est passé que les hommes oblient leurs vies pour les dames.

— Mais il n'est pas passé, » dist Simontault, « que les dames oblient la vie de leurs serviteurs pour leurs plaisirs.

— Je croy, ;; dist Ennasuide, « qu'il n'y a femme au Monde qui prenne plaisir à la mort d'un homme, encores qu'il fust son ennemy. Toutesfois, si les hommes se veullent tuer eulx mesmes, les Dames ne les en peuvent pas garder.

— Si est-ce, » dist Saffredent, que celle qui refuse son' pain au pauvre mourant de faim est estimée le meurtrier.

— Si vos requestes, » dist Oisille, « estoient si raisonnables que celles du pauvre demandant sa nécessité, les Dames seroient trop cruelles de vous refuser, mais. Dieu mercy, ceste maladie ne tue que ceulx qui doibvent morir dans l'année.

— Je ne treuve poind. Madame, » dist Saffredent, « qu'il soyt une plus grande nécessité que celle qui faid oblier toutes les aultres ; car, quant l'amour est forte, on ne congnoist autre pain ne aultre viande que le regard & la paroUe de celle que l'on ayme.

— Qui vous laisseroyt jeûner, » dist Oisille, « sans vous bailler aultre viande, on vous feroit bien changer de propos.

— Je vous confesse, » dist-il, « que le corps pourroit défaillir, mais le cueur & la volunté non.

— Doncques, » dist Parlamente, « Dieu vous a faiâ grand grâce de vous faire addresser en lieu où vous avez si peu de contentement qu'il vous fault reconforter à boire & à manger, dont il me semble que vous vous acquitez si bien que vous devez louer Dieu d'une si doulce cruaulté.

— Je suis tant nourry au torment, » dist il, que je commence à me louer des maulx dont les aultres se plaignent.

— Peut estre c'est, » dist Longarine, « que nostre plainfte vous recule de la compaignye où vostre contentement vous faid estre le bien venu, car il n'est rien si fascheux que ung amoureux importun.

— Medez, » dist Simontault, « que une dame cruelle. . .

— J'entendz bien, » dist Oisille, « que, si nous voulons entendre la fin des raisons de Symontault, veu que le cas luy touche, nous pourrions trouver Compiles au lieu de Vespres; par quoy allons nous en louer Dieu d'ont ceste journée est passée sans plus grand débat. »

Elle commencea la première à se lever & tous les aultres la suyvirent, mais Symontault & Longarine ne cessèrent de débatre leur querelle si doulcement que, sans tirer espée, Symontault gaigna, monstrant que de la passion la plus forte estoyt la nécessité la plus grande, & sur ce mot entrèrent en l'église où les Moynes les attendoient.

Vespres oyes, s'en allèrent soupper autant de paroUes que de viandes, car leurs questions durèrent tant qu'ilz furent à table, & du soir jusques ad ce que Oisille leur dist qu'ils pouvoyent bien aller reposer leurs esperitz, & que les cinq Journées estoient accomplies de si belles histoires qu'elle avoyt grand paour que la sixiesme ne fût pareille ; car il n'estoit possible, encores qu'on les voulût inventer, de dire de meilleurs comptes que véritablement ils en avoyent racomptez en leur compaignye.

Mais Geburon lui dist que, tant que le Monde dureroit, il se feroit cas dignes de mémoire, « car la malice des hommes mauvais est toujours telle qu'elle a esté, comme la bonté des bons. Tant que malice & bonté régneront sur la Terre, ilz la rempliront tousjours de nouveaulx ades, combien qu'il est escript qu'il n'y a rien nouveau soubz le soleil. Mais, à nous qui n'avons esté appeliez au conseil privé de Dieu, ignorans les premières causes, trouvons toutes choses

nouvelles tant plus admirables que moins nous les vouldrions ou pourrions foire. Par quoy n'ayez poind de paour que les Journées qui viendront ne suyvent bien celles qui sont passées, & pensez de vostre part de bien faire vostre debvoir. Oisille dist qu'elle se rendoyt à Dieu, au nom duquel elle leur donnoyt le bon soir.

Ainsy se retira toute la compagnye, meélant fin à la cinquiesme Journée.

Hept. III. 15

nouvelles tant plus admirables que moins nous les vouldrions ou pourrions faire. Par quoy n'ayez poind de paour que les Journées qui viendront ne suyvent bien celles qui sont passées, & pensez de vostre part de bien faire vostre debvoir. Oisille dist qu'elle se rendoyt à Dieu, au nom duquel elle leur donnoyt le bon soir.

Ainsy se retira toute la compagnye, meftant fin à la cinquiesme Journée.

Hept. m. 15

DB

LA ROINE DE NAVARRE