TRENTE TROISIESME NOUVELLE

L'hypocrisye d'un Curé, qui, sous h manteau de sainâeté, avait engraissée sa seur, fut découverte par la sagesse du Comte d'Angoulesme, par le commatideinent duquel la Justice en feit punition.

E Conte Charles d'Angoulesme, père du Roy Françoys, Prince fidelle & craignant Dieu, estoyt à Coignac que l'on luy racompta que en ung villaigc près de là, nommé Cherves, y avoyt une fille vierge, vivant si austèremcnt que c'estoyt chose admirable, laquelle toutesfois estoyt trouvée grosse, ce que elle ne dissimuloit poind, & asseuroyt tout le peuple que jamais elle n'avoyt congneu homme & qu'elle ne sçavoyt comme le cas luy estoyt advenu, sinon que ce fût oeuvre du Saind Esperit, ce que le peuple croyoit facillement & la tenoient & réputoient entre eulx comme pour une seconde Vierge

Hept. II. 40

Marye, car chacun congnoissoit que dès son enfance elle estoyt si saige que jamais n'eust en elle ung seul signe de mondanité. Elle jeusnoit non seuUement les jeusnes commandez de l'Église, mais plusieurs foys la sepmaine à sa dévotion, &, tant que l'on disoyt quelque service en l'Église, elle n'en bougeoyt; par quoy sa vie estoyt si estimée de tout le Commung que chacun par miracle la venoyt veoir, & estoyt bien heureux qui luy povoyt toucher la robbe.

Le Curé de la Paroisse estoyt son frère, homme d'aage & de bien austère vie, aymé & estimé de ses parroissiens, & tenu pour ung saind homme, lequel tenoyt de si rigoureux propos à sa dide seur qu'il la feyt enfermer en une maison, dont tout le peuple estoyt mal contant, & en fut le bruid si grand que, comme je vous ay did, les nouvelles en vindrent à l'oreille du Conte, lequel, voyant l'abbus où tout le peuple estoyt, désirant les en oster, envoya ung Maistre des Requestes & ung Aulmosnier, deux fort gens de bien, pour en sçavoir la vérité, lesquelz allèrent sur le lieu & se informèrent du cas le plus dilligemment qu'ilz peurent, s'adressans au Curé, qui estoyt tant ennuyé de cest affaire qu'il les pria d'assister à la vériffication, laquelle il cspéroyt faire le lendemain.

Ledid Curé, dès le matin, chanta la messe, où sa seur assista tousjours à genoulx, bien fort grosse.

XXXIIJ"-" NOUVELLE 315

&, à la fin de la messe, le Curé print le corpus Domini, & en la présence de toute l'assistance dist à sa seur : « Malheureuse que tu es, voicy Celluy qui a souffert mort & passion pour toy, devant lequel je te demande si tu es vierge comme tu m'as tousjours asseuré ? » Laquelle hardiment lui respondit que ouy. « Et comment doncques est il possible que tu soys grosse & demeurée vierge ? » Elle respondit : « Je n'en puis randre autre raison, sinon que ce soyt la grâce du Saind Esperit qui faid en moy ce qu'il lui plaist; mais si ne puis je nier la grâce que Dieu m'a faide de me conserver vierge, & n'euz jamais volunté d'estre maryée. » A l'heure son frère luy dist : « Je te bailleray le corps précieux de Jésu-Christ, lequel tu prendras à ta damnation s'il est autrement que tu me le dis, dont Messieurs, qui sont icy présens de par Monseigneur le Conte, seront tesmoings. » La fille, aagée de près de trente ans, jura par tel serment : « Je prendz le corps de Nostre Seigneur icy présent devant vous à ma damnation, devant vous Messieurs & vous mon frère, si jamais homme m'atoucha non plus que vous. » Et en ce disant reçeut le corps de Nostre Seigneur.

