LE PREMIER VOYAGE
DES FRANÇOIS EN LA FLORIDE
Fait par le capitaine Jean Ribaut l'an i562.
'Admirai de Chastillon , seigneur plus désireux du bien public que de son propre, ayant cognu la volonté du ^^^^ Roy son prince, qui estoit de faire
cognoistrc les terres neuves, fit en toute diligence équipper des vaisseaux propres pour ce fait, et lever gens dignes de telle entreprise , entre lesquels il esleut le capitaine Jean Ribaut, homme véritablement expérimenté au fait de la marine , lequel ayant receu son commandement , se mit en mer Tan mil cinq cent soixante deux , le dix-huitiesme jour de février, accompagné seulement de deux roberges du Roy , mais si bien fournies de gentilshommes, du nombre desquels j'estois, et de vieux soldats , qu'il avoit moyen de faire quelque chose mémorable et remerquable à jamais.
Ayant doncques navigué deux moys sans aucu-
i6 Histoire
nement tenir la route accoustumée des Espagnols, il prist port en la Nouvelle France , terrissant près un cap, ou promontoire non relevé de terre, parce que la coste est toute plate , mais de hautes forests seulement; lequel à son abord il appella Cap François, en l'honneur de nostre France. Ce cap est distant de l'Equateur environ trente degrez. De ce lieu, costoyant vers le Septentrion , il découvrit une fort belle et grande rivière, laquelle luy donna occasion d'ancrer pour le lendemain l'aller recognoistre au plus matin, ce qu'ayant fait, et presque à l'aube du jour, accompagné du capitaine Fiquinville et de plusieurs soldats de son bord , il ne fust sitost arrivé à la lisière du rivage, qu'il recongnut plusieurs Indiens , hommes et femmes , qui tout exprès s'estoient transportez en ce lieu pour y recevoir les François avec toute douceur et amitié : comme bien ils monstrent par la harangue que leur Roy fit, et les présens de peaux de chamoys,desquels il honora le capitaine , qui , le jour suyvant , fit planter dedans ladite rivière , et non fort loin de l'emboucheure d'icelle, une colonne de pierre de taille , sur un petit costau de terre sablonneuse , en laquelle les armoiries de France estaient empreintes et gravées.
Ce fait, il s'embarqua de rechef, afin de tousjours poursuivre la recognoissance qu'il vouloit faire de la coste septentrionnale. Après avoir navi-
de la Floride. 17'
gttc quelque temps, il prist terre en l'autre costé de la rivière , et lors commanda , en la présence de quelques Indiens qui l'attendoient exprès , de faire les prières pour remercier le Seigneur de ce que, sans péril ou danger aucun, il avoit conduit par sa grâce le peuple françois jusques à ces lieux estranges. Les prières achevées, les Indiens, qui s'estoient rendus fort attentifs à les escouter, estimans (à mon jugement) que nous adorions le soleil, pour ce que nous avions tousjours les yeux au ciel , se levèrent tous et vindrent saluer le capitaine Jean Ribault, promettant de lui monstrer leur Roy, qui ne s'estoit levé comme eux , ains estoit demeuré assis sur les fueillages verds de lauriers et pal-, miers ; vers lequel le capitaine s achemina, s'assit près de luy, et l'entendit assez longuement discourir, mais avec un assez maigre plaisir v parce qu'il ne pourvoit entendre son langage , • et moins encore la conception de son esprit. Au partir le Roy jonna au capitaine un panache d'aigrette teint en rouge , et un panier & l'indienne composé de palmites et tissu fort artificiellement, avec une grande peau peinte et figurée partout de divers animaux sauvages , si vivement représentez et pourtraits que rien n'y restoit que la vie. Le capitaine , pour ne se monstrer ingrat, luy donna de petits brasselets d'estain argentez, une serpe, un mirouer et des cousteaux : dontle Roy se monstre en
i8 Histoire estre fort joyeux et amplement satisfait. La plus part du jour passé avec les Indiens , le capitaine s'embarqua pour passer à l'autre bord de la rivière, dont le Roy se monstra grandement contristé. Toutesfois, n'y pouvant donner ordre, commanda qu'en toute diligence on nous peschast du poisson, ce qu'ils firent en un instant, car, estans entrez en leurs parcs , composez de roseaux et faits en façon d'une laberinth , ils nous chargèrent de truites , de gros mullets , de plyes , de turbots , et d'une infinité d'autres espèces toutes différentes des nostres. Ce fait, entrasmes en nos barques et tirasmes de l'autre part. Mais, avant qu'aborder, nous fusmes saluez d'un autre nombre d'Indiens, lesquels, se mettant en l'eau jusques aux esselles , nous apportèrent force petits paniers pleins de mil et de franches meures blanches et rouges ; les autres se présentèrent pour nous porter en terre , où estans descendus , nous aperceusmes leur Roy assis sur une ramée et petite frescade de cèdres et lauriers quelque peu séparée du rivage de l'eau. Il estoit accompagné de deux de ses enfans beaux et puissans au possible, et d'une troupe d'Indiens qui tous avoient l'arc et la trousse pleine de flesches merveilleusement bien en conche : les deux enfans receurent gratieusementle capitaine ; mais le Roy leur père, monstrant une gravité je ne sçay quelle, ne feit sinon branskr quelque peu la
de la Floride. 19
teste , lorsque le capitaine s'advança pour le saluer, et sans se mouvoir autrement , tint une si constante gravité qu'il feit paroistre qu'à bon et juste droict il portoit le tiltre de Roy. Le capitaine , ne sçachant que juger du port de cest homme , pensa qu'il estoit jaloux de ce que premièrement nous estions allez vers l'autre , ou bien qu'il n 'estoit trop content de la borne que nous avions plantée. Sur ce , ne sçachant que résouldre, luy fit entendre par signes qu'il l'estoit venu trouver exprez de lointaine région , pour luy faire cognoistre l'amitié qu'il vouloit avoir avecques luy ; pour laquelle mieux allier, luy tira d'une malette quelques singularitez , comme des brasselets en façon d'or et d'argent , qu'il luy présenta , et quelques autres joyaux à ses enfans, qui fut cause que le Roy se mit k caresser amiablement le capitaine et nous. Et, après ces caresses, nous nous acheminasmes dedans les bois , espérans y recognoistre quelques singularitez , qui furent force meuriers blancs et rouges , sur la sommité desquels y avoit une infinité de vers à soye. Poursuivans nostre sentier, nous descouvrismes une belle et grande prairie , entrelassée pourtant de plusieurs marescages, qui nous contraignirent, à raison de l'eau qui de tous costez l'environnoit , de rebourser chemin vers le rivage. Là, nous ne trouvans le Roy, qui jà s'estoit retiré en sa de-
20 Histoire
meure , entrasmes en nos barques et navigasmes vers nos vaisseaux, où arrivez, appelasmes ceste rivière la rivière de May, pour ce que le premier de ce moys nous l'avions descouverte.
