CHAPITRE XL
Comment les deux champions entrèrent la tierce fois dedans les lices sollennellement.
L'acteur encores. — Et premier les tabourins, et après les sommiers, et son harnois couvert, comme dit est, et mené par varletz ; et après ses sommiers, ses deux armuriers à pié, et après eux ses quatre menas-
l8o LE PETIT JEHAN DE SAINTRÉ
triers, deux à deux. Après venoient les poursuyvans, et puis les heraulx des seigneurs du pays ; tous heraulx et poursuyvans portans les coctes d'armes en la façon qu'ilz les dévoient porter. Et après les heraulx, venoient les chevaliers et escuyers françois de sa compaignie, tous vestuz pareilz, et après eulx venoient les rois d'armes et heraulx du roy, per à per à ceulx de France et à leur basse main. Et après les heraulx, venoient ses trompettes et clarons, et puis ceulx du roy. Et après les trompettes du roy, venoit le conte de Prades qui, sur un très puissant coursier, portoit sa hache devant. Et, aux deux costez du conte, alloient don Bernard de Cardonne et don Federich de Lune. Et après eulx venoit Saintré, tout desarmé, excepté de ses avans bras, de son harnois de jambes et de ses solleretz, sur son très bel et puissant destrier qui, sur son chief, portoit ung très bel chappel, où estoient trois belles plumes, en façon d'ostrusse, faictes de très riches broderies, vernées de petis dyamans, rubis ballais et aultres piereries, naissans d'ung très bel et riche afficquet, où estoit ung très gros dyamant environné de trois gros ballais et de trois très grosses perles. Luy et son destrier housses d'ung satin cramoysi, tous couverts de branlans d'argent, esmaillez de blanc à trois lambeaulx de fin or, qui estoient ses armes ; et en sa dextre main
LE PETIT JEHAN DE SAINTRÉ l8l
portoit sa baneroUe, où nostre Dame et son enfFant estoient, de laquelle de pas en pas il se seignoit. Et après luy, venoient ses paiges montés sur beaulx destriers couvers de riches paremens. Et après eulx, venoient, per à per, ledit messire Arnault de Pareilles et messire François de Moncade ; et après, tous les chevaliers et escuyers que le roy y avoit envoyez pour le convoyer. Et en cest estât il vint en sa tente descendre, qui assez près des portes des lices estoit vers son cousté. Et illecques fut armé de toutes ses armes, excepté du chief. Et quant messire Enguerrant fut semblablement venu, en sa tente descendit. Lors le roy commanda à son roy d'armes faire appel ; alors Saintré, acompaigné de ses seigneurs et aultres, ses conseilliers, vint à la porte des lices, tout à pié ; et illecques estoit le mareschal du roy, qui lui demanda qui il estoit, et qu'il venoit là faire ? Auquel humblement en soubzriant il respondit : « Monseigneur le mareschal, je suis Jehan de Saintré, venu au jour et heure que le très excellent prince, le roy cy présent, comme vray juge competant de monseigneur mon frère, messire Enguerrant de Servillon, et de moy, nous a ordonné pour à pié parfaire les armes de mon emprise, ainsi que mes lectres le contiennent. » Alors, ouyes ces parolles, le mareschal va au roy faire son raport ; lors le
l82 LE PETIT JEHAX DE SAINTRÉ
roy commanda luy faire ouvrir la porte des lices, pour soy retraire en son pavillon. Et quant les portes furent ouvertes, Saintré desmarcha pour entrer dedans ; et de sa banneroUe fist ung très grant signe de la croix, puis la baissa, et en son pavillon entra. Et messire Enguerrant, pour abregier, en ceste propre façon entra; mais quant tous deux furent en leurs pavillons, ne tarda gueres que le mareschal, accompaigné des quatre gardes, l'ung après l'autre, vint ; et premier à Saintré commença ; et, armé de toutes ses armes, après luy ses ordonnés conseillers, le mena et présenta au roy, qui en son hourt estoit. Dont en allant, passa devant le hourt où la royne et les aultres dames estoient, lors faisant sa révérence, Saintré sur son genouil s'enclina ; lors veissez dames à joinctes mains prier Dieu qu'il le gardast de meschief. Et devant le roy s'en va, auquel serablablement fist révérence à genoulx ; et illecques tant fut que incontinent vint messire Enguerrant. Lors Saintré envers luy fort s'enclina, ce qui n'estoit point de coustume, puis luy dist : « Monseigneur mon frère, sans préjudice de nully, je prie à Dieu qu'il vous doint bien et honneur. — Et à vous aussi, mon frère, » dist messire Enguerrant. Lors tous deux devant le roy se misrent à genoulx ; alors le roy commanda à son mareschal prendre les sermens
telz que en ce cas appartient. Lors le mareschal les fist jurer sur les sainctes Evangilles, que sur la foy qu'ilz tenoient de Dieu, sur leurs vies et sur leurs honneurs, ilz ne portoient, ne savoient porter chose sur eulx, ne entendoient porter, comme briefves parolles, charmes, herbes , conjuracions, ne aultres diabolicques opérations de mal engin ; pour quoy l'ung contre l'autre ne puissent offendre ne deffendre, et sans nulles haynes, ne envyes, ou mal tallent, fort seulement pour acquérir honneur et bonne renommée, et les très désirées grâces de leurs dames Lesquelz sermens faicts, chascun se leva, puis va en son pavillon ; mais au lever que Saintré fist, sur son desmarcher, il se tourna, et au roi de rechief fist sa révérence, et semblablement à la royne et aux dames, comme il avoit jà fait. Et lors se retrahit en son pavillon, et aussi messire Enguerrant, pour leurs bassinetz faire cramponner.
