VINGT TROISIESME NOUVELLE

La trop grande révérence qu'un Gentil homme de Périgord portait à l'Ordre de Saitiâ Françoys fut cause que luy, sa femme & son petit enfant moururent misérablement.

u pays de Périgort ily avoit ung Gentil homme, qui avoit telle dévotion à Saind François qu'il luy sembloit que tous ceulx qui portoient son habit dévoient estre semblables au bon Saind, pour l'honneur duquel il avoit faid faire en sa maison chambre & garderobe pour loger les dids Frères , par le conseil desquelz il conduisoit toutes ses affaires, voire jusques aux moindres de son mesnage, s'estimant chemyner seurement en suyvant leur bon conseil.

196 irj^ JOURNÉE

Or advint ung jour que la femme du did Gentil homme, qui estoit belle & non moins saige que vertueuse, avoit faid ung beau fils, dont l'amitié que le mary luy portoit augmenta doublement, &, pour festoyer la commère, envoya quérir un sien beau-frère. Or, ainsi que l'heure du soupper approchoit, arriva ung CordeUer, duquel je céleray le nom pour l'honneur de la ReHgion. Le Gentil homme fut fort aise quand il veit son Père spirituel, devant lequel il ne cachoyt nul secret, &, après plusieurs propos tenuz entre sa femme, son beau-frère & luy, se meirent à table pour soupper, durant lequel ce Gentil homme, regardant sa femme, qui avoit assez de beaulté & de bonne grâce pour estre désirée d'un mary, commencea à demander tout hault une question au beau Père :

« Mon Père, est il vray que ung homme pèche mortellement de coucher avecq sa femme pendant qu'elle est en couche? »

Le beau Père, qui avoit la contenance & la parole toute contraire à son cueur, luy respondit avecq ung visaige coUère :

« Sans faulte. Monsieur, je pense que ce soyt ung des grands péchez qui se facent en mariage, & ne fusse que l'exemple de la benoiste Vierge Marie, qui ne voulut entrer au Temple jusques après les jours de sa purification, combien qu'elle

n'en eust nul besoing, si ne debvriez vous jamais faillir à vous abstenir d'un petit plaisir, veu que la bonne Vierge Marie se abstenoit, pour obéyr à la Loy, d'aller au Temple où estoit toute sa consolation. Et oultre cela, Messieurs les Dodeurs en médecine dient qu'il y a grand dangier pour la lignée qui en peult venir. »

Qiiant le Gentil homme entendit ces paroles, il en fut bien marri, car il espéroit bien que son beau Père luy bailleroit congé, mais il n'en parla plus avant. Le beau Père, durant ces propos, après avoir plus beu qu'il n'estoit besoing, regardant la Damoiselle, pensa bien en luy mesmes que, s'il en estoit le mary, il ne demanderoit poind conseil au beau Père de coucher avecq sa femme, &, ainsy que le feu peu à peu s'allume tellement qu'il vient à embraser toute la maison , or pour ce le Frater commencea de brusler par telle concupiscence que soubdainement délibéra de venir à fin du désir que plus de trois ans durant avoit porté couvert en son cueur.

Et , après que les tables furent levées , print le Gentil homme par la main &, le menant auprès du Hâ: de sa femme, luy dist devant elle :

« Monsieur, pour ce que je congnois bonne amour qui est entre vous & ma Damoiselle que voicy, laquelle, avecq la grande jeunesse qui est en vous, vous tourmente si fort que sans faulte

j'en ay grande compassion, j'ay pensé de vous dire ung secret de nostre sainde Théologie, c'est que la loy, qui pour les abuz des mariz indiscrets est si rigoureuse, ne veult permettre que ceulx qui sont de bonne conscience comme vous soient frustrez de l'intelligence. Par quoy. Monsieur, si je vous ay did devant les gens l'ordonnance de la sévérité de la Loy, à vous , qui estes homme saige, n'en doibtz celer la douceur. Sçachez, mon fils, qu'il y a femmes & femmes, comme aussi hommes & hommes. Premièrement, nous fault sçavoir de Madame que voicy, veu qu'il y a trois sepmaines qu'elle est accouchée, si elle est hors du flux de sang ? »

A quoy respondit la Damoiselle qu'elle estoit toute nede. « Adoncques, » dist le Cordelier, « mon filz, je vous donne congé d'y coucher sans en avoir scrupule, mais que vous me promettez deux choses », ce que le Gentil homme feit voluntiers.

« La prerriière , » dist le beau Père , » c'est que vous n'en parlerez à nuUuy, mais y viendrez secrètement; l'autre que vous n'y viendrez qu'il ne soyt deux heures après minuid, à fin que la digestion de la bonne Dame ne soit empeschée par voz follies », ce que le Gentil homme luy promist & jura par telz sermens que celluy, qui le congnoissoit plus sot que menteur, en fut tout asseuré.

Et, après plusieurs propos, se retira le beau Père en sa chambre, leur donnant la bonne nuid avecq une grande bénédidion. Mais, en se retirant, print le Gentil homme par la main, luy disant :

« Sans faulte , Monsieur, vous viendrez , & ne ferez plus veiller la pauvre commère. »

Le Gentil homme, en la baisant, luy dist :

« M'amie, laissez moy la porte de vostre chambre ouverte », ce que entendit très bien le beau Père.

Ainsy se retira chacun en sa chambre.

Mais, si tost que le Père fut retiré, ne pensa pas à dormir ne reposer, car, incontinant qu'il n'ouït plus nul bruid en la maison, environ l'heure qu'il avoit accoustumé d'aller à Matines, s'en va le plus doulcement qu'il peut droid en la chambre , & là trouvant la porte ouverte de la chambre où le Maistre estoit adendu, va finement esteindre la chandelle & le plus tost qu'il peut se coucha auprès d'elle, sans jamais luy dire ung seul mot.

La Damoiselle, cuydant que ce fust son mary, luy dist :

« Comment, mon amy, vous avez très mal retenu la promesse que feistes hier au soir à nostre Confesseur de ne venir icy jusques à deux heures. »

Le Cordelier, plus attentif à la vie adive que à

la vie contemplative, avecq la crainde qu'il avoit d'astre congneu, pensa plus à satisfaire au meschant désir dont dès long temps avoit le cueur empoisonné que à luy faire nulle response, dont la Dame fut fort estonnée, &, quant le Cordelier veid approcher l'heure que le mary devoit venir, se leva d'auprès de la Damoiselle, & le plus tost qu'il peust retourna en sa chambre.