Bientost après que nous fusmes retournez à nos vaisseaux , les ancres furent levées et les voillcs appareillez pour plus avant descouvrir la coste , le long de laquelle nous descouvrismes une antre belle rivière que le capitaine voulut luy mesme recognoistre : et l'ayant recognuë avec le Roy et les habitans d'icelle la nomma Seine, parce qu elle approche bien fort de la Seine de France. De ceste rivière nous retirasmes vers nos vaisseaux , où arrivez appareillasmes nos voilles pour plus avant naviguer vers le septentrion , et recognoistre les singularitez de la coste. Mais nous n'eusmes fait gi % and chemin que nous descouvrismes uné autre assez belle rivière, qui nous causa poser l'ancre au travers d'icelle, et armer deux barques pour l'aller recognoistre. Nous y trouvasmes une isle, et un roy non moins affable que les autres, puis nommasmes cesté rivière Somme : de là nous navigasmes encores environ six Mettes , puis nous descouvrismes une autre rivière* laquelle recogneuë , fiit par nous baptisée du nom de Loire. Et conséquemment en descouvrismes cinq autres, la première desquelles fut appelée Charente ; la seconde Garonne; la tierce Gironde; la quatriesme
de la Floride. si
Belle : la ci nquiesme Grande; Lesquelles bien recognuës, «t* 1© contenu en icelles, nous pouvions ayoir desja, en moins de soixante lieues de pais, yeu plusieurs singularitez le long de neuf rivières. Toutes fois non assez satisfaits , singlasmes encore plus vers le septentrion , poursuyvans k traicte qui nous pouvoit conduire jusques à la rivière de Jordan, Tune des plus belles de tout le septentrion. Et tenant nôstre route accoustumée , survindrewt de grandes bruines et tourmente , qui nous contraignirent abandonner la coste pour singler en plaine mer, qui fut cause que nous pej> dismes nos barques de veuë un jour et une nuict, jusques au lendemain matin , que le temps fait serait* et la imer bonasse ," nous desconvrismes une rivière qué nôus appelions Belle k veoir. Puis ayans single trois où quatre lieues, commençasmes à descôùvrir nos barques qui venoient droit à nous. Et à leur arrivée rapportèrent au capitaine que pendant l'injure du temps et les obscures bruines , elles s estoient retirées dedans une grande rivière qui en grandeur et beauté excedoit les autres : dont le capitame receut un grandissime contentement : car tout le plus de son désir estoit de trouver havref pour loger ses vaisseaux, et là
lu
tiràns. vers ceste part arrivasines au travers de larivière (qui à raison de sa beauté et gran-
22 Histoire
deur, fat appellée Port-Royal), mismes les voilles bas, et posasmes l'ancre à dix brassées d'eau. Car la profondité y est telle , nommément quand la mer commence à fluer dedans , que les plus grands vaisseaux de France, voire les caraques de Venise y pouvoient entrer. L'ancre posé, le capitaine avec ses soldats mit pied à terre, et descendit pre^ mierement, où nous troùvasmes le lieu si plaisant et délectable que rien plus : car il estoit tout recouvert de hauts ckesnes et cèdres en infinité, et au dessous d'iceux, de lentisques de si suave odeur, qu'iceluy seul faisoit trouver le lieu de très grand contentement. Cheminans au travers de ces ramées nous ne voyons autre chose que poules d'Inde s'envoller par les forests , perdrix grises et rouges , quelque peu différentes des nostres , niais en grandeur principalement. Nous entendions aussi des cerfs brosser parmy les forests , des ours , des loupcerviers , des léopards, et autres plusieurs espèces d'animaux à nous incognus. Contens de ce lieu , nous nous mismes à fescher avec la seine , et prismes en si bon nombre de poisson, que c'estoit chose admirable. Et entre autres, nous en prismes d'une espèce que nous appelions saiblicoques , qui n'estoient moins grosses que escrevisses , de sorte que deux traits de seine estaient suffisans quelquefois pour nourrir un jour l'équipage de nos deux vaisseaux» s j
La rivière n'a moins en son embouchement de cap en cap de trois lieues françoises : elle se sépare au reste en deux grands bras d'eau : l'un fait son cours vers l'occident, et l'autre vers le septentrion. Et croy à mon jugement que celuy de septentrion se va rendre per dedans des terres jusques à la rivière de Jour dan; l'autre se rend en la mer, comme il a esté cognu de ceux qui demeurent en ce lieu. Ces deux bras d'eau tiennent en largeur deux grandes lieues , et au millieu d'iceux il y a une isle , qui finist en pointe vers l'ouvert * de la grande rivière , dedans laquelle il y a un nombre infini de toutes espèces d'estranges d'animaux. Il y a des simples de si rares proprietez , et en si grande quantité , que c'est chose excellente à veoir. Aux environs on ne voit sinon palmiers et autres plusieurs arbres portans fleurs et fruicts de fort rares figures et de bonne odeur. Or, voyans la nuict approcher, et que le capitaine deliberoit retourner aux navires , le priasmes nous permettre passer la nuict en ce lieu. Pendant nostre absence , les pilotes et maistres nautonniers feirent entendre au capitaine qu'il estoit besoin faire entrer les navires plus dedans la rivière, afin d'éviter les injures des vents qui nous pouvoient estre nuisibles, pour estre si proches de l'emboucheure : et à raison de ce le capitaine nous manda. Estans arrivez nous navigeasmes encores plus de trois grandes
24 Histoire
lieiies dedans la rivière, et là posasmes Fancre. Peu de temps après 1 Jean Ribauld, accompa-
rant naviguer dans le bras de l'occident, et cognoistre les commoditez du lieu. Ayant single bien douze lieues, nous aperceusmes une troupe d'Indiens, lesquels aussi tost qu'ils eurent cognoissance des barques , entrèrent en une frayeur si grande qu'ils s évadèrent par les bois , abandonnai un jeune loupcervier qu'ils faisoient tourner à la broche : pour ceste cause , le lieu fut nommé le Cap de Loup. Poursuyvans le chemin, nous trouvasmes un autre bras d'eau qui faisoit son cours vers l'orient , par lequel le capitaine résolut naviguer et quicter le grand courant. Peu de temps après commencèrent à descouvrir plusieurs autres Indiens et Indiennes à demy cachez dedans les bois , lesquels ignorans l'amitié qu'on leur deâiroit, s'espouvantèrent de prime face, mais tost après furent asseurez. Car le capitaine leur feit monstrer forcé marchandises à descouvert, dont ils cogneurent qu'on ne leur vouloit sinon plaisir, et feirent alors signe que meissions pied en terre, ce que nous ne voulusmes réfuser ; à la descente vindrent plusieurs d'entr'eux saluer nostre chef, selon leur façon barbare ; les uns luy donnoient des chamois , les autres des petits panniers de palmites ; quelques un$ luy présentèrent desperles,
de là Floride. 25
Biais non en quantité , puis se meirent en devoir de dresser une frescade, pour en ce lieu nous ombrager contre l'ardente chaleur du soleil. Mais nous ne voulions tarder pour lors : dont le capitaine les mercia de leur amiable volonté et leur fit à tous présens : par lesquels il les sceut si bien contenter avant son partir, que son brief départ neleurestoit grandement agréable : car lecognoissaus si libéral, ils eussent bien désiré sa demeure un peu-plus longue , s'essayans par tous moyens luy en donner occasion ; luy faisant entendre par tous signes qu'il sejournast ce jour seulement, et qu'ils avoient envie d'advertir un grand seigneur indien qui avoit des perles en grande quantité , mesmes de l'argent , toutes lesquelles choses luy seroient présentées à son arrivée : disans d'autre part que pendant la venue de ce seigneur, ils le mèneraient à leurs demeures , et là luy feraient recevoir mil plaisirs à tirer l'arc, et à veoir flescher le cerf, pour ceste cause le prièrent ne vouloir refuser. Nonobstant, nous retournasmes vers les vaisseaux ; esquels ayans séjourné seulement une nuict, le capitaine commanda le matin mettre dedans la barque une borne taillée en façon de colonne, en laquelle les armoiries du Roy de France estoient gravées, pour au plus beau lieu qu'il pourroit descouyrir la faire planter : ce fait, nous nous embarquasmes et singlasmes la part
26 Histoire
d'occident environ trois lieues ; où nous descouvrismes une petite rivière , dedans laquelle nous navigasmes tant, qu'enfin la trouvasmes retourner au grand courant, et en son tout compdser une petite isle , séparée de la terre ferme, en laquelle nous descendîmes : et par le commandement du capitaine, pour ce qu'elle estoit belle et plaisante au possible , y plantasmes la borne , dessus une petite coline toute esplanée et environnée d'un es tan g profond de demy brasse d'eau fort bonne et douce, dedans lequel nous apperceusmes deux cerfs grands outre mesure, au regard de ceux que nous avions veu auparavant : lesquels aisément nous eussions harquebusez, si le capitaine nel'eust défendu, meu de la singulière beauté et grandeur d'iceux. Or avant que partir, nous appellasmes la petite rivière qui environnoit cest isle , rivière de Liborne. Puis nous nous embarquasmes pourrecognoistre une autre isle non beaucoup distante de la première : en laquelle ay ans pris terre , ne trouvasmes que de hauts cèdres , les plus beaux qui se soient veuz en tout ce païs là : pour ceste cause nous l'appelasmes Tisle des Cèdres : et nous nous rembarquasmes pour aller vers nos vaisseaux.
