Chapitre V

L'histoire dit en cette partie qae le puissant Roy Rodilardus commanda venir les plus anciens Rats qui estoient de son estroit conseil^ pour délibérer qu'il estoit de faire sur la mort de son filz, récente et cruelle. Mais icy, je vous veux descrire les riches Palais et habitation des Rats. Au profond de la forest, avoit un lieu fort dévoiable et secret, où estoit une grande souche de chastaigner, laquelle estoit creuse, ou de nature ou de longue viellesse. Dedans icelle souche estoit Fample mansion et demeurance des rats , aussi les riches sièges des ratssouris fort antiques. Les portiques et sièges seurs sont de grand défense. Là édifié estoit par grand maistrise, le palais du grand Roy Rodilardus et de ses gens; lesquels s'est oient logez en ce lieu^ pour la crainte quMls avoient des serpens, et autres violentes bestes et nuisibles. La place qui estoit devant ce beau et riche donjon des rats, estoit belle et ample^ décorée d'un très-haut et ramu tilleul^rond comme une pomme, sous Fombre duquel eussent peu à leur aise cent hommes. Sous l'arbre estoit l'herbe

verde, espesse et drae, entre laquelle naissoient herbes de diyerses couleurs pour une fontaine, qui de ses douces liqueurs arrosoit et tenoit en trempée moiteur la terre, et defendoit les dites fleurs des embrasemens du soleil. En ce lieu jadis repairoient les neuf Muses, pour la beauté du lieu, qui estoit environné et clos tout autour d'une forte haye, et sièges à Penviron faits de glèbes yerdes eslevées dessus la terre environ pied et demy, ausquels elles se souloient asseoir. Mais depuis qu'elles se furent retirées au ciel, y estoit venu habiter Rodilardus et son peuple, qui trouvèrent le lieu vague et abandonné. Donques, après que les martiaux Rats furent tous venus, et qu'ils eurent entendus la mort de Musoleardus, le filz de leur Roy, dieux 1 qu'ils devindrent marris et esperdus. Mais qui en fut dolent et courroucé, c'estoit Rodilardus, auquel la chose touchoit le plus près^ si qu'à peu s'en faillit qu'il ne s'occist de douleur et marrisson. Ses grands conseillers avoient assez affidre à le consoler^ mais ils ne perdoient que leurs peines; car quand il luy venoit en mémoire la mort de son cher filz, si indigné il ne sepouvoit appaiser ! Hal dit-il, mes seigneurs, vous avez atgourd'huy perdu celuy qui vous devoit gouverner après ma mort, et moy, le désiré baston de ma vieillesse. Et alors Rodilardus leur va de point en point déclarer comment Croacus,Roy des Grenoilles, avoit mis à mort sans raison son cher fils Musoleardus. Chacun des Rats commença à trembler d'ire et courroux en gémissant, non sans menacer venger aigrement la honte faite à leur Boy. Rodilardus tout tressuaut de maltalent et cour-