Et, tout ainsy que la fureur de la concupiscence luy avoyt osté le dormir, la crainde, qui tous] ours suit la meschanceté, ne luy permist de trouver aucun repos, mais s'en alla au Portier de la maison & luy dist :

« Mon amy, Monsieur m'a commandé de m'en aller incontinant en nostre Couvent faire quelques prières où il a dévotion, par quoy, je vous prie, baillez moy ma monture & m'ouvrez la porte sans que personne en entende rien, car l'affaire est nécessaire & secrète. »

Le Portier, qui sçavoit bien que obéir au Cordelier estoit service agréable à son Seigneur, luy ouvrit secrètement la porte & le meist dehors.

En cest instant s'esveilla le Gentil homme, lequel, voyant approcher l'heure qui luy estoit donnée du beau Père pour aller veoir sa femme , se leva en sa robbe de nuid & s'en alla coucher vistement où par l'ordonnance de Dieu, sans congé d'homme, il pouvoit aller.

Et, quant sa femme l'ouït parler auprès d'elle , s'en csmerveilla si fort qu'elle luy dist, ignorant ce qui estoit passé :

« Comment, Monsieur, est ce la promesse que vous avez faide au beau Père de garder si bien vostre santé & la mienne, de ce que non seulement vous estes venu icy avant l'heure , mais encores y retournez ? Je vous supplie , Monsieur, pensez-y. »

Le Gentil homme fut si troublé d'oyr ceste nouvelle qu'il ne peut dissimuler son ennuy & luy dist : « Quels propos me tenez vous ? Je sçay pour vérité qu'il y a trois sepmaines que je n'ay couché avecq vous, & vous me reprenez d'y venir trop souvent. Si ces propos continuent, vous me ferez penser que ma compaignie vous fasche & me contraindrez, contre ma coustume & vouloir, de chercher ailleurs le plaisir que selon Dieu je doibz prendre avecq vous. »

La Damoiselle, qui pensoyt qu'il se mocquast, luy respondit : « Je vous suppUe, Monsieur, en cuidant me tromper ne vous trompez poind, car, nonobstant que vous n'ayez parlé à moy quand vous y estes venu, si ay je bien congneu que vous y estiez. »

A l'heure le Gentil homme congneut que eulx deux estoient trompez & luy feyt grant jurement qu'il n'y estoit poind venu , d'ont la dame print

Hept. IL a6

telle tristesse que avecq pleurs & larmes elle luy dist qu'il fist dilligence de sçavoir qui ce povoit cstre, car en leur maison ne couctioit que le frère & le Cordelier.

Incontinent le Gentil homme , poulsé de soupson au Cordelier, s'en alla hastivement en la chambre où il avoit logé, laquelle il trouva vuide &, pour estre mieulx asseuré s'il s'en estoit fuy, envoya quérir l'homme qui gardoit sa porte & luy demanda s'il sçavoit qu'estoit devenu le CordeHer, lequel luy compta toute la vérité.

Le Gentil homme, certain de ceste meschanceté, retourna en la chambre de sa femme & luy dist : « Pour certain, m'amie, celuy qui a couché avecq vous & a faid de tant belles œuvres est nostre Père Confesseur. » La Damoiselle, qui toute sa vie avoit aimé son honneur, entra en ung tel désespoir que , obliant toute humanité & nature de femme, le supplia à genoux la venger de ceste grande injure; par quoy soubdain, sans autre délay, le Gentil homme monta à cheval & poursuivit le Cordelier.

La Damoyselle demeura seule en son lid, n'ayant auprès d'elle conseil ne consolation que son petit enfant nouveau né. Considérant le cas horrible & merveilleux qui luy estoit advenu, sans excuser son ignorance se réputa comme coulpable & la

plus malheureuse du monde, & alors elle, qui n'avoyt jamais aprins des Cordeliers sinon la confiance des bonnes œuvres, la satisfadion des peschez par austérité de vie, jeûnes & disciplines, qui du tout ignoroit la grâce donnée par nostre bon Dieu par le mérite de son Filz, la rémission des péchez par son sang, la réconsiliation du Père avecq nous par sa mort, la vie donnée aux pescheurs par sa seule bonté & miséricorde, se trouva si troublée en l'assault de ce désespoir, fondé sur l'énormité & gravité du péché, sur l'amour du mary & l'honneur du lignaige, qu'elle estima la mort trop plus heureuse que sa vie, &, vaincue de sa tristesse, tumba en tel désespoir qu'elle fut non seulement divertie de l'espoir que tout Chrestien doibt avoir en Dieu, mais fut du tout aliénée du sens commun, obliant sa propre nature.

Alors, vaincue de la douleur, poulséc du désespoir, hors de la congnoissance de Dieu & de soy mesmes, comme femme enragée & furieuse, print une corde de son lia: & de ses propres mains s'estrangla, &, qui pis est, estant en l'agonie de ceste cruelle mort , le corps qui combatoit contre icelle se remua de telle sorte qu'elle donna du pied sur le visaige de son petit enfant, duquel l'innocence ne le peut garentir qu'il ne suy\nst par mort sa doloreuse & dolente mère, mais, en mourant, feit

ung tel cry que une femme qui couchoit en la chambre se leva à grande haste pour allumer la chandelle. Et à l'heure, voyant sa maistresse pendue & estrangée à la corde du lid, l'enfant estouifé & mort dessoubz ses pieds, s'en courut toute effrayée en la chambre du frère de sa maistresse, lequel elle amena pour veoir ce piteux spedacle.

Le frère , ayant mené tel deuil que peut & doit mener ung qui aime sa seur de tout son cueur, demanda à la Chambèriere qui avoit commis ung tel crime. La Chambèriere luy dist qu'elle ne sçavoit & que autre que son maistre n'estoit entré en la chambre, lequel, n'y avoit guères, en estoit party. Le frère, allant en la chambre du Gentil homme & ne le trouvant poind, creut asseurément qu'il avoit commis le cas &, prenant son cheval sans autrement s'enquérir, courut après luy & l'attaingnit en ung chemin où il retournoit de poursuivre son Cordelier, bien dolent de ne l'avoir attrappé.

Incontinent que le frère de la Damoiselle veit son beau -frère, commencea à luy crier: « Meschant & lasche, desfendez vous, car aujourdhuy j'espère que Dieu me vengera de vous par ceste espée. »Le Gentil homme, qui se vouloit excuser, veit l'espée de son beau-frère si près de luy qu'il avoit plus besoing de se défendre que de s'enqué-

rir de la cause de leur débat , & lors se donnèrent tant de coups & à l'un & à l'autre que le sang perdu & la lasseté les contraingnit de s'asseoir à terre, l'un d'un costé & l'autre de l'autre.