Quelques jours après , Jean Ribaut délibéra retourner encore vers les Indiens qui habitoient le bras occidental de la rivière, et mener avecqucs luy bon nombre de gens de guerre : car son des-
DE LÀ FLORÏDE. 27
sein estoit de prendre deux Indiens de ce lieu pour faire passer en France , ainsi que la Roytoe luy avoit commandé. Ce point arresté , nous reprismes la route première, tant qu'enfin arrivasmes au lieu mesmes où premièrement nous avions trouvé les Indiens, de là nous cmmenasmes parle congé du Roy deux Indiens ; lesquels se sentans mieux favorisez que les autres , s estimoient fort heureux de demourer. Les voilles furent incontinent appareiller , et navigeasmes vers la grande rivière. Mais ces deux Indiens voyans que ne faisionsaucun semblant de mettre pied en terre, ains seulement de poursuyvre le meilleu du courant, commencèrent un peu à se fascher, et à toute force se vouloient jetter à l'eau : car ils sont si accords a nager, que tout incontinent ils eussent gaigné les forests. Toutesfois cognoissans leur humeur , nous y prismes garde de près , et essayasmes par tous moyens de les contenter : ce qu'il ne nous estoit possible pour lors, jaçoit qu'on leur presentast choses qu'ils estimoient beaucoup ; lesquelles ils desdaignoientprendre, et rendoient à Topposite tout ce qu'on leur avoit donné , pensans que tels dons les eussent du tout obligez, et qu'en les rendant, la liberté leur seroit octroyée. Cognoissans enfin que tout ce qu'ils faisoient ne leur aydoit en rien, ils supplièrent qu'on leur donnast ce qu'ils avoient rendu , ce que nous fismes à l'instant :
a8 Histoire
alors ils s'approchèrent l'un, de l'autre et se prihdrent à chanter, accordans si doucement ensemble qu'il sembloit , à ouyr leur, chant , qu'ils lamentassent poiur l'absence de leurs amis. Ils continuèrent leurs chansons toute la nuict sans cesser, pendant laquelle nous fusmes contraints poser l'ancre pouf le flot qui nous estoit contraire. Mais nous nous àppâreillasmes le lendemain de grand matin et retournasmes aux navires. Incontinent que nous fusmes arriver un: chacun s'efforça de gratifier les deux Indiens et leur monstrer le meilleur visage qu'il estoit possible : afin que par telles caresses ils recogneussënt le bon désir et affection que nous avions de leur demoureramis àl'advenir. Nous leurprésentasmes alors à manger : mais ils le refusèrent et nous firent entendre que premier que manger ils avoiènt accoustumé de se laver la face, et attendre que le soleil fust couché, qui est une cérémonie commune à tous les Indiens de la Nouvelle-France. En la fin toutes fois ils furent contraints d'oublier leurs superstitions, et-dè s'ào» comoder à nostre naturel, ce qui leur fut un peu estrange du commencement. Jls demeurèrent doneques plus gaiHards, et nous feirent à chas eu ne heure mil discours , marris au possible de ce que ne lès pouvions entendre. Ils commencèrent de me porter peu de jours après une amitié, dis-je, si affectionnée, que plustost, comme je croyj ils
de la Floride. 29
fassent morts de faim et de soif, que de reprendre leur réfection sinon de ma main.
Voyant si grande amitié, je m'essaye d'apprendre quelques termes indiens , et commence à leur demander, monstrant la chose de laquelle je de- 1 sirois sçavoir le nom, comment ils fappeloient. Ils estaient fort joyeux de le me dire, et cognoissans l'affection que j'avois de sçavoir leur langage, ils m'invitaient après à leur demander quelque chose. Tellement que mettant par escrit les termes et locutions indiennes, je pouvois étendre la plus grande part de leur discours* Tous les jours ils ne me faisoient sinon que parler de l'envie qu'ils avoient de me bien traicter, si nous retournions à leurs demeures , et me faire recevoir tous les plaisirs dont ils se pourroient adviser, tant à la chasse, qu'à veoir leurs plus estranges et superstitieuses cérémonies à une feste qu'ils appellent Toya , laquelle ils gardent aussi estroittement que nous faisons le jour du repos. Ils me donnèrent à entendre qu'ils me meneroient veoir le plus grand seigneur de ceste terre , qu'ils appellent Ghiquola , lequel les snrpassoit en grandeur (à ce qu'ils me montrèrent) d'un grand pied et demy. Ils me disoient qu'il habitait au dedans des terres en un lieu fort spacieux et enclos au meilleu d'une excessive hauteur, mais je ne peu comprendre de quoy. Et selon mon jugement ce lieu duquel ils
3o Histoire
me discouroient estoit une fort belle ville, car ils me dirent que dedans l'enclos y avoit grand nombre de Biaisons et fort hautement relevées , dedans lesquelles il y avoit un nombre infiny d'hommes semblables à eux , lesquels ne se soucient ny d'or, ny d'argent, ny de perles, pour autant qu'ils en avoient en abondance. Je commence alors de leur monstrer toutes les parts, à fin de sçayoir celle en laquelle ils habitoient : et l'un d'iceux à l'instant me monstra avec la main es— tendue , qu'il demeuroit vers les parties du sep-* tentrion : ce qui me féit penser que c'estoit en la rivière de Jourdan. Et me ressouvint à l'heure du temps de l'Empereur Charles le Quint, que quelques Espagnols habitans de Saint-Domingo (lesquels estoient partis pour recouvrer des esclaves pour besongner à leurs mines) attirèrent cauteleusement les habitans de ceste rivière jusqu'au nombre de quarante, pensans les mener en leur Nouvelle Espagne. Mais ils perdirent leur temps : car de despit ils se laissèrent tous mourir de faim,excepté un qui fut mené à l'Empereur, lequel le feit peu après baptiser, et luy donna son nom et l'appela Charles de Chiquola , parce qu'il ne parloit sinon de ce sei gneur, duquel il estoit suhject. Mesme, à ce que m'ont tesmoigné hommes dignes de foy, il discouroit à toute heure que Chiquola faisoit sa demeurant dedans un fort grand enclos. Outre ceste
de la Floride. 3i
approbation , ceux qui furent délaissez du premier voyage m'ont certifie que les Indiens leur ont fait entendre par signes intelligibles, que plus dedans L les terres vers la mesmepartde septentrion y avtfit un grand enclos, et au dedans d'iceluy force belles maisons , dedans lesquelles habitait Chiquola. i
Mais pour n'extravaguer de mon propos^ je rer tourneray à l'Indien, lequel prenoit si grand plaisir de mê parler de ce Chiquola , qu'il ne se passoit un seul jour sans qu'il ne fist discours de quelque chose rare. Ayans demouré quelque temps en nos vaisseaux, se commencèrent d'ennuyer, et ne me parlèrent plus sinon de retourner. Je leur faisois entendre que la volonté du capitaine estoit de les renvoyer : mais qu'il avoit envie aupara 7 vantleur donner des accoustremens , lesquels peu de jours ensuyvans leur furent délivrez : mais voyant qu'on ne leur vouloit donner congé, ils se résolurent de se desrober de nuict , et prendre un pet it basteau que nous avions, et aidés de la marée, tenir le chemin de leurs demeures , et par ce moyen se sauver, ce qu'ils ne faillirent de fairfe, et mirent leur * entreprise à exécution, laissans toute fois les accoustremens que le capitaine leur avoit donnez, et n'emportans rien sinon ce qui leur appartenoit ,monstrant bien par cela qu'ils n'estoient privés de la raison.