Le Maistre des Requestes & Aulmonier du Conte ayans veu cella s'en allèrent tous confuz, croyans que, avecq tel serment, mensonge ne sçauroit avoir lieu, & en feirent le rapport au Conte, le voulant

3l6 IIIJ^ JOURNÉE

persuader à croyre ce qu'ilz croyoient. Mais luy qui estoyt sage, après y avoir bien pensé, leur fit de rechef dire les paroUes du jurement, lesquelles ayant bien pensées :

« Elle vous a did vérité & si vous a trompés, car elle a did que jamais homme ne luy toucha non plus que son frère, & je pense pour vérité que son frère luy a faid cest enffant & veult couvrir sa meschanceté soubz une si grande dissimulation. Mais nous, qui croyons un Jésus Christ venu, n'en debvons plus attendre d'autre. Par quoy allez vous en & medez le Curé en prison; je suis seur qu'il confessera la vérité. »

Ce qui fut faid selon son commandement, non sans grandes remontrances pour le scandalle qu'ilz faisoient à cest homme de bien. Et, si tost que le Curé fut prins, il confessa sa meschanceté & comme il avoyt conseillé à sa seur de tenir les propos qu'elle tenoyt pour couvrir la vie qu'ilz avoient menée ensemble, non seuUement d'une excuse légière, mais d'un faulx donné à entendre, par lequel ilz demoroient honorez de tout le monde . Et dist, quand on luy meist au devant qu'il avoyt esté si meschant de prendre le corps de Nostre Seigneur pour la faire jurer dessus, qu'il n'estoyt pas si hardy & qu'il avoyt prins ung pain non sacré ny bénist.

Le rapport en fust faid au Conte d'Angoulesme,

XXXIIJ» NOUVELLE 317

lequel commanda à la Justice de faire ce qu'il appartcnoit. L'on attendit que sa seur fust accouchée, &, après avoir faid ung beau filz, furent bruslez le frère & la seur ensemble, dont tout le peuple eust ung merveilleux esbahissement, ayant veu soubz si saind manteau ung monstre si horrible, & soubz une vie tant louable & sainde régner ung si détestable vice.

« Voylà mes Dames, comme la foy du bon Conte ne fut vaincue par signes ne miracles extérieurs, sçachant très bien que nous n'avons que ung Saulveur, lequel, en disant : Consumtnatum est, a monstre qu'il ne laissoyt poind de lieu à ung aultre successeur pour faire nostrc salut.

— Je vous promedz, » dist Oisille, « que voylà une grande hardiesse pour une extrême ypocrisie de couvrir du manteau de Dieu & des vrais Chrestiens ung péché si énorme.

— J'ay oy dire, » dist Hircan, « que ceulx qui, soubz couleur d'une Commission du Roy, font cruaultcz & tirannycs, sont puniz doublement de ce qu'ilz couvrent leur injustice de la Justice Roiale; aussi voyez vous que les ypocrites, combien qu'ils prospèrent quelque temps soubz le manteau de Dieu & de saindeté, quant le Seigneur Dieu liéve son manteau, les descouvre & les mcd tous nudz, & à l'heure leur nudité, ordure & villenye, est d'autant trouvée plus layde que la couverture est dide honnorable.

— Il n'est rien plus plaisant, » dist Nomerfide,

« que de prarler naïfvement ainsi que le cueur le pense.

— C'est pour en gausser, » respondit Longarine, « & je croy que vous donnez vostre opinion selon vostre condition.

— Je vous diray, » dist Nomerfide, « je voy que lés folz, si on ne les tue, vivent plus longuement que les saiges, & n'y entendz que une raison, c'est qu'ilz ne dissimuUent point leurs passions. S'ils sont courroucez, ils frappent; s'ils sont joieux, ilz rient, & ceulx qui cuydent estre saiges dissimulent tant leurs imperfedions qu'ils en ont tous les cueurs empoisonnez.

— Et je pense, » dist Geburon, « que vous dides vérité & que l'hypocrisie, soit envers Dieu, ou envers les hommes ou la Nature, est cause de tous les maulx que nous avons.

— ,Ce seroyt belle chose, » dist Parlamente, « que nostre cueur fust si remply par foy de Celluy qui est toute vertu & toute joye, que nous le puissions hbrement monstrer à chacun.