Et, en reprenant leur haleyne, le Gentil homme luy demanda : « Quelle occasion , mon frère , a converty la grande amitié que nous nous sommes tousjours portée en si cruelle bataille ? »

Le beau-frère luy respondit : « Mais quelle occasion vous a meu de faire mourir ma seur, la plus femme de bien qui oncques fut, & encores si meschamment que, soubz couleur de vouloir coucher avecq elle, l'avez pendue & estranglée à la corde de vostre lid ? »

Le Gentil homme, entendant ceste parole, plus mort que vif, vint à son frère &, l'embrassant, luy dist :

« Est il bien possible que vous ayez trouvé vostre seur en Testât que vous diéles ? »

Et, quant le frère l'en asseura : « Je vous prie, mon frère, » dist le Gentil homme, « que vous oyez la cause pour laquelle je me suis party de la maison, » & à l'heure il luy feit le compte du meschant CordeUer, d'ont le frère fut fort estonné & encores plus marry de ce que contre raison il l'avoit assailly, &, en luy demandant pardon, luy dist : « Je vous ay faid tort, pardonnez moy. »

Le Gentil homme luy respond : « Sy je vous ay

faid tort, j'en ayma pugnition,car je suis si blessé que je n'espère jamais en eschaper. »

Le [beau -frère du] Gentil homme essaya de le remonter à cheval le mieus qu'il put & le ramena en sa maison, où le lendemain il trespassa & dist & confessa devant tous les parens du did Gentil homme que luy mesmes estoit cause de sa mort.

Mais icelluy Gentil homme, pour satisfaire à la Justice, fut conseillé d'aller demander sa grâce au Roy Françoys, premier de ce nom, par quoy, après avoir faid enterrer honorablement mary, femme & enfant, s'en alla le saind vendredy pourchasser sa rémission à la Court, & la rapporta Maistre François Olivier, lequel l'obtint pour le pauvre beau-frère, estant iceluy Olivier Chancelier d'Alençon, & depuis par ses vertuz esleu du Roy pour ChancelHer de France.

« Mes Dames, je crois que, après avoir entendu ceste histoire très véritable, il n'y a aucunes de vous qui ne pense deux fois à loger tels pellerins en sa maison, & sçaurez qu'il n'y a plus dangereux venin que celluy qui est dissimulé.

— Pensez, » dist Hircan, « que ce mary estoit ung bon sot d'amener ung tel galland soupper auprès d'une si belle & honneste femme,

— J'ay veu le temps, » dist Geburon, « que en nostre pays il n'y avoit maison où il n'y cust chambre

dédiée pour les beaux Pérès, mais maintenant ilz sont tant congneuz qu'on les craint plus que advanturicrs.

— Il me semble, » dist Parlamentc, « que une femme estant dans le lid, si ce n'est pour luy administrer les sacrements de l'Eglise, ne doibt jamais faire entrer Prebstre en sa chambre &, quand je les y appelleray, on me pourra bien juger en danger de mort.

— Si tout le monde estoit ainsi austère que vous, » dist Ennasuite, « les pauvres Prebstres seroient pis qu'excommuniez d'estre séparez de la veue des femmes,

— N'en ayez poind de paour, » dist Saffredent, « car ils n'en auront jamais faulte.

— Comment, » dist Simontault, « ce sont ceulx, qui par mariage nous lient aux femmes, qui essayent par leur meschanceté à nous en deslier & faire rompre le serment qu'ils nous ont faid faire.

— C'est grande pitié, » dist Oisille, « que ceulx qui ont l'administration des Sacremens en jouent ainsy à la pelotte; on les debvroit brusler tout en vie.

— Vous feriez bien mieux de les honorer que de les blasmer, » dist Saffredent, « & de les flatter que de les injurier, car ce sont ceulx qui ont puissance de brusler & deshonorer les autres, par quoy sinite eos, & sçachons qui aura la voix d'Oisille.

— Je la donne, » dist-elle, « à Dagoucin, car je le voys entrer en contemplation telle qu'il me semble préparé à dire quelque bonne chose.

— Puis que je ne puis ne n'ose respondre, » dist Dagoucin, « à tout le moins parleray je d'un à qui telle cruauté porta nuisance & puis profit. Combien que Amour s'estime tant fort & puissant qu'il veult îdler tout nud, & luy est chose très ennuyeuse & à la

fin importable d'estre couvert, si est ce, mes Dames, que bien souvent ceux qui, pour obéir à son conseil, s'advancent trop de le descouvrir, s'en trouvent mauvais marchans, comme il advint à ung Gentil homme de Castille, duquel vous orrez l'histoire :

VINGT aUATRIESME NOUVELLE

Eîisor, pour s'estre trop avancé de découvrir son amour à la Royue de Castille, fut si cruellement traité d'elle, en l'éprouvant, qu'elle luy apporta nuysance, puis profit.

N la Maison du Roy & Royne de Castille, desquels les noms ne seront dids, y avoit ung Gentil homme si parfaid en toutes beaultez & bonnes conditions qu'il ne trouvoit poind son pareil en toutes les Espaignes. Chacun avoit ses vertuz en admiration, mais encores plus son estrangeté, car l'on ne congneut jamais qu'il aimast ne print aucune Dame. Et si y en avoit en la Court en très grand nombre qui estoient dignes de faire brusler sa glace, mais il n'y en eut poind qui eust la puissance de prendre ce Gentil homme, lequel avoit nom EHsor.

La Royne, qui estoit femme de grande vertu, mais non du tout exempte de la flamme qui moins

Hept. IL 27

est congneue & plus brusle, regardant ce Gentil homme qui ne servoit nulle de ses Femmes, s'en esmerveilla, & ung jour luy demanda s'il estoit possible qu'il aimast aussi peu qu'il en faisoit le semblant.

Il luy respondit que, si elle voyoit son cueur comme sa contenance, elle ne luy feroit poind ceste question. Elle, désirant sçavoir ce qu'il vouloit dire, le pressa si fort qu'il confessa qu'il aimoit une Dame qu'il pensoit estre la plus vertueuse de toute la Chrestienté. Elle feit tous ses efforts, par prières & commandemens, de vouloir sçavoir qui elle estoit, mais il ne fut poind possible, d'ont elle feit semblant d'estre fort courroucée & jura qu'elle ne parleroit jamais à luy s'il ne luy nommoit celle qu'il aimoit tant, d'ont il fut si fort ennuyé qu'il fut contraind de luy dire qu'il aimoit autant mourir s'il falloit qu'il luy confessast; mais, voyant qu'il perdoit sa veue et boime grâce par faulte de dire une vérité tant honneste qu'elle ne debvoit estre mal prise de personne, luy dist avecq grande crainde :

« Ma Dame, je n'ay la force ny la hardiesse de le vous dire, mais, la première fois que vous irez à la chasse, je la vous feray veoir & suis seur que vous jugerez que c'est la plus belle & parfaide Dame du monde. » Ceste response fut cause que la Royne alla plus tost à la chasse qu'elle n'eust faid.