Le capitaine ne se soucia pas beaucoup de leur départ, attendu qu'on ne leur avoit fait sinon bon
3a Histoire
traitement, et que pour ces causes ils ne s'estran— geroieiit des François. Doncques le capitaine Ribaut cognoissant la singulière beauté de ceste rivière, desiroit par tous moyens inciter quelques hommes à l'habiter, prévoyant bien que telle chose estait de grande importance pour le service du Roy et soulagement de la république françoise. Pour ceste cause faisant ce qu'il enpensoit, il commanda de lever les ancres, et appareiller pour retourner à l'ouvert de la rivière, à celle fin que si le vent venoit commode , il sortist d'icelle pour accomplir le reste de son dessein. Estant doncques venus à l'embouchure, il fait poser l'ancre, dont nous demourasmes sans rien descouvrir tout le reste du jour. Le lendemain il commanda que tous les hommes de son bord montassent sur la coursil , et qu'il avoit quelque chose i leur proposer. Ils montèrent tous, et à l'instant , le capitaine commença à parler en ceste façon :
« Je croy que nul de vous n'ignore de combien » nostre entreprise est de grande conséquence , et » combien aussi elle est agréable à nostre jeune » Roy. Pourtant, mes amis, désirant et votre hon- » neur et vostre bien, je n'ay voulu faillir vous » faire entendre à tous le grandissime heur que » ce seroit à ceux , lesquels comme magnanimes » et de vertueux courage voudraient essayer en » nostre première descouverte les biens et cont-
de la Floride. 33
» moditez de ceste nouvelle terre : qui seroit , y> comme je m'asseure, la plus grande occasion » qui leur pourrait jamais advenir pour parvenir » au titre et degré d'honneur. Et pour ceste cause » j'ay bien voulu vous proposer devant les yeux » la mémoire éternelle qu'à bon et juste titre me- » ritent ceux , lesquels oublians et leurs parens » et leur patrie , ont osé entreprendre chose de » telle importance : lesquels les roys mesmes » cognoissans serviteurs tendans à si haut degré j) de magnanimité et augmentation de leurs ma- » gestez , ne desdaignent si bien les remarquer, » que par après les employans à choses graves et » de haute entreprise , ils immortalisent leur nom » à jamais. Je vous prie toutesfois ne vous per- » suader, comme plusieurs font , que tel heur ne » vous pourroit advenir, comme n'estans cognus » ny du Roy, ni des princes du royAme , et ex- » traits au reste de race si petite que nul ou peu » de vos parens, n'ay ans jamais fait profession » des armes, n'ont esté cognus des grands. Car j> jaçoit que de mes jeunes ans j'aye moy-mesme » appliqué tout mon entendement à les suyvre, et » qu'en tant de périls j'aye hazardé ma vie pour » le service de mon prince , je n'y ay pourtant » jamais peu parvenir, non que je ne méritasse ce » titre et degré de commandement, comme j'ay » veu advenir à beaucoup d'autres, pour seule-
34 Histoire » ment avoir esté extraits de race généreuse, lors- » que Ton a eu plustost regard à leur qualité » qu'à leur vertu. Car je n'ignore point que si » Ton y eust eu esgard , que plusieurs se fussent » trouvez mériter mieux le tiltre, et à bon et » juste droict estre nommez nobles et vertueux. » Je feray doncques suffisantes responses à telles » propositions , et à ces choses que me pourriez » objecter, mettant en avant les infinis exemples » que nous avons des Romains : lesquels pour le » poinct d'honneur ont esté les premiers triom- » phateurs du monde. Car combien en trouvons-: » nous entr'eux , lesquels pour leurs tant grandes » et magnanimes entreprises , non pour la gran- » deur de leur race, ont acquis ce poinct de triom- » pher? S'il faut avoir recours à leurs ancestres > » on trouvera que leurs pères estoient d estât si » vil, que jftr le seul labeur de leurs mains ils vi- » voient assez méchaniquement. Comme le père » d'JSlie Pertinax , lequel estoit pauvre artisant , » même son ayeul avoit esté esclave, à ce que » tesmoignent les historiographes : et nonobstant » ces choses, meu d'un magnanime courage, ne » meit rien en doute pour tout cela, ains désirant » aspirer à choses plus hautes, il commença d'une » gayeté de cœur à prendre les armes , et feit si » bien par icelles, que de degré en degré il par- » vint jusques à estre empereur des Romains*
de *a Floride. 35
» Pour ceste dignité il ne voulut mépriser ses pa- » rens : mais à l'opposite et pour mémorable » spectacle d'iceux , fit recouvrir la boutique de » son père d'un marbre bien élabouré , afin de » servir d'exemple aux Hommes extraits de basses » et infimes races, et leur donner occasion de ten- » dre à choses plus hautes, nonobstant la petitesse » de leurs prédécesseurs. Je ne tairay l'excellence » et vertu du vaillant et redouté Àgatocle, extrait » d'un simple potier, et toutefois oubliant le con- » temptible estât de son père , il sceut si bien de » ses jeunes ans se ranger à la vertu , que par la » faveur des armes il parvint jusques à estre roy » de Sicile. Et pour ce tiltre, il ne se voulut taire » estre fils d'un potier : mais pour éterniser da- » vantage la mémoire de ses parens , et illustrer » son nom, il commanda qu'il fust servi à table » de vases d'or et d'argent, et d'autres vaisseaux » de terre : monstrant bien par cela,, que la di- » gnité, en laquelle il se voyoit pour lors , ne luy » estoit acquise par ses prédécesseurs, mais par la » seule vertu. S'il faut parler de nostre temps, je amettray en avant seulement Rusten Bascha, » suffisant exemplaire à tous, lequel nonobstant » qu'il fust fils d'un pauvre vacher, sçut si bien » conduire sa jeunesse • en toute vertu, qu'estant » nourry au service du Grand Seigneur, faisoit » paroistre aspirer à choses grayes et hautes :
36 Histoire
» de sorte que croissant en aage il augmenta en » magnanimité, tant qu'enfin pour ses excellentes » vertus il espouza la fille dudit Grand Seigneur » son prince. De combien donc tant d'exemples » mémorables vous doivent-ils inciter de demeu- » rer, attendu mesme que par cela vous serez à » jamais remarquez, comme ceux qui les premiers )> auront habité ceste terre es tr an gère. Je vous » supplie doncques tous d'y adviser, et librement » me déclarer vos volontez : protestant si bien » imprimer vos noms aux oreilles du roy et des » princes , que vostre renommée à l'advenir re- » luira inextinguible par le meilleu de nostre » France. »
A peine eut-il achevé son propos que la plupart des soldats respondit qu'un plus grand heur ne leur pouvoit advenir, cognoissans bien l'agréable service que par ce moyen ils faisoient a leur prince ; mesme que telle chose seroit l'augmentation de tout l'honneur. Supplians le capitaine, avant que partir de ce lieu, leur bastir un fort, qu'ils esperoient puis après achever, et leur laisser munitions nécessaires pour leur défense, se
MM
tarder k ce faire.
