DE LA MARCHE DU DUCHIÉ ET CONTÉ DE BOURGOIGNE

Le conte de Bourgoigne, qui, pour servir le roy, s'offrit à aller soubz sa bannière, combien qu'il ne fust point son subject, qui portoit d'azur à ung lyon d'or, et cryoit : Chastillon. Le conte d'Ausserre, qui portoit de gueulles à la bande d'or, et cryoit : Ausserre. Le seigneur de Montagu, d'azur au lyon d'argent, et cryoit : Montagu. Le seigneur de Vergy, de gueulles à trois quintes feuilles d'or, et cryoit : Verg}'. Le seigneur de Saint George, de gueulles à une croix d'or. Le seigneur de Chargny, de gueulles à trois escussons d'argent, et cryoit : Chargny. Le seigneur de Chassennay, de gueulles à la faisse d'or. Le seigneur d'Auchigny, de sable à deux braz endossez d'or, à croisectes recroisectées de mesmes, et cryoit : Auchigny. Et mains aultres chevaliers et escuyers desdits pais de Bourgongne.

CEULX DE BARROYS ET DE LORRAINE QUI, POUR HONKORER LA BANNIERE DU ROY, s'y FIRENT MECTRE.

Le seigneur du Pont à Mousson, qui portoit de Bar à trois lambeaulx d'argent, et cryoit : Le Pont. Le seigneur de Pierrefort, /de Bar bordé de gueulles, et cryoit : Pierrefort. Le seigneur de Duni, qui portoit d'or à la bordure d'erraines, et cryoit : Duni. Messire Jeffroy de Vaudemons, qui portoit burellé d'argent et de sable, et cryoit : Vaudemons. Le seigneur de Beffromont, voiré d'or et de gueulles et cryoit : BefFromont. Le seigneur d'Apremont, de gueulles à la croix d'argent, et cryoit : Apremont. Le seigneur de Tolon, qui portoit de Vaudemons au baston de gueulles. Le seigneur de Ruppes, qui portoit de Befiromont au baston d'azur. Le seigneur des Armoyses, qui portoit geronné de douze pièces d'or et d'azur. Le seigneur de Ludres, bandé de six pièces d'or et d'azur. Et mains aultres chevaliers et escuyers et gentilz hommes.