SOIXANTE DOUZIESME NOUVELLE

En exerçant le dernier œuvre de miséricorde & ensevelissant un corps mort, un Religieux exerça les œuvres de la chair avec une Religieuse & l'engrossa.

ran=aK=H(nN une des meilleures villes de France, g ^^!^l après Paris, avoyt ung Hospital richement fondé, assavoir d'une Prieure & quinze ou seize Religieuses, & en ung

autre corps de maison devant y avoyt ung Prieur & sept ou huid Religieux, lesquelz tous les jours disoient le service, & les Religieuses seullement leurs patenostres & Heures de Nostre Dame, pour ce qu'elles estoient occupées au service des mallades.

3l8 VIIJ= JOURNÉE

Ung jour vint à mourir ung pauvre homme, où toutes les Religieuses s'assemblèrent, &, après luy avoir faid tous les remèdes pour sa santé, envolèrent quérir ung de leurs Religieux pour le confesser. Puys, volant qu'il s'afFoiblissoit, luy baillèrent l'undion, & peu à peu perdit la parolle.

Mais pour ce qu'il demeura longuement à passer, faisant semblant d'oyr, chacune se mirent à. luy dire les meilleures parolles qu'elles peurent, dont à la longue elles se faschèrent; car, voyans la nuyd venue & qu'il faisoyt tard, s'en allèrent coucher l'une après l'autre, & ne demeura pour ensepvelir le corps que une des plus jeunes avecq ung Religieux , qu'elle craingnoyt plus que le Prieur ny aultre, pour la grande austérité dont il usoyt tant en parolles que en vie.

Et, quand ilz eurent bien cryé leurs Heures à l'oreille du pauvre homme, congneurent qu'il . estoyt trespassé, par quoy tous deux l'ensevelirent, &, en exerçant ceste dernière œuvre de miséricorde, commencea le Religieux à parler de la misère de la vie & de la bienheureuseté de la mort, & ces propos passèrent le minuyd.

La pauvre fille ententivement escoutoit ces dévotz propos, & le regardant les larmes aux oeilz, où il print si grand plaisir que, parlant de la

LXXIJ' NOUVELLE 319

vie advenir, commcncea à l'ambrasser comme s'il eut eu env}-e de la porter entre ses bras en Paradis.

La pauvre fille , escoutant ces propos & l'estimant le plus dévost de la compaignie , ne l'osa refuser.

Quoy voiant, ce meschant Moyne, en parlant tousjours de Dieu, paracheva avecq elle l'œuvre que soubdain le Diable leur mit au cueur, car paravant n'avoit jamais esté question, l'asseurant que ung péché secret n'estoyt poind imputé devant Dieu & que deux personnes non Hez ne peuvent offencer en tel cas, quant il n'en vient poind de scandalle, & que, pour l'éviter, elle se gardast bien de le confesser à aultre que à luy.

Ainsy se départirent d'ensemble, elle la première, qui, en passant par une chappelle de Nostre- Dame, voulut faire son oraison comme elle avoit de coustume, &, quant elle commencea à dire : Vierge Marie, il luy souvint qu'elle avoyt perdu ce tiltre de virginité sans force ny amour, mais par une sotte crainde, dont elle se print tant à pleurer qu'il sembloyt que le cueur luy deust fandre.

Le Rehgieux, qui de loing ouyt ces souspirs, se doubta de sa conversion par laquelle il povoyt perdre son plaisir, dont, pour l'empescher, la vint

trouver prosternée devant cest ymaige, la reprint aygrement & luy dist que, si elle faisoyt conscience, qu'elle se confessast à luy & qu'elle n'y retournast plus si elle ne vouloit, car l'un & l'autre sans péché estoit en sa liberté.

La sotte Religieuse, cuydant satisfaire envers Dieu, s'alla confesser à luy, mais pour pénitence il luy jura qu'elle ne péchoit poind de l'aymer & que l'eaue benoiste povoyt effacer ung tel peccadille.

Elle, croyant plus en luy que en Dieu, retourna au bout de quelque temps à luy obéyr, en sorte qu'elle devint grosse, dont elle print ung si grand regret qu'elle suplia la Prieure de faire, chasser hors de son monastère ce Religieux, sçachant qu'il estoit si fin qu'il ne fauldroyd poind à la séduire.

L'Abbesse & le Prieur, qui s'accordoient fort bien ensemble, se mocquèrent d'elle, disans qu'elle estoit assez grande pour se défendre d'un homme, & que celluy dont elle parloyt estoit trop homme de bien.