Pour ceste cause Jean Ribaut, joyeux au possible de veoir hommes de si bonne volonté, délibéra le lendemain recognoistre un lieu le plus digne et
de la Floride. 37
commode d'estre habité. Parquoy il s'embarqua de grand matin et commanda d'estre suivy de ceux qui avoient envie d'y habiter, à celle fin qu'ils demeurassent plus contens de la place. Ayant navigué dans la grande rivière du costé du septentrion, en costoyant une isle qui finist en pointe vers l'emboucheure de la rivière, et ayant quelque temps single , il descouvrit une petite rivière qui entroit par le dedans de Tisle , laquelle il ne voulut faillir de reçognoistre ; ce faisant, et la trouvant assez profonde pour y retirer gallères et galliottes en assez bon nombre, poursuivant plus avant, il trouva un lieu fort explané , joignant le bord d'icelle , auquel il descendit , et voyant la place commode pour y bas tir forteresse , mesme agréable à ceux qui avoient envie d'y habiter, résolut incontinent de faire mesurer la grandeur de la fortification. Et considérant qu'ils n'y demeureroient sinon vingt-huict , il ne feit donner au fort que seize toises de longueur et treize de largeur, flanqué selon la proportion d'iceluy. La mesure prise par moy et le capitaine Salles, on envoya vers les vaisseaux pour avoir des hommes, et apporter des paisles, pics et autres instrumens nécessaires pour fortifier : on s'y porta si diligemment que le fort en peu de temps estoit aucunement en defïence; pendant lequel temps Jean Ribaut fit apporter des vivres et munitions
38 Histoire
de guerre pour la tuition de la place. Puis les ayans accommodez de tout ce qui leur estoit besoin, résolut prendre congé d'eux. Mais ayant que partir, tint propos au capitaine Albert, qu'il laissoit comme chef en ce lieu : « Capitaine Albert , » j'ay à vous prier en la présence de tous, que » vous ayez à vous acquiter si sagement de vostre » devoir,' et si modestement gouverner la petite » troupe que je vous laisse, laquelle de si grande » gayeté demeure souz vostre obéissance, que ja- » mais je n'aye occasion que de vous louer, et ne » taire, comme j'en ay bonne envie, devant le » Roy, le fidelle service qu'en la présence de nous » tous luy promettez faire en sa Nouvelle-France. » Et vous, compagnons, dit-il aux soldats, je » vous supplie aussi recognoistre le capitaine » Albert, comme si c'estoit moy-mesme qui de- » meurast, luy rendans obéissance que le vray » soldat doit foire à son cbef et capitaine, vivans » en fraternité les uns avec les autres sans au- » cune dissension, et ce faisant Dieu vous assis- » tera et bénira vos entreprises. » Ayant finy son propos, nous prismes congé de tous, et navigeasmes vers nos vaisseaux, laissans au fort le nom de Charles fort , et à là petite rivière celuy de Ckenonceau.
Satisfaits au possible d'avoir si heureusement exécuté nos entreprisés, nous deliberasmes le
de la Floride. 39
lendemain sortir de ce lieu, esperans bien, si l'occasion le pouvoit souffrir, descouvrir au certain la rivière de Jourdan. Pour ceste cause haussasmes les voilles sur les dix heures du matin, puis estans appareillez, le capitaine Ribaut commanda tirer canonnades pour dire adieu à nos François, qui de leur part ne s'oublièrent à le nous rendre ; ce fait, nous poursuyvismes le septentrion, et fut lors la rivière nommée pour sa grandeur et beauté excellente, Port-Royal. Esloignez d'iceUe environ quinze lieues, nous vismes une rivière qui fut occasion d'y envoyer la barque, afin de la recognoistre. LaqueÙe de retour, nous récita n'a-
lîll
demi brasse d'eau. Ce qu'entendu, sans en faire autre cas, nous continuasmes la route, et luy donnasmes le nom de Rivière basse. Sondans à chacune heure, nous ne trouvions sinon cinq et six brasses d'eau, jaçoit que nous fussions distans de terre six grandes lieues : enfin nous n'en trouvasmes sinon trois , ce qui nous donna beaucoup à penser. Et sans plus poursuyvir le chemin, mismes les voilles bas, en partie pour le peu d'eau, en partie aussi pour la nuict qui approchoit, pendant laquelle le capitaine Jean Ribaut discourût en luy-mesme s'il devoit passer plus outre, à cause des périls éminens qu'à chacune minute d'heure nous voyons devant nos yeux ; ou bien
4o Histoire s'il se devoit contenter de ce qu'il avoit au certain recognu , mesme laissé François, qui ja possedoient la terre. Ne pouvant résouldre de sa délibération remit le tout au lendemain. Puis le jour venu, il proposa à tous de ce qui estoit besoin de faire, afin qu'un chacun en saine conscience en dist son opinion. Les uns luy firent responce que selon leur jugement il avoit occasion de se contenter, veu qu'il ne pouvoit faire davantage , luy remettant devant les yeux qu'il avoit recognu en six sepmaines plus que les Espagnols n avoient fait en deux ans, es conquestes de leur Nouvelle- Espagne, et que ce seroit un grandissime service qu'il feroit au Roy, s'il luy portoit nouvelles en si peu de temps de son heureuse descouverte. Aucuns luy proposèrent la perte et degast de ses vivres, et d'autre part l'inconvénient qui pourroit advenir pour le peu d'eau qui se trouvoit de jour en jour le long de la coste : ce que bien et au long débattu, fut résolu quitter icelle, laissans lors le septentrion , pour nous arrouter & la part orientale , qui est le vray sentier et cours de nostre France, en laquelle heureusement nous arrivasmes le vingtiesme jour de juillet mil cinq cens soixante-deux.
Nos François, après nostre départ, ne se donnèrent aucun repos, ains jour et nuict se fortifièrent , esperans bien qu'après que leur fort seroit
de la Floride. 4t
achevé, ils. commenceraient à descouvrir plus au dedans de la rivière. Il advint un jour ainsi qu'aucuns d'entr'eux couppoient des racines par les taillis, ils apperceurent à l'improviste un Indien, lequel chassoit aux bestes fauves, et lequel se Toyant si près d'eux se trouva fort estonné. Mais les François commencèrent à l'approcher et le caresser si humainement, qu'il s'asseura et les suivit à Charlesfort , où chacun s'efforça de le gratifier. Le capitaine Albert fut fort joyeux de sa venue r lequel après luy avoir donné une chemise et autres petits joyaux , il l'interrogea de sa demeure. L'Indien luy respondit qu'elle estoit plus dedans la rivière, et qu'il estoit vassal du roy Audusta : mesme il luy monstra avec sa main les limites de son habitation. Après plusieurs autres propos , f l'Indien supplia son congé , pour autant que la nuict estoit prochaine , ce que le capitaine Albert lui accorda très volontiers.
Quelques jours après, le capitaine résolut naviger vers Audusta, là où estant arrivé, à raison de llionneste traictement qu'il avoit fait à l'Indien , il fut si humainement receu , que le Roy ne luy tint autre propos que de l'envie qu'il avoit de t luy estre amy pour l'advenir , luy faisant au reste entendre que luy estant allié il auroit quatre autres roys à son amitié , lesquels en puissance et authorité pouvoient beaucoup en son endroit :
42 Histoire
outre tout cela, à sa nécessité avoient moyen de. les secourir de vivres; l'un de ces roys se nommoit Mayon, l'autre Hoya, l'autre Touppa, et l'autre S ta la me. Il luy dit davantage qu'ils seroient fort joyeux lorsqu'ils entendroient parler de sa venue, que pour ceste cause il le supplioit de les aller veoir. Le capitaine volontairement s'y accorda , pour le désir qu'il avoit d'acquérir amys en ce lieu. Parquoy ils partirent le lendemain de grand matin, et arrivèrent premièrement en la maison du roy Touppa, poursuyvant en après vers la maison des autres roys, excepté celle du roy Stalame. Il receut d'un chacun d'eux toutes les amiables caresses du monde, se monstrèrent ses amys affectionnez tant que rien plus, et luy feirent mil petits présens. Après qu'il eut par l'espace de quelques jours demeuré avec ces roys estrangers , il délibéra prendre congé , puis estant arrivé en la maison d'Audusta, il commanda à un chacun de se rembarquer ; car il avoit résolu de tirer vers les terres de Stalame , lequel fait son habitation vers la partie septentrionale , à la distance de Gharlesfort de quinze grandes lieues. Navigeans donc par la rivière , ils entrèrent dedans un grand courant d'eau, lequel ils suivirent tant qu'ils arrivèrent en la demeure de Stalame, lequel les mena en sa maison, la où il s'efforça de leur faire la meilleure chère dont il se peut ad-
de la Floride. 43
îiser. Il présenta à l'instant au capitaine Albert son arc et ses flesches, qui est un signal et confirmation d'alliance qu'ils ont entr'eux : il luy présenta aussi des peaux de chamois. Le capitaine yoyant que desja la pluspart du jour estoit passée, print congé du roy Stalame pour retourner yers Charlesfort, où il arriva le lendemain. L'amitié estoit ja si grande entre nos François et le roy Audusta , que presque entre luy et eux estaient les biens communs : de sorte que ce bon roy indien ne faisoit rien de singulier, qu'il n'y apçelast les nostres. Car sur ce que le temps estoit proche de célébrer leurs festes de Toya, cérémonies estranges à reciter, il envoya des embassadeurs vers les François pour les supplier de sa prt d'y assister, ce qu'ils accordèrent très volontiers, par l'envie qu'ils aîvoient de sçavoir que c'estoit. Ils s'embarquèrent donc et navigèrent vers la demeure du roy, lequel s'estoit desja acheté au devant d'eux pour les recevoir humainement, les caresser et conduire en sa maison, où il s'efforça de les traicter le mieux qu'il peut.
