VINGT SEPTIESME NOUVELLE

Uttg Secrétaire, pourchassant par amour deslionnête & illicite la femme d'un sien hôte & compagnon, pour ce qu'elle faisait semblant de luy prêter volontiers l'aureille se persuada l'avoir gangnée, mais ellejut si vertueuse que sous cette dissimulation le trompa de son espérance & déclara son vice à son viary.

N la ville d'Amboize, où demeuroyt l'un des serviteurs de ceste Princesse qui la servoyt de Varlet de chambre, homme honneste & qui voluntiers festoyoit les

gens qui vcnoient en sa maison & principalement ses compaignons, il n'y a pas long temps que l'un des serviteurs de sa maistresse vint loger chez luy & y demeura dix ou douze jours.

Le did serviteur estoyt si laid qu'il sembloit mieulx ung Roy de Canniballes que Chrestien &, combien que son hoste le traidast en frère & amy & le plus honnestement qu'il luy estoit possible, si luy fit il ung tour d'un homme qui non seuUement oblye toute honnesteté, mais qui ne l'eust

jamais en son cueur, c'est de pourchasser par amour deshonneste & illicite la femme de son compaignon qui n'avoyt en elle chose aimable que le contraire de la volupté; c'est qu'elle estoit autant femme de bien qu'il y eust poind en la ville où elle demouroyt. Et elle, congnoissant la meschante volunté du serviteur, aymant mieulx par une dissimulation déclairer son vice que par ung soubdain refuz le couvrir, feit semblant de trouver bons ses propos. Par quoy luy qui cuydoit l'avoir gaingnée, sans regarder à l'aage qu'elle avoit de cinquante ans & qu'elle n'estoyt des belles, sans considérer le bruid qu'elle avoyt d'estre femme de bien & d'aymer son mary, la pressoyt incessamment.

Ung jour entre aultres, son mary estant en la maison & eulx en une salle, elle faingnyt qu'il ne tenoit que à trouver lieu seur pour parler à luy seulle ainsy qu'il desiroyt, mais incontinant luy dist qu'il ne falloyt que monter au galletas. Soubdain elle se leva & le pria d'aller devant & qu'elle iroyt après. Luy, en riant avecq une doulceur de visaige semblable à ung grand magot quand il festoyé quelcun, s'en monsta légèrement par les degretz &, sur le poinél qu'il attendoit ce qu'il avoyt tant désiré, bruslant d'un feu non cler comme celluy de genèvre, mais comme ung gros charbon de forge, cscoutoyt si elle viendroyt après luy ; mais, en lieu d'oyr ses piedz , il ouyt sa voix disant :

XXVIJ» NOUVELLE iSl

« Monsieur le Secrétaire, adendez ung peu; je m'en voys sçavoir à mon mary s'il luy plaist bien que je voise après vous. »

Pensez, mes dames, quelle myne peult faire en pleurant cclluy qui en riant estoyt si layd, lequel incontinant descendit, les larmes aux oeilz, la priant pour l'amour de Dieu qu'elle ne voulsist rompre par sa paroUe l'amitié de luy & de son compagnon. Elle luy respond : « Je suis seure que vous l'aymez tant que vous ne me vouldriez dire chose qu'il ne peust entendre, par quoy je luy vois dire », ce qu'elle fcyt, quelque prière ou contrainde qu'il voulsist mettre au devant. Dont il fut aussi honteux en s'enfuyant que le mary fut contant d'entendre l'honneste tromperie dont sa femme avoyt usé, & luy pleut tant la vertu de sa femme qu'il ne tint compte du vice de son compaignon, lequel estoyt assez pugny d'avoir emporté sur luy la honte qu'il vouloit faire en sa maison.

« Il me semble que par ce compte les gens de bien doibvcnt apprendre à ne retenir chez eulx ceulx desquelz la conscience , le cueur & l'entendement ignorent Dieu , l'honneur & le vray amour. — Encores que vostre compte soyt court, » dist Oisille, « si est il aussi plaisant que j'en ay poind oy & en l'honneur d'une honncste femme.

— Par Dieu, » dist Simontault, « ce n'est pas grand honneur à une honncste femme de refuser ung si laid homme que vous paingnez ce Secrétaire; mais, s'il

eust esté beau & honneste, en cela se fut monstrée la vertu, &, pour ce que je me double qui il est, si j'estois en mon rang je vous en ferois ung compte qui est aussi plaisant que cestuy^cy. — A cella ne tienne, » dist Ennasuitte, « car je vous donne ma voix. » Et à l'heure Simontault commençea ainsi : « Ceulx qui ont accoustumé de demeurer en la Court ou en quelques bonnes villes, estiment tant le sçavoir qu'il leur semble que tous autres hommes ne sont rien au pris d'eulx; mais si ne reste il pourtant que en tout pays & de toutes conditions de gens n'y en ayt tous jours assez de fins & malicieux. Toutesfois, à cause de l'orgueil de ceulx qui pensent estre les plus fins, la mocquerie, quant ilz font quelque faulte, en est beaucoup plus agréable, comme je désire vous monstrer par ung compte naguéres advenu.