ONZIESME NOUVELLE

Madame de Roticex, estant aux Cordeliers de TJmiars, fut si pressée d'akr à ses affaires que, sans regarder si les anueaus du retrèt estoyent net^, s'ala seoir en lieu si ord que ses fesses & abillemens en furent souillés, de sorte que, cryant à l'ayde & désirant recouvrer quelque femme pour la netoyer, fut servye d'ijommes qui la veirent nue & au pire état que femme se sçauroit montrer.

N la maison de Madame de La Trémoille y avoit une Dame, nommée Roncex, laquelle, ung jour que sa maistresse testoit allée aux Cordeliers, cust une grande nécessité d'aller au lieu oùonnepeutenvoier sa chamberière, & appella avecq elle une fille, nommée La Mothe, pour luy tenir compaignie; mais, pour estre honteuse & secrette, laissa la dite Mothe en la chambre & entra toute seule en un re-

traid assez obscur, lequel estoit commung à tous les Cordeliers, qui avoient si bien rendu compte en ce lieu de toutes leurs viandes que tout le retraid, l'aneau & la place estoient tout couverts de moust de Bacchus & de la Déesse Cerès, passé par le ventre des Cordeliers.

Geste pauvre femme, qui estoyt si pressée que à peine eut elle le loisir de lever sa robbe pour se mettre sur l'anneau, de fortune s'alla asseoir sur le plus ord & salle endroit qui fût en tout le retraid, où elle se trouva prinse mieulx que à la gluz, & toutes ses pauvres fesses, habillemens & piedz si merveilleusement gastez qu'elle n'osoit marcher ne se tourner de nul cousté, de paour d'avoir encores pis. Dont elle se print à crier tant qu'il luy fut possible: « La Mothe, m' amie, je suis perdue & déshonorée ! »

La pauvre fille, qui avoyt oy autresfois faire des comptes de la malice des Cordeliers, soupçonnant que quelques uns fussent cachez là dedans qui la voulsissent prendre par force, courut tant qu'elle peut, disant à tous ceulx qu'elle trouvoit : « Venez secourir Madame de Roncex, que les Cordeliers veulent prendre par force en ce retraid », lesquels y coururent en grande diligence & trouvèrent la pauvre Dame de Roncex qui cryoit à l'ayde, désirant avoir quelque femme qui la peust nedoier, & avoitle derrière tout descouvert, craingnant en

approcher ses habillemens, de paour de les gaster. A ce cry là entrèrent les Gentilz hommes, qui veirent ce beau spedacle & ne trouvèrent autre Cordelicr qui la tourmentast, sinon l'ordure dont elle avoyt toutes les fesses engluées, qui ne fut pas sans rire de leur costé, ni sans grande honte du cousté d'elle, car, en Ueu d'avoir des femmes pour la netoier, fut servie d'hommes qui la veirent nue au pire estât que une femme se povoit monstrer. Par quoy, les voiant, acheva de souiller ce qui estoit net & abessa ses habillemens pour se couvrir, oubliant l'ordure où elle estoit pour la honte qu'elle avo3^ de veoir les hommes. Et, quand elle fut hors de ce villain lieu, la fallut despouiller toute nue & changer de tous habillemens avant qu'elle partist du couvent. Elle se fust voluntiers corroucée du secours que luy amena La Mothe, mais, entendant que la pauvre fille cuydoit qu'elle eust beaucoup pis, changea sa coUère à rire comme les autres.

« Il me semble, mes Dames, que ce compte n'a esté ne long, ne mélencolicque, & que vous avez eu de moy ce que vous en avez espéré », dont la compaignie se print bien fort à rire, & luy dist Oisille :

« Combien que le compte soit ord & salle, congnoissant les personnes à qui il est advenu, on ne le sçauroit trouver fascheux; mais j'eusse bien voulu voir la myne de La Mothe & de celle à qui elle avoyt admené si bon secours. Mais, puis que vous avez si tost

finy », ce dit elle à Nomerfide, « donnez vostre voix à quelqu'un qui ne pense pas si legiérement. »

Nomerfide respondit : « Si vous voulez que ma faulte soyt rabillée, je donne ma voix à Dagoucin, lequel est si saige que pour mourir ne diroit une follye. »

Dagoucin la remercia de la bonne estime qu'elle avoyt de son bon sens, & commencea à dire :

« L'histoire que j'ay délibéré de vous racompter, c'est pour vous faire veoir comme Amour aveuglist les plus grands & honnestes cueurs, & comme meschanceté est difiicille à vaincre par quelque bénéfice ne biens que ce soit. »