Cependant les Indiens se préparoient pour célébrer la feste le lendemain , où le roy les mena pour veoir la place, en laquelle la feste se devoir faire , là où ils virent plusieurs femmes à l'enviftn, lesquels s'efforçoient par tous moyens rendre fc lieu pur et net. Ce Keu estoit un grand circuit
44 Histoire
de terre bien explané en ronde figure. Le lendemain doncques du grand matin, tous ceux qui estoient déléguez pour célébrer la feste, estans peints et emplumez de plusieurs et diverses couleurs, s'acheminèrent, au partir de la maison du roy, vers le lieu du Toya. Là où estans arrivez, ils se rangèrent en ordonnance, et suivirent trois Indiens, lesquels en peintures et façon de faire estoient difierens aux autres. Chacun d'eux portoit un tabourasse en son poing, lorsqu'ils commencèrent à entrer au meilleu du rond, dançans et chantans lamentablement , estans suyvis des autres qui leur respondoient. Après qu'ils eurent chanté , dancé et tournoyé par trois fois , ils se prindrent à courir, comme chevaux débridez, par le meilleu des plus espesses forests. Et les femmes indiennes continuèrent tout le reste du jour en pleurs si tristes et lamentables que rien plus, et en telle furie elles empoignèrent les bras des jeunes filles, lesquelles elles incisèrent cruellement, avec des escailles de moulles bien aiguës, si bien que le sang en découloit, lequel elles espargeoient en Pair, s'escriant : he Toya, par trois fois. Le roy Àudusta avoit retiré tous nos François en sa maison, durant qu'on faisoitla feste, etestoit marry au possible quand il les voyoitrire. Il avoit fait cela pour autant que les Indiens se courroucent fort lorsque l'on les aperçoit en leurs cérémo-
de la Floride. 45
nies.Toutefoisl'undenos François feit tant, que par subtils moyens il sortist hors la maison d'Audusta, et secrettement s'alla cacher derrière un fort buisson , là où h son plaisir il peut aisément recognoistre les cérémonies de la feste. Les trois qui commencèrent la feste sont nommez joanas, et sont comme les prestres ou sacrificateurs de la loy indienne, ausquels ils adjoustent foy et créance en partie, pourautant que de race ils sont ordonnez aux sacrifices , et en partie aussi pourautant qu'ils sont si subtils magiciens, que toute chose esgarée est incontinent recouverte par leur moyen. Or, sont-ils seulement révérez pour ces choses, mais aussi si pourautant que, par je ne sçay quelle science et cognoissance qu'ils ont des herbes, ils guarissent les maladies. Ceux qui s'en estaient ainsi fuis parmy les bois retournèrent deux jours après, puis estans arrivez, ils commencèrent à dancer d'une gayeté de courage tout au beau meilleu de la place , et à resjouyr leurs bons pères indiens; lesquels pour l'antiquité trop grande, ou bien pour leur naturelle indisposition, ne sont appeliez à la feste. Toutes ces dances mises afin, ils se mirent à manger d'une avidité si grande, qu'ils sembloient dévorer plustost la viande que la manger. Car le jour de la feste ny les deux jours ensuyvans, ils n'avoient beu ny mangé. Nos François ne furent oubliez à ces bonnes chères;
46 Histoire
car les Indiens les furent tous quérir, se monstrans grandement heureux de leurs présences, Ayans demeuré quelque espace de temps avec les Indiens, un François gaigna par presens un jeune garçon , et s'enquist de luy de ce que les Indiens avoient fait dedans le bois pendant leur absence, lequel luy donna à entendre par signes que les joanas avoient fait des invocations à Toya, et qu'ils l'avoient par charactères magiques fait venir pour parler à luy et luy demander plusieurs choses estranges , que pour la crainte des joanas il n'osoit déclarer. Ils ont encore plusieurs autres cérémonies que je ne veux icy recompter, crainte d'ennuyer les lecteurs en chose de si petite conséquence. " '
Quand doncques la feste fut achevée, nos François retournèrent à Charlesfort, là où après avoir demouré quelque temps, leurs vivres commencèrent à diminuer, ce qui les contraignit avoir recours à leurs voisins, et le; supplier de les secourir en tel besoin et nécessité , lesquels leur feirent part de tous les vivres qu'ils avoient , et n'en reteindrent sinon autant qu'ils en avoient affaire pour ensemencer les terres. Us les advertirent que pour ceste cause il leur conviendront se retirer par les bois, pour vivre de gland et racines , jusques au temps de la moisson , marris au possible de ce qu'ils ne les pouvoient ayder davan-
de la Floride. 47
tage. Ils les conseillèrent d'aller vers les terres du roy Covecxis, puissant et redouté en ceste province, lequel fait son habitation vers la part méridionale, abondante en toutes saisons , et pleine de telle quantité de mil , farines et febves , que par son seul secours ils pourroient avoir des vivres pour un fort long temps. Mais auparavant qu'arriver en ces terres , il falloit qu'ils s'adressassent à un roy nommé Ouadé, frère de Covecxis, lequel en mil, febves et farines n'est moins guères opulent, et est fort libéral au reste, et lequel sera grandement joyeux s'il les peut une fois veoir. Nos François voyans le bon récit que les Indiens leur faisoient de ces deux roys, se résolurent d'y aller; car ils sentoient desja la nécessité qui les pressoit. Ils supplièrent doncques au roy Maccou qu'il lui plust leur donner quelqu'un de ses subjects pour les guider le droit chemin, ce qu'il leur accorda très volontiers , cognoissant que sans sa faveur à peine pourroient-ils parvenir à l'effet de leur entreprise.
Après doncques avoir donné ordre à toutes choses nécessaires pour le voyage, ils se mirent en nier et navigèrent tant, qu'en fin ils parvinrent en la terre d'Ouadé, lequel ils trouvèrent en la rivière Belle. Là estans arrivez, ils apperceurent toe troupe d'Indiens, lesquels aussi tost qu'ils eurent cognoissance d'eux, vindrent au-devant.