— Ce sera à l'heure, » dist Hircan, « qu'il n'y aura plus de chair sur nos os.

— Si est ce,' » dist Oisille, « que l'Esperit de Dieu, qui est plus fort que la Mort, peult mortiffier nostre cueur, sans mutation ne ruyne de corps.

— Ma Dame, » dist Saffredent, « vous parlez d'un don de Dieu qui n'est encores commung aux hommes.

— Il est commung, » dist Oisille, « à ceulx qui ont la foy, mais, pour ce que ceste matière ne se laisseroit entendre à ceulx qui sont charnelz, sçachons à qui Simontault donne sa voix.

— Je la donne, » dist Simontault, « à Nomerfide,

.■■•'.t*iÊ»^t<

XXXIIJ' NOUVELLE 319

car, puisqu'elle a le cueur joyeulx, sa paroUe ne sera poinft triste.

— Et vrayemcnt, » dist Nomerfide, « puisque vous avez envie de rire, je vous en voys prester l'occasion &, pour vous monstrer combien la paour & l'ignorance f**

nuyst, & que faute d'entendre ung propos est souvent J.'

cause de beaucoup de mal, je vous diray qu'il advint à deux Cordeliers de Nyort, lesquelz, pour mal entendre le langaige d'un Boucher, cuydérent morir.

TRENTE aUATRIESME NOUVELLE

Detix Cordeïiers, escoutans le secret oit, l'on ne les avoit appele:(^, pour avoir mal entendu le langage d'un Boucher meirent leur vie en danger.

L y a ung villaige entre Nyort & Fors, nommé Grip, lequel est au Seigneur de Fors. Ung jour advint que deux Cordeïiers, venans de Nyort, arrivèrent bien tard en ce lieu de Grip & logèrent en la maison d'un Boucher.

Et, pour ce que entre leur chambre & celle de l'Hoste n'y avoyt que des aiz bien mal joindz, leur print envye d'escouter ce que le mary disoyt à sa femme, estans dedans le lid, & vindrent medre leurs oreilles tout droid au chevet du lid du mary, lequel, ne se doubtant de ses hostes, parloyt à sa femme privément de son mesnage, en luy disant : « M'amye, il me fault demain lever matin pour

Hept. II. 41

aller veoir nos Cordeliers, car il y en a ung bien gras, lequel il nous fault tuer; nous le sallerons incontinant & en ferons bien nostre profEd. »

Et, combien qu'il entendoyt de ses pourceaulx, lesquelz il appelloit Cordeliers, si est ce que les deux pauvres Frères, qui oyoient ceste conjuration, se tindrent tout asseurez que c'estoyt pour eulx & en grande paour & crainde attendoient l'aube du jour.

Il y en avoyt ung d'eulx fort gras & l'autre assez maigre. Le gras se vouloyt confesser à son compaignon, disant que ung Boucher, ayant perdu l'amour & crainde de Dieu, ne feroyt non plus de cas de l'assommer que ung beuf ou autre beste, &, veu qu'ilz estoient enfermez en leur chambre, de laquelle ilz ne povoient sortir sans passer par celle de l'Hoste, ilz se debvoient tenir bien seurs de leur mort & recommander leurs âmes à Dieu. Mais le jeune, qui n'estoit pas si vaincu de paour que son compaignon, luy dist que, puysque la porte leur estoyt fermée, falloyt essayer à passer par la fenestre & que aussy bien ilz ne sçauroient avoir pis que la mort, à quoy le gras s'accorda.

Le jeune ouvrit la fenestre &, voyant qu'elle n'estoyt trop haulte de terre, saulta legièrement en bas & s'enfuyt le plus tost & le plus loing qu'il peut, sans attendre son compaignon, lequel essaya le dangier; mais la pesanteur le contraingnyt de

XXXIIIJ* NOUVELLE 323

demeurer en bas, car, au lieu de saultcr, il tumba si lourdement qu'il se blessa fort en une jambe.