Elisor, qui en fut adverty, s'appresta pour l'aller servir comme il avoit accoustumé & feit faire une; grand mirouer d'acier, en façon de hallccret , & , l'ayant mis devant son estomach , le couvrit très bien d'ung manteau de frise noire , qui estoit tout bordé de canetille & d'or frisé bien richement. Il estoit monté sur un cheval maureau, fort bien enharnaché de tout ce qui estoit nécessaire à cheval, &, quelque métal qu'il y eust, estoyt tout d'or, esmaillé de noir, à ouvraige de Moresque. Son chappeau estoit de soye noire, sur lequel estoit attachée une riche enseigne, où y avoit pour devise ung Amour couvert par Force, tout enrichi de pierreries. L'espée & le poignard n'estoient moins beaulx & bien faids, ne de moins bonnes devises. Bref, il estoit fort bien en ordre & encores plus adroid à cheval , & le sçavoit si bien mener que tous ceux qui le voyoient laissoient le passetemps de la chasse pour regarder les courses & les sauts que faisoit faire Elisor à son cheval.

Après avoir conduid la Royne jusques au lieu où estoient les toilles, en telles courses & grands saults comme je vous ay did, commencea à descendre de son gentil cheval, & vint pour prendre la Royne & la descendre de dessus sa hacquenée. Et, ainsi qu'elle luy tendoit les bras, il ouvrit son manteau de devant son estomach &, la prenant entre les siens, luy monstrant son hallecret de mi-

rouer, luy dist : « Ma Dame, je vous supplie de regarder icy », &, sans attendre response, la meist doulcement à terre.

La chasse finée, la Royne retourna au Chasteau sans parler à Elisor, mais, après soupper, elle l'appela, luy disant qu'il estoit le plus grand menteur qu'elle avoit jamais veu, car il luy avoit promis de luy monstrer à la chasse celle qu'il aymoit le plus, ce qu'il n' avoit faid, par quoy elle avoit déUbéré de ne faire jamais estime ne cas de luy.

Elisor, ayant paour que la Royne n'eust pas entendu ce qu'il luy avoit did, luy respondit qu'il n'avoit failly à son commandement, car il luy avoit monstre non la femme seulement , mais la chose du monde qu'il aimoit le plus.

Elle, faisant la mescongneue, luy did qu'elle n'avoit poinct entendu qu'il luy eust monstre une seule de ses Femmes.

« Il est vray, ma Dame, » dist Elisor; « mais qui vous ay je monstre en vous descendant de cheval ?

^— Rien, » dist la Royne, « sinon ung mirouer devant vostre estomach.

— En ce mirouer, qu'est ce que vous avez veu, » dist Elisor ?

— a Je n'y ay veu que moy seule, » respondit la Royne.

Ehsor luy dist : « Doncques, ma Dame, pour

obéir à vostre commandement, vous a}' je tenu promesse, car il n'y a ne aura jamais aultre imaige en mon cueur que celle que vous avez veue au dehors de mon estomach, & ceste là seule veulx-je aymer, révérer & adorer, non comme femme, mais comme mon Dieu en Terre, entre les mains de laquelle je meds ma mort & ma vie, vous suppliant que ma parfaide & grande afFedion , qui a esté ma vie tant que je l'ay portée couverte, ne soit ma mort en la descouvrant. Et, si ne suis digne d'estre de vous regardé ny accepté pour serviteur, au moins souffrez que je vive, comme j'ay accoustumé, du contentement que j'ay d'ont mon cueur a osé choisir pour le fondement de son amour ung si parfaid & digne lieu, duquel je ne puis avoir autre satisfadion que de sçavoir que mon amour est si grande & parfaide que je me doibve contenter d'aimer seulement, combien que jamais je ne puisse estre aimé. Et, s'il ne vous plaist par la congnoissance de ceste grande amour m'avoir plus aggréable que vous n'avez accoustumé , au moins ne m'ostez pas la vie, qui consiste au bien que j'ay de vous veoir comme j'ay accoustumé. Car je n'ay de vous nul bien que autant qu'il en fault pour mon extrême nécessité &, si j'en ay moins, vous en aurez moins de serviteurs en perdant le meilleur & le plus affedionné que vous eustes oncques ny pourriez jamais avoir. »

La Royne, ou pour se monstrer autre 'qu'elle n'estoit, ou pour expérimenter à la longue l'amour qu'il luy portoit, ou pour en aimer quelque autre qu'elle ne vouloit laisser pour luy, ou bien le réservant, quand celuy qu'elle aimoit feroit quelque faulte, pour luy bailler sa place, dist d'un visage ne courroucé ne content :

« Elisor, je ne vous diray poind, comme ignorant l'audorité d'Amour, quelle follie vous a esmeu de prendre une si haulte & difficile opinion que de m'aimer, car je sçay que le cueur de l'homme est si peu à son commandement qu'il ne le faid pas aimer & haïr où ilveult; mais, pource que vous avez si bien couvert vostre opinion, je désire sçavoir combien il y a que vous l'avez prinse. »

Elisor, regardant son visaige tant beau & voyant qu'elle s'enquéroit de sa malladie, espéra qu'elle luy vouloit donner quelque remède. Mais, voyant sa contenance si grave & si sage qui Tint errogeoit, d'autre part tu:mboit en une crainde, pensant estre devant le juge dont il doubtoit sentence estre contre luy donnée. Si est ce qu'il luy jura que ceste amour avoit prins racine en son cueur dès le temps de sa grande jeunesse, mais qu'il n'en avoit senty nulle peine sinon depuis sept ans; non peine, à dire vray, mais une malladie donnant tel contantement que la guarison estoit la mort.