48 Histoire
Ainsi qu'ils approchoient, leurs guides leur firent signe qu'Ouadé estoit en ceste troupe, parquoy nos François s'advancèrent pour le saluer. Et lors deux de ses enfans qui l'accompagnoient , hommes beaux et puissans , leur sceurent bien rendre leur salut, et usèrent en leur endroit de fort amiables caresses. Le roy à l'instant va discourir en son langage indien le grand plaisir et contentement qu'il avoit de les voir en ce lieu , protestant de leur estre si loyal amy à l'advenir, que contre tous ceux qui leur voudraient estre ennemis il leur seroit fidèle défenseur. Pendant ces propos il les conduisit vers sa maison, où il s'essaya de les traitter humainement. Sa maison estoit tapissée de plumasserie de diverses couleurs, de la hauteur d'une pique : au surplus le lieu où le roy prenoit son repos estoit couvert de blanches couvertures tissues en compartimens d'ingénieux artifice , et frangez tout à l'entour d'une frange teinte en couleur d'escarlatte. Là ils feirent entendre au roy par l'un des guides qu'ils avoient mené, comme ils s'estoient mis en mer pour le venir supplier (ayans ouy parler de sa grande libéralité) de les secourir en vivres à leur très grand besoin et nécessité, et que ce faisant il les obligeroit à l'adve- j nir de luy demeurer tous fidèles amys et loyaux défenseurs contre tousses ennemis. Ce bon Indien prest aussitost à leur faire plaisir, comme ils l'a-
de la Floride. ^9
voient requis, commanda à ses subjects qu'ils eussent à charger la barque de mil et de febves. Puis il fit apporter six pièces de ses tapisseries faictes comme petites couvertures, et les présenta aux François de si libérale volonté , qu aisément il leur donnoit à cognoistre l'envie qu^l avoit de leur demeurer amy. En recompence de tous ces dons, les François lui présentèrent deux serpes et quelques autres marchandises, dont il se tint pour grandement satisfait. Ce fait, nos François prindrent congé du roy, lequel pour adieu ne leur partait sinon de retourner, si les vivres leur manquoient, et qu'ils s'asseurassent tant de luy, que jamais ils n'auroient faute de ce qui seroit en sa puissance. Ils s'embarquèrent doneques et navigèrent vers Charlesfort, qui peut-estreestoit distant de ce lieu vingt-cinq lieues.
Mais ainsi que nos François pensoient estre à leur aise, et eschappez des dangers ausquels ils s estoienl exposez jour et nuict pour amasser vivres cà et là, voicy, conlme ils dormoient, le feu se prit en leurs maisons d'une telle aspreté, estant augmenté par le vent qu'il faisoit, que la grande maison , laquelle avant partir leur avoit estébastie, fut à l'instant toute consommée, sans pouvoir avoir moyen de sauver que bien peu de leurs munitions. Pour ceste cause, nos François, esloignez de tout secours , se trouvèrent en telle
5o Histoire
extrémité, que sans laide du grand Dieu , seul scrutateur des cœurs et des pensées humaines, qui jamais ne s'esloigne des affligez qui le requièrent, ils estoient au bout de tout espoir. Car le lendemain au plus matin le roy Audusta et le roy Maccou arrivèrent, accompagnez de fort bon nombre d'Indiens, lesquels cognoissans l'infortune, furent grandement marris , et proposèrent lors à tous leurs subjets la briefve diligence dont il convenoit user à bastir une autre maison, leur monstrant que les François leur estoient affectionnez amys, et qu'ils leur avoient fait paroistre par les dons et présens qu'ils en avoient reeeuz , protestant que celuy qui de tout son pouvoir n'y tiendroit la main, seroit tenu comme inutile et comme n'ayant rien de bon en luy (ce que ces Barbares craignent entre toutes autres choses)* Cela fat cause qu'un chacun commença à s'esvertuer, de telle sorte qu'en moins de douze heures ils eurent rendu une maison faite et parfaite , laquelle n'estoit guères moins grande que la première. Ce que ayant esté exécuté, ils s'en retournèrent chez eux , satisfaits au possible de quelques serpes et haches qu'ils receurent de nos hommes.
Quelque temps après ceste infortune, les vivres commencèrent à diminuer, et après que nos François eurent assez délibéré, pensé et repensé, ils trouvèrent qu'il n'y avoit point meilleur cxpé-
i>e la Floride. 5i
dient que de retourner vers le roy Ouadé et Covecxis son frère ; parquoy ils résolurent d'y envoyer le lendemain quelques uns d'entr'eux, lesquels avec l'almadie indienne navigèrent par dedans les terres environ dix lieues ; puis ils trouvèrent une fort belle et grande rivière d'eau douce, laquelle ils ne voulurent faillir de recognoistre : ilsy descouyrirent un grand nombre de crocodils, lesquels surpassoient en grandeur ceux du fleuve du Nil; elle est au reste environnée le long des rivages de hauts ciprez. Après qu'ils eurent quelque peu demeurez en ce lieu , ils délibérèrent poursuivir leur dessein, s'aidans des marées si bien à propos, que sans s'estre bazardez aux continuels périls de la mer, ils arrivèrent aux terres d'Ouadé, duquel ils furent très amiablement receuz. Ils luy feirent entendre l'occasion pour laquelle ils le retournoient veoir, et luy déclarèrent l'infortune qui leur estoit advenue depuis leur dernier voyage : comment ils avoient perdu non seulement leurs meubles domestiques par la fortune du feu, mais aussi les vivres , lesquels il leur avoit si libéralement donnez, que pour ceste cause ils avoient pris la hardiesse de revenir vers luy de rechef, pour le supplier qu'il lui plust les secourir en tel besoin et nécessité. Après que le roy les eut entenduz, il despecha des embassades vers son frère Govecxis, pour de sa part le prier luy envoyer du mil et des
52 Histoire
febves, ce qu'il fit , et dès le lendemain de grand matin ils furent de retour, avec les vivres que le roy fit porter dedans l'almadie. Nos François se sentans plus que satisfaits de ceste libéralité, voulurent prendre congé de luy. Mais pour ce jour il ne le voulut permettre, ains les retint et s'essaya de leur faire la meilleure chère dont il se peut adviser. Le lendemain du grand matin, il les mena veoir le lieu , et leur dit qu'ils n'endurassent nécessité, pendant que tout ce mil leur dureroit , puis leur présenta quelque nombre de perles belles au possible, mesme deux pierres de fin christal et de la mine d'argent. En récompense de ces dons, nos François ne s'oublièrent de luy donner quelques joyaux , et l'interrogèrent du lieu d'où venoit la mine et le cbristal : il leur fit réponce qu'il venoit de dedans les terres à dix grandes journées de sa demeure, et que les babitans du lieu le fouissoient au pied des hautes montaignes, la où ils en trouvoient en assez bonne quantité. Joyeux d'entendre si bonnes nouvelles, mesme d'avoir recognu ce que plus ils desiroient , ils prindrent congé du roy, et retournèrent par la mesme route par laquelle ils estoient venus.
Voilà donc comment nos François se comportèrent assez bien jusques à ceste heure, encores qu'ils eussent eu assez d'infortunes . Mais le malheur voulut, ou plustost le juste jugement de Dieu, que
de la Floride. 53 ceux, lesquels n'avoient peu estre domptez parles eaux et par le feu, le fassent par eux mesmes. C'est l'ordinaire des hommes, lesquels ne peuvent demeurer en un estât, et ayment mieux se ruiner que n'attenter tousjours quelque chose de nouveau.
anciennes, principalement es romaines , au nombre desquelles ceste petite poignée d'hommes esloignez de leurs païs, et abandonnez de leurs citoyens, ont encore adjousté ceste cy.
Us entrèrent doncques en partialitez et disscn-
Allllll
tions, qui prindreiit leur origine d'un soldat m Guernache, qui a esté connu tabourin aux compaignies françoises, lequel, à ce qui m'a esté récité, fut assez cruellement pendu par son propre capitaine et pour assez maigre occasion, lequel capitaine usant encore de menaces envers les soldats françois qui estoient demourez pour luy obéyr, et qui paravanture , comme il est à présumer , ne luy obeissoient, fut cause qu'ils se mutinèrent, d'autant que le plus souvent il mettoit ses menaces à exécution, dont ils le pourchassèrent tellement, qu'enfin ils le firent mourir. 'Et qui leur en donna la principale occasion fat le dégradement d'armes qu'il fit à un autre soldat, nommé Lachèré, qu'il avoit envoyé en exil, et pour luy avoir failly de promesses, car il luy devoit envoyer des vivres de huict jours en huict jours , ce qu'il ne faisoit t
Di
54 Histoire
mais au contraire il disoit qu'il seroit joyeux d' tendre sa mort. Il disoit davantage qu'il en youloit chastier encor d'autres , et usoit de langage si mal sonnant, que llionnesteté me deffend le reciter. Les soldats qui voyoient ces innés s'augmenter de jour en jour, et craignans de tomber aux dangers des premiers, résolurent de le faire mourir. Leur dessein exécuté, ils retournèrent quérir le soldat exilé, qui estait en une petite isle distante de Charlesfort de trois lieues, là ou ils le trouvèrent à demy mort de faim. Or estans de retour ils s'assemblèrent tous, pour eslire un chef sur eux, qui se nommoit le capitaine Nicollas Barré, homme digne de commandement ; et lequel se sceut si bien acquiter de sa charge, que toute rancune et dissention cessa entr'eux, et vesquirent paisibles les uns avec les autres.