A la fin , à force d'importunité , pressée du remords de la conscience, leur demanda congé d'aller à Romme, car elle pensoyt, en confessant son péché aux piedz du Pape, recouvrer sa virginité, ce que très voluntiers le Prieur & la Prieure luy accordèrent, car ilz aymoient myeulx qu'elle

LXXIj' NOUVELLE 32I

fût Pèlerine contre sa Reigle que renfermée & devenir si scrupuleuse comme elle estoyt, craingnans que son desespoir luy feit renoncer à la vye que l'on mène là dedans, luy baillant de l'argent pour faire son voiage.

Mais Dieu voulut que, elle estant à Lyon ung soir après Vespres, sur le pupiltre de l'église de Saind-Jehan , où Madame la Duchesse d'Alençon, qui depuis fut Royne de Navarre, alloyt secrètement faire quelque neufvaine avecq trois ou quatre de ses femmes, estant à genoulx devant le crucifix, ouyt monter en hault quelque personne & à la lueur de la lampe congneut que c'estoyt une Religieuse, &, afin d'entendre ses dévotions, se retira la Duchesse au coing de l'autel.

Et la Rehgieuse, qui pensoyt estre seuUe, se agenouilla &, en frappant sa coulpe, se print à pleurer tant que c'estoyt pityé de l'oyr, ne criant sinon que :

« Hélas , mon Dieu , ayez pitié de ceste pauvre pécheresse! »

La Duchesse, pour entendre que c'estoit, s'approcha d'elle en luy disant :

« M'amye, qu'avez vous, & d'où estes vous? Qui vous amène en ce Heu cy ? »

La pauvre Religieuse, qui ne la congnoissoyt poind, luy dist :

Htpt. III. 41

« Hélas, m'amye, mon malheur est tel que je n'ay secours que à Dieu, lequel je suplie me donner moien de parler à Madame la Duchesse d'Alençon, car à elle seule je conterai mon affaire, estant asseurée que, s'il y a ordre, elle le trouvera.

— M'amye », ce luy dist la Duchesse, « vous povez parler à moy comme à elle, car je suis de ses grandes amyes.

— Pardonnez moy », dist la ReHgieuse, « car jamais autre qu'elle ne sçaura mon secret. »

Alors la Duchesse luy dist qu'elle povoyt parler franchement & qu'elle avoyt trouvé ce qu'elle demandoyt. La pauvre femme se geda à ses piedz &, après avoir pleuré, luy racompta ce que vous avez ouy de sa pauvreté.

La Duchesse la reconforta si bien que, sans luy oster la repentance continuelle de son péché, luy mist hors de l'entendement le voiage de Romme, & la renvoia en son Prieuré avecq des lettres à l'Evesque du lieu pour donner ordre à faire chasser ce Religieux scandaleux.

« Je tiens ce compte de la Duchesse mesmes, par lequel vous povez veoir, mes Dames, que la recepte de Nomerfide ne sert pas à toutes personnes, car ceulx ci, touchans & ensevelissans le mort, ne furent moins tachez de leur lubricité.

LXXIJ' NOUVELLE 323

— Voylà une intention » , dist Hircan, « de laquelle je croy que homme jamais ne usa, de parler de la mort & faire les œuvres de la vie.

— Ce n'est poind œuvre de vie j>, dist Oisille, « de pécher, car on sçait bien que péché engendre la mort.

— Croyez » , dist SafFredent, « que ces pauvres gens ne pensoient poind à toute ceste théologie, mais, comme les filles de Lot enyvroient leur père, pensans conserver nature humaine, aussy les pauvres gens vouloient réparer ce que la mort avoyt gasté en ce corps pour en refaire ung tout nouveau, par quoy je n'y voy nul mal que les larmes de la pauvre Religieuse, qui tous jours pleuroyt & tousjours retournoyt à la cause de son pleur.

— J'en ay veu assez de telles », dist Hircan, « qui pleurent leurs péchés & rient leur plaisir tout ensemble.

— Je me doubte » , dist Parlamente, « pour qui vous le diftes, dont le rire a assez duré & seroit temps que les larmes commenceassent.

— Taisez vous », dist Hircan. « Encores n'est pas finée la tragédie qui a commencé par rire.

— Pour changer mon propos », dist Parlamente, « il me semble que Dagoucin est sailly dehors de nostre délibération, qui estoit de ne dire compte que pour rire, car le sien est trop piteux.

— Vous avez did », dist Dagoucin, « que vous ne racompterez que de foUyes, & il me semble que je n'y ay poind failly; mais pour en oyr ung plus plaisant je donne ma voix à Nomerfide, espérant qu'elle rabillera ma faulte.

— Aussy ay je ung compte tout prest » , respon-

dist elle, « digne de suyvre le vostre, car je parle de Religieux & de mort. Or escoutez le bien, s'il vous plaist :

Cy f,nent les Comptes & Nouvelles

de la feue Royne de Navarre,

qui est ce que Von en peut

recouvrer.