Et, quant il se vcid abandonné de son compaignon & qu'il ne le pov03't suyvre, regarda à l'cntour de luy où il se pourroyt cacher & ne vcid rien que un ted à pourceaulx, où il se traina le mieulx qu'il peut, &, ouvrant la porte pour se cacher dedans, en eschappa deux grands pourceaulx, en la place desquelz se meist le pauvre Cordclier & ferma le petit huys sur luy, espérant, quant il orroyt le bruid des gens passans, qu'il appelleroyt & trouveroit secours.

Mais, si tost que le matin fut venu, le Boucher appresta ses grands cousteaulx & dist à sa femme qu'elle luy tint compaignye pour aller tuer son pourceau gras, &, quant il arriva au ted auquel le Cordeher s'estoyt caché, commencea à cr}^er bien hault en ouvrant la petite porte : « Saillez dehors, Maistre Cordelier; saillez dehors, car aujourd'huy j'auray de vos boudins ».

Le pauvre Cordelier, ne se povant soustenir sur sa jambe, saillyt à quatre picdz hors du ted, criant, tant qu'il povoyt, miséricorde. Et, si le pauvre Frère eust grand paour, le Boucher & sa femme n'en eurent pas moins, car ilz pensoient que saind François fust courroucé contre eulx de ce qu'ilz nommoient une beste Cordelier & se mirent à genoulx devant le pauvre Frère, demandans pardon

324 nij* JOURNÉE

à saind François & à sa Religion, en sorte que le Cordelier cryoyt d'un costé miséricorde au Boucher & le Boucher à luy d'aultre, tant que les ungs & les aultres furent ung quart d'heure sans se povoir asseurer.

A la fin, le beau Père, congnoissant que le Boucher ne lui vouloit poind de mal, luy compta la cause pourquoy il s'estoit caché en ce ted, dont leur paour tourna incontinant en ris, sinon que le pauvre Cordelier, qui avoyt mal en la jambe, ne se povoyt resjouyr, mais le Boucher le mena en sa maison, où il le feit très bien penser.

Son compaignon, qui l'avoyt laissé au besoing, courut toute la nuyd tant que au matin il vint en la maison du Seigneur de Fors, où il se plaingnoyt de ce Boucher, lequel il soupsonnoit d'avoir tué son compaignon, veu qu'il n'estoyt poind venu après luy. Ledid Seigneur de Fors envoia incontinant au lieu de Grip pour en sçavoir la vérité, laquelle scène ne se trouva poind matière de pleurer, mais ne faillyt à le racompter à sa Maistresse, Madame la Duchesse d'Angoulesme, mère du Roy Françoys, premier de ce nom.

« Voylà, mes Dames , comment il ne faut pas bien escouter le secret là où on n'est poind appelle & entendre mal les paroUes d'aultruy.

— Ne sçavois-je pas bien, » dist Simontault, « que

XXXIIIJ* NOUVELLE 325

Nomerfidc ne nous fcroyt poind pleurer, mais bien fort rire , en quoy il me semble que chacun de nous s'est bien acquidè.

— Et qu'est-ce à dire ? » dist Oisille, a que nous sommes plus enclins à rire d'une follye que d'une chose sagement faide.

— Pour ce, » dist Hircan, « qu'elle nous est plus agréable, d'autant qu'elle est plus semblable à nostrc nature qui de soy n'est jamais saige, & chacun prent plaisir à son semblable, les folz aux folyes & les saiges à la prudence. Je croy, » dist-il, « qu'il n'y a ne saiges ne folz qui se sçeusscnt garder de rire de ceste histoire,

— Il y en a, » dist Geburon, a qui ont le cucur tant adonné à l'amour de sapiencc que, pour choses qu'ilz sçeussent oyr, on ne les sçauroyt faire rire, car ilz ont une joyc en leurs cueurs & un contentement si modéré que nul accident ne les peut muer.

— Où sont ceux-là ? » dist Hircan.

— Les Philosophes du temps passé », respondit Geburon, « dont la tristesse & la joye est quasi poind sentye , au moins n'en monstroycnt ilz nul semblant, tant ilz estimoicnt grand vertu se vaincre eulx mesmcs & leur passion, & je trouve aussi bon comme ilz font de vaincre une passion vicieuse; mais d'une passion naturelle, qui ne tend à nul mal, ceste vidoire là me semble inutille.

