TRENTE HUICTIESME NOUVELLE

Une Bourgeoise de Tours pour tant de marnais traitemcns qu'elle avoit reçeus de son viary luy rendit tant de biens que, quittant sa maîtresse qu'il entretenait paisiblement, s'en retourna vers sa femme.

N la Ville de Tours y avoyt une Bourgeoise belle & honneste, laquelle pour ses vertuz estoyt non seuUement aymée, mais craindle & estimée de son mary.

Si est ce que, suyvant la fragilité des hommes qui s'ennuyent de manger bon pain, il fut amoureux d'une Mestayère qu'il avoyt & souvent s'en partoyt de Tours pour aller visiter sa mestayxie, où il demeuroit tousjours deux ou trois jours, &, quant il retournoyt à Tours, il estoit tousjours si morfondu que sa pauvre femme avoyt assez à faire à le guarir. Et, si tost qu'il estoyt sain, ne failloyt poind à retourner au lieu où pour le plaisir oblyoyt tous ses maulx.

Sa femme, qui surtout aymoit sa vie & sa santé, le voiant revenir ordinairement en si mauvais estât, s'en alla en la mestayrie, où elle trouva la jeune femme que son mary aymoyt, à laquelle sans collère, mais d'un très gratieux courage, dist qu'elle sçavoyt bien que son mary la venoit veoir souvent, mais qu'elle estoyt mal contante de ce qu'elle le traidoyt si mal qu'il s'en retournoyt tous] ours morfondu en la maison. La pauvre femme, tant pour la révérence de sa Dame que pour la force de la vérité, ne luy peut nyer le faiét, duquel elle luy requist pardon.

La Dame voulut veoir le lid & la chambre où son mary couchoyt, qu'elle trouva si froide & sale & mal en poind qu'elle en eust pitié. Incontinant envola quérir ung bon lid garny de linceux, mante & courtepoinde , selon que son mary l'aymoyt; feit accoustrer & tapisser la chambre, luy donna de la vaisselle honneste pour le servir à boyre & à manger, une pippe de bon vin, des dragées & confitures, & pria la Mestayère qu'elle ne luy renvoiast plus son mary si morfondu.

Le mary ne tarda guères qu'il ne retournast, comme il avoyt accoustumé, veoir sa Mestayère, & s'esmerveilla fort de trouver son pauvre logis si bien en ordre, & encores plus quant elle luy donna à boyre en une couppe d'argent, & luy demanda d'ont estoient venuz tous ses biens. La pauvre

XXXIIIJ'* NOUVELLE 361

femme luy dist en pleurant que c'estoyt sa femme, qui avoyt eu tant de pitié de son mauvais traidement qu'elle avoyt ainsy meublé sa maison & luy avoyt recommandé sa santé.

Luy, voiant la grande bonté de sa femme que, pour tant de mauvais tours qu'il luy avoyt faidz, luy rendoyt tant de biens, estimant sa faulte aussy grande que l'honneste tour que sa femme luy avo)rt faid &, après avoir donné argent à sa Mestayère, la priant pour l'advenir vouloir vivre en femme de bien, s'en retourna à sa femme, à laquelle il confessa la debte & que, sans le moien de ceste grande doulceur & bonté, il estoit impossible qu'il eust jamais laissé la vie qu'il menoyt. Et despuis vesquirent en bonne paix, laissant entièrement la vie passée.

« Croyez, mes Dames, qu'il y a bien peu de mariz que patience & amour de la femme ne puisse gaingner à la longue, ou ilz sont plus durs qu'une pierre, que l'eaue foible & molle par longueur de temps vient à caver. »

Ce dist Parlamente : « Voylà une femme sans cueur, sans fiel & sans foie.

— Que vouliez vous, » dist Longarine, « elle expérimentoit ce que Dieu commande, de faire bien à ceulx qui font mal.

— Je pense, » dist Hircan, « qu'elle estoit amoureuse de quelque Cordelicr, qui luy avoit donné en

Hept. IL 46

pénitence défaire si bien traider son mary aux champs que, ce pendant qu'il yroit, elle eut le loisir de le bien traider en la ville.

— Or çà, » dist Oisille, « vous monstrez bien la malice en vostre cueur; d'ung bon ade faides ung mauvais jugement. Mais je croy plus tost qu'elle estoit si mortifiiée en l'amour de Dieu qu'elle ne se soulcyoit plus que du salut de l'ame de son mary.

— Il me semble, » dist Simontault, « qu'il avoyt plus d'occasion de retourner à sa femme quand il avoyt froid en sa mestairie que quant il y estoit si bien traidé.

— A ce que je voy, » dist SafFredent, « vous n'estes pas de l'opinion d'un riche homme de Paris, qui n'eust sçeu laisser son accoustrement, quant il estoit couché avecq sa femme, qu'il n'eust esté morfondu, mais, quand il alloyt veoir sa Chamberiére en la cave, sans bonnet & sans souliers, au fons de l'yver, il ne s'en trouvoyt jamais mal, & si estoit sa femme bien belle & sa Chamberiére bien layde.

— N'avez vous pas oy dire, » dist Geburon, a que Dieu ayde tous jours aux folz, aux amoureux & aux ivroignes ? Peut estre que cestuy là estoyt luy seul tous les trois ensemble.

— Par cela vouldriez vous conclure, » dist Parlamente, « que Dieu nuyroit aux sages, aux chastes & aux sobres ? Ceulx qui par eulz mesmes se peuvent ayder n'ont poind besoing d'ayde. Car celluy qui a dist qu'il est venu pour les mallades, & non poind pour les sains, est venu par la loy de sa miséricorde secourir à noz infirmitez, rompant les arrestz de la rigueur de sa justice, & qui se cuyde saige est fol devant Dieu.

XXXVIIJ» NOUVELLE 363

Mais, pour finer vostre sermon, à qui donnera sa voix Longarine ?

— Je la donne, » dist elle, « à SafFredent.

— J'espère doncques, » dist SafFredent, « vous monstrer par exemple que Dieu ne favorise pas aux amoureux, car, nonobstant, mes Dames, qu'il ayt esté did par cy devant que le vice est commung aux femmes & aux hommes, si est ce que l'invention d'une finesse sera trouvée plus promptcment & subtilement d'une femme que d'un homme, & je vous en diray une exemple.