DE URINE ROUGE
l est à noter que urine rouge le plus souvent signifie chaleur ou maladie chaulde : car de matière rouge colérique provientse elle est livide, mais sinon elle signifie matière angsuine, laquelle vient en matière froide. Et ce pour plusieurs causes.
Premièrement pour raison de forte douleur, de raison de laquelle est aguiser la couleur rouge et enflamber, parquoy s'ensuyt urine en grant rougeur, comme en colique froide. Il est prins de Avicenne au sixiesme du tiers, chapitre propre. Parquoy se ensuyt correlairement que urine rouge la douleur estant avant que la grant douleur précède ne juge point nécessairement de la saignée contre plusieurs qui incontinent qu'ils voyent urine rouge grosse jugent de la saignée.
Secondement opilation estant de matière fleumatique monte entre la boiste du fiel et les intestins : car la colère qui souloit venir aux intestins regorge aux reins pour la matière fleumatique et par ainsi est l'urine taincte et coulourée de couleur rouge comme en ictéricie advient. Ce est prins de Avicenne en la sixiesme du tiers au chapitre propre.
Tiercement vient urine rouge par maladie de foye et froideur: car la vertu du foye séquestrative est débilitée parquoy il ne se pourra faire séquestration deue de laquosité et du sang, par la permixtion desquels l'urine est troublée et coulourée rouge comme en ydropisie en laquelle l'urine est semblable à lavement de chairs.
Quartement vient l'urine rouge pour la constriction faicte de fleume opilant parquoy se pourrist la plus grant partie du fleume, et ainsi pourrie est réduicte à couleur estrange, et par ainsi à taincture.
Correlaire. — Jugement de saignée ne se doit point faire en ydropisie : car l'urine est faicte taincte, car ce fait, le foye est moult altéré et débilité. En oultre est vérifié ; car urine rouge peult apparoir en maladie froide. — Item est à noter que des urines oléagineuses l'une est toute oléagineuse et aucune en bas seulement. La première est pire des autres, comme il appert en éthique confermée. De ces choses sont cueillies aucunes reigles.
La première reigle. — Urine rouge est meilleur en fièvres agues que aqueuse, et plus saine : car elle signifie privation de la vertu contre la matière, la première non. Ce est confermé par l'auctorité de Avicenne en la seconde du premier au chapitre des couleurs.
Correlaire. — De tant quelle sera plus grande rouge, de tant est plus salutaire. Il appert par l'intention d'icelluy.
La seconde reigle. — Urine persévérant rouge en maladie des reins signifie apostume chaulde. Il appert : car quant elle persévère, elle signifie mauvaise disposition confermée au lieu et dérivation mélencolique de matières au lieu en la seconde du premier chapitre des couleurs.
La troisiesme reigle. — Urine rouge persévérant en maladie ague qui ne fait aucune résidence signifie perdition du malade ou l'apostume dessus dicte. Le second appert: car par ce on argue la maladie moult forte et la vertu faible. Ce appert au lieu préallégué.
La quatriesme reigle. — Urine rouge estant douleur du chief, signifie désipience. Il appert par l'auctorité et raisons dessus dictes.
La cinquiesme reigle. — Urine rouge, grosse et trouble signifie apostume au foye ou débilité d'icelluy. Il appert par la suffisante division des causes de troublement en l'urine.
La sixiesme reigle. — Urine oléagineuse en plusieurs manières signifie nature cretiquer par les voyes de l'urine et l'évacuation des matières, et par ce s'ensuyt repos du malade : mais s'il ne s'ensuyt c'est signe de mort comme veult Avicenne en la seconde du premier.
La septiesme reigle. — Urine oléagineuse petite et puante signifie mort. Il appert : car moyennant la puanteur elle signifie ébulition et corruption d'humeurs et moyennant la oléaginosité la dissolution des parties, desquelles choses s'ensuyt mort. Ce est confermé par Avicenne au lieu préallégué.
La huitiesme reigle. — Urine oléagineuse en maladies agues apparant par tout au quatriesme jour signifie que le malade mourra au septiesme. Il appert : car elle signifie le crisis au septiesme et non pas à bien ; car la vertu est foible et la maladie forte. Doncques.
La neufviesme reigle. — Urine oléagineuse en laquelle est aucune chose semblable à laveure de chair fresche est très mauvais signe. Il appert : car elle signifie dernière débilité de la vertu naturelle laquelle ensuyt, telle urine apparant en colique et ydropisie signifie mort prochaine comme veult Avicenne au quatriesme et sixiesme du tiers au chapitre propre.
La dixiesme reigle. — Urine légièrement oléagineuse quant à la partie superficiale signifie partie des reins. Il appert par Avicenne en la seconde du premier des signes prins de l'urine.
près que nous avons expédié des couleurs principales par les quelles le raédicin peult especialement prénostiquer, esquelles les autres sont vir tualement encloses, il s'ensuyt du second, cest assavoir des choses contenues qui sont en nombre près de dix-sept, duquel le premier est du cercle, le second de l'escume, le tiers du ang, le quart des arénules, lecinquiesme du sperme, le sixiesme, de l'ampoule, le septiesme des petis grains, le huitiesme de la nuée le neufviesme des poils, le dixiesme des squames, le onziesme des furfures, le douziesme des athomes, le treiziesme des résolutions cendreuses, le quatorziesme de sanie, le quiuziesme de sedimen, le seiziesme d'humeur crue en l'urine, le dix-septiesme des cautelles en l'urine.