« Puis qu'ainsy est, » dist la Royne, « que vous avez desja expérimenté une si longue fermeté, je ne doibz estre moins legière à vous croire que vous avez esté à me dire vostre affedion. P?r quoy, s'il est ainsi que vous dides, je veulx faire telle preuve de la vérité que je n'en puisse jamais douter &, après la preuve de la peine faide, je vous estimeray tel envers moy que vous mesmes jurez estre, &, vous cognoissant tel que vous dides, vous me trouverez telle que vous desirez. »

Elisor la supplia de faire de luy telle preuve qu'il luy plairoit, car il n'y avoit chose si difficile qui ne luy fust très aisée pour avoir cest honneur qu'elle peust congnoistre l'affedion qu'il luy portoit, la suppliant de rechef de luy commander ce qu'il luy plairoit qu'il feist.

Elle luy dist : « EHsor, si vous m'aimez autant comme vous dides, je suis seure que pour avoir ma bonne grâce rien ne vous sera fort à faire. Par quoy je vous commande, sur tout le désir que vous avez de l'avoir & crainde de la perdre , que , dès demain au matin, sans plus me veoir vous partiez de ceste compagnie & vous alliez en lieu où vous n'aurez de moy, ne moy de vous, une seule nouvelle, jusque d'huy en sept ans. Vous qui avez passé sept ans en cest amour, sçavez bien que vous m'aimez, mais, quand j'auray faid pareille expérience sept ans durans, je sçauray à l'heure &

2l6 . IIJ'^ JOURNÉE

je croiray ce que vostre parole ne me peut faire croire ne entendre. »

Elisor, oyant ce cruel commandement, d'un costé doubta qu'elle le vouloit esloingner de sa présence &, de l'autre costé, espérant que la preuve parleroit mieux pour luy que sa parole, accepta son commandement et luy dist :

« Si i'ay vescu sept ans sans nulle espérance, portant ce feu couvert, à ceste heure qu'il est congneu de vous, passeray je ces sept ans en meilleure patience & espérance que je n'ay faid les autres. Mais, Madame, obéissant à vostre commandement par lequel je suis privé de tout le bien que j'avois en ce monde, quelle espérance me donnez vous au bout des sept ans de me recongnoistre pour fidèle et loyal serviteur ? »

La Royne luy dist, tirant ung anneau de son doigt : « Voilà ung anneau que je vous donne. Couppons le tous deux par la moidié; j'en garderay l'une & vous l'autre à fin que, si le long temps avoit puissance de m'oster la mémoire de vostre visaige, je vous puisse congnoistre par ceste moictié d'anneau semblable à la mienne. »

Elisor print l'anneau & le rompit en deux, & en bailla une moidié à la Royne & retint l'autre, & en prenant congé d'elle, plus mort que ceux qui ont rendu l'ame, s'en alla en son logis donner ordre à son partement, ce qu'il feit en telle sorte

qu'il envoj'a tout son train en sa maison , & luy seul s'en alla avccq ung Varlet en ung lieu si solitaire que nul de ses parens & amis durant les sept ans n'en peut avoir nouvelles.

De la vie qu'il mena durant ce temps & de l'ennuy qu'il porta pour ceste absence ne s'en peut rien sçavoir, mais ceux qui aiment ne le peuvent ignorer. Au bout des sept ans, justement ainsy que la Royne alloit à la messe, vint à elle ung Hermite portant une grande barbe, qui, en luy baisant la main, luy présenta une requeste qu'elle ne regarda soubdainement, combien qu'elle avoit accoustumé de prendre de sa main toutes les requestes qu'on luy présentoit, quelque pauvres que ce fussent.

Ainsy qu'elle estoit à moidié de la messe, ouvrit sa requeste, dans laquelle trouva la moidié de l'anneau qu'elle avoit baillé à Elisor, dont elle fut fort esbahye & non moins joyeuse. Et, avant lire ce qui estoit dedans, commanda soubdain à son Aumosnier qu'il luy feist venir ce grand hermite qui luy avoit présenté la requeste.

L'Aumosnier le chercha par tous . costez, mais il ne fut possible d'en sçavoir nouvelles, sinon que quelcun luy dist l'avoir veu monter à cheval, mais il ne sçavoit quel chemin il prenoit.

En attendant la responsc de l'Aumosnier, la Royne leut la requeste, qu'elle trouva estre une

Hept. II. a8

2l8 IIJ* JOURNÉE

Epistre aussi bien faide qu'il estoit possible, &, si n' estoit le désir que j'ay de la vous faire entendre, je ne l'eusse jamais osé traduire, vous priant de penser, mes Dames, que la grâce & langage Castillan est sans comparaison mieulx déclarant ceste passion que ung autre. Si est ce que la substance en est telle :

Le temps m'a faid par sa force & puissance Avoir d'amour parfaide congnoissance ; Le temps après m'a esté ordonné, Et tel travail durant ce temps donné Que l'incrédule a par le temps peu veoir Ce que l'amour ne luy a faid sçavoir; Le temps, lequel avoit faid l'amour maistre Dedans mon cueur, l'a montrée en fin estre Tout tel qu'il est, par quoy, en le voyant, Ne l'ai cogneu tel comme en le croyant ; Le temps m'a faid veoir sur quel fondement Mon cueur vouloit aimer si fermement ; Ce fondement estoit vostre beaulté, Soubz qui estoit couverte cruaulté; Le temps m'a faid veoir beaulté estre rien, Et cruaulté cause de tout mon bien, Par qui je fus de la beaulté chassé Dont le regard j'avois tant pourchassé.

Ne voyant plus vostre beaulté tant belle, J'ay mieulx senty vostre rigueur rebelle. Je n'ay laissé vous obéyr pourtant.

Dont je me tiens très heureux & content, Veu que le temps, cause de l'amitié, A eu de moy par sa longueur pitié.

En me faisant ung si honneste tour

Que je n'ay eu désir de ce retour,

Fors seulement pour vous dire en ce lieu

Non ung bonjour, mais ung parfaid adieu.

Le temps m'a faiél veoir amour pauvre & nu

Tout tel qu'il est & d'ont il est venu,

Et par le temps j'ay le temps regretté

Autant ou plus que l'avois soubhaifté,

Conduid d'amour qui aveugloit mes sens.

Dont rien de luy, fors regret, je ne sens.

Mais en voyant cest amour dccepvable,

Le temps m'a faid veoir l'amour véritable,

Que j'ay congneu en ce lieu solitaire,

Où par sept ans m'a fallu plaindre & taire.

J'ay par le temps congneu l'amour d'en hault,

Lequel estant congneu, l'autre deffault ;

Par le temps suys du tout à luy rendu.

Et par le temps de l'autre desfendu.

Mon cueur & corps luy donne en sacrifice

Pour faire à luy & non à vous service.