— Si est ce, » dist Geburon, « que les Anciens estimoicnt ceste vertu grande.

— Il n'est pas did aussi, » respondit SafFredcnt, « qu'ilz fussent tous saiges, mais y en avoit plus d'apparence de sens & de vertu qu'il n'y avoyt d'efFed.

— Toutesfois vous verrez qu'ils reprennent toutes choses mauvaises, » dist Geburon, « & mesmes Diogénès marche sur le lid de Platon, qui estoit trop curieux à son grey, pour monstrer qu'il desprisoyt & vouloyt medre sous le pied la vaine gloire & convoytise de Platon, en disant : Je conculque & desprise l'orgueil de Platon.

— Mais vous ne dides pas tout, » dist Saffredent, « car Platon luy respondit que c'estoyt par ung aultre orgueil.

— A dire la vérité , » dist Parlamente , « il est impossible que la vidoire de nous -mesmes se face par nous-mesmes sans ung merveilleux orgueil, qui est le vice que chacun doibt le plus craindre, car il s'engendre de la mort & ruyne de toutes les aultres vertuz.

— Ne vous ay je pas leu au matin, » dist Oisille, « que ceulx, qui ont cuydé estre plus saiges que les autres hommes & qui par une lumière de raison sont venuz jusques à congnoistre ung Dieu créateur de toutes choses, toutesfoys pour s'attribuer ccstc gloire & non à Celluy d'ont elle venoyt, estimans par leur labeur avoir gaingné ce sçavoir, ont été faidz non seulement plus ignorans & desraisonnables que les aultres hommes, mais que les bestes brutes ? Car, ayans erré en leurs esperitz, s'attribuans ce que à Dieu seul appartient, ont monstre leurs erreurs par le désordre de leurs corps, oblians & pervertissans l'ordre de leur sexe, comme saind Pol aujourd'huy nous monstre en l'Epistre qu'il escripvoyt aux Romains.

— Il n'y a nul de nous, » dist Parlamente, « qui par ceste Epistrc ne confesse que tous les péchés exté-

XXXIIIJ* NOUVELLE 327

rieurs ne sont que les fruidz de l'infélicitô intérieure, laquelle, plus est couverte de vertu & de miracle, plus est dangereuse à arracher.

— Entre nous hommes, » dist Hircan, « sommes plus prés de nostre salut que vous autres, car, ne dissimulans poinâ; nos fruids, congnoissons facillement notre racine; mais vous, qui ne les osez medre dehors & qui faides tant de belles oeuvres apparantes, à grand peine congnoistrez vous cette racine d'orgueil, qui croist sous si belle couverture.

— Je vous confesse, » dist Longarine, « que, si la paroUe de Dieu ne nous monstre par la foy la lèpre d'infidélité cachée en notre cueur, Dieu nous faid grand grâce quant nous trébuchons en quelque offense visible par laquelle notre peste couverte se puisse veoir. Et bien heureux sont ceulx que la foy a tant humiliez qu'ils n'ont poind besoing d'expérimenter leur nature pécheresse par les effeds du dehors.

— Mais regardons, » dist Simontault, « de là où nous sommes venus. En partant d'une très grande folye nous sommes tombez en la Philosophye & Théologie. Laissons ces disputes à ceulx qui savent mieux resver que nous, & sçachons de Nomerfide à qui elle donne sa voix.

— Je la donne, « dis-elle, « à Hircan, mais je luy recommande l'honneur des dames.

— Vous ne le pouvez dire en meilleur endroid, » dist Hircan, « car l'histoire que j'ai apprestée est toute telle qu'il la fault pour vous obéyr. Si est ce que par là je vous aprandray à confesser que la nature des femmes & des hommes est de soi encline à tout vice si elle n'est préservée de Celluy .à qui Thon-

neur de toute viftoire doibt estre rendu, &, pour vous abattre l'audace que vous prenez quant on en dit à vostre honneur, je vous en diray une aultre, une très véritable :