Cependant, ils commencèrent à bastir un petit
s'il ne leur venoit secours, comme ils attendoient de jour en jour. Et encores qu'il n'y eust homme entre eux qui encores entendist l'art, toutesfois la nécessité qui apprend toutes choses leur en monstra les moyens. Après qu'il fut achevé ils ne pensèrent plus sinon à l'équiper de tout ce qui estoit nécessaire pour entreprendre leur navigation. Toutesfois les choses les plus principales leur dé>-
de la Floride. 55
faill oient, comme les cordages, les voiles, sans les* quels l'entreprise ne pouyoit sortir effect. N'ayant aucuns moyens d'en recouvrer, ils furent plus
en un malheureux désespoir. Toutesfois ce bon Dieu qui jamais ne laisse les affligez, les secourut en ce besoin. Gomme ils estoient en telles perplexitez, le roi Àudusta etMaccou arrivèrent, accompagnez de deux cents Indiens au devant desquels nos François s'acheminèrent, et feirent entendre au roy la nécessité qu'ils avoient de cordages, lesquels leur promirent de retourner dans deux jours et en apporter en si bonne quantité, que le nombre suffirait pour armer le bergantin. Contens de si
bonnes nouvelles et promesses, ils leur donnèrent quelques serpes et chemises. Après qu'ils furent partis, nos François cherchèrent tous les moyens de trouver de la résine par les bois* là où ils incisoient les pins de tous costés , desquels' ils en assez raisonnablement pour brayer le vais-
seau. Ils feirent amas aussi d'une espèce de mousse, laquelle croist aux arbres de ce p$ï$, afin de s'en servir pour le calage ou calfeutrage. Il ne restoit plus que les voilles , lesquelles ils feirent de leurs propres chemises, et des draps des licts. Quelques jours après, les roys indiens retournèrent à Charlesfort avec si bon nombre de cordage qu'il s'en trouva suffisamment pour funer le petit navire.
Nos François, joyeux au possible, usèrent de largesse envers eux, et leur mirent à l'abandon tout ce qui leur restoit de marchandises , les rendans par cela si heureusement satisfaits, qu'avec tous les contentemens du monde, ainsi ils se séparèrent d'avec eux. Ils continuèrent doncques à parfaire le bergantin et usèrent de si bricive diligence que peu de temps après ils le rendirent prest de toutes choses. Pendant le vent survint si à propos, qu'il sembloit qu'il les invitast de se mettre en mer, ce qu'ils ne différèrent, après avoir donné ordre à toutes leurs entreprises . Mais auparavant que partir, ils embarquèrent l'artillerie, la forge, et les autres munitions de guerre, que le capitaine Ribaut leur avoit laissées, conséquemment , le plus qu'ils peuretit recouvrer dé mil. Mais enyvrez de la trop excessive joye qu'ils avoient de retourner' en France^ ou bien privez de toute providence et considération, sans avoir esgard aux vents incons tans, et à un moment muable, ils se mirent en mer* et avec si maigres victuailles, que la fin de leur des* sein se trouva malheureuse et désespérée. Après doncques qu'ils euretot 'navigué lé tiers de leur chemin, ils furent sùrpris dé calmes 1 si ennuyeux qu'en trois sépmainësf ils rie 1 * -advancèrent pas. de : vingt-cinq Ueues. Pendàœt ce .temps, les vivres; se diiieuntièrént, et Vindïent à l tdle petitesse, iqu'ils 1 filant contraints né manger que chacun doue
de la Floride. 5y
grains de mil par jour, qui sont peut estre en va* leur douze poix. Encores tel heur ne leur dura que bien peu, car tout à coup les vivres défailli-» rant, et n'eurent pour plus asseuré recours que les souliers et les colets qu'ils mangèrent. Quant au boire, les uns usoient de l'eau de la mer, les autres de leur propre urine, et demourèrent en telle désespérée nécessité l'espace d'un fort long temps, durant lequel une partie mourut de faim. Outre l'extrême famine qui de si près les accompagnent, ils tomboient à chaque minute d'heure hors l'espérance de jamais revoir la France ; pour autant qu'ils étoient contrains jetter continuellement l'eau qui de toutes parts entit>it en leur vaisseau. Et tomboient tousjours de pis en pis, car après qu'ils eurent dévoré leurs souliers et colets il vint à surgir un vent si impétueux et contraire k leur route, qu'en moins de rien les vagues remplirent leur vaisseau à demy d'eau, et le brisèrent à l'un des costez. Désespérez plus que jamais de pouvoir sortir de si extrême péril, ils ne feirent aucun compte de jeter l'eau qui jà les submergeoit. Et comme résolus de mourir, chacun se laissoit tomber en arrière, et s'abandonnèrent du tout à la volonté des vagues. Quant l'un d'entr'eux eust un peu repris ses esprits leur mit en avant le peu de chemin qu'il leur restoit , les asseurànt qu'avant trois jours (si le vent continuoit) ils verroient terre.
58 Histoire
Ce personnage les encouragea tellement, qu'après avoir jette l'eau du bergantin , ils demeurèrent trois jours sans manger ne boire , réservé de la mer. Le temps de sa promesse estant expiré, ils devindrent plus faschez qu'auparavant, ne voyans aucune terre. Parquoy en ce dernier desespoir quelques uns d'efttr'eux proposèrent qu'il estoit plus expédient qu'un Seul mourut que tant de gens périssent ; ils attestèrent doncques que Tun mourroit pour substanter les autres. Ce qui fut exécuté en la personne de Lachère, duquel nous avons parlé cy-devant, la chair duquel fut partie également à ses compagnons, chose si pitoyable à réciter, que ma plume mesme difere de Tescrire* Après si long temps et ennuyeux travaux, le bon Dieu usant de son accoustumée faveur, leur changea la tristesse en une joye, et leur fit paroistre la terre, dont ils furent si excessivement resjouys, et que le plaisir les fit demourer long temps comme gens incerïsez ; dont ils laissèrent le bergantin errer çà et là sans tenir sentier ne route. Mais une petite roberge anglesqùe aborda le vaisseau , en laquelle il y avoit un François, lequel avoit esté au voyage précédent en la Nouvelle France, et lequel aisément les recognut, et parla à eux, puis leur fit donner à manger et boire. Incontinent ils reprindrent leurs naturels esprits, et luy discoururent au long toute leur navigation. Les Anglois
( de la Floride. 5g
consultèrent long temps de ce qu'ils dévoient faire, et en la fin ils résolurent de mettre les plus débiles en terre, et mener le reste devers la royne d'Angleterre, qui lors estoit sur le propos d'envoyer en la Nouvelle France.
t Voilà en bref ce qui advint à ceux que le capitaine Jean Ribaut avoit laissez en la Nouvelle France. Maintenant je poursuy vray mon propos. À nostre arrivée à Diepe , qui fat le vingtiesme juillet mil cimq cens soixante deux , nous trou- Tasmes les guerres civilles, lesquelles furent cause en partie que les François ne furent secouruz , ainsi que le capitaine Jean Ribaut leur avoit promis : dont s'en est ensuivy que le capitaine Albert a esté tué par ses gens, et le païs abandonné, ainsi que par cy devant nous avons assez discouru , et <pe l'on pourra entendre plus amplement par ceux qui y ont esté présens.