En vous servant rien m'avez estimé,

Et j'ay le rien, en offensant, aimé.

Mort me donnez pour vous avoir servie ;

En le fuyant il me donne la vie.

Or par ce temps amour plein de bonté

A l'autre amour si vaincu & dompté

Que mis à rien est retourné à vent.

Qui fut pour moy trop doulx & decepvant.

Je le vous quidc & rends du tout entier,

N'ayant de vous ne de luy nul mestier,

Car l'autre amour parfaide & pardurable

Me joind à luy d'un lien immuable.

A luy m'en vois; là me veulx asservir.

Sans plus ne vous, ne vostre Dieu servir.

Je prends congé de cruaulté, de peine

Et du torment, du desdaing, de la haine.

Du feu bruslant dont vous estes remplye Comme en beauté très parfaifte acomplye. Je ne puis mieulx dire adieu à tous maux, A tous malheurs & douloureux travaux, Et à l'enfer de l'amoureuse flamme Qu'en ung seul mot vous dire : Adieu, Madame, Sans nul espoir, où que soye ou soyez, Que je vous voye ne que vous me voyez.

Geste Epistre ne fut pas leue sans grandes larmes & estonnemens, accompaignez de regrets incroïables, car la perte qu'elle avoit faide d'un serviteur remply d'une amour si parfaide debvoit estre estimée si grande que nul trésor, ny mesme son royaulme, ne luy povoient oster le tiltre d'estre la plus pauvre & misérable Dame du monde pour ce qu'elle avoit perdu ce que tous les biens du monde ne povoient recouvrer. Et, après avoir achevé d'oyr la messe & retourné en sa chambre, feit ung tel dueil que sa cruaulté meritoit, & n'y eut montaigne, roche, ne forest où elle n'envoyast chercher cest ,Hermite ; mais Celluy qui l'avoit retiré de ses mains le garda d'y retumber & le mena plus tost en Paradis qu'elle n'en sçeut avoir nouvelle en ce monde.

« Par caste exemple ne doibt le serviteur confesser ce qui luy peult nuire & en rien ayder. Et encores moins, mes Dames, par incrédulité debvez vous demander preuve si difficile que , en ayant la preuve , vous perdiez le serviteur.

— Vrayement, Dagoucin, » dist Gebnron, « j'avois toute ma vie oy estimer la Dame à qui le cas est advenu la plus vertueuse du monde, mais maintenant je la tiens la plus cruelle que oncques fut.

— Toutcsfois, » dist Parlamentc, « il me semble qu'elle ne luy faisoit poinft de tort de vouloir esprouver sept ans s'il aimoit autant qu'il luy disoit, car les hommes ont tant accoustumé de mentir en pareil cas que, avant que s'y fier, si fier il s'y fault, on n'en peult faire trop longue preuve.

— Les Dames, » dist Hircan, « sont bien plus saiges qu'elles ne souloyent, car en sept jours de preuve elles ont autant de seurcté d'un serviteur que les autres avoient par sept ans.

— Si en a il, » dist Longarine, « en ceste compaignie que l'on a aimée plus de sept ans à toutes preuves de harquebuse ; encores n'a l'on sçeu gaingner leur amitié.

— Par Dieu , a dist Simontault , « vous diftes vray, mais aussi les doibt on mettre au ranc du vieil temps, car au nouveau ne seroicnt-elles point reçeues.

— Encores, » dist Oisille, « fut bien tenu ce Gentil homme à la Dame, par le moyen de laquelle il retourna entièrement son cueur à Dieu.

— Ce luy fut grand heur, » dist SafFredent, « de trouver Dieu par les chemins, car, veu l'cnnuy où il estoit, je m'esbahis qu'il ne se donna au Diable. »

Ennasuitte luy dist : « Et quand vous avez esté mal traidé de vostre Dame, vous estes vous donné à ung tel maistre ?

— Mil & mil fois m'y suis donné, » dist SafFredent j « mais le Diable, voyant que tous les tormens

d'Enfer ne m'eussent sçeu faire pis que ceulx qu'elle me donnoyt, ne me daigna jamais prendre, sçachant qu'il n'est poind Diable plus importable que une Dame bien aymée & qui ne veult poind aymer.

— Si j'estois comme vous , » dist Parlamente à Saffredent, « avecq telle opinion que vous avez je ne servirois femme.

— Mon afFedion est tousjours telle, » dist Saffredent, « & mon erreur si grande que, là où je ne puis commander, encores me tiens je très heureux de servir, car la malice des Dames ne peut vaincre l'amour que je leur porte. Mais je vous prie, dides moy en vostre conscience, louez vous ceste Dame d'une si grande rigueur ?

— Ouy, » dist Oysille, « car je croy qu'elle ne vouloyt estre aymée ny aimer.

— Si elle avoit ceste volunté, » dist Simontault, « pourquoy luy donnoit elle quelque espérance après les sept ans passez ?

— Je suis de vostre opinion, » dist Longarine, « car celles qui ne veulent poind aymer ne donnent nulle occasion de continuer l'amour qu'on leur porte.

— Peut estre, » dist Nomerfide, « qu'elle en aimoit quelque autre, qui ne valoit pas cest honneste homme là, & que pour ung pire elle laissa le meilleur.

— Par ma foy, » dist Saffredent, « je pense qu'elle faisoit provision de luy pour le prendre à l'heure qu'elle laisscroit celuy que pour lors elle aimoit le mieux.

— Je voy bien, » dist Oisille, « que tant plus nous mettrons ces propos en avant, & plus ceux qui ne veulent estre mal traidez diront de nous le pis

qu'il leur sera possible, par quoy je vous prie, Dagoucin, donnez vostrc voix à quelqu'une.

— Je la donne, » dist-il, « à Longarine, estant asseuré qu'elle nous en dira quelqu'une qui ne sera poind mélencoliquc , & si n'espargncra homme ne femme pour dire vérité.

