LIVRE III, CHAPITRE VIll

reux si tu en eschappes la peau saine.Xesdites letres furent par lesdits ambassadeurs présentées à Rodilardus, qui s'estoit retiré en sa tente pour la chaleur du soleil^ qui estoit mont chaut; mais estrangement fut indigné après quMl les eust leues Jurant qu'il fairoit pendre ou brusler Croacus. Parquoy, feit appeler son secrétaire et rescrivit en telle manière : Receues avons tes letres, Roy Croacus, de la teneur desquelles fort nous esmerveillons; car par icelles nous menaces, si à toy ne faisons paix. Nous t'avertissons qu'à nous paix n'aurez, jusques à ce que la mort de nostre tres-aimé filz sera vengée à nostre vouloir sur toy et ton peuple ; parquoy délibère, si tu aimes la salvation de ton peuple, te venir rendre en noz prisons pour recevoir telle punition que par nous et nostre conseil sera ordonnée. Les ambassadeurs Croaciens, avoir prins congé de Rodilardus, s'en retournèrent vers leur Roy, auquel ils rapportèrent de mot à mot ce qu'ils avoient besongné avecques les ennemis. Alors Croacus, toute espérance ostée d'avoir paix, commanda à ses gens soy mettre en ordre, puisque autrement ne poavoientescbapper qu'à la pointe de l'espée. Mourir nous convient, ditil, ou défendre vigoureusement. Les Grenoilles, considérant qu'il n'y avoit remède, s'en vont apprester pour elles défendre et garder leur liberté jusques à la mort. Les unes vestent leurs haubergeons, et mettent leurs heaumes en teste, en vibrant leurs lances et glaives; les autres eurent la charge d'édifier grandes navires, lesquelles furent faites de joncs liez ensemble, sur qnoy montèrent les Croaciens de grand courage.

Comment le grand dieu Jupiter feit sortir les furieux Cancres au secours des Croaciens.