— Puis que vous m'estimez si véritable, » dist Longarine, « je prendray la hardiesse de racompter ung cas advenu à un bien grand Prince , lequel passe en vertu tous les autres de son temps. Et vous direz que la chose dont on doibt moins user sans extrême nécessité, c'est de mensonge ou dissimulation, qui est ung vice laid & infâme, 'principallement aux Princes & grands Seigneurs, en la bouche & contenance desquels la vérité est mieux séante que en nul autre. Mais il n'y a si grand Prince en ce monde, combien qu'il eust tous les honneurs & richesses qu'on sçauroit désirer, qui ne soit subjcd à l'empire & tyrannie d'Amour, & semble que plus le Prince est noble & de grand cueur, plus Amour faid son effort pour l'asservir soubz sa forte main, car ce glorieux Dieu ne tient compte des choses communes & ne prend plaisir sa majesté que à faire tous les jours miracles, comme d'affoiblir les forts, fortifier les foibles , donner intelligence aux ignorans, oster le sens aux plus sçavans, favoriser aux passions, destruire la raison, & l'amoureuse Divinité prend plaisir en telles mutations. Et, pource que les Princes n'en sont exemptz, aussi ne sont ils [quides] de nécessité; or, s'ils ne sont quides de la nécessité en laquelle les met le désir de la servitude d'Amour, par force leur est non seulement permis d'user de mensonge, hypocrisie & fidion, qui sont les moyens de vaincre

224 ^n" JOURNEE

leurs ennemis, selon la dodrine de Maistre Jehan de Mehun. Or, puis que en tel ade est louable à ung Prince la condition qui en tous autres est à désestimer, je vous racompteray les inventions d'un jeune Prince, par lesquelles il trompa ceux qui ont accoustumé de tromper tout le monde :

VINGT CINaUIESME NOUVELLE

Un jeune Prince, soux couleur de visiter son Avocat & communiquer de ses affaires avec luy, eutrelcint si paisiblement sa femme qu'il eut d'elle ce qu'il en demaudoit.

N la Ville de Paris y avoit ung Advocat S plus estimé que nul autre de son estât, &, pour estre cherché d'un chacun à cause de sa suffisance , estoit devenu le plus riche de tous ceux de sa robbe. Mais, voyant qu'il n'avoit eu nulz enfans de sa première femme, espéra d'en avoir d'une seconde, &, combien que son corps fust vicieux, son cueur ne son espérance n'estoient point morts, par quoy il alla choisir une des plus belles filles qui fût dedans la Ville, de l'aage de dix huit à dix neuf ans, fort belle de visage & de teind, & encores plus de taille & d'embonpoint, laquelle il aima & traida le mieulx qu'il luy fut possible ; mais si n'eut elle de luy non plus d'enfans que la première, dont à la longue clic se Hept. IL 39

fascha. Par quoy la jeunesse, qui ne peut souffrir ung ennuy, luy feit chercher récréation ailleurs qu'en sa maison, & alla aux dances & bancquetz, toutesfois si honnestement que son mary n'en povoit prendre mauvaise opinion, car elle estoit tousjours en la compaignie de celles à qui il avoit avoit fiance.

Ung jour qu'elle estoit à une nopce, s'y trouva ung bien grand Prince qui, en me faisant le compte, m'a deffendu de le nommer. Si vous puis je bien dire que c'estoit le plus beau & de la meilleure grâce qui ayt esté devant, ne qui, je croys, sera après en ce Royaume.

Ce Prince voyant ceste jeune & belle Dame de laquelle les oeilz & contenance le convièrent à l'aimer, vint parler à elle d'un tel langaige & de telle grâce qu'elle eust voluntiers commencé ceste harangue. Ne luy dissimula point que de long temps elle avoit en son cueur l'amour dont il la prioit, & qu'il ne se donnast poind de peine pour la persuader à une chose où par la seule veue Amour l'avoit faid consentir. Ayant ce jeune Prince par la naïveté d'Amour ce qui méritoit bien estre acquis par le temps, mercia Dieu qui luy favorisoit, & depuis ceste heure là pourchassa si bien son affaire qu'ilz accordèrent ensemble le moyen comme ilz se pourroient veoir hors de la veue des autres.

Le lieu & le temps accordez, le jeune Prince ne faillit à s'y trouver &, pour garder l'honneur de sa Dame, y alla en habit dissimulé, mais, à cause des mauvais garsons qui couroient la nuid par la Ville auxquels il ne se vouloit faire congnoistre, print en sa compaignie quelques Gentils hommes auxquels il se fioit. Et au commencement de la rue où elle dcmcuroit les laissa, disant : « Si vous n'oyez poind de bruiâ: dedans un quart d'heure , retirez vous en voz logis, & sur les trois ou quatre heures revenez icy me quérir », ce qu'ils feirent &, n'oyans nul bruid, se retirèrent.

Le jeune Prince s'en alla tout droid chez son Advocat, & trouva la porte ouverte comme on luy avoit promis. Mais, en montant le degré, rencontra le mary qui avoit en sa main une bougie , duquel il fut plus tost veù qu'il ne le peut adviser. Toutesfois Amour, qui donne entendement & hardiesse où il baille les nécessitez, feit que le jeune Prince s'en vint tout droid à luy & luy dist :

« Monsieur l' Advocat, vous sçavez la fiance que moy & tous ceulx de ma Maison avons eue en vous & que je vous tiens de mes meilleurs & fidelles serviteurs. J'ay bien voulu venir icy vous visiter privément, tant pour vous recommander mes affaires que pour vous prier de me donner à boire, car j'en ay grand besoing, & de ne dire à personne du monde que je soye icy venu, car de

ce lieu m'en fault aller en ung aultre où je ne veux estre congneu. »

Le bon homme Advocat fut tant aise de l'honneur que ce Prince luy faisoit de venir ainsi privément en sa maison qu'il le mena en sa chambre & dist à sa femme qu'elle apprestast la collation des meilleurs fruids & confitures qu'elle eût, ce qu'elle feit très voluntiers, & apporta la plus honneste qu'il luy fut possible.

Et, nonobstant que l'habillement qu'elle portoit d'un couvrechef & manteau la monstrast plus belle qu'elle n'avoit accoustumé, si ne feit pas le jeune Prince semblant de la regarder ne congnoistre, mais parloit tousjours à son mary de ses affaires comme à celuy qui les avoit manyées de longue main. Et, ainsy que la Dame tenoit à genoux les confitures devant le Prince & que le mary alla au buffet pour luy donner à boire, elle luy dist que, au partir de la chambre, il ne faillist d'entrer en une Garderobbe, à main droide, où bien tost après elle le iroit veoir.

Incontinent après qu'il eust beu remercia l'Advocat, lequel le vouloit à toutes forces accompaigner, mais il l'asseura que là où il alloit n'avoit que faire de compaignie &, en se retournant devers sa femme, luy dist :

« Aussy je ne vous veulx faire tort de vous oster ce bon mary, lequel est de mes antiens servi-

teurs. Vous estes si heureuse de l'avoir que vous avez bien occasion d'en louer Dieu & de le bien servir & obéyr, & en faisant du contraire seriez bien malheureuse. »

En disant ces honnestes propos, s'en alla le jeune Prince &, fermant la porte après soy pour n'estre suivy au degré, entra dedans la Garderobbe, où, après que le mary fut endormy, se trouva la belle Dame, qui le mena dedans ung Cabinet le mieux en ordre qu'il estoit possible , combien que les deux plus belles imaiges qui y fussent estoient luy & elle en quelques habillemens qu'ils se voulsissent mettre, & là je ne faitz doubte qu'elle ne luy tint toutes ses promesses.

De là se retira à l'heure qu'il avoit did à ses Gentilz hommes, lesquelz il trouva au lieu où il leur avoit commandé de l'attendre.

Et, pource que ceste vie dura assez longuement, choisit le jeune Prince ung plus court chemin pour y aller, c'est qu'il passoit par ung Monastère de Religieux, & avoit si bien faid envers le Prieur que tousjours environ minuid le portier luy ouvroit la porte, & pareillement quand il s'en retournoit. Et, pource que la maison où il alloit estoit près de là, ne menoit personne avecq luy.

Et, combien qu'il menast la vie que je vous dy, si estoit il Prince craignant & aimant Dieu, & ne failloit jamais, combien que à l'aller il ne s'arres-

23b IIJ= JOURNEE

tast point, de demeurer au retour long temps en oraison en l'église, qui donna grande occasion aux Religieux, qui, entrans & saillans de Matines, le voyoient à genoux , d'estimer que ce fust le plus saind homme du monde.

Ce Prince avoit une seur qui frequentoit fort ceste Religion, &, comme celle qui aimoit son frère plus que toutes les créatures du monde, le recommandoit aux prières d'ung chacun qu'elle pouvoit congnoistre bon, &, ung jour qu'elle le recommandoit affedueusement au Prieur de ce Monastère, il luy dist : « Hélas, Madame, qui est ce que vous me recommandez ? Vous me parlez de l'homme du monde aux prières du quel j'ay plus grande envie d'estre recommandé, car, si cestuy là n'est sainél & juste, » allégant le passaige que Bien heureux est qui peut mal faire & ne lefaiâpas, « je n'espère pas d'estre trouvé tel. »

La seur, qui eut envie de sçavoir quelle congnoissance ce beau Père avoit de la bonté de son frère, l'interrogea si fort que, en luy baillant ce secret soubz le voile de confession , luy dist :

« N'est ce pas une chose admirable que de veoir ung Prince jeune & beau laisser les plaisirs & son repos pour venir bien souvent oyr nos Matines, non comme Prince cherchant l'honneur du monde, mais comme ung simple Religieux vient tout seul se cacher en une de noz chapelles. Sans faulte ceste

bonté rend les Religieux & moy si confuz que auprès de luy ne sommes dignes d'estre appeliez Religieux. »

La seur qui entendit ces paroles ne sçeut que croire, car, nonobstant que son frère fust bien mondain, si sçavoit elle qu'il avoit la conscience très bonne, la foy & l'amour en Dieu bien grande, mais de chercher superstitions ne cérémonies aultres que ung bon Chrestien doibt faire ne l'en eust jamais soupçonné. Par quoy elle s'en vint à luy & luy compta la bonne opinion que les Religieux avoient de luy, dont il ne se peut garder de rire avecq ung visage tel qu'elle, qui le congnoissoit comme son propre cueur, congneut qu'il y avoit quelque chose cachée soubz sa dévotion & ne cessa jamais qu'il ne luy eust did la vérité, ce qu'elle m'a faid mettre icy en escript, afin que vous congnoissiez, mes Dames, qu'il n'y a maUce d'Advocat ne finesse de Religieux que Amour, en cas de nécessité, ne face tromper par ceux qui n'ont aultre expérience que de bien aymer, &, puis qu'Amour sçait tromper les trompeurs , nous aultres , simples & ignorans , le devons bien craindre.

— Encores, » dist Geburon , « que je me double bien qui c'est, si faut il que je dye qu'il est louable en ccste chose, car l'on veoit peu de grans Seigneurs qui

se soulcient de l'honneur des femmes , ny du scandale public, mais qu'ils ayent leur plaisir, & souvent sont contens que l'on pense pis qu'il n'y a.

— Vrayement, » dist Oisille, « je voudrois que tous les jeunes Seigneurs y prinssent exemple, car le scandale est souvent pire que le péché.

— Pensez, » dist Nomerfide, « que les prières qu'il faisoit au Monastère où il passoit estoient bien fondées.

— Si n'en debvez-vous poind juger, » dist Parlamente, « car peult estre au retour que la repentance en estoit telle que le péché luy estoyt pardonné.

— Il est bien difficile, » dist Hircan, « de se repentir d'une chose si plaisante. Quant est de moy, je m'en suis souventes fois confessé, mais non pas guères repenty.

— Il vauldroit mieux, » dist Oisille, « ne se confesser poind si l'on n'a bonne repentance.

— Or, Madame, » dist Hircan, « le péché me desplaist bien & suis marry d'offenser Dieu, mais le péché me plaist toujours.

— Vous & vos semblables, » dist Parlamente, « vouldriez bien qu'il n'y eust ne Dieu ne loy, sinon celle que vostre affedion ordonneroit.

— Je vous confesse, » dist Hircan, « que je vouldrois que Dieuprint aussi grand plaisir à mes plaisirs comme je faitz, car je luy donnerois souvent matière de se resjouir.

— Si ne ferez-vous pas ung Dieu nouveau , » dist Geburon, « par quoy fault obéyr à celuy que nous avons. Laissons ces disputes aux Théologiens, à fin que Longarine donne sa voix à quelc'un.

— Je la donne, » dist-elle, « à SafFredent, mais je le prie qu'il nous face le plus beau compte qu'il se pourra adviser, & qu'il ne regarde poind tant à dire

mal des femmes que, là où il aura du bien, il en veuUe monstrer la vérité.

— Vrayement, » dist Saffredent, « je l'accorde, car j'ay en main l'histoire d'une folle & d'une sage. Vous prendrez l'exemple qu'il vous plaira mieulx, & congnoistrez que, tout ainsi que Amour faid faire aux meschans des meschancctez, en ung cueur honneste faid faire choses dignes de louange, car Amour de soy est bon, mais la malice du subjed lui faid souvent prendre ung nouveau surnom de fol, légier, cruel, ou villain. Toutesfois, par l'histoire que je vous veux à présent racompter, pourrez veoir qu'Amour ne change poind le cueur, mais le monstre tel qu'il est, fol aux fols, & saige aux saiges :

Hept. II. 30